525
31
33
港鐵旺角東站 B 出口, 港鐵油麻地站 A2 出口 繼續閱讀
所有分店 (1)
電話號碼
26121682
開飯介紹
餐廳裝修跟足韓國傳統的烤肉店,牆上畫滿色彩繽紛的壁畫。提供韓燒放題,有各式肉類、海鮮、韓國小食等供應,適合多人聚餐。除烤肉,亦有韓國傳統料理,如石鍋拌飯、水冷麵等。 繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
*最後落單時間: 23:30
付款方式
Visa Master 現金 AE 銀聯
其他資料
網上訂座
Wi-Fi
酒精飲品
VIP房
電話訂座
加一服務費
有關獎賞計劃
食評 (660)
等級4 2021-08-18
2943 瀏覽
旺角呢間韓燒裝修都好韓風,而且仲係任食,所以都好受歡迎。餐廳有三款任食韓燒套餐,包括大君、世子同國王。我地揀左中價位的世子御膳 120分鐘放題(星期一至四 $278,星期五至日$298),有70多款燒肉、海鮮、韓國料理、前菜和飲品都係任食任飲。另外,每台都有韓燒必備嘅爐邊蛋,生菜等。.個人最喜歡:🔸LA牛排牛仔骨醃得好入味,牛味香濃,食落有咬口,味道不錯。🔸護心肉是豬的肝和橫隔膜之間的肉,油份不多,但燒後肉味濃郁,而且食落有嚼勁。🔸五花肉有幾款味道揀,五花肉肥瘦適中,燒後幾香,而且邊位脆脆地,再用生菜包住食prefect match,又可以減輕油膩感。🔸帶子帶子都幾新鮮,燒後有外香內嫩的口感。🔸醬油蝦係自家醃製,所以都新鮮,食落肉質彈牙,味道都不錯。🔸海鮮葱餅呢個係我食韓國菜必叫,因為好鍾意外面脆卜卜,如果入面海鮮可以多d就更好。🔸安東燉雞估唔到韓燒都有安東雞食,雞肉都滑嫩,加上醬汁又唔會過濃,幾惹味.重有d都唔錯,不過款式實在太多不能盡錄。特別係熟食,真係有驚喜。值得一讚係餐廳上菜收碟速度都好快,店員仲會不時主動幫忙換燒烤板。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-16
1411 瀏覽
同朋友講起好耐冇去過韓國,朋友就話要帶我去一間真係有韓國Oppa既韓燒店😏✨收費$198就有韓燒、熟食、飲品,任飲任食之餘仲提供埋啤酒😛平日18:40上到去入座率都差唔多8成,真係好彩有book位🙈🙈首先呢度既裝修已經好有韓國食五花肉飲燒酒果d小店感覺,大家坐類似氣油筒既櫈,揭開坐墊仲可以放袋,感覺可以吸少d味😛😛✨🎈燒烤類韓燒款式當中以豬肉最多,有厚切有薄切,有原味,另外亦都有醃製左帶甜或者帶辣味😋😋每樣試吓都好快就飽,我就比較鍾意醃製左薄切款,另外豬頸肉都唔錯👍🏻另外仲有雞/牛肉類、海鮮類有蠔、扇貝、蝦等等…..所以呢間韓燒真係性價比高👍🏻😅🎈熟食類熟食類又幾有驚喜,款式都算多。因為之前聽朋友介紹話一定要試炒粉絲,果然真係好好味😋😋另外我地仲試咗海鮮煎餅、鰻魚、炸蝦,仲有一個湯,整體都唔錯👍🏻以韓燒店黎講,員工做野都好主動,主動收碟,又會主動換塊燒烤板👍🏻👍🏻另外我地落既野都冇漏單既情況,上菜仲好快👍🏻不過可能因為大家都開住個火,有少少愈燒愈熱,冷氣/抽風再勁d就好🙈🙈 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-10
11485 瀏覽
