幸屋

營業中

休息中

今次去左幸屋度食既晚餐，有一個想食日本野既心。拉麵點左赤武士，辣度選了3辣已經非常足夠，幼麵很軟滑，濃湯加上濃香油御屋叉燒-即是烤豬肉，非常可囗，肥瘦均勻，好吃，另外亦有流心蛋，色澤均匀不太咸，很流心，整體配合得很好。跟住仲點左蒲燒鰻魚丼，係用原條鰻魚製作，份量很足，燒汁結合鰻魚，非常juicy，鰻魚底下有蛋絲，更香囗及更富口感。另外每張枱的調味架上都有不少調味料及配菜，較為特色的有醃芽菜，酸酸辣辣，非常開胃，可加入麵或飯中，還可叫店員再添。以及拉麵胡椒，別的店家很少見。小食點左一口炸雞，熱辣辣，香脆可口。以及牛肩肉串。本想點墨魚咀，可惜店員話售罄，唯有下次再試。

日本野我最鏡意就係食拉麵無論係叉燒既質素, 麵既口感, 湯底既味道都係每一PART都不能有錯要互相配合 今次我叫左既係叫金武士既一款拉麵麵既配料除左有叉燒之外, 仲有唐心蛋 先說D叉燒, 大大塊的口感一流, 入口即溶, 吸收哂湯底既味道之餘, 肥瘦得宜, 唔會太肥膩 另外有串燒茄子串燒廚師好細心的將佢切片再拎去燒, 燒出黎又冇燶既, 甜甜的帶少少香脆, 幾好味的! 鹽燒雞皮燒雞皮唔係度度都有得食, 特別係日式既燒法同港式既好唔同, 日式既係會淋滑多汁一點, 而且只用鹽已經夠哂吊味吸引!! 呢個製法都幾傳統, 食得出燒烤既味道

幸屋呢期真係出哂名, 出面條隊越排越長好彩我係附近返工, 早左少少去唔洗點排就入到去食呢度既環境真係好令人有身處日本既感覺 我叫左既係蒲燒鰻魚丼超大條鰻魚係個飯上面, 完全遮蓋住左D飯就知個SIZE有幾大一上到枱就已經聞到好香既鰻魚味道勁JUICY勁厚肉重點係佢腥味不太重完全沉醉左係鰻魚既醬油味同口感入面 D飯好明顯係用日本米! 口感一流, 不得不讚既就係佢地既材料同埋廚師既功架都係好高既水平 另外加左個燒多春魚, 口感唔錯, 估唔到呢到既燒物都係即燒既, 等既時間雖然有點長, 但係就食落卜卜脆, 好有燒烤既風味

今日行過灣仔有幸搵到一間有美食的屋，幸屋，專做日式拉麵、幾款丼、串燒等。行入鋪內，服務員幾熱情招待，好似自己生意咁，好落力介紹二人套餐，二百幾蚊，其實都化算嘅如果食得到咁多，不過我哋今晚打算輕食。呢度啲拉麵其實做得真係幾好，湯底與麵都有水準，我哋揀咗今日限定的神秘拉麵，薯片咖喱，咖喱濃郁夠，香有兩塊薯片喺面即時食咗肥夠晒趣，呢度嘅叉燒有豚角煮及五花腩，識揀梗係揀鴛鴦啦，兩樣都試哂。仲叫咗個黑豚肉飯，話明係日本豚，燒得真係好好喎，有焦香及濃郁醬油香。串燒都有心機，鹽燒牛舌，咬落有口感有汁，雞骨腸水準如預期。這間本地小店值得支持，平均＄78碗麵或飯，冇加一，親民價。

