幸屋

營業中

休息中

隐藏在机利臣街上面的一家日本拉面店，尝试过后感觉性价比还是挺高的，作为常餐的话不错。店内环境挺好，虽然不大但是比较干净，层高很好，不会像很多店层高太低给人压迫感。点了金武士拉面配果粒橙，拉面分量还可以吧，但口味真心一般般，配菜都是常见的，汤不好喝，面也感觉不入味儿。口感也是一般，总体水平在香港的拉面店里算是中等偏下的，没什么特色。不过价格实惠，还不用加一。服务态度很好，服务员都挺贴心热心有礼貌的。

呢個週末做完gym同朋友喺灣仔附近搵野食，行咗陣小街見到呢間拉麵店下午茶時間3點幾都咁多人，就決定入去試試！拉麵店面積唔算大，但周圍既佈置好簡單好舒服，1入到去就有店員招呼我地!我同朋友1人叫咗個拉麵同小食，拉麵既麵條、硬度、湯同配料都可以自己決定。等咗大約10分鐘到朋友叫既拉麵-黑武士 就煮好雖然係黑蒜湯底，但食落1d都唔油膩，岩晒我口味之後我叫既-玄武王亦都上枱拉麵配料10足，另外最正既係個湯既味道，少少鮮少少酸味搭得好開胃，將凍冰冰嘅冷麵浸落啲熱辣辣既湯，再配埋佢地既厚肉「御屋mix」真係無敵！最後上枱既係聽到廚房「炸炸」聲即叫即炸既炸雞件同埋炸多春魚！兩款小食炸到出黎都咁多汁脆口，十分滿意

我鍾意佢既係應該係拉麵湯底選擇多。由濃至淡嘅拉麵湯底都有，包括：豬骨、味噌, 辣醬等。鍾意重口味或者清淡口味快快手圈出心水湯底、麵條粗幼、配料等等, 對比起其他拉麵店，價錢依然抵食辣醬味道有不同層次，辣味會慢慢從口中擴散、滲出，層次更豐富, 濃郁得嚟又夠香醇麵條彈牙之餘，麵身更帶少許金黃色, 口感一流, 口感非常濃稠、黏嘴, 掛湯能力不俗，啖啖麵條之餘仲嚐到濃濃辣醬味道小食叫左多春魚,黃金色既脆漿, 口感外脆內軟, 正

早收工去灣仔接個b放工，好肚餓，問佢附近有咩好食，佢話呢間拉麵晏晝lunch好多人，成日想試都無機會，咁好啦，一於食呢間啦。7pm去到，傻b話未見過唔洗排隊，好開心！餐廳有面壁位同普通沙發位，我地梗係揀沙發位啦。店員招呼誠懇，悉心介紹餐廳不同的湯底和小食。聽取店員介紹，吃了冷沾麵、餃子、炸雞、胡麻拉麵。好豐富的玄武王冷沾麵！一聽個名就知勁首先汁同麵都係凍嘅，我仲特登叫了粗麵和比較硬的硬度，確保拉麵煙韌！湯汁因為係凍嘅，所以無平時一浸油係面，無咁膩，味道有dd似冷麵汁，帶酸，好惹味同開胃架！碗麵仲有好多材料：足一隻溫泉蛋，香！一大塊紫菜、一大堆黑木耳絲兩大舊豚角煮，腩肉肥肥香，令人難以忘懷！仲有一堆肉碎，總之每啖麵都好豐富！店長話仲有傳統熱的沾麵汁，下次再試！餃子煎得好靚，有薄脆脆！汁醬係自家調製，難怪特別好味，同大阪王將有得揮！面上仲有大量蔥花、木魚絲和沙律醬！口味極之豐富！炸雞都唔錯，熱辣辣，襯bb沙律醬一流，跟拉麵加$20就有，點可以唔叫！b仔食胡麻王！湯底有d擔擔麵feel，估唔到同拉麵咁夾！同沾麵一樣有一整隻溫泉蛋、紫菜、叉燒、黑木耳絲同椰菜絲，撈埋食口感極豐富！餐廳仲有好多唔

