平昌

營業中

休息中

尋日放假同媽咪嚟到旺角行街食嘢，見到兆萬中心入面有咁多好嘢食，就嚟發掘下～望到呢間韓燒好似好吸引咁😍就入嚟試吓～六點幾七點都好多人😂呢間餐廳好有韓國嘅感覺🇰🇷播住韓文歌，嘢飲🧃雪條都係韓國牌子，好似去韓國旅行咁✈️佢有三種放題，大君，世子同國王放題，我同媽咪揀咗世子放題🥰一個人$278，兩個人包埋加一$600就可以食兩個鐘放題👍🏻豬五花腩半肥瘦嘅五花腩，燒完有好多肉汁出咗嚟😙幾鍾意佢嘅護心肉😍調味好正👍🏻燒到好Juicy☺️包住生菜食好好味😋 T骨牛扒超級大件牛扒☺️燒到好香🤩肉質幾嫩滑🥰咬落啖啖肉😆幾有咬口😙食得好滋味💕海鮮類有好多唔同種類嘅海鮮🦞好似生蠔，扇貝帶子同埋青口🥰好大嚿生蠔🦪職員話個殼好難燒熟，所以就拎個生蠔出嚟擺喺一邊燒～食落超級香😍仲有蠔汁流出黎添～值得encore👍🏻扇貝同樣咁大舊🤣燒熟左嘅扇貝都係咁Juicy☺️帶子肉質幾滑💕食落幾彈牙😙燒青口幾香🤩食落覺得幾新鮮😚串燒類佢有唔同種類嘅串燒，好似香草五花肉～半肥瘦嘅五花肉，醬汁調味好正👍🏻幾有質感😆雞軟骨串食落煙煙韌韌，幾有咬口😚雞腎串同樣咁香💕燒鯖魚一條鯖魚食落覺得好香🥰好有鮮味～而且唔會有腥味😙仲有啲魚汁流出黎添～有少

超愛食韓燒嘅我等左咁耐終於等倒放寬晚市可以大擦一餐！揀左好耐揀左呢間咁多人like 又方便又抵食嘅任食韓燒放題！好彩一早book 左，因為真係好爆！餐廳有幾款set, 我地揀左世子set 都已經好夠食：第一輪已經叫左牛，選擇好多，份量好岩兩個人食，肉質唔錯仲好有肉味。岩晒食肉獸！之後必食嘅係醬油蝦。真係超好食好爽口～～其他海鮮燒完都好入味仲特別鮮甜！正！爐邊蛋要盡早食！好滑好味！雞翼大大隻仲醃得好入味最後要黎返d 主食咁就大滿足！辛辣味就緊係必食架啦！仲有牛肉石鍋飯、泡菜豆腐湯 真係超正。一定要再encore!

之前搵任食燒肉時做咗好耐research結果都揀唔啱因為出名嗰啲一係好貴一係貴得唻唔好食最重要係有好多根本book唔到檯又排唔到walk in朋友介紹呢間平昌起初我是拒絕的因為佢喺兆萬兆萬嘅名聲實在太堅了但我睇完價錢咁抵覺得都唔應該一竹竿打一船人嘅😌試吓不妨我覺得at least要試世子會多嘢食好多牛大腸第一次食好肥美!!護心肉估唔到佢肉質素好唔錯嗱以上係我一個人份量有啲a la carte韓燒一罐可樂要35蚊所以任飲實在太感動題外話限聚令下呢間九半last order我落樓時八點鐘鬆啲見到有個著黑色風褸戴耳機嘅人扮保安同啲排𨋢上呢間嘅人講：十三樓呀？last order咗喇喎 不如去xx啦 都係韓燒唻之後人地上咗去 個男人就同耳機講：兩位上緊唻呀 正常價俾佢得喇 唔洗做優惠😂😂😂嘩 有呢啲同行執到真係喊三聲

