平成二十二日本料理 (已結業)

今晚同朋友經過山林道見到呢間平成二十二..就係比佢門口個專訪<一切從心出發>吸引到於是就入去試下~~我地太約見7點幾係門口..望住個收費表..原來分時段既.:正苦惱緊仲有成個鐘先到8點半...點好呢=.=係呢個時候有人出黎同我地講依家有位可以計返2個鐘比我地...嘻...即刻就入去啦~~呢度都幾多選擇...分類都有8大類...除左一D比較高級D既野係無之外..幾乎乜都有刺身.......新鮮同快...完全無呃人FEEL..因為我之前係旺角食過既放題都係勁呃秤...係咁比D飽肚野你..刺身成日都唔出既...呢樣真係要比個LIKE佢....壽司又係一定要讚讚佢...真係正常SIZE..無超大舊飯...好味~小食有個豆腐沙律好好味....燒物同天婦羅都好有水準......唯一唔太OK既就係炒野好油...同埋雪糕係雀巢杯裝..唔係雪印=.=整體來說............好OK~~~^^"開頭諗住專訪呀....廣告果D都係有D美化咁去講....但...八爪魚...玉子壽司...真係果D樣.....一間放題店有咁既心思真係好難得...希望佢地KEEP到質索..下次都會再黎~~~

呢間野勁差! 大家千祈唔好去!! 成日漏單, 數量打折, 叫20件俾10件, 叫15件俾5件 三文魚刺身: 唔夠新鮮天婦羅炸蝦: (等左兩粒鐘先黎) 外面層面粉太淋, 好似炸完放左好耐咁炸軟殼蟹/炸軟殼蟹卷: OK炸魷魚: 炸粉唔夠, 好細條等勁耐, 2百零蚊完全唔值... 建議平成如果D食物佢地唔識整既話不如過條街隔離幾間日本料理買外賣返黎俾人食仲好唯一可取就係衛生算OK, 汽水選擇算多 唔會再去!!

星期日去左平成二十二食午餐放題全場得我一枱食放題，其餘都係食SET LUNCH，唔緊要，一場黎到就係要食放題，幸好不負所望一坐低第一件事，就係叫刺身，種類算多，有D仲係出邊冇既刺身很新鮮，三文魚很新鮮，又夠厚身，好味貝柱，細細粒，好韌...劍魚腩，很香好好味蝦好甜，吞拿魚一般冇乜味壽司，有花之戀，有和牛同埋灸三文魚如圖，質素算不錯仲有熟食，食過乜唔太記得，只記得，好味~~哈哈汽水任飲，甜品有雀巢雪糕，算係咁呢間既食物令我好滿意，食物質素對得住佢個價錢員工態度很好，很友善仲會建議邊D係佢地招牌菜, 抵讚$188+10%

這間餐廳老婆上次同同事食過覺得ok~~所以今次同佢去試下我地訂左8點半..唔駛等位就入得,我地同埋阿b3個人一齊去..阿b唔夠1m所以唔收錢~~^^"一坐低就叫左d壽司同刺身先..先講講刺身..呢到係我去過幾間放題最多款..有十幾款..都幾新鮮..特別係甜蝦同馬刀貝..超甜...我覺得佢最有誠意既地方係d壽司....去過既放題壽司比我既感覺係一個陷阱..姐係大大舊飯...或者係d飯超散...呢到係size係細細舊.又唔散..所以阿b都食左好多件@@"燒物又係ok有水準..牛舌~豬腸燒得好香~羊胺就好un..麻麻地..天婦羅...炸蠔薄粉.必試..炸蝦就麻麻地..太厚粉..加埋啤酒汽水任飲..3個人食左400幾蚊..我覺得好抵..不過有咁既質素..竟然無乜人食,就真係幾奇怪,不過下次都唔定會再黎

