帝京軒

尋晚(4-12-09 Fri)公司又o係o度舉行annual dinner,同兩年前o係o度食(http://www.openrice.com/restaurant/commentdetail.htm?commentid=1866635)o既唔同,今次係自助餐.呢晚菜色好豐富,冷盤o既三文魚刺身,各式凍肉片,沙律呢啲唔使講啦,我就食o左:魚翅,料都幾多,不過翅好似唔多喎,但有肉絲,韭黃都幾香,可以.羊鞍,我唔覺有羶味,配以薄荷醬,我就食o左兩件o勒.咕嚕雞球,酸甜適中,亦可以.青辣椒牛柳呢個好唔得,硬o既,亦冇乜味.烤鴨胸蜜餞栗子啖啖肉又好好味.菜粒牛肉粒炒飯有粟米粒加強口感,但牛肉粒就普通.燒味,睇個樣幾靚,我試o左半肥瘦叉燒同燒鵝,半肥瘦叉燒就係我最鍾意o個種,鬆鬆軟軟又香又甜,好好味呀!而燒鵝都有水準o既.之後都食甜品喇,我食o左南瓜芝士餅,檸檬撻,燉蛋,聖誕樹木蛋糕同唔得咩o野.南瓜芝士餅我覺得麻麻,可能我唔係話太鍾意南瓜味啦.而檸檬撻有個蛋白泡o係面,食o左後,就見到檸檬醬,都唔太差,而撻皮係最好食,好脆.燉蛋同唔得咩o野就一般.最後o既聖誕樹木蛋糕食落有啲o鞋口,好貼切樹木

琴日有親戚结婚係呢度請飲喜酒, 剛開席時我選擇飲橙汁, 但飲完第一杯橙汁後覺得啲有少少苦, 于是我老公幫我同傳菜阿姐講想換杯" 檸樂" . 出咗三道菜, 有位親戚走到我地呢圍枱度想同我地乾杯, 但係我隻酒杯依然是空的, 我用什麼來乾杯??用空杯內的空氣來乾.... 第ニ次再同傳菜阿姐講可唔可以俾" 檸樂" , 之後有位穿啡色制服嘅員工走嚟同我地講: " 大會無包呢種飲品, 咁樣係要另外收費", 我地唔明佢咁係什麼意思??如果係無" 檸樂"的話, 佢地可以同我講一聲, 我可轉飲"淨可樂" ; 定係呢位員工已經同主人家講有位賓客想飲" 檸樂" , 但主人家無回覆會唔會俾錢, 所以佢嚟通知我地一聲" 咁樣係要另外收費" ??都算啦, 我老公回答佢: "ok ! 我俾啦! " 我老公連錢包都攞定出嚟準備俾錢, 過咗成十分鐘我隻杯依然係空無嘢飲....第三次再問傳菜阿姐, 佢話嚟緊啦, 唔駛你地俾錢.... " 檸樂" 到咗, 但係我已經唔敢飲, 怕飲完之後唔知再要等幾耐才有第二杯, 我唔想用四塊浸過可樂而又未篤過嘅檸檬同對新人敬酒..... 後來我地揾咗個穿黑色制服嘅職員嚟投訴: " 你地令

今日去完church同媽咪上黎飲茶，都幾多人喎，大部份都係一家大細或者同d老人家一齊，一去到即刻就有位啦。呢度既環境真係好好，又大又舒服，好寬闊，唔似平日飲茶要同人迫埋一齊，同埋我覺得佢冷氣既溫度真係剛剛好，完全唔會覺得太凍或者好熱。叫左幾個點心，原本叫流沙包，但佢話賣哂，所以就改左叫紫薯包，我覺得呢個最好味!!! 佢個包皮超軟熟又唔厚，個餡係蕃薯蓉，但係係好好味架，一D都唔漏同滯，甜度剛剛好，下次黎一定會再食呀。仲有紅油抄手同埋煎腸粉，兩個都有共同問題就係個醬汁都係偏淡無咩味，但個抄手本身做得幾好架，又係個皮好薄，佢D餡有肉汁，好味架。腸粉就普通無咩特別。另外仲有個蜜汁燒豬仔骨，其實就有D似叉燒咁，不過多左D骨囉，用海蜇墊底，唔錯，D海蜇好爽幾好食，個豬仔骨都幾入味呀。食物幾好，環境超舒服，價錢同食物質素相乎，所以會再來的。

