平昌

營業中

休息中

我是第一次在openrice上寫如此嚴厲的批評，但是次用餐體驗極之惡劣，實在無法忍下手給予任何好的評級。我們是次選擇了中間價位的世子料理（$278)，但下次給我$278讓我去體驗也需要考慮一下，畢竟不想吃進一肚子氣和劣食。重點食材質素極度低劣。1. T-骨牛扒上碟時一整塊肉尚未解凍，而且難以切割不能放在鐵板上燒。進口時嘗試到一絲細菌腐爛的屍臭味。整塊牛排只嘗了一小口便丟棄。其他牛肉口感亦十分粗糙，滿口渣滓，不能吞嚥。2. 海鮮極度不新鮮，石蠔以及大蝦進口時味如嚼蠟，沒有鮮味。3. 炸蝦粉多過肉，就像吃炸油粉團一樣。比較好的食物：... 以這個價錢的放題，我想像不了符合質素的食物。用餐流程體驗極不順暢1. 檯面面積極小，不足以放置食物，沒有為食客考慮空間問題。整個格局感到十分局促。2.碗碟堆滿整檯亦不主動收取，需要自己將碗碟放置在其他空桌上。3. 下單數量與上菜數量不合。牛肉下單數量要6片時上菜只給予2片，其他食物亦有同樣問題。在2小時用餐過程需要不停下單，才有基本份量。下單像做小學生罰抄，需要不斷來回對應餸菜編號，搬字過紙，才換來稀有的2片牛肉，如同老師獎賞學生的感覺。服務態度極度惡劣

之前食過兩次晚市，都覺得好食好正宗，而且真係韓國人打理！入到去好似去咗韓國咁！今次因為正苦嘅原因，只可以食午餐。午餐都係任食，只係有啲午市唔供應，但選擇都多嘅！午市都依然爆晒場，上菜一樣咁快手～午市雖然平，但質素依然係到！絕對唔差過好多單點嘅韓燒！午餐一個半鐘，食到飽晒都只係每人$141埋單！絕對抵食喇！飽到夜晚都唔洗食～

限聚令之下無得同朋友聚會，但又好想燒下野食，最後聽朋友講黎哩間韓燒餐廳，lift門一打開，非常熱鬧，有幾班人等緊位，幸好我同朋友得兩個人，店員即刻安排到張近門口位置既枱比我地，坐低之後見到佢餐牌分左兩種款式，分別係大君御膳和世子御膳，我地揀左大君御膳，店員快速地預備開爐及放下幾碟韓式前菜給我們食住等，他們之後在煱爐邊加入蛋汁，朋友就開始係卡上劃食物，我就出去拎飲品，飲品選擇唔算多，返到位之後食物巳放滿枱面，朋友幫我叫左個辣海鮮豆腐湯，細細一盅，裡面超級多料，除海鮮之外，仲有好多豆腐和菜，飲唔停口，好好味。朋友點左海鮮和肉燒，我地一邊食住邊爐蛋一邊燒，海鮮款式都新鮮，食到扇貝、生蠔同魷魚，邊爐蛋和生菜仲可以無限地添加，如果個爐有少少焦都可以即刻叫店員更換個新板比你，服務好好。

趕在晚市禁堂食前最後一次堂食晚餐，亦可能會是2020年的最後一次堂食晚餐，當然要食誇張一點，飽d,肥仔d,最後就選了食韓式烤肉熟食放題。一去到個接待竟然係一個韓國Oppa, 睇完menu 后選了中價位的世子套餐，因為當中的肉類多了好幾款較貴價的肉類同熟食。而且叫了世子套餐亦可叫大君套餐內的食品。肉類方面叫得太多，叫到有d 迷失，最好食的係 辣醬雞柳，最特別係有燒豬皮, 最吸睛係個t骨牛扒，好大件， 而且大讚嘅係佢個通風設施好好，staff 好nice,隨時幫你換個底，我應該換左有3次。熟食方面有好多選擇，有墨魚刺身沙律，鰻魚，海鮮煎餅，雞翼，韓式海鮮湯，辛辣面，食完好飽，好似一次過食左一個星期份量的晚餐一樣放肆。最喜歡係呢間冇限時段，只是限時2個鐘，對我呢d要ot, 食唔到6點半時段但又唔來9點先食的戈來說是一個大優點，而且價錢平，位置方便。