📢骨膠原~骨膠原💀➖➖➖➖➖➖➖➖➖➖➖➖➖➖➖➖➖➖呢到嘅豬骨湯係經過十幾個鐘熬製而成🐷有豐富骨膠原，仲係冇味精咖添😆鋪頭座位唔算多，不過樓底就好高，比人感覺都幾舒服😚一坐底店員會問你飲茶定水，如果係茶嘅就會有茶包比你🍵#原味豬骨湯拉麵 ($78)😋好味指數：(7/10)湯嘅濃度揀咗濃🤔呢個豬骨湯係奶白色，豬骨味不過不失，飲落去帶點甜味🤔不過建議中意濃味嘅朋友仔可以選擇特濃🤤叉燒偏瘦🤔糖心蛋亦有流心嘅效果😚#黑蒜油湯拉麵 ($78)😋好味指數：(7.5/10)湯嘅濃度同濃香油都揀左正常🤔所以味道都係一般唔會太重味🤔由於湯底冇加味精，咁湯加麵一齊食就基本野啦😍飲落去湯底都幾香，另外加左骨膠原既關於 所以會有啲漿漿地😆叉燒就得兩塊，對於食肉獸既朋友仔就可能有啲唔夠喉😫不過食哂成碗拉麵都幾飽肚架🤓👍🏼.#巨峰提子汁 ($25)😋好味指數：(7/10)有啲好似蘆薈嘅粒粒係入面，偏甜😣.⭐溫馨小提示📌有啲經過醃製嘅大豆芽放係枱到，可以自己拎嚟食咖😙

放工去利東街「賞月」，朋友就介紹一間拉麵小店吃晚飯。拉麵有七款選擇，可選不同的湯底；而丼飯則有三種選擇。我點了胡麻王拉麵，麵一放在我面前就有很香的芝麻味，豚角煮十分入味和重炭燒味！推介！而且叉燒很大塊。辣味芽菜任食，爽口開胃。 同拉麵一齊食無咁滯。燒黑豚丼：醬汁甜甜地，黑豚肉就有炭燒味，味道不錯，飯當然是用珍珠米。飲品方面，我們點了日本的蜜桃特飲同綠茶可樂。這裡供應的是枝裝日本飲品，包裝精美已加分。蜜桃特飲有點太甜。綠茶可樂甜度適中可口。這裡除了拉麵、丼、其實還有串燒等小食。飲品及甜品的價錢也超合理。

今日同朋友黎開灣仔，食飯時間但又唔熟依邊，所以就入黎試下。門口放左2個menu，可以睇下啱唔啱食先入去。一入到去，好欣賞門口掛左高低不一既燈泡，成個舖面好有格調。點餐時，因為我都幾鍾情於黑蒜油，我就選擇了黑武士，我揀左幼麵，軟硬度正常，湯濃度正常，油濃度正常，御屋叉燒，青蔥同椰菜都係正常。除左拉麵之外，我地仲叫左個蒲燒鰻魚丼，串燒(雞皮同燒墨魚咀) ，波子汽水同巨峰提子。首先上枱既緊係野飲，波子汽水係童年回憶 ，真係好正。咁我不嬲就麻麻巨峰提子，但朋友叫我飲一啖，咁我就飲下喇！ 一飲之下，大有驚喜！陣味唔單止接受到，裡面仲有粒粒架！ 大力推薦！👍🏼👍🏼👍🏼之後上枱既係鰻魚丼，鰻魚比我想像中大件 下底仲有d蛋條，每次最怕食丼就係d餸唔夠飯分，但今次係完全夠既！每啖飯都可以用一啖鰻魚同蛋去送，d鰻魚仲要係暖架！👍🏼👍🏼👍🏼之後上既係拉麵，個湯好香，不過湯底比我想像上無甘濃，所以下次去食會揀濃味。叉燒我揀左mix，好surprise 地兩舊都好林，好好味！麵底唔會太林或太硬，啱啱好，隻蛋係十分流心既，正！最後上既係串燒 雞皮燒得好脆，而墨魚咀係好有咬口。就黎食完既時候 待應fill左罐

在灣仔工作過後，想起還趕得及看月光的尾班車，在這秋意洋溢的晚上緩緩步行到囍帖街很是舒適。灣仔利東街的大月球模型展覽至月底，即使中秋過了一段時間，仍吸引了不少人前來打卡，當然也帶旺了附近餐廳的生意。利東街裡的餐廳價錢相對上較奢侈，我們走到轉角，簡單吃碗拉麵和丼飯便好。想不到在這小巷會有拉麵店，不上網找真的不會知道。雖有一般拉麵店的點麵紙，但也有三個丼飯以及不少串燒小食提供，比普通拉麵店有更多選擇。詢問過這期的拉麵限定王是咖哩湯底，店員推介不絕，倒也試試新意。另一個點了燒黑豚丼，外加兩個串燒和飲料，也很豐富。一坐下店員已介紹可以試他們自己醃的辣芽菜，帶點酸辣的開胃，很welcoming。點好菜後店員立馬端上附送的簡單沙律和飲料。飲料是一般的罐裝飲料，價錢也算合理。依個人口味點了濃湯、正常濃香油、白身硬麵、要蔥要椰菜。叉燒還可選薄片叉燒、豚角煮，或是御屋(mix)。每樣東西都可以選擇多少和濃淡，自由度非常高，每人按個人口味點出來的成品都不同。咖哩湯底的拉麵真的第一次試，賣相比想像中好。因要配合為拉麵的湯底，就算再濃也要有流質感，濃郁的水平則反映於黏稠程度。不似日式咖哩飯那種偏甜的味道，這個咖

