幸屋

營業中

休息中

星期六晚同女朋友出屋，晚上OpenRice 左呢間食拉麵日本野既鋪頭，好似唔錯就決定過黎試下~去到出邊望都幾有日本風味感覺，店小小，但味道十足。入去望落星期六既夜晚唔算多人，但人手應該好唔夠，我地坐左落去等左好耐先至有menu個d，見到一個人忙到所有野一腳踢。咁唔緊要喇，等左陣我地等到佢得閒過黎落單，都幾有禮貌，我地叫左2個拉麵同一d小食拉麵佢可以自由選擇麵既硬度、配料既份量、湯既濃度，適合唔同口味既人自由選擇，金武士味道不過不失，豬骨味濃，而我叫左個胡麻王，可能太濃味我唔太食得習慣另外點左唔少小食，當中帶子燒燒得岩岩好又夠汁，芝士年糕夠熱入面d芝士拉到絲haha，但雞皮就燒得比較乾總括黎講幾扺食，選擇多！

是日筆者要上workshop, 放學後已是八時多, 尖子想吃拉麵, 隨意地來到幸屋. 週五晚上八時半, 店內大概八成滿, 頗旺場. 店內氣氛不錯, 暗暗的燈光, 和式的裝飾, 坐得也算舒適. 看看menu, 除了拉麵外, 原來也有丼飯和其他小食, 點選了金武士(HK$78), 鰻魚丼(HK$88), 芝麻手羽(HK$36). 這家的拉麵跟其他的日式拉麵店一樣, 可以自選喜愛的配搭. 不消一會, 侍應送上金武士拉麵, wow, 材料挺豐富, 有兩大片叉燒, 還有一隻流心蛋. 麵條硬度要求硬, 試一口拉麵, 口感果然夠硬, 又帶點咬口, 讚! 湯底是豬骨湯底, 濃度剛剛好, 不會過膩, 流心蛋有流心效果. 鰻魚丼, 賣相非常吸引, 鰻魚很肥美似的. 試一口鰻魚, 鰻魚燒得口感不錯, 軟硬度適中, 醬汁濃郁, 配上珍珠米, 不消一會已經完成. 芝麻手羽, 外層炸得挺香脆, 沒有過油的情況, 內裏的肉也算嫩. 吃飽飽, 是時候遊花園.

HAPPY FRIDAY! 等左五日, 終於WEEKEND啦, 就同朋友食去拉麵再去利東街影月亮!幸屋樓底好高, 等左一陣就有得入叫左個黑武士, 即黑蒜油湯, 仲點埋豬頸肉串燒小食豬頸肉串燒豬頸肉鮮嫩爽口，香脆帶些許嚼勁,喝一口湯，嘴中縈繞著蒜香和豚骨湯底鮮味，濃香不膩，非常容易入口，鹹度也頗符合我既口味，肉有叉燒同豚角煮, 肥瘦各半，叉燒切片切得比一般稍厚，感覺非常超值抵食哦! 較瘦的叉燒軟嫩不柴，微帶醬香, 且肥叉燒稍微炙燒，入口肥而不膩，吃來讓人滿意, 增加焦香氣味，降低膩感可吃到Q且不硬的麵條，，而麵條Q度夠，吃來夠勁

