平昌

營業中

休息中

平日食4-6pm有九折。每人$200。去到量體溫再酒精搓手，入內先填聯絡資料交比職員。三個人食世子，樣樣都試d。照燒汁肥牛片係最好食既。枱面有生菜、泡菜、芽菜，紙袋供裝口罩，幾貼心。但係無生蒜粒，濕紙巾。飲品係門口位置自取，選擇唔係特別多，但款式係幾新穎。有荔枝烏龍茶，兩款啤酒，蘆薈汁，忌廉牛奶。啤酒真係正，配韓燒一流。個人對海鮮類真係麻麻，魷魚係無味，蠔、元貝、蝦都一般般，每人一隻試過後就無再點。爐邊蛋唔錯，加左兩次。辣海鮮湯，水冷麵各一，三人分，覺得普通。個煎餅望落好油但食落唔錯。兩個鐘時間充裕，慢慢燒都OK。我地好細食，燒一個鐘就飽左。醃肉有些過鹹，就算包生菜都嫌略鹹。各種肉還可以，最好食都係肥牛片同五花腩片，鰻魚唔錯。牛肋骨麻麻、雞肉串就好難食，有陣怪味。另外，中間爐塊鐵板好易燶，麻煩職員換過三、四次，如果可以參考其他店，有舊白蘿蔔用來自己捽塊鐵板就更好~唔洗麻煩人換嘛~~期間爐熄左火，職員既態度係幾有耐性幫我地換gas。整體，就係OK，三個人食，張枱好細，燒得好唔方便，唔算好大吸引力再去。

好開心終於可以同朋友食到平昌!!之後好多朋友都話好好食但係好多人book 所以今次有朋友book好哂比我地四個人一齊去食就真係方便好多!一去到都好多人排隊, 好彩朋友Book左位就等左5分鐘就可以入去食啦~ (爽講下佢個環境先, 平昌個環境真係好似我去韓國D燒烤店咁, 個裝修做得幾好, 而且可能因為係疫情關係, 位與位之間個距離都做到好足, 唔洗怕會同人好近, 而且有比多左一張台我地去放食物~熟食種類比我想像多，我哋即刻叫左醫肚先。原味炸雞&炸雞翼好香口，咬落下好juicy, 唔會話太乾，不過個人覺得可以少d炸粉會更好。脆炸芝士蝦球細細粒容易入口之餘，食落又唔會太‘漏’，非常好！韓式年糕同醬油蝦同起韓國食冇分別，必食推介！另外，燒烤的類別種類十分廣泛，有雞腎、雞軟骨、各種牛肉部位、雞翼等。海鮮方面有生蠔、帶子、蝦、青口、蜆，總之食物種類好豐富，呢個價錢簡直係超抵呀！難怪咁多人嚟食。

疫情至今超過500日，不能外遊真是很磨人。退而求其次食韓烤來滿足下韓癮發作的我。選左在旺角兆萬13樓平昌食韓式燒烤放題，貪那裏位置方便，店內環境幾寬敞，空氣抽風算 ok, 食完唔會太大油煙氣味。價錢合理，晚上都是每位$278，二小時內任點任食在「大君」和「世子」二個菜譜內的食物。款式好多樣，有生的也有已煮好的熱葷。咁樣自己燒又得，食D現成的來增加食物的多元化又得。一開始我點了八爪刺身沙拉，鮮美味的八爪魚配新鮮沙拉菜及芝麻醬超開胃，唔錯。香港人出名喜歡食海鮮，我也不例外，油蛤，半殼扇貝、虎蝦、半殼石蠔全點了來試。其中油蛤好多汁及重海水味，石蠔其貌不揚，別看了了瘦瘦但勝在蠔味好夠，yummy。蝦來說，燒的虎蝦肉彈味鮮但不及醬油蝦來得正宗韓味，值得試。肉類方面我揀咗新鮮唔同部位嘅牛有肉眼、T骨、牛胸腹肉、肥牛、牛排，哈哈哈仲有牛腸好韓地道呀。豬就點了護心肉同五花腩。各有各特色，肉質都上乘不柴又有肉汁。用脆嫩生菜，各式韓泡菜，大醬包來食都好味美。熟食我就覺得鰻魚及石窩飯唔錯。最後值得開口讚是店出單準且快，烤盤換得勤，飲品頗多選擇，多次取也沒有店員給你異樣眼光。二小時盡興飽啖美食而回。