好耐無食過韓燒啦，以前食嘅韓燒都比較港式，無爐邊蛋，又無包菜，如果要食正宗少少嘅就單點，價錢都幾貴。所以呢間係朋友介紹之下食的，食完覺得係幾正宗而任食嘅韓式燒肉！今次我地叫左中等價錢嘅世子御膳，佢賣點係佢有得食護心肉，同埋小菜多啲選擇。一坐低店員就俾左一盤生菜、泡菜同芽菜，可以refill, 生菜樣子好新鮮，唔會霉霉爛爛咁。然後倒上爐邊蛋，後來我地自己剪左啲泡菜落去，成件事即刻昇華左，好夠味！烤到個底有少少微脆，而蛋心仍然滑滑地，口感唔錯未食燒肉前，都試左啲小食，以下幾款覺得唔錯：八爪魚刺身沙律入面嘅八爪魚都幾多塊，味道都有啲鮮味，無雪味，不過芝麻醬重手左少少🤣 食食下肉，再食呢個都幾解膩鰻魚鰻魚係直接食得嘅，如果想再香啲同熱啲，就可以燒一燒佢。食落照燒汁味足而且香，鰻魚嘅皮厚少少，幾有口感。醬油蝦呢度嘅醬油蝦同我係韓國食嘅味道係一樣嘅，有清清地嘅醬油味，食得出蝦本身有嘅鮮甜味，生蝦比生蟹好似多人接受到啲。燒肉方面，我地第1輪就食左燒豬皮先，豬皮燒到軟身而且焦香，有油脂香味，點埋燒汁好正！如果有黃豆粉就真係一絕啦，配啤酒一流。試左幾款肉，覺得LA牛排真係好正，好有牛香，口感又唔會韌，e

今晚約咗朋友喺旺角食韓燒，呢間韓燒企喺門口嘅侍應係韓國人，同埋加上嗰啲枱櫈、裝修到好似韓劇裏面見到差唔多，所以比我感覺佢好似係韓國人開，好似好正宗咁，我哋叫咗大軍御膳同埋西子御膳。前菜係一般有嘅Kimchi、芽菜仔、生菜全部都有齊。因為實在好肚餓，所以都叫咗個石鍋飯、韓麵，兩樣嘢都好好味道。當然今晚嘅主角韓燒就係肉、肉、都係肉。T骨扒好大塊好靚嘅牛肉好吸睛。牛舌好靚切得夠薄，燒冇幾耐已經好香好好味道。普普通通嘅牛柳肉條都夠滑好食，唔使燒好耐已經可以放入口。仲有就係喺韓劇入面成日見到啲主角食嘅五花腩，佢切得唔會好厚，仲有一把夠晒鋒利嘅鉸剪俾我哋用，將五花腩剪到一小口一小口咁放入口食，夠晒方便。當然仲有其他海鮮，蝦、扇貝、𧐢都唔錯。

番番下工 突然好想食韓燒 就諗下有邊間未試過 又想食既餐廳🤩搵到哩間平昌就一於試下佢啦 餐廳裝修好地道feel彷彿好似係韓國當地食緊即刻有去旅行既感覺🤗🤗🤗餐廳有3個餐比你揀 大君 世子 國王 我地揀左世子 就會有埋大君🤩野食種類繁多 有熱食 冷盆 同埋大量肉類🤪好多餐廳做放題 熱食都唔多掂 但平昌做得好不錯!!! 炒年糕 好正 唔會淋gg 好有咬口 豆腐湯好夠味 炸雞一d都唔求其 上臺係熱到辣口既醬油蝦唔腥 不錯👍🏻燒肉方面豬皮 牛腸 豬腸 好邪惡但我鍾意 一路燒一路標油出黎 😋😋😋辣豬腸好夠辣 好入味無臭味😎牛肉方面 燒2燒食得 牛舌好爽出奇地意外!!! 叫左好幾碟食牛仔骨, 雞腎, 雞軟骨全部都好好食 仲有食韓燒點可以少左五花腩呀🤩🤪😋😚職員好好禮貌 同細心 會留意住幾時需要換鐵板再燒過🥰🥰🥰🥰

餐廳提供3款價格既韓燒放題，任燒任食2小時。環境闊落，晚市8點食book位，已經full哂。所以一定要book位。侍應做野好快手，服務好周到，不斷經過睇下有冇單要落，有冇碟要收，可以盡情食。叫左世子放題(每位$278)，可叫大君及世子餐牌內既食物。入座後會提供泡菜、生菜，侍應會倒滿蛋漿於爐邊，可以refill。牛肉類中，牛肋骨肉必點。d肉起左骨，一燒d油滋滋聲，肉汁多，一口剛好。牛舌圓形一片，燒一燒好快得，同樣肉嫩。T骨牛扒超大塊，望落乾身，但咬口唔韌，好重牛味。豬肉類中，護心肉超juicy，肉嫩好多汁，每件大小剛剛好放入口。豬五花腩帶少少骨，燒到焦脆迫哂d油花。唔想剪，可以叫薄切，快熟油脂又夠。亦有提供醃製入味、辣味既肉類，種類多。海鮮中，有貝殼類、帶子等，帶子燒完依然大粒，甜甜地。料理有好多款，款款都好吸引好高質。其中，牛肉海帶湯勁大碗，勁多海帶，好鍾意，而且飲完唔會覺得口渴唔鹹。調味鰻魚已熟，不過可以自己再燒一燒，個皮更焦脆。脆炸雞翼好出色，炸完好脆，入面d肉好滑，仲juicy添。八爪魚刺身沙律足料，八爪魚夠甜，加埋芝麻醬食，fresh。飲品自己出去雪櫃拎。整體，食食下，侍應見到

