709
39
50
港鐵旺角東站 B 出口, 港鐵油麻地站 A2 出口
繼續閱讀
電話號碼
26121682
開飯介紹
餐廳裝修跟足韓國傳統的烤肉店，牆上畫滿色彩繽紛的壁畫。提供韓燒放題，有各式肉類、海鮮、韓國小食等供應，適合多人聚餐。除烤肉，亦有韓國傳統料理，如石鍋拌飯、水冷麵等。
繼續閱讀
營業時間
今日營業
12:00 - 23:00
星期一至日
12:00 - 23:00
*最後落單時間: 22:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
天氣又轉冷了，除咗打邊爐之外，韓燒往往係另一個好選擇，來到了「平昌」。餐廳位於兆萬中心，相當就腳，店內環境寬敞，估唔到平日六點黎到，都已經半滿，同一般韓燒店好唔同，呢度嘅抽風做得好好，無乜油煙味，咁就唔使驚食完之後個身成陣味啦。晚市有三款套餐可以揀，最後揀咗較多嘢食嘅世子御膳。入座後店員先送上一籃生菜，用黎包燒好嘅肉食，仲可以無限添，非常有韓式風味。呢度嘅肉款式眾多，豬、牛、雞同海鮮都有，個人比較推介牛西冷，原塊西冷唔太厚，有香濃牛味，仲有好多肉汁；牛舌夠薄，每邊燒十秒就食得，入口好爽。豬方面就覺得辣味豬大腸最為有特色，入口多汁之餘，辣味亦十足，食得非常過癮。另外雞腎及雞軟骨口感爽脆，一串串食得非常方便。餐廳亦有唔少韓式熟食，試咗炸忌廉蟹肉薯餅及韓式炸雞，即叫即炸相當好味。有嘢食又點可以冇嘢飲呢？呢度嘅飲品全部都係自助形式，主要都係韓式罐裝飲品，另外仲有啤酒添，食住燒肉飲冰凍啤酒份外過癮。Follow餐廳IG仲可以任食雪條添，真係大滿足。
繼續閱讀
終於約到大食朋友一齊去食韓燒，今次一齊去左平昌，位置就喺旺角兆萬中心，非常就腳。估唔到平日嘅星期四都滿哂場，座位好多但尬滿哂，好彩有訂位。我地揀左世子御膳，亦可以點大君御膳上嘅食物。飲品除燒酒外任飲，有可樂，忌廉鮮奶，茶類，韓國啤酒等，總有一款啱心水。食物方面肉類，海鮮，小食都好多選擇。肉類最推薦照燒豬肉片，照燒汁帶少少甜味，薄身好快吸哂燒汁，火力夠，快快手就食得。牛肋骨肉，帶筋，咬落牛肉味幾香，肉質結實有咬口，生菜包加少少包飯醬就唔怕油膩。薄切豬腩肉片，腩肉脂肪同肉分佈均勻，燒起逼哂d油出黎，亦冇羶味，一樣好啱生菜包食法。鐘意食豬皮絕對可以叫黎一試，爽口滑溜，好新鮮。以放題黎講都幾有水準，特別係石蠔，冇沙，仲幾有鮮味，好滑身。小食海鮮煎餅煙韌香口，醬油燉豬軟骨炆入味，肉質軟嫰，調味係韓式甜醬油味，香港都比較少嘅味道，可以一試。韓燒最好嘅總結就係食水冷麵，一洗口腔膩感，仲好涼爽，水冷麵好食，醋味唔會太重，麵質都唔會難咬。想多食物款式又想有d質素嘅話，平昌係一個好選擇！
繼續閱讀
天氣終於轉涼，心思思又想食吓韓燒。朋友極力推薦呢間，位於旺角兆萬嘅平昌韓式燒肉!🥩🥓🥗🍢🦐🍻🥤一開門行兩步就入咗店內，室內環境都好大， 枱櫈擺設好有韓國feel， 舖內播住韓國勁歌， 牆上畫滿有趣漫畫，氣氛令人好開心! 🙋♂️🙋♀️🙆🙆♀️好在我哋好早就到，客人未算多，但一入夜，就已經坐無虚席喇! 👭🧑🤝🧑👬👫呢間係食韓式燒肉放題 ，佢哋有兩個餐牌 ，大君御膳同世子御膳，兩小時任飲任食!🤩🤩📔📗一場嚟到，比多幾十蚊啫，當然係揀世子御膳喇! 因為可以食齊兩個餐牌嘅嘢食。鍾意食咩自己揀，唔夠可以冇限添加。上菜速度亦好快、好順暢，店員經常更換燒煱，服務非常好!😍😍🥰肉類選擇好多，其實都分唔清邊樣打邊樣，無所謂喇! 