平昌

營業中

休息中

講起韓燒就一定會諗起依間韓燒店，今次終於黎食，今次叫左大君御膳，都係$198。雖然佢係最平嘅選擇，但食材都好豐富同新鮮。佢嘅環境會令你以為自己去左韓國旅行，有少少思念韓國。大君料理有好多款可以揀，今次試左幾種，都幾值得一試。石鍋拌飯材料都幾豐富，蛋同辣醬配上飯焦一流，佢嘅份量唔會太多，唔會怕食唔曬。炒年糕係韓國出名嘅小食，依個一定要試，年糕咬落好Q彈，年糕同魚糕仲好吸韓國辣醬味，辣味適中。今次係第一次試食水冷麵，愛上左依個食物，食落冰冰涼涼，依家天氣熱好適合食。佢應該用左蕎麥麵，麵好幼細，但係好彈牙，一D都唔淋，配上青瓜同埋酸蘿蔔係一流。雖然就係最平個餐，但係佢嘅肉類都有好多嘅選擇，常見嘅豬牛雞都有。平時韓劇成日都有LA牛排，今次可以一試，原來佢係帶骨嘅牛小排，油脂同肉嘅比例平均，味道唔錯。五花肉就一定要食，肉汁非常多，特別要同豬皮一齊食，好有咬口。煙鴨胸肉都值得一點，食落鮮嫩多汁，有鴨胸嘅油香。同其他韓燒店一樣，爐邊蛋、生菜、泡菜同芽菜都係任點。依間嘅泡菜幾好味，有泡菜嘅酸味，食落唔會太辣，而芽菜味道唔錯，唔會太鹹。

好耐無同朋友出街食飯，最後我地揀左去食韓燒，個價錢又唔算貴，上到去都見到好多人book左食，餐廳環境好大，我地等左無幾耐就有位，韓燒最驚上到去有一大陣油煙味，但上到去就無咩，個通風都做得幾好。 餐廳食物種類選擇都幾多，除左一燒肉同海鮮之外，仲有一啲熱食同炸物等，如果食得太多肉覺得好單調都可以轉下口味。 海鮮都有幾款熱門多人食嘅海鮮選擇，有帶子、蝦、生蠔、魷魚等，我自己就最鍾意食蝦，啲肉質好彈牙又新鮮，食起上黎啖啖肉，好正。燒肉五花腩我地都叫左幾轉，易燒又好味，入口爽口，油脂豐富，岩哂我地啲燒肉新手。而薄片嘅肉通常都有醬汁襯托，入味又惹味。檸檬胡椒炸魷魚好快就黎到，一份份量好多，魷魚炸得香脆，食落又唔會好韌，加左檸檬汁同少少胡椒調味，味道更加豐富之餘又可以中和油膩感，仲可以點甜辣醬同他他醬，不過就咁食都好夠味~ 海鮮薄餅送上黎熱辣辣，鋪滿晒海量芝士，扲起仲有拉絲，成個海鮮薄餅都好足料，食落好有咬口又好脆。我同朋友下次都會再黎食，因為個價錢唔會好貴之餘啲野食又幾好味~

由於疫情關係，不能去韓國旅行，突然很想食韓國的燒肉，好在香港都有不少韓燒食店，所以今晚就決定去位於旺角平昌食韓燒放題，這裏無論環境及食物質素都很有韓國風味👍入座後職員立刻送上前菜，泡菜很吸引未食燒肉前已經食咗兩大碟。醬油蝦一定係必食的食物，蝦肉新鮮，甜甜地的醬油配合蝦一齊食，味道一流！爐旁邊放入了雞蛋，雞蛋食落很大滑，雞蛋邊有少少微焦，很香口🤤每款肉類都色澤新鮮,五花肉肥瘦適中，燒到外面少少脆脆地嘅感覺，唔會覺得脂肪好多整舊肉都好好食，護心肉厚薄啱啱好，燒完油脂滲出，好香牛肉味。海鮮餅熱辣辣煎得香脆可口，一個人都食咗三塊👍海鮮我們點了生蠔、元貝及帶子，海鮮新鮮，元貝及帶子都很鮮甜，蠔肉一啲都唔腥，燒完肉質脹卜卜🤤不用任何醬汁已經好好味😋海帶湯每一啖都食到海帶，爽口之餘又可以暖胃，又可以解油膩👍

90分鐘的韓燒真係好好好好趕急😰幸好落單上菜所需時間合理，如果唔係真係食個吉！熟食選擇好似好多，但上到檯每一碟每一碗一模一樣冇咩分別😂😂而且味道好淡.....至於生肉方面更少之又少，不過味道同埋新鮮度還是可以的...