考完試想放鬆下，一於同同學一齊食放題heheheh，又可以支持下黃店☺️☺️趕係限聚令最後一日同班Frd食番餐。雖然係勇者塔，但係💛💛平昌食燒肉放題一啲都唔伏。六點半左右去到都坐滿一半啦，想食就早少少黎枱。每枱坐2小時，任飲飲食二百幾，今時今日香港抵到爛。我地食個個大君御膳menu（$218）入面本身都有好多野揀，所以我地就冇揀另外兩個menu。坐低樣樣野食黎一round先啦，估唔到好快就到，開爐燒啦！梗係食牛先，最推薦既係調味烤肉，用咗呢度嘅秘製配料去調味，甜甜地好易入口，用黎飯配埋一齊簡直一流！再唔係可以用生菜整生菜包，夠晒惹味，又感覺清新無咁熱氣，食落就冇咁膩同爽口！我地不斷係咁encore佢！另外仲有LA牛扒同牛肋骨肉。個LA牛排入口即溶，肥瘦適中，咬落唔會覺得韌口。😍😍😍牛肋骨半肥瘦，放上爐到燒完更加香口，食到停唔到口，我哋叫咗唔知幾多round！🤪🤪🤪食完肉，就食下海鮮，其實好驚喜韓燒竟然有海鮮食仲要唔係平價海鮮嚟㗎。我地叫左扇貝，蠔，同虎蝦。最鐘意既係扇貝，不過我地怕唔熟，等佢收曬水先食，搞到細粒左勁多。蠔又係咁😂本身一份4隻，都算大隻，但係煮得太熟，縮到好細。如果有韓燒達人

今日時間好好，下午茶時間16:00食到18:00包埸享受，確實係爽，仲有85折。首先訂位時都覺得驚喜 cham cham cham, 係韓國口音呀，直接講英文訂位準時入座準時交枱，我呢啲一定係好客囉，叫了最平的218套餐，都有驚喜，所有肉質味道好過韓國街，石頭飯，冷面，炒韓國粉絲，好有誠意準備，一點也不似放題質素，仲要係咁換鐵板，服務滿意原來個個都機乎係韓國人黎㗎，好特別和，有啲粗魯感又有啲韓國感，好正，飲品食品唔多選擇，但勝在質素超乎想像就已經好好，2百幾蚊有咁既肉質想點？ok la

今日難得休息，想同朋友係限聚令收緊前一日聚一聚，就約左去一間風評幾好嘅韓燒食飯啦。一入到餐廳，就已經feel到好有韓燒嘅feel，個間格極似去韓國食韓燒嘅真實感，而最緊要嘅係佢地一間黃店，有曬證書，更係要大大力去懲罰佢啦至於食物方面，我地揀左個大君御膳($218)個款menu 去揀野食啦， 因為本身哩個menu已經好多野可以揀，所以今次無睇另外兩款menu咁我地首先更係食牛啦，而咁多款牛呢，我就最推薦先食調味烤肉，甜甜地好開胃，再用甜菜包著黎食，爽口啲，認真一流，而最緊要係啲鐵板好夠熱，牛超快熟， 食左1 round 先再揀啲要燒耐啲嘅野黎食 而個LA牛都超正，肥瘦適中，入口即溶，食極真係停唔到口如果想食海鮮嘅話，款式都有好多種選擇去燒，例如扇貝，蠔，虎蝦，分量好足料 而我另外點左個鰻魚黎自己食，分量好大份，有啲意外，就點左幾份慢慢嘆小食我地點左幾份黎食，個蔥椒煎餅好好食，唔油膩之餘，味道咸咸甜甜，好特別，當然，食韓燒更係試下佢地啲年糕，雖然唔太辣但好煙韌，值得一試最後去到尾聲，我地就叫左個辛辣麵，我地以為係普通公仔麵啦，但發覺味道一流，真係食唔停口，仲叫左多一碗黎食，哈哈 整體黎講，

男友話未食過爐邊蛋，於是今日同佢黎平昌食韓燒！我地揀左大君御膳，因為價錢相宜，食物種類都唔少！餐廳入面都幾滿座！帶位既仲要係韓國人！🤣👍🏻呢度可以任飲無酒精飲品，都有不少款式！豬肉、牛肉、雞肉我地都有落單，肉質正常，調味略遮過左d肉味，但都ok既，甜甜地咁😀肉之中我比較鍾意烤雞肉、雞肉串同煙鴨胸。另外，鰻魚都唔錯！鐘意食鰻魚既可以食返夠本！🤣爐邊蛋如果可以加芝士就好啦！😅D泡菜好好味！我地食左3碟！🤣最後，我地叫左d熱食，分別有炒粉絲、海鮮蔥餅同辛拉麵，飽飽咁離開平昌😀順便一提，服務員既回應好快同埋會主動密密幫我地換爐面，值得一讚！👍🏻總結，平昌係平價韓燒之選👍🏻當然，budget高d可以食貴d既set😀

