平昌

營業中

休息中

旺角兆萬中心出名多食肆，限聚令放寬前已經睇中咗一間韓國燒肉放題餐廳＜平昌＞，所以一到放寬即刻打去預約定同朋友大吃特吃！😍由於呢間燒肉放題餐廳性價比實在太高，所以超受歡迎，如果唔預約的話，我試過walkin係食唔到的🤣.叫咗第二貴嘅＜世子御膳＞set💲278，除了可以order本身「世子御膳」set，價錢仲包括埋平一級的「太君御膳」set😉.套餐包括了各款豬、牛、雞、海鮮、炸物 和 麵食，其中 護心肉、牛肋骨、香草五花腩、牛舌、雞軟骨 和 雞腎 都encore了超多次🥺.P.S. 侍應經常自動換鐵板👍🏼

限聚令放寬及夜市重開後首度出擊，當然要去我至愛的韓燒啦，要在MK食韓燒，當然要去人氣至盛的平昌，幸好我中午時已訂好位，不然就好像排在我前面的二位walk in 去就無位了。這裡依舊人頭湧湧，好不熱鬧，我和姊妹坐下選了大君御膳.單看菜牌，任飲任吃二個小時，選擇也頗多揀選了一些食物等着送來時，當然要去冰櫃看看有什麼喝的，記得以前這裡沒有酒類供應，但現在已有了，還有汽水、咖啡和韓式飲品等等……拿了韓國啤酒返回坐位，聽着韓國歌曲，見四圍韓式裝修，再看看枱上的泡菜，芽菜等令我仿如置身韓國，一解我渴望飛去韓國的感覺很快食物就到了，我剔了很多不同的肉類，有LA牛排骨、光陽調味的牛肉、牛舌、薄切五花腩，再配以特色燒烤醬料用生菜夾着來吃，非常美味我這個海鮮控這少得了海鮮？所以剔了不少的生蠔、帶子、蝦、鰻魚和魷魚來烤，全部都非常新鮮我和姊妹烤了一段時間，突然想轉轉口味飲碗靚湯，於是叫了一客海鮮湯煱，非常足料。其實渴完這碗足料的海鮮湯後已非常飽了，但看見侍應為鄰桌端上一碗熱騰騰的辛辣麵，我又忍不住叫了一碗，終於捧着個大肚腩離開

終於放寬咗晚市限聚令，所以一定要同朋友放肆咁食一餐，所以我哋就揀咗韓式放題燒肉！呢間餐廳位於兆萬中心13樓，所以非常就腳！餐廳有兩款Menu，我哋揀咗世子set，呢個set包左一啲好食啲嘅料理。第一輪我哋嗌左醬油蝦、五花腩薄切、青口、雞軟骨。份量符合兩個人食。醬油蝦好入味👍🏻五花腩薄切就適合啲心急嘅朋友仔，嚟到即刻燒，1分鐘後可以食。雞軟骨建議拆咗支竹籤黎燒會容易啲。第二輪就叫左五花腩厚切、護心肉、一口芝士、牛前胸腹肉。極度強烈建議嗌護心肉，葉得超級入味，亦都好淋，所以我哋encore左好多次🙌🏼爐邊蛋好滑，建議大家趁早食，咁啲蛋先至夠滑，如果唔係就會太老。泡菜豬肉飯，細細碗，份量啱啱好，冇壓力。

