帝京軒

再一次想講一句: 恭喜. 真的好高興看見姊妹J跟弟兄N有情人終成眷屬. 說真的, 在教堂內小弟感動到想哭.晚上的飲宴, 又係一眾頌揚人合作的時候. 係這果環境下, 當然不能每一樣食物都能夠試到, 不過都吃了最精彩的部份.先講環境, 這裡樓底高, 不會太嘈吵. 服務係飲宴來講也做得幾好. 整體食物也真是幾高水準.鴻運乳豬全體: 8分, 係星球大戰的音樂下除除出來的係鴻運乳豬全體. 主人家沒有要了超大路的黃飛鴻, 好! 係飲宴來講, 這個於豬的水準係相當高, 皮夠脆, 也不太肥, 還吃了件肉, 也幾嫩.翡翠雪花螺片蝦球: 8分, 吃了小小, 蝦球幾新鮮, 螺片也幾好咬口. 金湯蟹皇翅: 8分, 一人一大碗, 好足料, 吃入口也有不少翅, 賣相幾靚, 係幾金黃色的.蠔皇原隻六頭鮮鮑扣鵝掌: 8分, 真的感謝好客的主人家, 竟然有六頭飽吃, 當然係要暫停一切節目讓大家一齊食鮑魚. 這個六頭鮑, 份量不少, 係要用刀叉去切. 都算幾入味, 也夠淋, 起碼係容易咬開. 最怕係咬極都咬唔開的鮑魚, 點搞?打後的食物, 也沒有細嚐了. 不過能夠係盡自己一份力, 已經好高興了, 吃不吃也不重要了.不知下

在酒店裏竟有如此平的dim sum set menu $168+10% 可選八款點心, 最荀是不用茶芥。環境環好, 點心好味!可一試!

-環境都幾好, 空間感好舒服, 我地2枱都要左個房, 當日都有6成客人。-擺\設上個人幾鍾意個骨碟, 玻璃款式好靚, 至少有3款不同圖案。-但最後特別傳上個杯茶, cutting就怪怪地, 全白色斜邊設計一邊高一邊低, 似細花瓶多d-.-“””。-味道不過不失, 較特別的上湯炸雲吞仔, 雲吞仔上到枱先由待應放落上湯, 食多幾粒都唔覺喉嚨痛。唔似炸蟹kam, 雖然放左一陣都重係熱辣辣, 但食左半粒都唔想再食, feel到將會喉嚨痛幾日。

一家人吃飯，多數是本人建議及book位,儲緊Asia Miles Bonus, 揀了揀,選了選,這間是在酒店入面的,一星期前book位,講明要近窗口位.環境不錯, 桌與桌之間不會太貼,閑談方便,哎!確實有窗口位！太好了！家人也跟著到了，Honey同我揀了揀,選了選,餐牌上有:-有龍蝦四人套餐,上海菜式的四人套餐,有一般飲宴用的六人/十二人套餐... 六人吃飯，真的揀了六人套餐！心想，左？！為何不揀一些特別的啊！如龍蝦。大概因本人病了，家人們不想本人吃得太‘雜‘。菜色不詳述，慣常的一般飲宴的，乳豬呀！翅呀！炸子雞呀！不過，值得一提，好過好多酒楼，是服務態度，恭恭敬敬，好有禮貌好有客氣。食物方面，乳豬好脆，炸子雞脆而滑。。。去到伊面炒飯，太飽了！不能繼續，但弟的女朋友説炒飯好好吃，吃了兩碗飯啊！估不到男人們停止住口了，大食的是位‘小女士’！大家吃得開心，團聚閑談，氣氛尚好，又可以帶走飯面，尤是媽，唯一美中不足的是，甜品是大家不喜的芝麻糊，紅豆沙呢？註：茗茶毎位$15,六人套餐$1500

daddy spot到呢度有個超抵6人套餐都係$688, 所以佢同mammy既anniversary就黎左呢度食. 我諗呢個場應該係新裝修完所以有咁既promotion，個環境好闊落，都坐得好舒服，但係有2樣要彈，第一飲茶既茶杯不中不西(又似水杯多d)，懶係有款玩斜邊，但係一d都唔match中菜廳既image. 另外要投訴係佢天花既燈係咁轉色，真係好唔舒服呀!!!論食物.. $688當然唔會expect有好多好野食，都係一d typical既上海菜:清炒河蝦仁-- OK清甜o係香港算唔錯蜜汁火方-- 唔係唔好食.. 但係我始終buy parma ham w melon多d... 雲吞雞湯翅-- d雲吞好食過d翅，個湯我嫌唔夠熱!百頁結小棠菜-- 冇食到, 不過媽咪話d菜夠嫩蒸老虎斑-- 都好大條同埋蒸得有水準，岩晒我呢個魚人小籠包-- d肉好食但係個皮薄得黎易穿有待改善!酒釀小丸子-- my favourite!!!! 整得好!!!!!(我諗仲有1個餸唔記得左係乜... )Overall菜式都幾滿意...而侍應生既服務態度亦好好!