兆萬中心不嬲多嘢食但當中都有唔少餐廳嚇親人今日膽粗粗試咗喺兆萬中心嘅呢間平昌燒肉 令我對兆萬中心另眼相看🤣一入到去 環境就好似起左韓國咁我揀左最平既大君套餐 價錢係$198加一但一睇Menu 都有好多野食 竟然仲有海鮮🦞同傳統韓式燒肉一樣 呢度既牛肉都醃左 味道較甜 呢款味道好岩我口味 燒下燒下又一碟仲有點少得既燒五花腩😍配上任點既生菜同埋泡菜 我當自己去左轉首爾啦✈️值得一提既係 即是係最平嘅套餐 都有好多熟食選擇 水冷麵 大醬湯 仲有石鍋拌飯絕對唔會因為放題而粗製濫造個人超鍾意嘅係海鮮煎餅 我一個人就食左兩份👍🏽👍🏽唯一希望改善下個通風 咁就100分啦

自從肺炎出現之後，都比較少出去多人嘅地方食嘢☠️。趁之前疫情緩和咗少少，就出去食一食久違嘅韓燒啦🤤(利申本人為一名燒肉愛好者🍖❤️)。上網見平昌依間韓燒都幾多人like，一於試一試佢啦😋首先一入到去，感覺好似去咗韓國嘅燒肉店咁🇰🇷，店內嘅裝橫唔會好靚，但就有一種樸實貼地嘅感覺。店員都係以年輕人為主，態度幾好，會好主動咁幫我地安排座位👍🏻隨身物件可以放入櫈入面，唔洗怕會冇位擺🤣好啦廢話少講，進入主題🤗平昌嘅燒肉放題有三款: 大君御膳($198)世子御膳($268)國王御膳($378)由於我想食多幾款高質靚肉🥩，但又唔想食咁貴，所以就揀咗價錢中間嘅世子御膳啦😁🤗首先出場嘅係，所有韓國餐廳都必備嘅前菜小食: 生菜、芽菜、泡菜同埋可以任添嘅邊爐蛋！個人認為泡菜幾好食，而且開胃😇至於生菜就大大塊同新鮮，可以用嚟包住燒肉同其他配菜一齊食，正呀😛由於剩係肉類都已經好多選擇，眼花瞭亂，所以我決定求其嗌幾款黎試下🤣。最後嗌咗牛肉眼、牛前胸腹肉、香草五花肉、護心肉、牛肋骨肉、照燒肥牛同T骨牛排等等，所有肉都好夠味，而且肉汁濃郁，唔會有雪藏肉味👍🏻唔同嘅肉厚薄不一，燒嘅時侯要多加留意🤞🏻好似T骨牛排咁厚，就要燒

兆萬中心一向都係放題嘅集中地 但係啲餐廳嘅質素都係好壞參半 今晚食呢間主打燒肉嘅平昌就好值得推介啦🙊由於今日完成咗個大project 就食好啲獎勵自己 揀咗個中價嘅menu 都有好多好野食㗎😋 呢個世子menu 可以嗌埋大君menu嘅食物一坐低店員好快就上前菜同埋鍋邊蛋 簡單介紹咗點餐方法同飲品櫃嘅位置 我地就開張畫張點餐卡喇🤪首先講下主打嘅燒肉先香草五花肉 三層肉層次分明護心肉 肉質嫩口 有預先調味牛肉眼 話明係肉眼 肉質當然係林啲牛前胸腹肉 半肥瘦咁 好易入口T骨牛扒 上碟時真係嚇親 因為真係一大塊咁上😮 有整整一個鐵板咁大 兩個人食真係有啲太多🤧 而且牛肉比較瘦 都要咬耐啲先食到豬皮 卷住有啲難燒 好彩有剪刀可以剪細細塊 調味甜甜地咁 都幾特別牛大腸 本身唔知佢係牛腸 見到都比較多肥膏 燒完啲油出晒黎 食落口好正🤤雞軟骨串 呢個要燒好耐先燒得熟辣豬腸 辣醬味道同泡菜差不多 會食內臟嘅人會中意嘅豬頸肉 呢個真係要推介 豬頸肉唔係街外食有用鬆肉粉那過嗰種 由於脂肪比例高 燒完豬頸肉有啲脆卜卜 好好食🐷照燒薄切五花腩片 個人中意呢個多過香草五花肉 牛舌 夠薄身 唔會燒完好韌照燒肥牛片同