家中有囍事, 在此擺了十數圍酒席, 祝願一對新人長長久久, 永遠相親相愛!乳豬全體 - 皮有少少脆,幾肥下, 鹹鹹地!XO醬翡翠鴛鴦蚌 – 幾辣, 其實擺酒是不太適宜用辛辣口味的菜式, 珊瑚蚌幾大件,吃了一件, 都幾爽口, 不過感覺有點假!花姿釀蟹拑 – 好熱, 吃下時沒有半點蟹肉鮮味, 粉漿成分多點! No Good!蟹子籽琉球百花釀玉環 – 蟹籽味不濃郁, 玉環上的蝦膠實而硬!紅燒雙喜翅 – 已有好一陣子沒有吃, 各位…停止吧!碧綠金錢鮮鮑片 – 獻汁極厚, 生菜算是爽脆, 鮑片味道尚可(老公意見), 我已留肚吃下半場!清蒸大海班 – 上碟時都幾大條,可惜很嚡很嚡, 廚師：你今天心情不好嗎?當紅炸子雞 – 炸雞已不太有興趣, 碟上只有背部位置, 一看也是嚡肉!海參肉鬆炆飯及上湯水餃生麵 – 不太喜歡濕淋淋的飯, 沒有吃, 原想吃一隻水餃, 可惜等極都未上, 原來侍應忘了, 唉…凍了!蓮子百合紅豆沙 – 蓮子不夠鬆化, 紅豆不太夠起沙!美點映雙輝 - 笑口棗同蓮蓉酥,被先前的食物矇騙了, 沒有再吃!宴會廳樓底高, 有水晶燈襯托! 服務水準不錯, 個別侍應對接待婚宴反應對答極佳! 雖然

朋友生日，選了旺角的帝京軒；老實說，大家都未去過，都係信開飯友評價﹗我訂位的時候，講明有個bb，叫佢比個好d的位置，結果不負眾望，有個大大嘅窗口位，雖然已經入夜，但係有d遠景望到，真係未食都輕奮﹗一行10人，選了一個8人餐，再點了兩個餸，意外的是，佢d餸，真係好大碟，同埋好好味﹗最衰唔記得影相，掛住食；d餸名又唔係好記得，但係有幾個真係要推介一下：1. 唔知乜金紫xx卷 -- 其實係茄子入面釀左d嘢，有帶子係上面，再攞去用少少芝士焗左個面，嘩........一上枱，好香，趁熱食，好好味﹗隻帶子雖然細d，但係食得出仲係好鮮﹗2. 龍井炒蝦仁 -- 唔油，好爽﹗3. 游龍戲鳳定金玉滿堂（類似咁上下，4個字） -- 蟹籽蒸豆腐，再係上面有幾塊魚，好可口，好清新﹗4. 個湯 -- 菜膽云吞雞湯；好滑，唔知加左d咩上去，質感唔會太heavy，又唔會太薄，啱啱好﹗同埋食完成晚，都唔會口渴，呢個好緊要﹗4.