由於工作地點改了，我大半年冇返來灣仔了。昨日帶同朋友去食我以前很喜歡的日本拉麵店「幸亭」，但可能由於我太攰，條街又太黑，我找不到。之後行咗去隔離街，見到呢間叫「幸屋」的拉麵店，朋友説：「是否搬咗過嚟呀？」因為大家太肚餓了，未看真就入咗去。入到去，我問侍應：「你哋係咪由隔離街的走廊舖仔搬過來㗎？」她說「係呀，以前在聯發街。」我聽到後，好開心噉揀嘢食物。但看到枱上自選拉麵的紙，牆上食品的介紹，覺得改變了很多，我立即問店員：「你地以前個餐有拉麵，有一口炸雞同一支啤酒果個餐冇咗嘅呢？」她答我：「而家要分開叫呀。」我再問：「你哋而家冇咗啤酒嘅？冇咗個酒牌咩？」她答我：「申請緊。」我越諗越覺唔對路，但既然大家坐底咗，就四個人叫了四碗麵醫肚。第一碗五分鐘內就到，但其餘三碗就等咗十五分鐘都未有，隔離情侶遲過我地落單，也有得快過我地食，所以吹單。來到的第一碗本來叫粗麵的，但在没有比較之下，又怕麵浸得太林，所以食先。食了第一啖，我就肯定自己中了招，麵質差，糖心蛋做得好求奇，個湯就直頭係行貨嘢溝出來果d嘢，好失望呢。其餘三碗也唔好得過第一碗好多，仲要清一式全部俾錯幼麵，張電腦單明明打我哋兩碗粗兩碗幼麵的，但

Lunch time 要到灣仔辦點事，天氣太熱，走入巷仔街避下猛烈陽光，竟然比我見到間日本拉麵店有位喎趁唔使等即入去試試一人最方便，被安排在面壁bar位湯底有五六款檯上已放著點選紙，隨個人喜好點選嘻嘻，青蔥和椰菜也可以揀多、正常或少，啱晒我這碗是芝麻湯主要係灑了黑芝麻碎在最面層湯底夠厚身夠香濃，鹹淡度適中一整顆的，但明顯去殼得不太靚仔「一岩一忽」糖心蛋時間處理得剛好 尾段再加入辣大豆芽 實屬少見，平常多見使用芽菜

最近利東街果邊有個巨大月亮，諗住去睇下啦。果日好想食拉麵，咁就係附近搵到e間拉麵店。一入去，店員好熱情招待我地，服務黎講算係唔錯。但拉麵質素唔算太好，有d失望。1. 胡麻王並非想像咁好食，佢既湯底唔多夾，唔算好食，令人幾失望。2. 玄武王E個沾麵算係中規中矩，醬汁都算ok。但個麵底唔係用太麵（粗麵），唔係吸收到好多醬汁。鐘情於日本食物既我，覺得幸屋幾令人失望，唔會推介，希望日後可以做得更好，提升質素。

info day辛苦咗成日, 終於可以食餐好慰勞自己~喺openrice見到呢間拉麵店。幸屋開喺一條開滿生果檔嘅小巷, 入夜後人跡罕至。昏暗街道中見到掛住油紙燈籠嘅幸屋, 反而比開喺大街嘅連鎖麵店更有風味。趕去灣仔嘅我早已大汗淋漓, 幸屋嘅冷沾麵正合我意~多數拉麵店專攻湯底/叉燒, 款式變化少。而幸屋單是湯底就有胡麻、黑蒜油、辛辣等選擇, 當中又有濃淡之分;拉麵分粗幼兩種, 可選軟硬度;甚至肉都有三款選擇。價錢同其他店相若, 但款式多樣且自主度高, 相信返食幾次都仲有新鮮感~揀咗御屋MIX(肉)，因為唔明係咩。原來係烤豬肉，醃料味道似豬肉乾。肉之間夾住薄薄肥肉，唔錯。仲有好多飛魚子。冷麵配料特別豐富，將肉粒、木耳、魚子拌勻，食到最後都一樣咁多餸。味玉望落唔太上色，但竟然蛋白蛋黃都勁濃醬油味!叫咗少油多葱，沾上黑蒜油嘅麵呈灰黑色。葱味好濃，食完之後成口殘留住葱香~沾麵醬汁除咗醬油味仲帶酸味，並加入薑末。醬汁開胃，食完有涼透心嘅感覺~拉麵X居酒屋店內仲有唔少燒物選擇。食完飯去利東街睇巨月~滿足~