今日嚟到旺角，諗起好耐冇食過韓燒，上網睇到平昌韓燒好多人都讚，咁就同男朋友上去試吓啦，佢係位於兆萬嘅，一上到去一開門真係嘩一聲，人流多到嚇死人，證明呢間餐廳肯定好好食啦，咁佢係分咗三個set嘅，唔同set可以order唔同嘅食物，咁我哋就照左最基本嗰一個啦，一坐低佢就會俾少少小食例如泡菜青瓜嗰啲，之後仲會到蛋醬落鐵板度，咁食得燒肉第一時間梗係叫啲豬同牛啦，佢嘅肉醃得好入味而且唔會切得太薄，所以真係好好食，而且佢好好地會無時無刻留意你嘅鐵板有冇燒燶，有嘅話佢哋好快就會幫你換，印象最深刻嘅一定係佢嘅L A燒肉，因為有少少脂肪但唔會過分，所以食落嘅時候好香口，而且我認為平昌最特別嘅係佢嘅員工有一部份係真係韓國人嚟嘅，令到依一間韓式燒肉店更加油韓式嘅風格。

疫情下的韓式燒烤🇰🇷店內很多店員都是韓國人😊令你有韓國餐廳的感覺，最緊要係正宗韓國人超有禮貌👍🏻值得一讚在繁忙時間，很多人都在排隊中，店內偏向韓式地道燒烤設計餐牌有不同價錢，今次叫了二人世子放題太君和世子的餐牌都可以選擇，世子感覺再多一些貴價食材飲品任飲，最上有免費啤酒🍻🆓燒酒等要再加錢未開始燒前，先上前菜—泡菜 (不太辣🌶)和芽菜爐邊加上蛋汁，食完可叫店員添加🥚最大特色係基本上所有熱門韓國料理都有齊🇰🇷選擇很多炸雞🍗雞翼位置，十分脆口和惹味海鮮推薦—生蠔🦪帶子，大青口蒜容藍青口(熱上) 很入味🤤T字扒超抵，大過手板，不過食一塊已經好夠肉扒都值得推介，肉質較鬆化，而且色澤都不錯👌🐮👍🏻

一行4人，翻屋企睇負評，就知中伏，原來負評內容差唔多，就代表全部係真實體驗，又買多個教訓！以下係個人作為一個大食怪對呢間餐廳嘅體驗，純屬個人意見。1. 扣單問題！！！放題預比人扣單，呢間扣單問題特別嚴重。點餐數量用一份份計，一行4人，第一round樣樣寫一份，來到每份4舊。正常人都會跟住呢個思路，8舊寫2份，12舊3份，如此類推。但係，無論寫1，2，3，4，5，6份，永遠來到都係1-2份，點解要用「份數」唔用「件數」？定純遂度「縮數」？當然食量細比咁小無問題，遇著個大食怪，就難免有啲唔太盡興。2. 食物質素呢個價位都遇左食物質素平平，事實都係質素平平。有醬料嘅肉全部都係醬料味，無醬料嘅肉就肉味欠奉，上到檯啲嘢食係未解凍，肉類切得偏薄，加埋嚴重同過分嘅扣單問題，無法做到質量互補，質素就見仁見智啦。3. 用餐環境整體感覺衛生，唔見有小昆蟲，但地下油淋淋，衛生情況都叫合格。問題出喺塊燒烤盤，燒烤盤尺寸有限，放大概7-8舊肉就滿曬，燒烤盤細唔係問題，但係可唔可以整多一塊？4個人咁燒，略嫌辛苦。尺寸問題此其一，燒烤盤容易燶為其二，唔知餐廳燒烤盤係唔係無上油，燒肉燒唔夠十塊，塊板就已經燶曬，食物常