因昨天遇到陳慧琳, 才想起上星期在這裡碰見吳君如, 其實不是坐在鄰桌, 但因她的說話聲浪才知道這個人的存在. 說回帝京軒, 午巿點心跟晚飯也吃過不少次, 午巿抵食程度直逼一般連鎖式酒樓, 尤以平日午巿有198套餐(星期六日均沒有). 晚飯若有信用咭折扣當然平民得多, 否則每個菜都百元以上.點心很多也有不俗的水準, 值得推介的有:1. 豬腳仔2. 酥皮蛋撻3. 斑片粥4. 燒賣5. 蒸腸粉(每次也要求一定要熱)但午巿亦有弊處就是上菜頗慢, 人手非常不足, 服務大打折扣, 很多時穿黑衣的比普通侍應態度及服務還要差. 還記得有一次跟同事來吃飯, 之後當然要回去工作, 點心來得遲不特止, 不想結賬再等, 所以趁甜品剛到就立即將信用咭交侍應, 最後催了又催之下也等了最少20分鐘, 黑衫的小姐拿來賬單我簽時機械式說:'不好意思要你等', 我想也沒想就立即回應一句'真的等了很久, 為何要這麼久?' 她也沒料到我這樣回答, 立即黑面兼望向別處扮作聽不到. 我再問多一次'點解'時, 她只是將信用咭交給我就算, 連多謝也沒有一聲! 真的要改善改善! 這樣確不應在酒店出現. 若想吃有些水準的點心, 現

今日，係為左一位即將開展地獄式減肥的同事而前來的 (邊有人揀大節臨頭先黎地獄減架？！)，陪他吃「最後的午餐」。 (黎, 要搵文西黎畫返張畫~~)有人既然即將進行地獄式減肥，呢餐當然要豪食；除左叫個$198 八個點心兼另加$68要個粉面的餐外，更叫了：- 燒腩仔：皮脆肉嫩，很美味，比早期的金龍船更好。- 醉雞：一般，雞雖滑，但用的花雕不夠香。- 釀蟹鉗：呢度的蟹鉗好大隻，料好足，不過入面的蝦略嫌乾左d, 其實如果整返細隻d, 肉汁應該可以鎖得實d。同埋唔平架，差唔多$50蚊一隻。- 蝦餃：平均水準之上，個皮做得幾好，厚薄和靭度都適中；蝦都夠新鮮，不過就係偏乾了點。- 魷魚酥：炸得好酥脆，魷魚也新鮮，好味！- 肉鬆腸粉：獻汁太多，而且那些粟米很不倫不類，一點都不好吃；如果是炒乾了免治肉粒，與炸菜粒同炒，淋上去的話，會使整碟餸香口得多。- 燒賣：做得比蝦餃出色，豬肉和蝦的份量都剛好，口感實在中帶點爽脆，也很鮮甜，很好。- 蛋撻：蛋味不夠香- 甜品：楊枝甘露：幾好味，個甘露底做得好滑好香，比很多知名的糖水店更好！- 另還有餸/點心幾個，但實在吃不下了。整體來說，這裏的點心做得比一般的街坊茶樓精

星期日飲完茶就同個仔去買書,間間書局都好多人,又要排隊,撲咗成個下午由旺角行到太子终於攪惦,又夠鐘食飯,拎著咁多書響旺區揾食都幾辛苦,靈機一動走去揾間偏僻D嘅,就嚟呢間.6點幾去到唔善算多人,不過樓下自助餐就人頭湧湧,好嘈雜,樓上就兩個世界,好靜局.雖然坐唔到窗邊但都望到石硤尾,九龍塘一帶.套餐唔係咁啱食,散叫咗以下幾樣:砂鍋雲吞雞,葡汁煱四蔬,半隻炸子雞,宫廷醬烤骨,小食:雞絲粉皮,水晶肴肉.今次以雞做主打,有三味餸都係雞,果然無揀錯,係用新鮮雞,一食D湯渣就知,砂鍋雲吞雞好大煲,飲咗四碗,雲吞都好味,湯用鯊魚骨煲好濃,炸子雞皮脆肉滑,煱四蔬都唔錯,宫廷醬烤骨雖然酸酸地幾惹味但唔係我杯茶.兩個,小食都幾好.大酒店服務當然好.十分滿意的一餐,