食這間的拉麵是跟朋友一齊去食的, 如果唔係佢帶我去, 我諗我都好難搵到這間位於橫巷裡面的一間小麵店, 但卻估唔到, 這不起眼的小店, 拉麵卻是非常的好食! 真是酒香不怕巷子深, 幾隱密都自然有人去搵來食!我叫的是赤天王拉麵, 紅通通的一碗拉麵來到我面前時, 個賣相真的好靚, 紅色香濃的豬骨湯, 黃黃地色的拉麵, 綠色的蔥花, 肥瘦相間的日式叉燒, 仲有綠油油的椰菜, 黑色的木耳絲及一隻溫泉蛋, 材料真是很豐富, 見到都好想食, 首先咬了一啖日式叉燒, 這拉麵裡面的叉燒是厚切的, 咬落去好有口感, 有濃郁的豬肉香, 而且肥瘦相間, 瘦嘅部位好林, 肥嘅部門食到久違了的豬油特有的甘香, 再食一啖拉麵, D拉麵彈牙, 有咬口, 我正正鍾意食這種質地的拉麵, 當然你落order時可選擇麵身軟定硬, 我選的是”硬”的麵質, 用湯匙裝住一匙赤紅濃湯, 再夾上一著拉麵, 一齊送入口, 真係好好食, 濃湯雖然是赤紅色, 但唔太辣, 適合香港人口味, 湯很濃很香, 拉麵又夾住爽口的黑木耳絲, 食到索索聲, 加上少少椰菜甜甜地, 而且個溫泉蛋又軟又香,整個拉麵碗裡的所有材料連埋濃湯都是好夾好好味!連小食

放工想簡簡單單食個晚餐，去食拉麵似乎係個唔錯的選擇。 係度揾到間正評很多的拉麵店。 我平時中午都有經過呢間幸屋，但從未試過，因為佢中午係勁多人排隊。我地夜晚7 點去到，餐廳6成滿，店員好熱情咁介紹佢地每款拉麵既特色同埋推介既小食。 我就揀左胡麻王， 即係芝麻豬骨湯底。 而女友就選擇玄武王，即係冷沾麵。 好值得一讚係餐廳提供不同叉燒選擇， 有傳統的圓型一塊拉麵叉燒，有豚角煮，最貼心係可以揀mix, 滿足我呢d有選擇困難症既人☺.另外餐桌上提供不同調咪，包括芽菜，非常貼心。 我食左2啖之後，女友覺得好似我果個好味D,就逼我同佢交换 ><iii 冷沾麵裡面材料豐富， 有豚角煮，紫菜，調左味既肉醬，木耳絲，明太子同糖心蛋。而沾面既湯同平時不一樣是涼的， 較傳統既新鮮，有少少酸辣，非常醒胃。 小食方面我地叫左個炸雞同餃子。 餃子做法特別。 是煎餃子配上日式燒汁，沙律醬及蔥。 食落去味道好似章魚小丸子。其實之前都試過附近d拉麵，幸屋相比下，比較特別， 價錢及味道亦很好。 值得再去的拉麵店。

今日去左灣仔搞證件，之前唔見左銀包要補領身分證，朝早就去排隊，搞到中午2點幾先有時間去食lunch，經過一間拉麵店就入去醫肚！我見到餐牌好多唔同拉麵選擇，一定有款岩我口味！另外仲有小食可以選擇！我叫左胡麻王！黑胡椒，胡麻味濃香口，入口咸香滋味！味道唔會辣，反而愈食愈停唔到口！湯底濃濃豬骨香味入口清甜，叉燒鬆軟入口甜甜非常軟腍入味，加上大量蔬菜和香蔥！另外加溏心蛋，入口蛋味濃而且流心度極高！我好鐘意呀！