以前差唔多lee d時間都已經去左韓國遊既日子已不復再。 所以一講到韓國, 就好想食韓燒。朋友介紹這間旺角既平昌好抵食既真香港人店。 所以就去試一試。今日係平日, 黎到已好多人。 好在都唔洗等好耐。 簡左世子御燒, 原來都可以簡埋大君set, 真係幾多野簡。而且牛肉, 豬肉都特別多。 個人覺得牛肉最正, 尤其係牛筋骨, 牛舌，LA牛排, 護心肉, 豬五花腩, 薄片豬五花腩，都好好味。 不過牛肉快熟d lor. 肉味好濃, 唔會"銀" 食肉獸超抵。 而爐邊仲有煮2行芝士蛋汁。 食到咁上下, 等蛋汁半熟咁食, 真係好好味。 而佢地既熟食都好好味。 仲有不得不提既生菜, 好新鮮, 包住肉食超正, 仲可以任添。 上菜好快, 服務員又好欣勤, 要加野換爐都好有效率。不過海鮮就少左d, 亦一般好食。 所以冇叫太多。最後, 食完幾輪都超飽, 就叫多碗海帶湯黎消制下。真係好掛住韓國。 下次再想食韓國野, 真係可以再返食。

最近真係一開始食韓燒就會想再食多幾次，然之後喺度係咁搵唔同嘅韓燒舖頭，今次就揀咗呢一間從來都冇食過嘅平昌黎試試，覺得呢度嘅套餐個名望落去好得意，同朋友食嘅係世子套餐，都幾多嘢食，肉類種類同埋小食都算多，而且價格相對黎講都唔錯，算係後生仔女嘅天地。有叫炸鸡同沙律，炸鸡都幾脆，同平時來講食開嘅都差唔多，算唔錯，沙律都好fresh，反正不嬲都幾鍾意食，燒肉方面種類幾多，牛扒大大塊～食落去都唔錯，唔會話好硬，nice~~

旺角兆萬的確係一個美食集中地，當中有一間韓式燒肉放題好想食，今日終於都可以同埋朋友一齊嚟食啦！就算係任食都分咗唔同嘅價錢，不同價錢代表著可叫唔同嘅menu， 難得出街食飯當然要食好啲啦！ 我要咗一個最貴嘅價錢，可以食曬「大君」同「世子」😂當中有燒肉同熟食 ，每樣都點咗啲，燒肉我會highlight護心肉同調味烤肉，2款都比較juices，護心較厚身有口感，調味烤肉則薄身啲入哂味！用生菜包著烤肉同泡菜嚟食，可以免去膩感，即刻可以食多2件。熟食方面，呢個傳統既炒粉絲都深得我心，配料多，調味合哂我胃口！yummy!

朋友聽講話呢間食韓國野幾正宗同埋食物種類又多又抵又好食,即刻book位叫我陪佢去食。真係好彩朋友book左位,7點幾上到去已經差唔多坐滿,仲有D人系度等位。我地揀左世子set,因為連大君set既menu都可以任食。一坐底店員就拎左小食同生菜俾我地,仲落埋蛋漿。我地可以一邊揀野食一邊食住等。料理方面,無骨原味炸雞去韓國必食,好香脆。超推介佢地既醬油蝦!!!蝦身爽滑又大隻,勁入味,係好食到連平時唔中意食生蝦既朋友都係咁食!!!!!!! 醬油蝦真係唔係間間有。炒年糕都好出色,年糕完全俾d辣醬包住晒,之前出去食百幾蚊一碟果D汁好稀。辣海鮮豆腐湯&牛肉海帶湯都幾好味,中意食蒜既推薦飲牛肉海帶湯‧到燒物啦, 牛肉眼肉質較嫩,燒到岩岩好轉左色, 仲有好多肉汁~LA牛排因為有骨難免會燒耐DD, 燒到有小小燒焦,好香。懶人可以試下調味烤肉,熟左即食好夠味, 肉質鬆軟。海鮮方面,有油蛤、半殼青口、半殼石蠔、虎蝦等等。油蛤好大粒、無沙; 虎蝦都好新鮮, 肉質好實。有齊晒豬、牛、羊、雞、海鮮同料理,任食任飲先三百左右一位,真係好抵!!!!!