位於旺角兆萬中心13樓平昌，由尖沙咀轉戰而來 建議預早訂，平日人數眾多。今次同朋友食大約六點，一開lift門已經有oppa介紹韓燒放題分為3種價錢，以大君世子國王命名。之前留意過評論，大君已經好豐富，所以先試試！飲品以自助形式，啤酒菜水汽水都有提供。店員會先上前菜及加上爐邊蛋先開開胃。豬肉類分為梅頭肉及五花腩並有不同醃製方法。五花腩油脂香充滿肉味牛肉類有多種選擇，當中LA牛扒及牛肋條相當值得推薦，前者牛味濃烈，後者則骨肉分離，帶有微甜海鮮類有帶殼生蠔及扇貝，味道新鮮，帶殼形式好處係唔會燒得太老及保持濕潤，值得一讚蔬菜類雞髀菇及茄子好適合去韓燒食用熟食類有一般大醬湯，拉麵等。份量適中，唔會話食完無辦法食其他美食有機會會試埋另外兩種放題

晚餐韓燒放題2小時，有大君、世子、國王三款御膳，可以品嚐各種肉類海鮮，任食多款地道韓式料理。同朋友叫咗世子御膳($278)，可點大君同世子餐牌內所有食物，款式非常多。去到有唔少人排隊等位，最好book定位先。T骨牛扒超大塊；牛前胸腹肉同肉眼稍為煎熟就食得，肉汁非常豐富牛肋骨肉必點，大細剛剛好；牛舌同肥牛片肉質好嫩滑；辣豬腸就辣咗少少，不過都好惹味牛大腸煙煙韌韌；雞腎串；調味烤肉，餐牌寫係光陽調味，可以係爐上翻炒，用生菜夾黎食特別正生蠔、青口、虎蝦、油蛤，仲有帶子、扇貝、魷魚、鰻魚，好多款海鮮都好新鮮，最啱慢慢煮熟五花腩油脂夠；護心肉係另一必點，厚度適中，好有口感八爪魚甜美，配芝麻醬同沙律菜，好開胃第一次食醬油蝦，非常彈牙，醬料味道充足；炒年糕同炒粉絲、拌飯，都係正宗韓國菜炸物外層香脆，芝士香濃，配炸雞食一流芽菜、泡菜、生菜、爐邊蛋，韓燒必備配菜，可以無限refill飲品可以係雪櫃任拎，仲有酒飲，如果有雪條或雪糕就更好了，夏天食特別吸引好多地方都有得食韓燒，平昌可謂是抵食又高質之選

食過幾次，因為就腳同埋抵食，幾次都係去食午餐放題，點了個大約二百零蚊的餐，除了有肉類外，還有些韓國特別小食，味道幾正宗肉類除了牛肉啦還有五花腩，豬頸肉，梅肉等等......小食方便有炒粉絲泡菜湯給年糕等等.....都好入味其實本人最鍾情五花腩，因為燒完加上佢嘅泡菜在加生菜包埋一齊食真係好正其實佢嘅套餐仲可以有配套一些海鮮，價錢會比較高少少，但因為覺得海鮮一般，所以沒有叫。嘢飲雪櫃方面亦都好充足，除了韓國飲品其實仲有啤酒🍻所以以呢個價錢來講真係相當超值每一次我想食韓兆嘅時候都會去，平靚正之選！點去邊其實都有啲韓國人，服務都唔錯，效率快。

🍽大君御膳（4.2/5）💰218其實大君御膳已經包含大部分食物，仲有飲料任飲添！推薦食品：🍽牛舌 - 口感好好，幾有肉汁，有嚼勁🍽LA牛排 - 油脂同肉既比例較平均，幾香牛味🍽豬五花腩 - 好厚好香油脂味🍽煙鴨胸肉 - 鴨胸肉水準好穩平，食咗幾碟，好厚身🍽水冷麵 - 涼涼地，最岩食完烤肉加番碗，面質好彈牙🍽韓式大醬湯 - 好濃郁仲有好多配料，熱辣辣好正🍽豬肉泡菜湯 - 泡菜味好出，偏辣，豬肉都好入味

旺角好多唔同韓燒嘅選擇，但係成日都諗唔到邊一間先係符合自己想食嘅嘢，所以就想encore多一次呢一間，除咗有肉類之外，亦都有海鮮熟食等等，例如炸雞醬油蝦等等，全部水平都中上，而且上菜速度超快，完全唔使擔心唔夠時間食。餐廳環境好似韓國餐廳咁，無論係啲櫈定係枱面，都跟足晒韓國餐廳，真係好似去咗韓國咁。個人覺得佢嘅雞軟骨都幾大粒，口感好好。一串有成五六粒，真係非常之夠食。佢嘅牛扒真係好大塊，甚至大過一個男仔嘅手，肉質都唔錯，味道都幾好，算係幾入味。雖然餐廳冇甜品，但係呢度嘅飲品都係任飲，亦都有啲米酒啤酒供應，成餐飯都食得好開心，油煙又唔會好大。

😍😍好耐冇食過韓燒啦😋放工即刻走去旺角兆萬中心食韓燒放題😻一嚟就叫左2個世子御膳sets（Total $612）牛肉，雞肉，豬肉，海鮮任君選擇🙌🏻食seafood都食飽，食完發現自己有肚腩😅好彩有人同我開心share🥳可以慢慢食，傾下計～食足2 hrs包你飽，仲有Oppa同您講韓文*唔識聽😂好似置身係韓國😝我以為自己去左旅行🙈超級推介👍🏻The egg is delicious 😋 ~ combined with meat and seafood 🦞, super perfect 🤩 the seafood is fresh too!!! Some 熟食 also recommended 👍🏻～ the sauce taste super good !!!! We ordered over 10 pieces of shrimp 🍤 Many Korean drinks offered !!! Must give it a thump up 👍🏻👍🏻So full so yummy must come again☺️☺️👌The price is ok for so much good f