星期五的晚上突然轉涼，食碗熱辣辣嘅麵去暖暖身子係最適合不過。呢間幸屋位於機利臣街，夜晚人流不多，但店鋪勝在燈火通明，吸引到我地嘅目光。呢個係我嘅選項，本身想叫原味豚骨湯，但想試多d層次嘅味道，最後都係叫咗黑蒜油湯。果然冇令我失望，撈咗黑蒜油之後味道更豐富，油香味再配埋特濃湯底，令人想一試再試，而且濃湯的確令我享受到黏口嘅滋味。重口味嘅朋友必點。叉燒口感彈牙，唔會有渣渣嘅感覺，色味俱佳友人叫咗個限定王，佢事前完全冇問限定王係咩，黎咗先知係鰻魚沾麵，老闆向我地介紹呢個係淮山湯底，入口竟然非常香濃，諗至比我個黑蒜油濃湯更香濃，的確一大驚喜。淮山味道唔會太搶，濃湯入面滲出淡淡淮山香味，出乎意料地配合。老闆說呢個限定王兩個月轉一次款式，今個月係鰻魚，之前亦試過龍蝦同埋蠔鰻魚爽口彈牙，醬香四逸我地冇叫到飲品，因為本身已經有茶供應，個人覺得食完濃味嘅食物後，飲茶解膩係最適合不過。我地都叫咗兩款小食：炸雞軟骨同埋炸雞炸雞軟骨蒜味香濃，亦香脆可口炸雞啖啖肉，唔會油膩，沾上醬料亦很開胃最後值得一讚嘅係服務，由老闆到員工都非常有禮貌，老闆會親自落場斟水送餐，更會親自同客人講解唔同拉麵嘅特色，我覺得呢種咁親切

這是食得出的新鮮感！😲😲晚上收工徐徐行經，成條街只看見這高掛燈籠的店。店內都好soho感覺，層半高的樓底，一邊係好多可併埋的二人枱，另一邊係bar枱，枱之間好闊😊😊一眼看懂的餐牌不多解釋。👅👅這是黑武士！濃濃的黑蒜油湯卻很容易入口，立刻飲幾啖💛 要左幼身的拉麵，做得岩岩好，下次可能會點少硬，份量好好，食完超滿足👍🏻👍🏻我自己主食其實是這個赤武士，哈哈，當然我會選辣嘅湯底啦😝😝 要少辣可以飲哂成個湯叉燒嘅肥瘦都做得啱啱好，隔咗一日仍然回味。但我最喜愛的，係隨湯附送的半熟蛋口感軟軟的，有少少甜，老闆話係鹿兒島直送嘅唔怪得啦，你食過就會知，喺香港好難得食到嘅味道！同場加映兩款小食，炸雞同埋多春魚！呢度咁歡堂， 叫杯飲品同朋友一齊食下小食傾吓計就最正喇

今晚晚餐揀左灣仔機利臣街既幸屋，見佢門面裝份咁似日式小店，就入去食啦！呢度主要係食拉麵！除左拉麵，仲有飯，有黑豚丼，燒鳥丼同埋蒲燒鰻魚丼落柯打係自己圈既，可以揀麵既類別，麵既軟硬度，湯既濃度，等等我揀左玄武王加炸雞濃湯同埋汽水$981人食好豐富，麵好食，配料好足夠，炸雞好大份好脆，話明濃湯絕不是淡某某的。

本來見佢 有咁多好平諗住唔煮飯去試下 去到又覺得裝修都算幾好 叫咗一個 特濃味黑蒜油拉麵及一個黑蒜油沾麵 一個燒池魚干 及 一個鹽燒牛舌 首先 特濃味黑蒜油拉麵湯底 淡而無味 稀到好似生滾湯， 拉麵還可， 肉就冇味!黑蒜油沾麵 其實總體來說還可以 叫做合格， 豚角比較好。再到牛舌 都幾好， 都幾香。 至於 燒池魚干， 燒燶到 有點兒苦! 其實總體來說 如果 是48蚊一個麵 我都還可以 畀佢合格， 但他這個價錢 雖然還是很平 但是真的完全不合格。 如果店主不服氣的話， 可以聯絡我叫我呢再幫襯 試多次!但以今次的體驗 而言， 簡直係垃圾!