都真係好耐冇去過任食韓燒啦呢間係兆萬樓上一入去就有講韓文嘅oppa聽到啲女仔都喺度問係唔係韓國人😂任食有兩個價錢，可以食嘅嘢都有啲唔同今次就揀咗中間價錢嘅大君御膳一坐低店員就幫我哋到咗窩邊蛋，仲有泡菜任加海鮮都叫做新鮮，肉類大部份都色澤紅潤，而且唔會有好多血水另外都叫咗個泡菜海鮮湯，都好足料佢仲有其他熱食例如海鮮煎餅，水冷麵，同大醬湯等等🤗不過因為食得太多肉所以就無試到順便一提，佢嘅飲品都好齊全可以任攞

朋友未得悉旺角兆萬中心有「劣食勇者塔」之惡搞稱號，佢仲訂咗枱呢晚同我去嗰度食飯。但依個只係都市傳說，我自己之前有嚟過，覺得其實都無乜嘢🤣。呢晚幫襯嘅餐廳係位於十三樓食韓燒嘅「平昌」，雖然我哋訂咗八點鐘，但諗住早去早回，七點半上去睇下有冇位，點知真係無。之後落返去行陣，夠鐘先再上去，誰不知勁多人等緊入座囉，塞滿咗等𨋢個位🙈，人氣超高。見到墟冚如此，我感覺即刻安心好多，咁多人食，應該唔會中伏啩。我哋獲安排坐喺最入、類似房間嘅位置，估計比大廳好坐，因為少咗四方八面嘅油煙攻埋嚟💨。但平心而論，餐廳嘅抽氣一般，一落返樓就會發覺全身都係燒肉味，而且枱上嘅餐牌偏笠，始終燒嘢食係會彈油，無計。平昌落單嘅方法好原始，因為係自己寫號碼喺塊卡板度✍🏻，而抵讚嘅地方係餐廳上菜速度快，兼且無漏單。店員服務態度積極，即使我哋坐到咁入，佢哋周不時都會入嚟睇下客人有乜需要，又會主動換塊鐵板，超好👍。韓燒御膳任食套餐設有三個級別，由低至高數起分別係大君、世子同國王👑。我哋揀咗中間嗰款，星期一至四每人收費$278，再另收加一，即係約三百蚊一個人。熟食同肉類嘅選擇同樣豐富，即使最平個餐都有好多嘢食可以揀。接住落嚟，我會介紹

今日放工同媽媽去食韓燒放題其實而家都開到好多唔同種類乜都有最後揀咗呢間比較真係有韓國風味嘅餐廳7:30去到都幾多人㗎好彩都有位會用啲紙畫食物而唔係出去拎嘅值得一讚嘅係張紙仲要可以循環再用嘅添夠晒環保 叻😙呢個時勢亦都夠晒衛生啊一開始就會俾兩條爐邊蛋你 媽媽話好好食 因為好滑 我哋仲會落啲泡菜落去變成泡菜蛋 哈哈我就最鍾意食牛所以揀得比較多牛舌 牛小排 牛肋骨 調味烤肉都有叫我最鍾意牛小排同埋調味烤肉好有牛味好香另外豬肉就揀咗五花腩同梅頭五花腩都好肥美不過好邪惡😆樣樣都好食😋仲嗌左個海帶牛骨湯鰻魚都encore左好多次呀鯖魚 蠔 帶子 蝦 魷魚 扇貝都有試 中規中矩個半鐘真係夠晒時間了我哋大概叫咗四轉都已經夠晒飽喇其實仲有泡菜豆腐海鮮鍋都未試都係留待下一次啦哈另外如果加錢可以叫酒 其他飲品就任飲嘅

接待既女士非常無禮貌，只是開下時間同價錢，一句彈埋黎就問”有冇book位？”問多少少就唔耐煩，咁唔想做咪咪做囉，冇話香港投訴之都，但而家d人無論老定嫩都好無禮貌！

食韓燒就食得多，都未食過呢間平昌，上到黎見到坐無虛蓆，都知無揀錯！呢到有3個價錢既選擇，愈貴愈多野食😂不過其實最基本果隻都好野肉類選擇，豬牛雞海鮮都有，而且最驚喜係熟食都有好多野揀！等緊燒肉既時候可以食下辛辣麵！除左辛辣麵仲有海鮮煎餅，炸雞，水冷麵，石頭飯，全部都好好食，尤其辣伴麵，好有韓國味道！肉類方面都唔差架，牛肉有牛柳西冷T骨等等，豬肉就推介護心肉，個汁都好好食！呢到雖然無甜品食，但係like 社交平台就有2條雪條，係melona黎架，好滿足呀！