平昌係旺角兆萬中心嘅韓式燒肉放題店，燒肉等級分三個Grading，大君、世子、同埋國王！我哋Order咗世子御膳，每位 $278！餐廳非常受歡迎，幾乎座無虛席，大家記得訂位！飲品是自助拎的，除咗有常見韓式汽水果汁外，連黑啤都係任飲，一路燒肉一路飲，唔覺唔覺就啪咗半打，輕鬆回本！枱面有齊燒汁、微辣麵豉醬、麻油鹽、生菜、泡菜、爐邊蛋、醃芽菜，亦都可以問Oppa拎蒜片架，唔夠仲有得Refill添！Oppa上菜收碟快，仲會主動幫你換板，服務周到！世子御膳除咗包括所有大君御膳嘅選項，仲多咗好多高質食材，包括肉眼、T骨、牛大腸、豬皮、護心肉、帶子、醬油蝦等。當中牛大腸同埋護心肉真係要瘋狂Encore！牛大腸肥美香口，輕嚼已經滿口油香，味道突出！護心肉唔係度度食得到架，一隻成年豬得200G左右，珍貴得黎又爽滑彈牙！

一行10人與公司同事聚餐分三張枱坐，正常的食物跟一般的服務，入座時講明8:00交枱， 7:20 要求最後落單(last order)， 7:45走過來把我們三張枱的火都關掉, 然後跟我們講他們要準備清潔，我們的桌上還有二至三碟肉還沒有開始燒烤，而在燒盤上的食物還是生的，我正想跟他討論的時候他已經走開, 我只見到他的背影,完全沒有理會我們。

呢間韓式燒烤放題位於旺角，位置好方便，趁今日可以食夜晚堂食，就一於試吓呢一間韓燒啦。你會見到今日七點嚟都已經好多人，個裝修好有韓國燒肉嘅特色，個場都幾大坐得幾舒服。呢度有好多款唔同嘅嘢飲，最平嘅放題都有韓國啤酒飲，而我最鍾意飲嘅就係忌廉溝鮮奶，同埋韓國烏龍茶，兩個都可以試吓，味道唔錯。韓燒最特別嘅係佢嘅邊爐蛋，份量都幾多，個鐵板燒得好夠熱，啲肉一落去就好快熟，個抽氣扇都抽得幾好，食完個身都冇好大浸味。個Menu都叫做多嘢食，有啲就只係只供應晚餐時段，所以今次就叫咗好多，例如扇貝虎蝦同埋豬頸肉。啲燒肉都唔錯，肉味幾好，隻雞亦都yip得好夠味。個煎餅好好食，裏面有啲海鮮，泡菜同埋生菜都係任家，海鮮來講扇貝都好食，但係個魷魚就冇乜味。最後兩個人都係食咗四百零蚊，任食來講都叫幾抵食，下次可以再試下另一個放題。

原先預約咗一行九人去餐廳食飯，首先佢係冇打嚟confirm Booking，去到當日未夠鐘已經打嚟質問你「你唔係嚟㗎？！我哋今日淨係食個半鐘個喎」，咁由於我一行九人啦，當中其實已經有四至五個已經到咗㗎啦，咁因為我要攞蛋糕所以比較遲，但係係未夠鐘㗎！因為其實我知道係任食但係其實實際上係幾多時間我唔係太清楚嘅。我當下好愕然就問佢「食個半鐘即係唔夠預設時間定點樣啊？即係幾多點食到幾多點啊？我依家未夠鐘個喎，我而且應該有屋企人到咗。不過可能佢哋只係門口未入嚟。」跟住佢就話啦：「咁你係唔係嚟緊㗎？我哋冇得遲個喎，我哋今日好多Booking啊」語氣係好衰㗎！完全係冇答我問題啦！都唔係好明佢用意，而且溝佢只係不停重複食個半鐘。我就再問啦「你意思係嗌我唔好遲到係唔係呀？係咪冇得加時間甘意思啊？」跟住佢就話啦「我哋最多俾15分鐘你㗎咋，你去到邊啊？」咁我答佢「我話係去到樓下㗎喇、行行多幾步路都到啦，我應該有屋企人到咗喺附近㗎啦，或者我打俾佢哋問吓啦」咁算啦我講完呢個電話望吓個鐘都未夠鐘。其實唔係好明點解要咁樣黎質問你去到邊，呢d野正常係訂位時講定，係甘驚就可以早一日打去比客人double confirm

