帝苑餅店

營業中

休息中

見人人都話D蛋糕好食，仲有蝴蝶酥潻...整個星期都好忙好多嘢做，就獎勵一吓自己，喺last working day of the week諗住買D甜點食吓... lunch time已經打電話去問吓有無蝴蝶酥，因為聽人講要預留，店員都好nice，而我都好彩可以留到兩包！諗諗吓，還掂都要專程去，不如對自己再好D啦，要D cake試吓都好喎，就係咁，我留埋fresh fruit cream horn，tiramisu同埋chocolate truffle...其實我仲想要埋blueberry cheese架，但係我真係無辦法食咁多，唯有留返下次啦！首先食嘅係horn，人人都話好食，連店員都話超好食...但係我諗因為我買完之後行咗好耐先返屋企，所以一冷一熱之下，變"淋"咗，一D都唔脆但係味道係幾好架，我諗即買即食係非常good的!第二日，開包蝴蝶酥試吓先，我本身就對呢樣食品無咩特別喜好，只係抱住試吓係咪真係咁好食心態，原來真係好唔錯，好鬆脆，唔會過甜，係會令人不知不覺一次食好多件果D，我第一次食咗四件先停口！到夜晚，點都要食埋D蛋糕啦，首先食tiramisu，我覺得係有水準嘅，不過未係我食過

放工之後, 突然很想食甜的~加上收到一個開心的電話一定要賀一賀!去到Fine Food噢, 失望了....得好少款jar...店員話, 因為岩岩lunch 好多人買所以剩返咁少款....都三點幾啦, 仲唔refill... ><無選擇gei 情況下都選左三款, yeah! Chocolate Hazelnut Crunch cake, 件cake 好靚, 睇到一層層gei layer~ 好好味!! mouuse 又軟滑又有棒子味, 底層gei 脆脆更加係正呀~ Blueberry cheese cake, 酸酸gei 藍莓配上軟滑gei 芝士, 正!! Chocolate truffle, 層次分明, 一層mouuse一層蛋糕, 加上濃濃的dark chocolate 味, 正!!下次一定會再黎呀!!!仲有好幾款未試到呀!!

相信酒店人都知道，帝苑餅房在酒店界是很有名的，其出品水準有一定保證。因此偶爾我也會來買幾件西餅慰勞自己。途徑尖東，甜癮起，雙腳像不受控制般走到這裡。每一款的蛋糕，甚至麵包都是十分吸引，店員見我望東望西，猶豫不決的樣子也覺得好笑，很不容易才揀定了幾款。第一款買來的是Fresh Fruit Cream Horn，外層的酥皮鬆化魏無話可說，吉士結合了cream質感只可用香滑去形容，相當出色。上面的紅嗓子、藍嗓子和藍莓，新鮮甜美，豐富了蛋糕的內容。其次是Tiramisu，要了兩件。芝士香濃幼滑，咖啡和酒味平衡得十分好，是完美的組合。正因為份量太小，一定唔夠喉，所以才買兩件。店員說士多啤梨朱古力撻是本月推介，很受客人歡迎，那我又怎可能錯過呢?一試之下，果然出色。士多啤梨大大粒，味道鮮甜，沒半點酸；朱古力撻外面脆口，裡頭的是濃而不膩的朱古力漿，還帶點酒味，又是水準之作。持VIP卡還有85折，價格頓時變得相宜，沒有不買之理由。

吃過了曲奇四重奏, 再吃這個...大酒店的水準... 好香脆!!簡簡單單的包裝, 賣的是實力...蝴蝶酥好鬆化...吾錯吾錯 牛油味好香, 大大塊的要咬幾口才吃完一塊一包約有20塊左右, 都幾抵食!這是家姐送來的禮物, 聽佢講蝴蝶酥好似要預訂... 大家買時要留意啊!