朋友生日一行5人去食放題，8:30準時開始。當然第一輪一定主攻刺身同壽司,等左大約十分鐘，終於有得食，三文魚劍魚總算新鮮，螺同烏賊一般，最有趣係甜蝦，甜蝦原隻上，即係連殼，咁細隻又軟身，你教我點搣殼！之後一連幾轉魚生後，就到燒物炸物等熱食，先嚟炸蝦，炸粉仲厚過隻蝦，劣！鹽燒豬腸，d豬腸肥到d油成碟都係，劣！點左日式火煱，跟住同我地講話9:00後冇，我入坐時都8:30，又唔講聲，劣！炒飯炒烏冬基本嘢不知所謂，一d誠意都冇，劣！然後每十分鐘先出一碟熱食，劣！！由於熱食嚟的速度真係慢得驚人，所以成晚都係等多過食，最後嚟埋鹽燒蝦同雞翼，可惜太遲嚟，所以唔夠時間食。大約10:00左右，就有人嚟埋單，我地心諗講到明食到10:30，咁快吹埋單！俾錢後我地諗住order 雪糕la, 點知個侍應話cut 左單冇得再叫。我地當然立即表示不滿，跟住有另一位醒目侍應就好客氣咁問我地想要咩雪糕。誰不知從遠處有一位疑似senior嘅人就向果位醒目侍應大叫：＂喂！你第一日返工丫！＂雪糕之嘛！洗唔洗咁丫！之後我地就立即問果個疑似senior 夠竟我地仲有冇雪糕，佢跟手就答＂咩雪糕丫？＂咁我地咪答佢＂你問我地咩味道？＂

其實自己本身比較鐘意食酒店O個種BUFFET, 因為覺得兩個人去餐廳食日本野, 俾LEE個價位已經可以叫好多野食...食物既質量都會比較好........不過見平成俾網上平分高所以黎試下.......魚生算係新鮮既.......但又未至於話好好食.......炸物既皮簿D脆D仲好....LEE度既選擇算多既.......又有汽水任飲.....坐D舒服又無漏單情況......如果好鍾意食放題可以試下, 但我試完一次又未有想再去既動力...就係咁既...

考試前食餐放題RELAX下今日BOOK左6:30去食,一去到就即刻可以落單..正我地一坐低就即刻寫野,頭盤叫左一盤刺身D三文魚好肥呀我地3個人前後食左2round刺身估唔到放題都可以食到甘正既三文魚<3跟住我地就叫左D壽司,火炙三文魚正燒物方面就叫左燒海蝦,牛舌,冬茹同埋羊鞍D蝦好大隻呀,淨係我自己都食左4串到小食啦,,好多款色,,都唔錯個豆腐沙律直得一試甜品就有雪糕呢一餐好滿足喔

上星期三好開心可以出席到blogger既私下gathering今次既gathering就係去尖咀山林道既"平成二十二日本料理"度食睇門口都幾日本feel...我地多人,於是book左房,到入到去有懷舊日本既feel連台d餐具都係,岩晒哈日既我...不過唔理咁多,醫肚先講係點完野食,d野食來之前,美斯小姐就係到分裝啦睇下好壯觀呀...!!!之後d野食陸陸續續咁來啦,可以睇下先有幾樣要拎出來俾大家睇下1.海膽蛋白羹同粟米羹差唔多口感,又冇咩海膽味2.八爪魚可以睇到佢size幾大3.刺身拼盤呢個正呀,又多又好味,而且最正就係佢一來,個個都拎電話,相機去影,好壯觀飲飽食醉後,梗係食甜品,佢有雪糕揀d雪糕正呀!!!我地原本仲想吹多陣水,不過人地要關門,唯有要走啦呢晚真係食得好開心呀,又同你地傾得好開心,希望之後又快d有gather la!!!

本來同朋友打算去大喜屋食放題，不過book了兩間都放在waiting list，然後我二姐推介平成二十二給我，所以決定試試看。我們5人，即日訂位時本來職員說只有bar檯，後來又打過來說有六人檯坐，好野!!(我二姐說我真是超級幸運...)這間店分2個時段，好像分別是6:30-8:30和8:30-10:30，我們是後者。到店舖時發現其實也不是很滿座，環境都是不錯一開始我們當然是點刺身，想不到這裡連小帆立貝也有，而且好好吃!!另外甜蝦就像"IKEA"凍蝦杯的蝦另外還有一道菜類似燉牛肉的，朋友覺得很像牛雜，我就覺得很像車仔麵的腩汁=]飲品方面除了平常的可樂、忌廉外，還有玉泉+C不過燒物類例如：鹽燒羊架、鹽燒雞翼等等味道都偏鹹，鹽燒牛舌也是但很合我口味XD天婦羅粉漿不多，這一點很好，神奇的是蠔天婦羅的粉漿只有薄薄一層壽司都算不錯，小件花之戀都有。雪糕就是雀巢，我朋友超熱愛，吃了4杯=]