-{黃店💛旺角任食韓燒🥩}大概五六年前喺佐敦食過一次 係幾高質嘅!而家剩返旺角分店 再講吓有咩款式係好食定唔好食😙🤤大君御膳🤤 ($240連加一)好好食😋其實所有豬都好好食😂厚切豬腩肉: 燒完嗰邊脆卜卜 同埋肥瘦適中 好啱配生菜咁食🥳LA牛排: 即係牛仔骨啲肉厚度適中 肥肉唔多 而且醃得好入味😇牛肋骨肉: 睇到啲肉有啲雪花紋😍好夠牛味 依個唔錯☺️海鮮煎餅: 算係食都有啲蟹柳 魷魚粒咁 味道同普通韓式餐廳嘅差不多🤓水冷麵: 麵質質感唔錯 而且酸酸地好開胃😆係碗麵唔夠凍一般般👀牛舌: 雪藏味好重而且好薄😢不過仲有啲牛味🙌炸蝦條: 應該係啲蝦滑打成然後炸 個炸粉有啲厚🥺但味道ok!肥牛片: 整得太薄 一燒就一pat咁 而且肥瘦分明 質素一般不了💩辣年糕: 好粉 質地唔好咬☹️石鍋拌飯: 雖然落勁多汁但係撈落去完全冇味🥲啲伴菜都麻麻地😭👖褲評: 7.2/10唔同時段有唔同價錢 整體來講性價比唔錯 上菜速度好快而且冇漏單😚環境好似去咗韓國食燒肉咁😂😂😛想食任食放題依間夠抵食😜性價比: 8.5/10服務: 8.5/10環境: 8.3/10🚩 平昌🚩地址: 旺角西洋菜街1號兆萬中心13樓 #fuudjai #fuudjai黃店 #fuudjai韓國菜 #fuudjai旺角 繼續閱讀
(以上食評乃用戶個人意見 , 並不代表OpenRice之觀點。)
兆萬多放題打邊爐係人都知,同時亦有不少伏既餐廳,但今日去到呢間平昌完全打破呢個諗法,主打任食韓國燒烤,入場有3款御膳套餐,由$198-$300不等,環境裝修都非常韓系,金屬圓枱圓凳,仲有圓筒形抽煙機,典型的韓式烤肉店佈局,不過餐廳油煙味太勁,衣服、頭髮少不免會有燒肉味🙈世子set $278世子set可以叫埋大君set既食物,所以加加埋埋都有70多款燒肉、海鮮、韓國料理,仲有醬油蝦,而前菜都是任食,有泡菜、豆芽和生菜,飲品任飲,除左燒酒之外醬油蝦呢個set係可以任叫醬油蝦,平時出街食一碟都好貴,蝦係自家醃製,唔洗怕空運過程會令到蝦唔新鮮,食落唔會好鹹,仲加左芝麻,肉質幾爽,認真不錯煎海鮮蔥餅之前都聽人介紹過呢份其貌不揚既海鮮蔥餅係好有驚喜,結果沒有失望,邊位幾脆,中間位帶點煙韌,不過海鮮不多,而且熱一點會更好安東燉雞份量大概2人左右,雞腿肉好滑,完全唔鞋口,醬汁又唔會過濃,幾惹味護心肉平時都比較少食既肉,位置是肝和橫隔膜之間的肉,每隻豬都不多,所以都幾珍貴,口感上比較有嚼勁,不是軟腍或者入口即化個款,因為油膩感不重,但肉味都幾濃五花肉食燒肉一定要點五花肉配酒,厚切五花肉,冷藏感比較重,脂肪和肉的比例未去到一半一半,燒到差不多熟就將佢剪開,邊緣位香脆,加點泡菜和豆芽,用生菜包住食就減輕油膩感 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-01
5725 瀏覽
平日食4-6pm有九折。每人$200。去到量體溫再酒精搓手,入內先填聯絡資料交比職員。三個人食世子,樣樣都試d。照燒汁肥牛片係最好食既。枱面有生菜、泡菜、芽菜,紙袋供裝口罩,幾貼心。但係無生蒜粒,濕紙巾。飲品係門口位置自取,選擇唔係特別多,但款式係幾新穎。有荔枝烏龍茶,兩款啤酒,蘆薈汁,忌廉牛奶。啤酒真係正,配韓燒一流。個人對海鮮類真係麻麻,魷魚係無味,蠔、元貝、蝦都一般般,每人一隻試過後就無再點。爐邊蛋唔錯,加左兩次。辣海鮮湯,水冷麵各一,三人分,覺得普通。個煎餅望落好油但食落唔錯。兩個鐘時間充裕,慢慢燒都OK。我地好細食,燒一個鐘就飽左。醃肉有些過鹹,就算包生菜都嫌略鹹。各種肉還可以,最好食都係肥牛片同五花腩片,鰻魚唔錯。牛肋骨麻麻、雞肉串就好難食,有陣怪味。另外,中間爐塊鐵板好易燶,麻煩職員換過三、四次,如果可以參考其他店,有舊白蘿蔔用來自己捽塊鐵板就更好~唔洗麻煩人換嘛~~期間爐熄左火,職員既態度係幾有耐性幫我地換gas。整體,就係OK,三個人食,張枱好細,燒得好唔方便,唔算好大吸引力再去。 繼續閱讀
(以上食評乃用戶個人意見 , 並不代表OpenRice之觀點。)