上回在寧波的飯局中，廚師食友帶了其餅房的美味蝴蝶酥來分享，也貪心的打包了一點點，分了給女友吃，在此先說聲謝謝，和女友吃過番尋味，今天路過找吃的，也和女友來碰碰運氣，看看會否買到回家吃。之前食友說因為太好賣，所以要買此物，請先預訂，但冥冥之中就是今攻給我碰到食神，剛巧今天有貨零售，也買了來吃。此餅房之前也吃過其蛋糕的出品，絕對是高質的，而走進餅店，也可見到形形式式的西餅麵包，真的是少一點定力都不成，最後由於一心是到附近第二站再吃的關係，才沒有買其他西餅，而只買了一心想要的蝴蝶酥。蝴蝶酥的包裝簡潔而美觀，急不及待打開蝴蝶結，取了一塊來吃，也是和上回吃的一樣高質，一咬下，集鬆化及脆口於一身，是酥的其中一個特點，而舌頭也充分感受到恰如其分的甜味，牛油味也散發到整個口腔中，很好吃，這個一口(由於我個口大)酥真的是好吃得欲罷不能，好像是誇張了點，但真的好吃。坦然六十元一包只有大概二十塊的蝴蝶酥是偏貴，但也真的是太好吃了，有食神的話，一定再幫襯。

吃過了薯皮, 當然少不了我買來的。 得知友人喜愛cheesecake, 加上本人朝思慕想的Fresh Fruit Cream Horn, 唯有委屈一下chocolate truffle cake了。在我吃薯皮時, 朋友已經話"快d試下呢支野啦, 好好食喎!", 搞到我都心猿意馬。 果然, custard跟外皮是合拍得不得了! 還有那微酸的rasberry, 中和custard的膩, 個人而言就十分喜歡了。blueberry cheesecake也見真章。 芝士餅夠鬆軟不死實, 面頭的blueberry sauce 很自然, 整體也是完成度十分高的甜品。朋友(陪我)吃得津津有味的畫面, 是千金難買。距送禮之時都有一段日子。 縱使物換星移, 在我腦海中的好日子是歷久常新的。

自從小比說要修身迎接陽光與海灘之後~大小比的飲食習慣都轉了很多~每餐的結尾不再是甜品~小比甚至是餐牌甜品類都不望一眼~路過甜品店都沒有主動哀求要吃糖水了~~這天路過Fine Foods~見到Cake of the Month是想試多年的菊花cheese cake~就走了進去大比當然戰鬥力十足~就放心讓小比選擇~怎料這個敗壞的小女孩就放肆地放自已一天假~買了三件~哈哈~~店員的招呼是依舊的Professional and smart~雖然是日沒有那層層疊的Chocolate Hazelnut Crunch Cake~但就有近月大熱的Truffle Cake~也有漏漏曾推介我吃的Green Tea Opera~因利成便~要我再細選~恐怕選擇困難症又要發作了~三件餅用上會員卡後近八十元~大概是因為cut cake與大cake的size difference令價錢跟平日有點出入~菊花cheese cake先試~小小的一件~邊位用上斜紋的蛋糕片做圍邊~薄薄且精緻~菊花的清幽香味淡淡滲出~而淡香的菊花來做甜品~這出品已為上品~可以把菊花的香味充份發揮出來~感覺是最smooth的一件~不過cut c

呢個3月都好多人生日...但我係ＦＩＮＥ　ＦＯＯＤ　ＤＩＥ　ＨＡＲＤ　ＦＡＮＳ，梗係要係帝苑訂啦。。。簡左開心菓慕C蛋糕。。雖然佢個樣唔算係最靚個款。。。但食落去又唔錯喎。。。十位朋友仔十位都話好食。。。不過我本人就嫌個開心菓慕C多左少少...個慕C 有啲似"樽"子味..