—😣月尾糧尾但又想食好少少🤏🏻今次去左 #平昌 食韓燒😍 上年都食過覺得幾高質 一直都想再黎😛 終於等到今日💃🏻👯‍♀️今日食最平嘅餐 #大君御膳 $218（openrice訂有九折優惠，等同於免加一）💃🏻呢個餐都幾多野食 有小食 有主食 又有湯🎊 #必點推介（主菜類）❤️大醬湯 超好飲！❤️炒粉絲 仲好食過韓國街啲韓國餐廳🤣❤️炒年榚 煙un 😛唔辣🎊 #必點推介（燒烤類）💛鰻魚 任食嘅質素黎講都算高 大塊又厚肉💛LA牛排🥩 肉質好淋 燒左好耐都唔un 💛牛肋骨肉 呢款肉冇醃到 食到原汁原味 超推👍🏻💛豬五花腩 肥瘦均勻 包生菜食😛🙈但個日試左生蠔🦪麻麻地 好彩淨係叫左兩隻🤣呢間餐廳好似係韓國人開 呢兩個鐘好似去左韓國🇰🇷咁 好地道嘅裝修⚡️環境 3/5⚡️食物 4/5⚡️服侍 3.5/5（上菜快）—————平昌 (旺角)旺角西洋菜街1號兆萬中心13樓#winfat#winfat旺角

同朋友訂咗兆萬平昌韓燒撐枱腳😜一坐低二話不說👀下有咩想食🤨除咗牛肉豬肉雞肉蔬菜類有少量海鮮魷魚鯖魚仲有泡菜豬肉辣湯及水冷麵、炒粉絲、海鮮蔥餅😚落單後店員都好快手好多食物放晒喺枱👍🏼我覺得泡菜豬肉辣湯細細碗熱辣辣💯水冷麵煙韌有咬口但味道偏淡。最欣賞石鍋伴飯入邊足料再加埋隻🥚混合埋食無得輸👍🏼👏🏻至於豬肉方面都好多選擇🙂個人喜歡辣調味豬梅頭片好入味😍牛肉推介牛排及牛舌不二之選😋海鮮方面我欣賞魷魚圈燒完之後點韓式醬汁又彈牙味道確係好🤤總括今餐平昌百零蚊一位都好超值👍🏼韓燒之友又多個選擇啦💃🏻💃🏻

員工服務態度唔錯，呢個係抵讚嘅。環境都不過不失冇乜大問題。最主要係食物，可能之前睇食評對佢希望好大，但所有野都好一般。豬肉冇豬味，牛肉我以為自己食緊豬肉。唯一好食嘅杏鮑菇，我叫3份，比兩塊我，我叫6份都係比兩塊。你話肉要限住比我理解，但菇都要個下我係！同埋我叫左個海鮮煎餅，1唔熟，2冇海鮮。我個fd叫左個牛肉海帶湯，入面一嚿牛肉都冇。大家自己judge 呢間嘢值唔值得去啦！以200幾嘅價錢我覺得食d咁嘅樣真係唔係好抵，冇下次

Book左3pm食世子。以疫情黎講，餐廳都滿坐咁濟真係令我對佢好高期望，世子可以食埋大君，不過胃比較細，唔係每款都有試到，每次Order無論寫幾多佢都只係會俾二件😂😂😂不停Order搞到好似好尷尬咁。好食同唔好食都會推介，普通個啲就唔講了。好食 : 1) LA 牛排醬汁非常入味，無論燒到幾成熟都好，佢都唔會覺得路或者鞋，我試過燒到全熟佢既口感依然都好淋，真心推薦！2) 調味豬梅頭片因為前果幾轉order都係一次過落咗好多嘢食，所以我哋搵咗好耐先知道呢塊咁好食既肉叫咩名😂😂我哋不停試，每次order 只叫一樣野叫一件，原來咁先搵到佢個名😂😂😂我個人非常鍾意醬汁入味嘅肉類，而且佢嗰醬汁係調得啱啱好，very good ar 😍3) 辣醬雞柳我望落去以為係泡菜雞柳😂食落去都唔錯嘅，不過燒親都會搞到個鐵板黑晒😂辛苦哂侍應哥哥不停換鐵板。4) 海鮮餅入面食到有海鮮粒而且有蛋味，海鮮餅嘅邊緣煎到有竉邊，食邊緣位置會有脆卜卜嘅感覺，整體來講都好食嘅，我朋友係唔食餅類嘅人我逼佢試一舊佢都話OK的。唔好食 : 1) 醬油蝦蝦算係彈牙，不過醬汁唔入味，而且食完就肚柯，下次唔會再叫架啦我全部野食都燒到全熟先