19/7(六) 8pm組長高堂九十大壽,隆重其事.得到上回的美食經歷,促使大壽之日鐵定於此.佔用了中菜廳的一角,延開四席,環境依然開揚闊落,而且隔音屏風效果佳,好讓梁氏宗親吃得盡情.云云菜單中,挑了此$5980的套餐:鮮什果龍蝦沙律,杏香炸蟹棗,翡翠炒鴛鴦蚌,雲腿扒時菜,紅燒西施白玉海皇翅,蠔皇北菇扣鮑片,古法蒸海斑,蒜香風沙雞,荷葉飯,上湯水餃生麵,壽桃大包,紅棗桂圓蓮子茶食物水準跟上回一樣精彩,是次還蘊含了一些破格元素.脫俗的紅燒西施白玉海皇翅(加入海鮮粒,青瓜絲及如雲片的蛋白),古法蒸海斑(冬菇鹹瘦肉絲)拋開傳統的包袱,各甲一方!蒜香風沙雞,荷葉飯,上湯水餃生麵的銀絲幼麵及紅棗桂圓蓮子茶同屬精品.沒蛋黃的壽包獨獨是其扣分處;盡善盡美的服務令壽宴錦上添花,還為我倆飛行里數的戶口進帳不少呢!不負眾望的盡興夜!謹此祝老人家 壽比南山!精神爽利!

8/6(日) 7pm跟組長家人的端陽宴,地點為帝京酒店的帝京軒.週日的帝京軒未算人氣鼎沸.特高樓底及落地玻璃的開揚境乃賣點之一,菜式份量為其另一意外賣點!十至十二位用的$2980套餐,雖說是十至十二位用,咱們十四人也吃得飽足!鴻運乳豬拼盤,黃金海鮮卷,雲腿扒時蔬,碧綠翠珊瑚,竹笙雞絲翅,蠔皇北菇扣鮑片,清蒸大海斑,炸子雞,干燒伊麵,瑤柱蛋白炒飯,甜品.鴻運乳豬拼盤--醺蹄,乳豬,叉燒,豉油雞,海哲絲;除海哲稍為淡口,質地較削外;其餘的燒臘表現對勁!黃金海鮮卷--洋蔥,蝦仁,帶子粒餡混入葡汁;擺脫與沙律醬為伴的宿命,點子創新;海鮮卷薄脆帶點點麵包香,功榮歸功於麵包糠.雲腿扒時蔬--芥菜膽入口毫不苦澀,還擁有一股清甜;跟鹹香的雲腿互補長短!碧綠翠珊瑚--爽脆的西芹炒入其鮮而彈口的大蝦仁,花枝片及帶子,味道清和的一味!竹笙雞絲翅--湯頭頗鮮的,翅條幼滑,口感豐富!蠔皇北菇扣鮑片--鮑片平平,沒啥味道.那巨如鮑的冬菇卻教人眼前一亮!入口汁液四溢,菇味十足!鵝掌的綿化同樣拍案叫絕!清蒸大海斑--史無前例的份量,魚味尚濃;奈何肉質粗糙,過火了...炸子雞--雞皮脆卻不夠鬆,而雞肉味足肉厚,吃落極嫩