突然間好想食放題，咁就問下朋友仔有咩好介紹，當然就介紹左呢間，因為係朋友介紹嘅關係所以都好有期望！好準時去到唔洗等位(已book)刺身:第一盤真係good...夠鮮夠肥，之後黎個啲就一盤比一盤差，最後仲有雪味壽司:可能坐bar檯關係，睇到佢點整，見到舊飯由雪櫃拎出黎，凍到硬，就唔想食小食:我自己就覺得好一般，唔多選擇，想食同食開個啲都無仲無啦啦放碗咩咩翅，但完全食唔到有翅，黃色嘅生粉糊最後同老公無咩點食就走了，都係無下次囉😔

BOOK左18:30 - 20:30 時段, 加埋一, 200蚊一個, 合理到非常!因為我睇別人食評寫任食的, 都好想睇到佢有咩食, 最直接唔係睇食物, 係落單紙!所以為左令你地可以睇清楚有咩食, 我影晒8張!!!!注: 另外仲有罐裝汽水任飲!一坐低, 咩都冇講就放低左2碗野, 唔講, 真係好似馬提露....但其實原來係一碗翅.... 但係一D都唔好食....刺身出場!!!!!三文魚, 帶子, 羅魚, 甜蝦, 縲, 劍魚, 立魚, 希靈魚, 北寄貝, 八爪魚樣樣有淨係講刺身, 我已經一定會再返黎食, 你話佢係唔係最鮮?一定唔係! 但起碼我食時冇怪, 要爽有爽, 要甜有甜, 仲想點>>???壽司因為呢度刺身太出色, 我想食的都有齊咁滯, 所以壽司都係食左一轉.天使蝦 (即係虎蝦其實,,,), 劍魚同長腳蟹飯太太太太太大舊, 如果係3份1就GOOD喇!所以, 可以不食!小食本人勁鐘意食日本小食, 呢度款式好多!, 唔多介紹, 自己睇MENU啦!蟹子沙律有質素!! 不過都係O個樣啦, 冇咩蟹子燒物牛舌, 大蔥, 大腸, 大腸好正! 完全做到街邊風味! , 而大蔥, 真材實料

見到這間店有咁多好評後,終於約了死黨一嘗滋味,我早了兩天book位,所以預了時間差不多夠鐘先至去,就算早了少少去到,服務都好好,叫我們坐住先,夠鐘先至好落單,落單刺身好快到,可能等了幾分鐘時間,其他食物等候時間都不會太長,不過連星期日夜晚去都唔爆場,都仲要剩下多位,就真係感覺到麻麻地囉...比想像中差了期待感..和滿足感

今天同朋友經過山林道見到呢間日本菜做放題。。比佢門口Ｄ相吸引到於是就入去到試下～～覺得都ＯＫ～～我地７點幾到入去，可能係星期１關係所以唔係好多人，所以可以由７點半開始計２小時任食Ｄ刺身款式都幾多。有十幾款。同埋都幾新鮮。特別係個甜蝦～雖然第一次食有壳既～但就係幾新鮮。仲有綠色蝦籽係到～不過我就唔係太鐘意蝦籽Ｄ味但個ＦＤ就話正馬刀貝又爽又甜～必食～壽司就嘛嘛地燒物都唔錯。雞冀燒得好香又脆皮不過就重口味左少少～～煮牛腸Ｄ蘿蔔入晒咪，超正。牛腸反而無乜特別汽口啤酒又任飲～１９８蚊＋１０％我覺得都唔錯有呢Ｄ質素下次都會再黎。

為左慶祝阿媽牛一家姐就訂左呢到食飯發覺呢到OK喎,所以特登食評支持下因為BOOK左6點半第一段有得坐住等~~地方就窄左D,不過食放題應該係咁上下掛~刺身都幾新鮮,特別係D甜蝦.......自己脫壳係就係麻煩D不過真係正好多~~比起果D唔駛自己脫壳又唔見左個頭既急凍蝦正得多~~壽司就無乜特別,,係有個牛肉壽司可以試下...舊飯大左少少,不過都唔會食太多飯因為好快飽,,所以都係試左幾件...有個芝麻豆腐都幾正....好滑雞翼燒得幾香~~仲脆皮...正牛腸煮得入味~呢間餐廳比我感覺都幾好,,,係熡面差少少...不太主動加茶...下次有機會都會再黎^^

第一次去呢間(老媽子生日), 從未食過咁難食既曰本野:壽司: 唔係用日本珍珠米,懷疑係中国米, 舊飯冇味(冇醋味).我3歲個女原本好鍾意食壽司舊飯都話唔食..刺身: 唔新鮮,甜蝦要自己去殼,其他不願多講四個字如題目請我都唔會再去,bye bye