雖然兆萬曾被稱為劣食之都，但今日食呢間都幾好wor💓 令我對兆萬另眼相看😂一出lift 就直接係餐廳範圍，入面好熱鬧，而且播住KPop，氣氛好好!❤️ 大家記得要book位，唔少walk in 既都冇位👀店員勁快咁set好個陣，啲泡菜芽菜爐邊蛋都係秒速準備好！今次簡既餐可以點大君、世子兩個餐牌入面既野食～選擇都幾多下，除左基本既豬雞牛，仲有海鮮🦞同韓式料理😻😻食物既味道都可以，最鐘意佢既韓式炒粉絲🐽不過最值得黎既原因係因為佢氣氛真係好好，好耐冇咁熱鬧💛💛😭😭而且店員好勤換烤板，上菜又快又冇漏！

去旺角搵食發現呢間嘅網上好評有好多，所以就諗住試吓～呢度有三個等級嘅放題可以揀，我就揀咗level 2嘅世子set 一坐低就有前菜食～ 芽菜爽口，泡菜都幾入味落單嗰陣就一路等爐邊蛋～肉類嘅選擇非常之多，牛肉雞肉豬肉都應有盡有作為食肉獸嘅我真係好滿足！啲海鮮都好新鮮～ 另外啲炸物都幾出色！呢個炸一口芝士同埋芝士蝦球都好食！入口即融天婦羅蝦個炸皮都做得好好！朋友叫左水冷麵～ 佢話味道適中，帶少少嘅酸味～ 海帶湯都有驚喜 我哋仲一人一碗雖然價錢唔算好平，不過勝在食物選擇夠多，味道都唔錯

好耐沒有去旺角食放題了，這間平昌韓式燒烤係朋友推介，今日約好時間收工上去試一試!一進入店內感覺十分似韓國小店，而且大部分後生仔女為主，氣氛唔錯!我們二人點了世子御膳，包括埋大君御膳嘅menu都可以點，種類算多元化。前菜有泡菜，生菜，大豆芽，調味十分適中。呢度落單上菜時間非常快， 抵讚!先來一件大 T-骨扒，肉質唔錯跟住我哋點了多款肉類。五花腩燒到脆一脆，入口油脂豐富。跟住點了一些海產類，例如大虎蝦，帶子，扇貝，魷魚，燒蠔... ... 這些海產用來燒烤真係特別入味，而且入口鮮甜。呢度嘅侍應會好主動收單及幫我們换鐵板，講真這個價錢，食物水準，環境服務都收貨了，下次我都會帶朋友再來試試!

好耐冇食韓燒啦，之前經過兆萬見到呢間餐廳就book mark咗，今日終於去食。見餐廳咁多好評，自然期望高，果然冇失望，性價比高，款式又多！👍🏻👍🏻😆餐廳好似韓國地道餐廳，終於有去旅行嘅感覺，好懷念🤧因為想食多幾款肉，所以叫咗世子御膳set，重可以點埋君子御膳menu嘅食物，好多款式，又抵食。😋特別推薦護心肉，肉質冧身，燒完重好嫩滑。牛舌薄身，燒完好快食得，彈牙有口感。🥰重有好多唔同部位嘅牛肉揀，牛前胸腹肉好有牛味，好食。👍🏻而雞腎醃得好入味，好爽口，搞到我食咗2串。😝燒完嘅五花豬肉重可以用韓式方法食，以生菜包埋，加泡菜食，食落冇咁有罪惡感，重要好fresh，唔油膩。🐷海鮮重有好多款揀，可以燒蠔、燒扇貝、虎蝦，幾新鮮，但要燒耐啲先食。😆第一次食醬油蝦，口感好新穎，好彈牙，值得推薦。🦐食完熱野，食冷麵，一冷一熱，好舒服。❤️另外要讚餐廳服務好好，職員一見我地塊燒烤板焦就幫我地換，好貼心，一晚都換咗4-5次，好過好多韓燒餐廳。👍🏻