同朋友到這裡吃飯, 未入到大廳已覺得環境很吵. 進去以後, 只覺很迫, 很細..以酒店來說一點也不及格.點了商務午餐, 有乳豬海蜇, 兩款小菜, 點心拼盤(只有兩件蝦蛟, 燒賣各兩件)及甜品小菜點了xo醬桂花蚌及炒班頭腩, 味道不錯, 很新鮮點心,普通啦..乳豬比想像中好,皮脆又不覺太肥. 海蜇, 很彈牙吃得出不是cheap 野, 不過要三催四請先上到枱, 要扣分..甜品是香芋西米露, 椰汁味香, 不過芋頭有渣.

到了這裡幾趟，服務及食物質數都不錯，食味清淡得宜，味精不多；另外有件值得表揚的是食肆利用水雲母取代了所有髮菜，不是價錢問題，是企業責任的問題，好感驟增！

呢個蜜汁火腿同其他地方食到的有少少唔同．除左火腿同麵包皮之外，仲有一小粒梅子．味道又夾得幾好喎．梅子少少甜酸，腍腍地，蜜汁唔會太甜，感覺幾好．$48有４片火腿加梅子，幾抵食．呢味小食在點心紙上是沒有的，要order的．

點心整體上都唔差，蝦餃並不如另一個食評中所說的那麼差，皮不算厚，蝦肉爽而多。環境方面，幾開揚，但不知是否星期日的關係，幾迫。服務方面，侍應和經理不是沒有禮貌，但不夠主動。另外，落單後有些食物原來已售罄，但卻沒有通知人客，令人客白等。這樣的服務在酒店級的餐廳來說就真的未達標!

尋晚年初五, 散叫選擇唔係好多, 但都算有得揀下. 總括意見如下:1) 食物ok, 叫做熱辣辣上枱, 味道都算好, 尤以炒飯同炆伊麵最真材實料最好味;2) 以4人份量為一碟, 價錢偏高; 咁貴, 諗住食服務啦, 點知...3) 部長的服務對象以熟客為主, 對生客, 冇乜笑容, 搞到我以為自己好煩, 反而侍應生又OK 喎;4) 炒飯同炆伊麵要催好多次至上到枱;5) 叫左ABC三樣甜品, AB上到枱至話你知冇C呀, 轉唔轉埋A/B? 咁你話人家食AB的朋友等唔等埋你一齊食好? 酒店服務好似唔應該咁囉;6) 埋單俾左VISA咭後等左10分鐘冇晒影, 見D部長侍應圍埋一堆係度傾閒計, 咪追下囉. 點知原來張BILL擺左係櫃面冇人理喎, HA, 咁都得?7) 仲有, D枱擺得太密喇, 背貼背, 搞到條走廊唔見左, 又唔係好FULL, 何必搞到冇晒酒店的氣派呢.而家咁多選擇, 如無必要, 我諗我唔會再幫趁囉. 評分是以其他酒店食肆作比較.

見最近美心皇宮裝修緊，淨返唔係好多檯做生意，又見帝京軒話呢期做緊宣傳，狗不理係全國最好，咁就去試下啦。都係食左點心，狗不理有兩款，一款係鮮肉，一款係三鮮，好得意，個包入面好多汁，不過略嫌豬肉太碎，冇乜咬感。其他點心款式都唔算多，特式的有天津糕干同炸糕，但又唔係太特別，前者係類似豆沙餡的咸水角，後者就一舊糕，不過有酥皮包住。另外個菜煎包、鍋貼、魚肚、石榴果都幾好食。樣樣點心都係三件，好彩咁o岩三個人食。食左二百幾蚊，都幾抵。茶錢$6、芥醬小食$7x2，小點由$14起，假日會貴少少。人唔多，坐得幾舒服，如果美心多人，黎呢度食都幾好，咁就唔使輪百幾個籌啦~

兩個人lunch, 叫左海蜇, 油菜, XO醬炒腸粉, 蝦餃, 同埋燒賣~ <br />蝦餃唔係好掂, 皮稔晒, 蝦肉唔爽~<br />其他點心ok啦~ <br />埋單二百幾~ <br />依帶無咩好o野食, 依度環境又算ok 啦~ 唔多要求啦.........

環境幾舒服唔迫, 飲茶點心, 做得都幾少油,好有好感. 灌湯餃幾足料, 但味道輕清. 服務唔錯, 不過價錢偏貴.

小弟食左唔少酒店Buffet ，都覺得這裏唔錯，紅磡海逸就環境好，這兒就交通方便，食物好正，尤其我好鐘意食魚生，呢度供應就非常充足，我猛食猛食，攪到，，那次食到我覺得三文魚生好似肥豬肉咁, 不過真係好正！而且又有翅食，款食都好多元化，只可惜冇雪糕食．．