疫情關係 太耐太耐無食韓燒連鎖式嘅韓燒 質素參半 今日就黎到旺角嘅平昌BBQ一入鋪入座時 店員係韓式廣東話 十分之驚喜二小時嘅任食 有得揀menu今次同朋友選擇世子set 佢係可以食埋次一級嘅大君set大君主要係肉類/要燒嘅食品世子就多啲韓式小食同主菜選擇同樣地 有泡菜/涼拌拌菜/邊爐蛋 可以refill海鮮 有蛤/青口/魷魚/蝦/扇貝/鰻魚蛤唔係細細隻果啲 望住佢笑到開口 好吸引青口同扇貝燒完再點燒汁 帶出鮮甜海鮮味魷魚食落爽口 蝦夠厚肉牛肉 有齊牛舌 牛胸腹 牛肉眼 牛仔骨等牛肉望落脂肪比例好靚燒完都唔會好韌 咬落好香牛油味 重肉味牛舌切得夠薄 呢度仲有護心肉 唔係普通質素黎韓燒點可以無豬皮？燒完煙煙韌韌咁 超好食當然唔少得雞軟骨串 雞腎串 同辣醬五花腩片呢度肉類款式多 燒咁多round都未試晒所有menu上嘅肉呢太肚餓等唔切燒熟嘢食嘅時候仲可以叫熟食每份熟食跟人頭俾大家可以淺嘗唔同嘅款式炒年炒年糕夠辣夠煙韌炸雞脆卜卜連炸蝦都有得食 而飲品就自助嘅 大家可以揀自己鍾意嘅韓式飲品甚至有啤酒同黑啤比大家選擇唔需要另外收費呢間平昌真係款式多又抵食另外不得不讚嘅係店員好勤力會不停換爐

食到一半先諗起要影相韓風裝修風格枱雖然細咗啲 張凳己有特色打開個坐墊可以放袋入去唔怕唔見野不過要記得拎返🤣嘢食質素幾好以呢個價錢來講唔錯，落單上菜都好快，重點係冇漏單。嘢飲選擇方面就比較少。

旺角好多唔同嘅放題餐廳 但往往都揀唔到一間抵食嘅 呢一間仲要係韓國人開嘅餐廳 價錢大概二$300就可以任食海鮮 肉同蔬菜等等，仲有唔同嘅熟食 我自己嗌左五六串雞軟骨 食落口粒粒都好大 而且味道唔會好鹹 T牛扒超級大塊 大過一個人嘅手 食落去味道都幾好 而且脂肪比例啱啱好 食完好有罪惡感😂呢度嘅海鮮真係超級好食 尤其係佢嘅青口 好大塊而且海水味好重 而且呢度唔會有漏單嘅情況 侍應都有禮貌 飲品亦都好多選擇 仲有得飲米酒等等添！ 好彩今日都唔使點排隊 過咗一陣之後就排滿晒人

今次慶祝朋友仔同自己生日，所以黎食燒肉！我哋一早訂左枱，不過由於佢限時2小時，所以分左時段比人book。我地4個人訂咗6:30，遲到左10分鐘倒但都係要8:30交枱架，所以冇咩事時勸大家唔好遲到。（佢真係夠鐘就會熄爐請你走，不過冇辦法佢真係太旺場）我地選擇大君$218/位果款任食，其實都有好多選擇，豬、頭、雞、海鮮同埋熟食都有。肉類都算新鮮，同埋都幾好食。上菜速度都快，不過唔係好燒蠔，因為燒好耐都唔熟，又阻住晒個爐.....其他樣樣都唔錯，個人最鍾意食牛👅飲品方面佢都有好多選擇，要有韓國嘅忌廉溝鮮奶、檸檬茶：另外仲有啤酒同埋茶類飲品！

見食評好似幾好就同朋友去試下，揀左中間價錢嘅298嗰個任點任食，以為有醬油蝦食好抵，仲可以叫埋219餐嘅食物好似好多嘢可揀咁，點知，感覺醬油蝦太甜，不好吃，而且最重點係。。。冇一款牛係好食嘅，冇肉味又唔倒，柴皮好似煲完湯嘅湯渣咁。。。唯一係帶子同蝦(自己燒嗰款)都算ok，蠔同瘦到唔見肉嘅凡立貝就算了，可以不用叫，而熟食不過不失。海帶湯係明顯係味精味粉湯。。。連埋加一要3xx一個人。。。甜品/一杯雪糕都冇。。。更失望。。。絕對不會再幫襯🥺真心唔明啲讚嘅食評係點嚟嘅😔😔本嚟都有影食物相，不過都唔想po了。。。唯一讚賞係大部份店員有禮貌，換鐵板換得好勤