反正都係樣樣叫齊，肉類質素唔錯，不過個人比較喜歡已調味嘅肉類，因為一燒好就食得! 仲有海鮮：蝦、帶子梗係唔少得!😆😆🤭除咗燒肉類選擇多之外，佢哋嘅小食、冷盤都好豐富：特別正嘅係有醬油蝦、醬油鵪鶉蛋，醬油燉湯豬軟骨。仲有炸雞、海鮮蔥餅、 脆炸一口芝士， 炒年糕。。。等等🤤🤤🤤除此之外，仲有水冷麵、辣拌冷麵、 生牛肉石鍋飯。。。等等等等。🤣🤣🤣實在等唔切喇! 太過興奮，好快就食到飽曬! 但係仲有韓國雪條任食，唔係唔食呀？(Follow佢哋ig就得喇!)🍓🍈🍉整體包括環境、食物、服務，衛生都非常好! 真係飲飽食醉，飽到抱住個肚，超滿足!😍😍🥰
繼續閱讀
今日朋友生日，特登去咗旺角行街睇戲食飯，每次去親旺角，我哋總係喜歡去呢間韓式燒肉店食飯，餐廳好有韓國嘅風味，好似真係去咗韓國食飯咁，所以特別喜愛。平昌韓式燒肉店，地址喺旺角西洋菜街，1號兆萬中心13樓。上到去餐廳你可以見到好多壁畫，望落去好友韓國feel 。呢度有兩款放題俾你選擇，今次我哋試咗最好嘅世子放題。燒肉方面有牛肉，雞肉，海鮮，豬肉。基本上主打我都係食牛肉，T骨牛扒牛肉味比較香濃，口感比較煙靭。牛肉眼肉質比較嫩淋，牛肉味重。牛請空腹肉，呢個我就最鍾意食因為有啲牛肉脂肪，食落去牛肉味係最香濃。豬肉方面，五花腩同豬頸肉都好值得推介，五花腩燒到有啲油香，食落去豬肉味香濃好有口感，豬頸肉比較爽口。食食吓覺得太多肉類，就用生菜包住啲肉去食，感覺冇咁油膩另外冷盤都幾好味，青口同帶子都係必食嘅推介，味道非常新鮮，帶子味道好鮮甜，食到我停唔到口。燒帶子仲可以自己調味，上面加少少鹽已經夠晒味道帶子非常大粒，又夠厚身，仲有海鮮嘅味道，夠晒鮮甜燒烤爐旁邊仲可以烤蛋，加少少調味料落去，蛋味香濃鮮味十足。基本上同喺韓國食嘢冇乜分別，有泡菜，韓式辣椒醬，燒肉，韓國飲品，冷麵，生菜包肉。我試過咁多間燒肉店，平昌係最好味，性價比係最高。加上食物種類選擇好多，性價比高
繼續閱讀
一打開電梯門就聞到一陣陣燒肉香氣見到店內環境真係有種瞬間移動到韓國嘅感覺門口接待的是位韓國人但亦識講少少廣東話裝潢方面完全是正宗韓國燒肉店格調紅色鐵桶椅子加上牆身的卡通塗鴉都好有特色這裡的放題set有兩款,分別是大君及世子貴少少嘅世子set都只係$300左右但就可以食埋大君set所提供的食物點肉類前我們都叫了幾款熟食試試個人比較喜歡醬油燉豬軟骨豬軟骨超軟淋又入味至於無骨原味炸雞亦都好食醬汁甜甜地帶微辣,炸雞亦都外脆內嫩但最值得推介的是醬油蝦,夠大隻又厚肉加埋帶點麻酒香的甜醬油一齊食勁好味至於主角燒肉方面世子set先有的牛前胸腹肉,T骨牛扒,牛肉眼及香草五花肉都是一定一定要點的,因為以上幾款牛肉實在太好食由其是T骨牛扒,一見到切出來的份量大到嚇一跳輕輕燒到變金黃焦香即可,肉質軟滑多汁又有咬口半肥瘦的五花肉燒完後亦嫩口又多汁而店家都幾貼心將某些肉類分開原味及辣調味方便一些喜歡食辣及不能食辣的朋友我們嚐辣,所以偏向點選辣調味烤牛肉,辣汁肥牛片,辣調味雞腿肉燒熟以後更為惹味香口,配生菜一齊食,開胃又解油膩其他肉類如雞軟骨,雞腎串燒都幾彈牙爽口海鮮類則選了帶子,蜆,蠔及扇貝等但可能不太懂得掌握燒海鮮技巧所以燒得太乾身,純屬個人問題仲有好多食物例如醬油鵪鶉蛋,海鮮蔥餅,生牛肉石鍋飯等其實都好想試但實在食得太飽了,未有機會,要下次再來食過總括而言選擇類別都好多,而且好少漏單員工亦都好勤力經常視察幫忙換煎pan接order單服務不錯,氣氛又熱鬧,食得好滿足
繼續閱讀