聞說呢度好好食但次次經過都係夜晚完全無緣咁o岩今日美食之旅食完時新去日航搞完d野就特登經過啦哈哈因為太突然所以冇做research膽粗粗問完店員既意見再做決定姐姐話今個月既推介係菊花cheesecake本來諗住要一件最後件件睇落都勁正所以要左兩件加埋hazelnut chocolate crunch cake是第一次食佢d cake冇揀錯!普通cheesecake度度差唔多啦我又唔信佢個truffle cake會比vanilla的好食(不過大家咁推薦我下次都會試)hazelnut chocolate crunch cake就如姐姐所講好似食金莎幾啖就食晒哈哈菊花cheesecake就好似飲緊菊花茶咁一d都唔漏好香冇乜cheese味(姐姐都有講)鍾意香濃的朋友可能唔o岩啦姐姐既description係好準確的$28@絕對fair以為兩件會好飽好滯啦其實真係食得落的不過我都留左半件cheesecake比爸爸媽媽的

星期6,我親戚生日,食過lee度既水果旦糕,好好味, d cream d味好special又唔流,跟住過2日我男朋友生日,我係度訂左佢地既王牌,chocolate truffle~可以電話訂,到先比錢~d 女仔好好禮貌~有耐性解釋邊隻旦糕有d咩材料~~~到我去拎既時間~我遲左,7點幾先去,佢話就算佢地close左都唔緊要~可以係格離cafe拎~~~超好~叫我唔使hurry~到真係食既時候~~~真係好好味~好軟好香又唔流~~~正正正!!!!!!!!!!!!!!!!!!!!!

Before I try their Birthday Cakes, I decided to buy some smaller cakes to have a try.Chocolate Dome with Berries - Very rich but not sweet chocolate taste, great rich but acceptably so mousse like texture which is NOT sponge cake like, unlike so many other HK cake shops which use it as a filler. Great, better than Mandarin Oriental Cake Shop believe it or not (which also has Sponge problem, no matter how great that sponge 'filler' is). 95 out of 100. *Note: This seems to be a limited edit

朋友送來一件 Raspberry muffin Size 細細還有小小脆的表面, 牛油味重而 Raspberry 微酸, 十分合拍 小食多知味, 一小個Muffin 加杯香濃的咖啡已經可以填飽我小小的胃納Sorry, 凸然間想起嘉頓的"孖寶蛋糕"

昨晚吃了Chocolate Truffle Birthday Cake, chocolate 味唔濃, 太sweet. 餅底太硬, 用附送的膠刀根本砌不開. Very disappointed!而Chocolate Hazelnut Crunch Cake 較好, 可以再買. 但店員介紹的New York Cheese Cake 則難吃, 以$38的價錢........我唔會再買.

終可和女友一試帝苑的Chocolate Truffle Cake了因為在openrice得知這間餅店是這款蛋糕最受歡迎和最美味的果然名不虛傳..很濃的朱古力味..加上餅底很香..(但可以軟一點..因為有些部份用膠fork不能分開)吃了一點滯的感覺都沒有..剛柔並重讚！

心情忐忑的一天~這兩晚都沒有睡上多少時間~換來的是一次又一次的心痛和眼淚~頻撲了一整個早上~又約了友人在尖東吃午飯~就拖著疲乏的身軀來到附近~吃甜品來治療心理傷痛是可行的~而自已也倒是個將悲憤化為食量的人~所以就不知如何的就踏進了Fine Foods..正午的時份~放在餅櫃內的蛋糕種類花多眼亂~有很多都試過了~這次就試一試久違名物之一的Chocolate Hazelnut Crunch cake~原來上兩周在Sift吃到的試驗品~大概也是從此取得靈感了吧~只買一件~只以紙袋盛載著~有點兒那個~因為朱古力醬都會沾到在紙袋身上到花甫中坐著~當心情不佳的時候~總愛獨個兒坐在這等地方~任由刺眼的陽光打在身上~幸好路程不遠~賣相也保得到~很精緻的一件蛋糕~脆脆的部份大概有四成高度~混有不少果仁的碎屑~脆脆的朱古力片配上朱古力和瑧子幕斯~除了與底層的脆脆互相呼應之外也成了最好的心靈治療~皆因幼滑質地的上層與爽朗硬脆的下層融合之後就不會再覺得太過乾又或是太過甜漏用上會員卡後價錢更為超值~就得到如此精美也美味的新鮮小cake~比起坊間普通餅店卻同價錢的實是高出幾班~也比日前吃到的那一件九成相似的蛋糕更