影片
更多
2011-09-06
39 瀏覽
好耐無食食評的我，終於因為平成二十二令我的起心肝再寫......朋友的同事話這一間不錯，特別係刺身，所以選擇了，亦將重點放了在刺身上。事前當然上來做好準備，見到有三種食物好吸引我，分別係唔係度度有的原隻甘海老刺身、天使蝦壽司同霜降牛肉壽司。訂左位，2020到，等左一陣，好多人等緊，相當受歡迎。第一ROUND當然食刺身，第一感覺幾滿意，特別係劍魚腩、馬刀貝，但三文魚同甘海老刺身就好一般。食完刺身，開始有其他野到，開始入肉，簡單重點講幾野......好食的：燒牛舌不錯，味道好又不硬。雪糕多種類，味道亦不錯。燒鰻魚、炸蠔、芝士年糕都OK。只是，難食的更加多。第二ROUND的刺身開始來料，甘海老刺身頭同身甩甩下咁，又唔凍，大家都知刺身唔凍係好可怕。三文魚仲過份，都唔望係厚切，但個面積大到好似成人一節手指公咁大，攪錯。天婦羅，厚粉到呢，唔講仲以為係大牌檔D炸蝦蟹。枝豆，又係未食過D咁難食的。天使蝦壽司無咩味，牛肉壽司更加係無味，唔知自己咬緊咩咁，而且D飯極大，絕對大過塊刺身。羊架，真係唔識形容，難食到極，一係係骨，一係係硬到咬唔開，味道亦係零，好似一塊膠。講完食物，再講其他細節。送食物極慢，得果
朋友的同事話這一間不錯，特別係刺身，所以選擇了，亦將重點放了在刺身上。事前當然上來做好準備，見到有三種食物好吸引我，分別係唔係度度有的原隻甘海老刺身、天使蝦壽司同霜降牛肉壽司。
訂左位，2020到，等左一陣，好多人等緊，相當受歡迎。第一ROUND當然食刺身，第一感覺幾滿意，特別係劍魚腩、馬刀貝，但三文魚同甘海老刺身就好一般。食完刺身，開始有其他野到，開始入肉，簡單重點講幾野......
好食的：
燒牛舌不錯，味道好又不硬。
雪糕多種類，味道亦不錯。
燒鰻魚、炸蠔、芝士年糕都OK。
只是，難食的更加多。
第二ROUND的刺身開始來料，甘海老刺身頭同身甩甩下咁，又唔凍，大家都知刺身唔凍係好可怕。三文魚仲過份，都唔望係厚切，但個面積大到好似成人一節手指公咁大，攪錯。
天婦羅，厚粉到呢，唔講仲以為係大牌檔D炸蝦蟹。
枝豆，又係未食過D咁難食的。
天使蝦壽司無咩味，牛肉壽司更加係無味，唔知自己咬緊咩咁，而且D飯極大，絕對大過塊刺身。
羊架，真係唔識形容，難食到極，一係係骨，一係係硬到咬唔開，味道亦係零，好似一塊膠。
講完食物，再講其他細節。
送食物極慢，得果2個鐘已經唔係多，我們仲曾經試過成20分鐘係咩都無得食，迫左叫雪糕頂左先。最嬲係，之前要求店員提LAST ORDER，佢話自己睇鐘，2210，OK。到2205，朋友想食雪糕埋尾，遞左好耐紙都無人理，直到後來有個女仔來，另一個應該大粒D的男人話唔接單啦......攪錯，我明明LAST ORDER前已經叫人，係一直無人理，而且只不過係2、3球雪糕，好過份......
二百幾一個人，絕對唔係平，但一點都不值，食物種類少加難食。
唯一想讚下帶位的女店員，有禮，有D食物追極都無，最後佢直接叫人幫我們整。不過，當然仲有好多叫左幾次，但成晚都無出現過的，例如係火灸三文魚壽司、花之戀.....
張貼