太耐冇食韓國嘢嘅關係Book左呢間位於喺旺角兆萬中心叫平昌嘅韓式燒肉放題上到去幾乎坐滿咁滯滿到亦都唔接walk in 如果想食都真係要預先book位有三個價錢嘅套餐選擇我哋就揀咗$278嘅世子御膳世子御膳食物嘅種類會多幾款佢嘅熟食亦都相對較為吸引都會有自助嘅飲品提供幾款都係韓國放題必備嘅飲品例如忌廉梳打坐低咗之後店員就會幫我哋上個爐邊蛋肉類質素望落去相當之唔錯當中我最鍾意食嘅就係豬五花，牛肋骨肉同埋護心肉當然唔少得牛舌佢嘅LA牛扒雞腎同埋雞軟骨都係必嗌買最鍾意佢將啲雞腎同埋雞軟骨串做一串方便燒烤另外店舖仲會有啲內臟供應，例如豬大腸牛大腸等等食落去滿滿嘅油脂，鍾意嘅人一定唔可以放過佢嘅韓式麵食同埋小食亦都做得非常之出色我最鍾意佢呢個辣韓式冷麵同埋泡菜豬肉鍋飯好食得來之餘份量細細兜其他嘅都值得一讚十分之好味另有個小插曲店員係收碟嘅時候唔小心跌咗一滴水係我隻手度本來都話冇事佢轉個頭就拎左一疊嘅紙巾同埋濕紙巾俾我仲係咁講對唔住服務質素真係冇得彈

呢日黎到平昌燒肉！真係勁正！一入到去已經聞到勁香肉味，真係想快d開始食！一入到去店員就幫我地整左蛋係旁邊一陣熟就可以食！又有前菜，，分別係泡菜同埋芽菜，兩樣食落都好惹味仲可以無限添加，泡菜勁開胃我都忍唔住加左幾次～～我地揀左要世子set ,入面既選擇都有好多，醬油蝦都幾出色！ 世子set都可以叫埋大君set入面有既野！ 牛肉既選擇都有唔少，食落仲好有牛味，我地都encore左好多次！ 除左燒肉前菜，佢仲有唔少熟食可以揀，普通去韓國餐廳可以叫到既麵食同鍋物都有，但為左食多d肉我地都冇乜叫到呢d鍋食黎食，如果同老人家黎佢地唔太想食咁多肉其實都幾岩！仲有燒海鮮都有好多款同埋都好新鮮！ 我已經諗定想下個月再黎食haha

韓國opaa 就無得再見，燒肉就keep 住食到，今日同朋友去左位於兆萬13樓既平昌燒肉，一開𨋢門已經有個韓仔oppa用唔鹹唔淡既廣東話問你幾位，餐廳仲要播住韓文歌，正到無朋友🇰🇷今次係為左慶祝朋友生日所以嚟食，所以決定叫個貴少少既set 世子御膳，不過可以放心叫左世子既都可以嗌埋大君御膳入面既飲食🥰選擇絕對唔會少人流好多所以食物去得好快！肉類好新鮮雖然都係冰鮮肉，但都食唔出啲咩雪藏味，而咁多肉入面我最中意護心肉同埋豬皮仲有好多人都唔食既牛腸，護心肉燒到啱啱好唔可以太熟太生，入面既肉汁配埋生菜蒜末大豆芽泡菜，仲唔係正宗既韓國食法咩。我之前去韓國就成日食豬皮既，難得香港餐廳有，我都緊係要叫🐷原來朋友係第一次食，佢話估唔到口感又幾特別佢初頭以為會好似中式燒肉個啲脆皮咁，但其實唔係，佢大火燒完之後逼晒啲油脂出嚟，煙煙韌韌好有咬口又充滿骨膠原所以我地都encore 左次。其他飲食不過不失，最令我supervise既係職員既友善，佢知我拎得多野主動提我可以將啲野放係凳入面，見到爐片黑晒又會問我洗唔洗換過塊，好少任飲任食既餐廳職員都可以做到咁有質素咁主動照顧客人既需要❤️

位置方便，而家有夜晚堂食就試下呢一間。入到去裝修都幾好又闊落有小小韓國FEEL。野飲都有好多款唔同嘅比你選擇，價錢最平嘅放題都已經有韓國啤酒飲，正丫食物方面豬肉，牛肉，雞肉，蔬果，海鮮乜都有重有唔同既韓式小食(全部都中上評價)呢個價錢食到呢D咁好質素真係值得再黎。