難得終於約到貴人事忙嘅朋友梗係要食餐好🤩近近地嚟到呢間喺兆萬中心嘅餐廳食韓燒😋雖然係星期四但係都有唔少人，我哋兩個平平地嗌左大君御膳🤴🏻星期一至四去每人$198+1，價錢合理亦已經包咗唔少我哋鍾意食嘅嘢！🤤我哋一坐低，韓國店員(?)用唔鹹唔淡嘅廣東話同我哋教我哋落單 (只需要用水筆寫落餐單卡，填1會有2件)，順便set埋我最愛嘅爐邊蛋🤩佢哋亦都放咗一啲韓式配菜，如果唔夠食嘅話可以再添👍🏻肉類嘅款式好多，牛豬雞都有，我哋幾乎每款都有試😋最鍾意會豬梅頭片，唔會太肥膩👍🏻當然要用生菜包肉食✨海鮮都好正，最推薦石蠔同扇貝👍🏻除咗燒物之後，仲可以叫啲韓式料理🍲我哋叫咗辣海鮮豆腐湯同水冷麵，個湯唔算好辣，不過味道同料都好足🤤Overall 味道不過不失，選擇合理仲可以任攞飲品，如果想試更多食物可以試下叫世子/國王御膳！🤩

餐廳有不同醬料給予選擇，特別推薦麻油加海鹽的那款醬料。有三種選擇給你，我這次我吃的是世子御膳(不同價錢選擇的不同御膳提供的食物也不同)，當中也包含不同的熟食。喜歡吃牛的人，我很推薦牛舌，沒什麼雪藏味，很重牛味。鰻魚也是值得一試，雖然是已熟但是是冷凍的，所以也要放在爐上燒。仼吃120分鐘，在夠鐘前15分鐘會有last order ，飲品仼飲。如果想吃甜品，like  社交平台 page就可以免費有一支雪條吃。

步入冬天就好想食烤肉，於是同男朋友一齊收工去食韓式烤肉🥰。我哋嗌咗”大君御膳”set (同一枱應該係要選擇同一set)。overall嚟講，都算多選擇，而且上菜超快，唔會浪費你時間😏👍🏻。餐牌仲有得選擇熟食，我哋就試咗水冷麵和海帶牛肉湯😋有時食烤肉有少少膩，可以食番啖冷麵fresh up下、飲番啖湯清淡下中和下都ok嫁😆而且好足料，勁多海帶🤪。至於海鮮同肉類之中，我就最推介尤魚🦑同生蠔🦪兩款都幾新鮮，尤魚有咬口彈牙🤓，烤生蠔加番少少檸檬汁，鮮味又fresh👍🏻而且平時好少見烤肉放題有生蠔，大家都識做啦😏😏😏我男友就最中意食五花腩，佢話夠晒油脂，又夠厚肉，啱晒佢呢啲食肉獸🐷食完好滿足🤰🏻想試嘅朋友記住book位，閒日7點幾去都full full地嫁！

朋友聚會 朋友建議食韓燒找來了這一間位於旺角的 — 平昌既有燒烤 也有韓國菜式 感覺不錯於是便一起來試一試不同價位的放題包括不同的食物我們選擇了 世子御膳一坐下便送上生菜和泡菜炒粉絲炒粉絲彈牙 加入了不同的蔬菜一起炒味道清甜 配上燒牛肉一起吃風味更像牛肉炒粉絲 不錯不錯豬皮豬皮入口煙韌 喜歡這種口感 韓燒必點之選不同種類的牛肉 當中以護心肉口感最佳入口不會太硬 以蜜糖醬油調味 又帶點牛肉香虎蝦 半殼扇貝 半殼生蠔海鮮份量比較小 但吃得太多肉可以以海鮮中和下味道也不錯薯仔 茄子 杏鮑菇薯仔味道香 茄子比較難燒杏鮑菇最出色 入口又滑又香辣海鮮豆腐湯這款豆腐湯是必點之選味道清甜 豆腐嫩滑 湯底熱辣辣帶鮮甜香 正水冷麵水冷麵彈牙 微微酸挺開胃啤酒啤酒也是任點的 吃韓燒當然要配啤酒