農曆年假期間會去澳洲塔斯曼尼亞旅行，所以問朋友借咗支長鏡。我哋相約在灣仔交收，順便食個 quick lunch。見到面，又俾佢揶揄我又做大花筒花錢去旅行。唓! 趁後生，梗係要出外見識多啲㗎啦。既然佢話我嘥錢，我就屈佢請食 lunch。來到這裡，人唔多，唔使等位。望住啲廚師推介，好遺憾，無嘢啱食!最終，都係點咗【燒鰻魚飯 $93】加配【幼麵 $12】、【金武士豚角煮拉麵 $78】和【一口炸雞 $38】【燒鰻魚飯 $93】燒鰻魚都幾大條，燒得都好味嘅。飯量都足。不過呢個價錢似乎貴咗啲。【金武士豚角煮拉麵】豬骨湯夠濃味，不過唔知含鈉程度有無超標呢? 豚角唔係一般的日式叉燒，口感都唔錯。拉麵選咗正常軟硬度，所以質感是適中的，但係，覺得有鹼水味。【一口炸雞 $38】炸皮好厚。明明話係一口炸雞，但係，真係無可能一口可以食到囉，味道都係一般般。唔該兼多謝朋友，祝佢狗年身體健康、步步高陞!

間中午膳時段想吃拉麵總會到湾仔的幸屋（前身應該是幸亭），愛它多選擇，由麵的硬度、湯的濃度至配菜的多少均可隨心所選，十分窩心，加上$70多元有飲品及兩只餃子，算是個合理的價錢不過現在已漲價至$83（有飲品及沙律）雖然83元一餐晏絕對不算便宜，但筆者覺得幸屋的拉麵比起一些名牌拉麵舖又絕不遜色，况且名店可能一碗拉麵也不只這個價錢。雖然幸屋的推介是金武士（原味豚骨湯）、胡麻王（芝麻湯）及玄武王（黑蒜油沾面），但筆者卻獨愛赤武士（地獄 - 辣度3）（嗜辣的朋友一定要試）香濃的湯底、硬度適中的麵條配上兩片肥瘦適中的日式义燒及一只軟綿綿又好好味的糖沁蛋，是我每次到幸屋的不二之選

灣仔出現左一間幾好食既拉麵店, 仲要價錢唔算貴, 一個拉麵只係78元, 而配料一點都不少, 我朋友介紹得無錯!叫左個黑武士, 幼麵既硬度選左正常, 最讚既係有椰菜既加持, 令食麵時帶爽脆口感, 不錯黑蒜油，配合濃厚豬骨湯底，蒜香撲鼻，叫人一試便愛上。這股黑色滋味的人氣度，係我心目中已超越了其他口味用五花腩煮成的豚角煮入口即化, 透出醬汁甘甜香醇風味, 一啲都唔覺有油膩感糖心蛋，一口咬下半熟的蛋黃，香滑入味的口感，半流動的蛋黃，軟軟嫩嫩的, 好有滿足感!

灣仔區，美食總隱藏在巷弄之間，稍不留神即擦身而過。早聞幸屋拉麵藏身暗巷，依然人氣不減；這天帶著google地圖沿路尋找，卻差點在夜色中錯過這間小小店舖，若非隱若瞥見門外兩盞大紅燈籠，也許已經失之交臂。左一行家庭式桌椅，右一排吧台高凳，裝修傳統雅致，多人飯局、一人享受，悉隨尊便。甫就坐先奉上煎茶一杯，點餐紙一張。桌面整齊，各種調味料一應俱全。多年來吃拉麵一向偏好豚骨湯底，今天來到這間傳統日式台屋風格的店舖，不其然聯想到火影忍者裏，鳴人最愛的一樂拉麵，而談起一樂拉麵，當然少不了味噌叉燒🤣🤣於是，就決定晚餐是銀武士，即味噌湯底，配上肥美叉燒片！不到十分鐘，熱騰騰的拉麵就出現在眼前，流心蛋、厚切叉燒、香蔥、紫菜，悉數奉上。味噌湯味道讓人驚艷，沒想到同屬拉麵湯底，風味卻獨樹一幟：不像豚骨湯般鹹，香味竟濃郁數倍湯汁較一般餐後喝的味噌湯濃稠，相信是特別為拉麵而設，配上硬身的太麵，掛湯表現一流，麵條煙韌吸滿湯汁，回味不已！厚切叉燒肥瘦適中，層層分明，肉香滿溢，與味噌融為一體，風味上佳，各種配料濃淡有致，搭配完美湯底、麵條、叉燒，幸屋拉麵三大靈魂均水準出色，友人早已成為老主顧，推崇備至，果然今天一試，即