各種顏色嘅武士代表唔同嘅湯底不過我一見到神秘嘅「❔」就好想挑戰下！一問之下原來每日限量嘅【限定王】係咖哩拉麵咖哩湯好濃厚～叉燒可以揀薄叉燒或者厚身嘅豚角煮貪心想試哂兩款可以揀 mixed 叉燒我就鍾意豚角煮多啲，因為肥厚啲滋味啲 😋温泉蛋好滑嫩 🥚揀咗正常硬度嘅白麵，軟硬適中，而且都相當掛湯每條麵都沾滿香濃咖哩，超級惹味 👍🏻另外仲叫咗【燒黑豚丼】見到係用日本豬肉已經加分先 😂丼一樣有日本温泉蛋～豚肉每塊都幾大片，充滿炭燒風味邊位燒得焦脆～拉麵同丼都有個柚子汁沙律免費嘅辣芽菜都好爽脆好好食！見隔離枱個兩人餐都唔錯呢度氣氛幾好，都有啲日本小店 feel店員好 nice～

今日同朋友又係灣仔相約見面就在行街角見到易拉架，不如去食拉麵啦~門口充滿日式風味紅色燈籠非常搶眼呢~入面有充滿日式的佈置全自己在order 紙選好便可交給店員每人都有一杯茶，是用茶包(煎茶)前菜非常豐富呢~拉麵來了~黑武士$78黑武士是黑蒜油湯,湯底夠濃味, 有濃濃的蒜香, 再加上鮮味的豚骨湯底鮮，非常合我口味，叉燒很厚切得來又非常嫩滑，且不會很肥膩，麵條軟硬度合適中。此外，配料非常多，包括木耳、紫菜、半熟蛋、椰菜等，是很有水準的拉麵~金武士$78金武士是原味豬骨湯拉麵拉麵，乳白色的豚骨濃湯，非常惹味呢，與黑武士的配料差不多，不多介紹了。牛肩肉串$25汁燒帶子燒$20牛肩肉的肉質非常稔，而帶子的汁燒很入味，值得推介的串燒~最後還有跟餐加配的飲品 +@$12

由灣仔站慢慢行就到啦。除咗拉麵之外都有其他飯同埋小食👍🏼咁拉麵就一定要試啦。我呢就揀咗胡麻王 $78，即芝麻湯底。一上枱就見到有好多黑芝麻粉起上面。啲肉都算係肥瘦均勻，湯底都幾龍濃。另外呢，仲有三款丼揀，分別係黑豚丼，燒鳥丼，同鰻魚丼。媽咪就揀咗鰻魚丼 $88 份量都算幾大，鰻魚唔算係超級出色，都算係不過不失啦 小食方面呢值得一叫嘅呢係芝士年糕。雖然芝士年糕好多地方都有，但呢度嘅芝士年糕真係幾好食，個外皮薄得黎都做到外脆內軟嘅效果，芝士味道非常濃厚。如果我再返嚟一定會再嗌芝士年糕食😂我仲叫左蒜香墨魚咀，細細粒，一粒一粒慢慢咁食都幾過癮。總共埋單＄250到，同媽咪又食主餐,又有小食有飲嘢都係每人百二蚊到，都幾抵喎😍👍🏼