第一次食，有啲小失望，星期日食$298世子御饍，環境同服務係幾唔錯，又有禮貌同我哋講可以將背囊放係櫈入面，可能因為少客，好主動幫我地換鐵板，之後越來越多人就冇再理我地，最不爽係食物質素第一轉叫左啲薄切既豬五花腩，梅頭，肥牛片⋯⋯見薄切既都幾唔錯就叫反正常既黎試，豬五花腩有啲硬，諗住較細個火慢慢燒靚啲，結果一樣，第二個試左牛扒，呢個真係硬到我完全咬唔開，用鉸剪剪開一舊舊食，無奈筋太多都係咬唔爛，於是叫左個泡菜湯，得個辣字冇乜味，而牛肉海帶湯對比就好飲得多，炒粉絲好香麻油，幾好食所以成餐真係有好有唔好，但298一個人就有小唔抵

路過旺角，想搵間新式韓燒。呢間好評多喎，啲相睇落幾好喎，試下。一出𨋢，中伏，係好似韓國呀，真係似，不過講緊係似西大門果邊咁「貼地」。都上左黎咯，試下啦。肉，味道，ok，不過唔覺得特別好食，同一般韓燒差唔多。海鮮，OK啦，叫做有蠔，有帶子，有魷魚。問題係，寫明要6件，但係乜都係黎2件。豬肉黎2片，真係疫情關係2人套餐1人一片？喂我黎食韓燒放題，唔係黎單點。不過熟食係幾好既，例如水冷麵同豆腐湯等。總的來說，同做兄弟差唔多，有今生冇來世，試過一次夠喇。睇到呢度，真係唔好信我，前面大把好評，我相信後面都將會有大把。信佢地，去一次。真的。去完再去，你贏。

好少放題熟食都ok, 呢度d熟食都叫正常醬油蝦唔會超鹹肉類基本上我剩係食護心肉 牛脷 la牛排 仲有牛腸豬皮呢d勁有韓國feel既地道野食物上得好快， 雖然你填幾多佢都係比兩塊你， 但店員上得好快手唯有寫多幾次呢個價錢我收貨

今次試咗旺角兆萬入面嘅韓燒 係等位嘅期間就聽到幾個oppa用韓文傾計🤣🤣 頓時期待值急升 覺得依間韓燒應該好正宗🤩🤩依度嘅裝修都好韓風 有哂KPOP特色我哋最後揀咗世子set （世子set嘅食物包括埋大君set menu入面嘅食物）前菜有豆芽、泡菜同埋生菜提供 俾你夾住肉食 豆芽嘅調味唔錯👍🏻👍🏻我哋叫咗好多款肉食 最驚喜係叫T骨扒真係一大塊扒咗上 去扒仲大過我去面呀😱😱😱依間餐廳真係好揼本👍🏻👍🏻厚切五花腩夾生菜爽爽爽🤤🤤🤤肉味濃郁海鮮種類都唔少 加分加分🥳🥳🥳最欣賞佢哋提供埋湯類食物可以揀😍😍揀世子set可以嘆哂兩個menu嘅嘢食 好多選擇可以揀 又有炸物、肉食、湯、麵食等 真係唔錯😍😍 私心推薦依間oppa經營嘅韓燒