中秋佳節又食傳統月餅又食冰皮， 本身已經夠「脂」潤， 次次都話食埋啲餐就減肥， 但鍾意食好西係人性， 又幾可真係忍到口... 今次來到灣仔， 行過見到充滿日本風嘅一間拉麵屋， 終於衝咗入去試！平時喺外麵食拉麵豚肉湯底就食得多， 但馬湯底就真係未試過，見咁特別就嗌咗一碗胡麻王。 碗麵一上枱就知道唔係浪得虛名， 奶白色的拉麵湯底上佈滿一層厚厚的黑芝麻和蔥花碎！ 香味撲鼻而來！呢度嘅溏心蛋值得一讚👍 外表沒有醬油嘅濃黑， 但一咬落去就知道醬油有幾入味！ 餐廳選用嘅蛋也十分高質， 食得出有日本蛋嘅香滑， 大啖咬落去蛋漿湧出嚟！豚肉片也不錯， 沒有過分醃製， 保留豚肉的鮮肉味。拉麵彈牙滑嘟嘟， 今次落單時叫咗濃湯， 所以湯底質地不算太稠， 掛湯力一般， 想過湯底稠身啲記住叫特濃！ 滋味雙倍！幸屋的串燒也不錯， 幾欣賞佢細心地加咗木魚絲落秋葵度， 這個意想不到的配搭才有新鮮感， 增添了不少日式傳統味道😋餐廳有啲位置對住冷氣出風位，會比較大風， 怕凍的朋友記住帶多件外套， 仲有拉麵趁熱快啲食，如果唔係吹凍曬浪費哂美食㗎喇~😆

金武士原味豬骨湯拉麵點餐紙上還可選擇添加濃香油;叉燒類型有片狀叉燒、豚角煮或混合兩款豬骨湯底不太濃郁，加了濃香油可補回一點分數;拉麵不俗，軟硬適中分數：3.5/5

灣仔、銅鑼灣一向不乏美食名店，今次介紹的是位處灣仔，名不經傳，非奢華路線的日式溫馨家庭式拉麵店「幸屋」在略舊的街道上，亮著紅光的紙燈籠，店外裝潢樸實之餘帶點老舊氣息，予人日本街角窄巷小店之感。有季節性的串燒，價錢相宜親民，店內不少日本海報，令人猶如置身日本。拉麵口味不少，但都以豬骨湯為基底。首先介紹的是「金武士」，原味豚骨湯湯底呈奶白色，有濃濃厚稠的豚骨風味，湯底鮮有地不咸，沒有一般拉麵店咸味強勢的濃烈感，但湯的底蘊還是很奶厚，非常合我的口味。選了白麵，麵質較粗，口感很好，加上蔥和菜，爽口中和了豚骨湯的濃密膩感。黑武士就是黑蒜油風味，淡淡的黑蒜油，慢慢滲溢出蒜香，沒有廉價黑蒜油的搶攻感覺，恰到好處。碎肉醬、厚豚角煮、薄叉燒呈現不同面向的口感，變化甚豐，一碗滿足多重願望。醃芽菜任加，微辣，非常開胃，吃了又吃。燒牛舌厚薄適中，外表微焦，加上黑椒，香味非常出眾。內裡沒有過熟，保留了肉汁與柔軟，很好吃呢。這就是日式煎餃應有的樣子。整體價錢合理，店家親切有禮，尤其沒有穿制服的「姨姨」，時常面帶微笑，很好的用餐體驗，值得一讚。

耐吾耐食一次拉麵都吾錯😚 店子樓底好高，增加空間感👍🏼 裝潢有日本地道既感覺。我同朋友揀左赤武士(地獄湯底)$78同黑武士(黑蒜湯底)$78，價錢算平😳 又大碗又多配菜，好抵食呀！赤武士選了少辣，辣度已經好足夠，拉麵夠軟、入味👍🏼 叉燒可選：叉燒/豚角煮/mix，我地都揀左叉燒，好香！肉質算腍，幾好食😋 同埋個流心蛋整得幾好，有流心，又吾會太咸。不過黑蒜湯底賣相就較吸引，但實際味道吾夠濃郁🙈 湯底可能要揀特濃先得。加$5 就有沙律及飲品，都加得過👌另外仲叫左兩個小食自家製餃子$30，有四隻，味道調得好好！煎完入面都吾會乾，有汁😋👍🏼蒜香墨魚咀$36，好多炸蒜呀，而且特別幼細，墨魚咀好彈牙，加上椒鹽調味，愈食愈滋味😁

