影片
更多
2011-07-30
4 瀏覽
正所謂食得是福！對於我黎講，日本野真係好難忍口，而且日本野都好難唔好食。最近經朋友推介下，尋晚就黎左呢間日本料理小店食放題，呢間野係山林道絕不起眼，唔係朋友介紹，都未必會黎呢間食野，因為唔起眼，期望亦不會太大，所以更見驚喜！最正係呢度D啤酒任飲，飲啤酒嘆魚生，哈...係一個幾爽歪歪既享受。如果sake 唔洗加錢仲爽, 不過最後都叫左壺，好似都係加廿幾蚊左右。前菜方面，有個小食叫牛油果吞拿魚沙津，值得一試，因為味道都算幾清新。呢度D魚生都幾新鮮，細細片容易食，等你無咁飽，可以試多幾款..雖然分兩轉，但佢真係黎齊哂，無走我單，要讚！刺身我會推介劍魚同三文魚，非常鮮味!不過D貝柱只有好似指甲咁大，的骰左D，食左都唔覺咁，哈..如果可以變左帶子切片會好D！另外都幾欣賞佢D炸蠔天婦羅，哈..可能因為本人幾鍾意食蠔，雖然係炸，但都算鮮味，可一試！不過講到全店最值得推介既，就一定係個個滑到癲左既豆腐，上面淋上麻醬，實在太好味，所以，哈...我一個人食左2客！總括黎講，呢間日本放題食物質素不錯，環境雖然細間左D，不過真正日式小店不嬲都係細細間，咁先有風味，而且我主要都係enjoy 佢地D食物！所以，呢
對於我黎講，日本野真係好難忍口，而且日本野都好難唔好食。
最近經朋友推介下，尋晚就黎左呢間日本料理小店食放題，
呢間野係山林道絕不起眼，唔係朋友介紹，都未必會黎呢間食野，
因為唔起眼，期望亦不會太大，所以更見驚喜！
最正係呢度D啤酒任飲，飲啤酒嘆魚生，哈...係一個幾爽歪歪既享受。
如果sake 唔洗加錢仲爽, 不過最後都叫左壺，好似都係加廿幾蚊左右。
前菜方面，有個小食叫牛油果吞拿魚沙津，
值得一試，因為味道都算幾清新。
呢度D魚生都幾新鮮，細細片容易食，
等你無咁飽，可以試多幾款..
雖然分兩轉，但佢真係黎齊哂，無走我單，要讚！
刺身我會推介劍魚同三文魚，非常鮮味!
不過D貝柱只有好似指甲咁大，的骰左D，
食左都唔覺咁，哈..如果可以變左帶子切片會好D！
另外都幾欣賞佢D炸蠔天婦羅，哈..可能因為本人幾鍾意食蠔，
雖然係炸，但都算鮮味，可一試！
不過講到全店最值得推介既，就一定係個個滑到癲左既豆腐，
上面淋上麻醬，實在太好味，
所以，哈...我一個人食左2客！
總括黎講，呢間日本放題食物質素不錯，環境雖然細間左D，不過真正日式小店不嬲都係細細間，
咁先有風味，而且我主要都係enjoy 佢地D食物！
所以，呢間野係值得推介！
張貼