第一次係平日黎帝京軒說真的，平時星期六日黎，真係覺得佢好貴一家人飲茶閒閒地四百幾如果不是覺得它的東西精緻又好吃，地方環境一流還真的不會多來．．．先說環境最喜歡是它的超大落地大玻璃一邊喝茶吃東西，一邊與家人談天說地，一邊享受自然光線和開闊的景觀真是人生一大樂事也！而且它的座位擺得鬆動〔平日似乎比假期時更疏落！〕沒有逼人的感覺再加上這裡的食客都比較斯文說話都不會大大聲嚷的環境不會嘈吵〔絕不是過份安靜！太靜我也受不了！哈〕心情也放鬆得多呢！一坐下就有一碟小食是很好味的小小雞翼件如果有酒味，應該會更好吃吧！今天是星期四第一次知道有點心ｓｅｔ可以ｏｒｄｅｒ八款點心，免四位茶芥，＄１９８加一覺得有點震撼！這麼便宜啊！腦子內的ｃａｌｃｕｌａｔｏｒ立即ｐｉｌｉ　ｐａｌａ地運作起來！平均每個點心才＄２７左右再看看點心紙，普通點心大多數是＄３ｘ的還要茶芥甚麼的一下子就拍板決定要這個ｓｅｔ！愛吃叉燒的媽媽一下就決定了要叉燒飽和叉燒酥叉燒酥細細粒的，酥皮也不會顯得太厚，很香口呢！餡兒也很多叉燒飽的內餡是很不錯但飽皮ｃｈｉ口很失望！推介咸水角鬆脆熱辣，不肥不膩吃過真是齒頰留香爸爸挑了牛孖筋和牛崧扒腸粉牛孖筋普普

午茶帝京軒的桂花酒鑲丸子不俗，可以嘗到桂花的香、糯米酒的味及迷你湯丸的彈牙。另外鹵水豬腳仔、小籠飽、流沙飽都不錯。不過义燒腸就顯得平平。環境寧靜，服務有禮，價錢頗貴，二人共二百多元。

15/3/08 午膳在旺角找一個坐得舒適，食得高級，價錢中等，帝京軒是一個好選擇，其次是朗豪坊粵江春，樓底夠高，豪華大水晶燈，乾淨枱布，不會像金龍船擠迫，服務有水準，雖然簡單炸鯪魚球($28)，彈牙，新鮮，雜錦炒飯，乾爽彈牙，味道當然好，醉雞($68)，大碟，晤肥，新鮮雞，夠酒味，好過好多上海食館。

Had a six ppl dinner set (about $1680). it should be half porton of the original 12 people dinner set. but it is really very big. all are some tradional dishes, like 乳豬拼盤, deep fried seafood roll (each person had two pieces!), shank fin soup (total had 9 bowls!), goose feet, fish (quite large too), shrimp and cuttle fish with honey beans, etc. we took away the chicken and fried rice. i really don't understand how each one can have one bowl of fried and one bowl of noodles. very very full.

** 此食肆的第三個OK **尋晚(14-12-2007 Fri)公司o係o度攪annual dinner,菜式就好似結婚擺酒咁,有:1.乳豬.皮脆,但肉偏鹹偏漏2.帶子珊瑚蚌西蘭花我冇醮蝦醬食,但帶子竟然可以偏鹹;珊瑚蚌幾大件o既,係爽,但感覺唔似天然o既爽,似加工.3.炸紫菜海鮮卷賣相似足日式卷咁,不過卷住o既唔係飯,而係蝦膠,,伴以喼汁食,唔醮就冇味,但醮o左就只有辣o既喼汁味.唯一可幸o既係脆漿唔厚,且炸得乾身.4.鮮鮑片扣鵝掌鵝掌夠腍,入味.5.魚翅冇咩特別6.冬菇發財好市冬菇同蠔豉都算大隻,唔食蠔豉o既我,揀o左侍應分好而只有一隻蠔豉o個碟o黎試,咦?又唔太難食喎,不過對於我o黎講,食一隻就夠lu.7.清蒸唔知咩班幾大條,可惜蒸過火,肉’鞋’8.炸南乳雞隻雞肥瘦適中,雞皮夠脆,肉算滑.9.蛋白炒飯及水餃銀絲麵對白雪雪o既炒飯冇咩興趣.而且被銀絲麵個名吸引過o黎,上枱時又臭到啲麵好香,於是揀o左後者.麵條係深米黃色o既,食落唔太彈牙,但竟然冇乜味,連湯都係,太清了.10.合桃露湯丸合桃露唔甜,芝麻湯丸唔大粒,而內裡o既餡係少之又少,唔係咬開一半都唔知係咩餡,而且少到食唔出係芝