今日約左朋友去灣仔買衫，行到咁上下有點肚餓又唔想食得咁heavy就諗下邊到有得食拉麵啦。作為九龍人，當然唔太清楚灣仔邊到有美味拉麵食。佢帶我來幸屋，話之前食過一次唔錯我地七點鐘黎到唔算多人有丼有拉麵，睇完餐牌我決定要黑武士朋友就要金武士。其實係黑蒜油湯，湯底唔會好鹹，食完都唔覺口渴，拉麵硬度適中，好合我心意。無論麵或者餸嘅份量都唔少，足料!豚角煮有厚度，味道仲唔錯添👍🏻值得一讚嘅係溫泉蛋，色澤金黃，仲好流心添！其實係豬骨湯，湯底朋友要求加強濃度，佢表示濃度啱啱好，如果冇加強可能就偏淡。朋友表示叉燒唔錯。我哋重點左兩串串燒，牛肩肉燒得好靚，食落好juicy！超讚鰻魚串燒就不過不失啦對上一次飲波子汽水已經係十幾年前啦，都忍唔住要返支來飲食飽飽兩個人食咗＄237，OK喎，唔貴！總結: 雖然地方細細，總算坐得舒服。回頭率100%，下次會想試下佢嘅鰻魚飯。

放工約左朋友去灣仔飲野、還未到時侯就到附近吃點東西。沿著莊士敦道附近、穿梭於兩旁的鐵皮屋攤檔、走進旁邊的幸屋拉麵店。一邊是梳化椅、另一邊是吧檯、拉麵店來說是很闊落。點了推介的原味豚骨湯拉麵- 金武士$78。可按個人喜好選擇麵條粗幼、軟硬度、配料、肉、醬汁。幼麵細滑、肉選了御角mix (义燒加豚角煮）、义燒幾嫩、但豚角煮唔夠稔。正常濃度的湯底味道剛好、好有豬骨味。另外較特別是加了少許黑蒜油、令整個湯底更重蒜香味。蟹籽沙律$38 有好多蟹籽、青瓜。如果沙律醬少一點會比較健康。

放工已經是九點後，真是想好好慰勞一下自己。晚上的灣仔比較靜，尤其行到小巷之處。小小拉麵店，未試過，甫入店內，店員已經笑容滿面，是為辛勞了一天的我們打打氣吧！我試了胡麻王，更選了特硬口感。拉麵來了，黑芝麻湯底，感覺幾特別！最驚喜是拉麵的軟硬度～是真的特硬啊！香港有些知名的拉麵店是不讓客人選軟硬度，說什麼師傅已經配搭好最好的口感呈現給顧客，好像師傅才是最懂吃最有資格那樣，客人全都是味道白痴，應該任由師傅決定；說白一點，要麼就是想省卻廚房的程序，要麼就是瞧不起客人的自我口味。有些拉麵店讓客人自選軟硬度，那所謂的「硬」，只不過是我在日本吃的「正常」，有些甚至沒有分別。這裡的特硬真是特硬，我就是喜歡那爽口的感覺，即使浸在湯裡良久也不會軟滋滋的失去口感。吃飽飽後又充滿活力了！

Weekend既灣仔夜晚真係好熱鬧，行街同人逼完真係累到不得了~所以最後就簡左呢間位於安靜街角既日本料理店，不過估唔到入到去都差唔多滿曬坐~😮鰻魚飯，係成條既鰻魚呀~塗過醬汁既外層烤得微焦，內裏既魚肉依然香嫩多汁，充滿魚油既脂肪香，都只係盛惠88蚊乍!胡麻王拉麵，份量適中，豬骨湯底加上磨碎既黑芝麻後非常濃郁，叉燒食落好淋，肥瘦適中，入口即化，最重要係隻溏心蛋超正~鹽燒牛舌+燒元貝，水準亦相當高~