夜晚七點去到 得一個客 已經心知不妙 不過見openrice咁多好評 都決定試下我叫左個赤武士 濃度揀正常 朋友就揀特濃金武士正常濃既赤武士 湯底好淡 唔知乜味 水溝辣椒油加d味精？特濃金武士就正常濃（我平時食拉麵叫慣正常）溏心蛋無味 好似溫泉蛋咁 不過蛋黃好大 蛋味夠濃 彌補返不足雖然湯底差 但麵同豚肉個d都唔錯 不過我唔會再去btw 寫落單紙個陣 我大大隻字寫左"走木耳" 不過都係無走到！！！食左咁耐拉麵 我每次都寫 第一次發生d咁既事

拉麵何須一定過江龍，近日發現灣仔一家本地薑拉麵店，水準也不錯，看得出有心去做，選材大部份來自日本，湯頭用豬骨熬上10多小時，除了拉麵外有丼及串燒供應，款式貴精不貴多，店名 "幸屋"，一間幸福的屋怎可缺個好 "煮" 角，民怎不可以食為先！ 門面如在日本的拉麵店，掛上一個大紅燈籠，寫了博多豚骨，一看便知是走北海道的濃湯豚骨風格。 作為拉麵店，面積不算少，除了面壁的吧枱外，亦設置四方桌椅，難得樓底非常高，感覺開陽。 餐桌上早已備以調味料及佐麵配菜，例如七味粉、芽菜、酸薑及辣油，最特色是拉麵胡椒，其他店子少見。 沒有自助冷水，需要職員送上熱水及茶包，喝水喝茶客人慢慢考慮，自己動手。 餐牌就貼在牆上，只有兩張紙，圖文並茂，三款丼，分別是黑豚、燒鳥及鰻魚，列明是日本豬肉、日本雞肉及原條鰻魚使用，三款皆十分吸引，最後我還是點了我最鍾情的鰻魚丼。 看圖有五款拉麵的選擇，赤武士(辛辣)丶黑武士(黑蒜油)、金武士(原味豬骨湯)及神秘的限定王(每日限量供應)，點心紙上多兩款王：胡麻王(芝麻湯)及玄武王(冷、黑蒜油)，見有手指公推介，而且芝麻是健康食品，抉擇容易。 因為我喜歡相機先食，所以麵質一般都會

星期六晚同女朋友出屋，晚上OpenRice 左呢間食拉麵日本野既鋪頭，好似唔錯就決定過黎試下~去到出邊望都幾有日本風味感覺，店小小，但味道十足。入去望落星期六既夜晚唔算多人，但人手應該好唔夠，我地坐左落去等左好耐先至有menu個d，見到一個人忙到所有野一腳踢。咁唔緊要喇，等左陣我地等到佢得閒過黎落單，都幾有禮貌，我地叫左2個拉麵同一d小食拉麵佢可以自由選擇麵既硬度、配料既份量、湯既濃度，適合唔同口味既人自由選擇，金武士味道不過不失，豬骨味濃，而我叫左個胡麻王，可能太濃味我唔太食得習慣另外點左唔少小食，當中帶子燒燒得岩岩好又夠汁，芝士年糕夠熱入面d芝士拉到絲haha，但雞皮就燒得比較乾總括黎講幾扺食，選擇多！

是日筆者要上workshop, 放學後已是八時多, 尖子想吃拉麵, 隨意地來到幸屋. 週五晚上八時半, 店內大概八成滿, 頗旺場. 店內氣氛不錯, 暗暗的燈光, 和式的裝飾, 坐得也算舒適. 看看menu, 除了拉麵外, 原來也有丼飯和其他小食, 點選了金武士(HK$78), 鰻魚丼(HK$88), 芝麻手羽(HK$36). 這家的拉麵跟其他的日式拉麵店一樣, 可以自選喜愛的配搭. 不消一會, 侍應送上金武士拉麵, wow, 材料挺豐富, 有兩大片叉燒, 還有一隻流心蛋. 麵條硬度要求硬, 試一口拉麵, 口感果然夠硬, 又帶點咬口, 讚! 湯底是豬骨湯底, 濃度剛剛好, 不會過膩, 流心蛋有流心效果. 鰻魚丼, 賣相非常吸引, 鰻魚很肥美似的. 試一口鰻魚, 鰻魚燒得口感不錯, 軟硬度適中, 醬汁濃郁, 配上珍珠米, 不消一會已經完成. 芝麻手羽, 外層炸得挺香脆, 沒有過油的情況, 內裏的肉也算嫩. 吃飽飽, 是時候遊花園.