巧得鍋 (已結業)

觀塘啲工廈入邊不嬲都好多隱世美食，今次行行吓成業街搵到一間食雞煲，就去試吓。呢度入到去環境好唔錯，啲位全部都好闊落，每張枱有一個好大嘅鍋。坐低見到餐牌，原來唔係剩係得雞煲，仲有可以燒肉或者打邊爐。咁既然佢係出名食雞煲，就叫咗佢個巧得招牌雞煲，叫嗰陣侍應提我哋食雞煲食到咁上下可以加湯將佢變邊爐。🥘食物出邊食開啲雞煲，通常食到一半就覺得好鹹，呢個就完全唔會有咁樣嘅感覺。第一啖食落去啲味都好舊，仲有少少麻辣嘅感覺，非常入味。食到之後越食越吸引，最正係食到咁上下變邊爐，我哋再叫多咗幾樣嘢食，等埋個邊爐滾我哋就落埋嗰啲嘢，當平時打邊爐咁食。叫咗珊瑚蚌、鯇片、豬頸肉、油麥菜同粟米。個雞煲嘅味滲落咗去個湯底，令到個湯都好惹味，個珊瑚蚌係必定要叫，食落去好爽口，亦都好入味，建議滾大約30秒就食得。✨氣氛✨平日夜晚去食，唔算特別太多人，坐得好舒服，係喺觀塘呢一個美食生蠔裏邊一個不二之選。

觀塘不得了火鍋雞煲餐廳，第一次試過巧得鍋，無花無假真係有質素。今日收早來食午餐，午餐時間都有午餐set,首先點了二人套餐招牌雞煲半隻小辣，雞夠滑夠惹味，同埋邊食邊煮好新鮮。另外配有一碗魚湯瀙娃娃菜，個魚湯真的不得了，必須一提後來放涼了再喝，一點都不腥，真係正。另外主餐點了花膠雞湯烏冬，真係超滋補，岩曬女仔食，呢個湯真係必飲啊。朋友就點了香辣麻婆豆腐飯，佢話個麻婆豆腐真係有料，整得超正宗，仲話D飯煲得口感剛剛好，撈埋食真係好好味。另外小食忍不住點了香蔥蠔仔煎蛋，超級多蠔仔，我的最愛夠足料，巧得鍋真心有料，絕對值得推介。

趁天氣仲係涼涼地，就約咗朋友去食麻辣雞煲，咁岩上網見到呢間上網都好多人推介，就簡咗呢間餐廳。坐低無耐，老闆已經好熱情咁同我地推介有咩係必食，同埋介紹醬料，老細大推佢地自家整嘅XO醬，食落真係feel到係真材實料，入面有好多瑤柱。除咗XO醬，老細話唔夠辣嘅話，可以落埋辣椒粉，因為個雞煲都好夠辣，就無試到。1.招牌雞煲半隻 雞煲入面落咗勁多材料，好似有洋蔥、紅黃椒、八角，所以個雞煲味道勁香濃，仲要每樣材料都好入味。雞嘅份量都好多，肉質都好嫩滑，雞肉多肉少骨，半份其實都好夠兩至三個人食。2.牛肩胛食完雞煲，可以加清湯變邊爐，打邊爐又點可以唔食牛！牛肩胛嘅擺盤勁靚，仲要預備埋冰keep住生牛肉嘅溫度，以防牛肉放得太耐室溫變黑。牛嘅紋理分明，食落仲要好有牛味，可能脂肪比較少，所以食落都無咁膩。3.墨魚滑 & 娃娃菜 & 紅薯粉墨魚滑嘅味道不過不失，口感都幾彈牙爽口，仲會食到墨魚粒。除咗墨魚滑，仲叫咗娃娃菜同紅薯粉雙併，份量都好多，不過紅薯粉唔好淥太耐，好容易就變淋。4.白桃烏龍&桂花烏龍呢兩款都係冷凍茶，兩款茶都飲到好濃嘅烏龍味，岩哂打完邊爐飲，解渴一流！食哂所有野食之後，餐廳仲免費送咗幾舊冰凍

今日去咗觀塘工廠區巧得鍋食午餐。下晝二時去到，應該剛剛過了飯市，避開了工廠及寫字樓的午市時間，人不太多，還有午餐供應。睇返餐牌，原來午餐供應時間是11-3。餐牌入邊的午餐有很多選擇，價錢好經濟，$45起有交易，好適合我地呢啲打工仔，日日過嚟食晏都唔會傷荷包😁。今日我同朋友一齊嚟，而且仲係月頭，就梗係食好啲，叫咗個二人雞煲套餐，$168 包半隻雞，一碟魚湯娃娃菜，同埋兩碗白飯，兩杯drink。飲品我哋仲升級咗要鮮榨果汁，呢個係店員推介，佢見我想飲麻辣特飲走甜，推介不如試佢哋嘅西瓜汁同哈密瓜汁，即叫即打，完全唔會落糖。我哋張枱望到水吧位，真係見到佢新鮮即打，本身水果夠甜，飲得出沒有加糖水，好fresh ，同麻辣雞煲好襯。講返個麻辣雞煲，雖然話得半隻雞，份量都唔少，兩個人食足夠，朋友唔食得辣，叫咗BB辣，店員主動俾咗支辣粉，話唔夠就自己加，果支辣粉真係勁，夠晒辣，辣到流汗。👍🏻如果兩個人一齊食，口味不同，呢個係好方法。餐廳裝修係大眾化格局，店員親切，如果係附近返工，應該係一個唔錯嘅午餐選擇。

一直都知道觀塘啲工廈卧虎藏龍，但真係好少機會黎，今日朋友約我過黎買野，順便係附近搵食。雖然只係lunch time，但朋友想豪食一餐，於是揀左過黎「巧得鍋」食下啲煲，估唔到又幾出色，都真係「好得喎」！入到黎坐低，得到店長熱情招待，推介各式食物。由於煲裏選擇實在太多，我同朋友都花多眼亂，最後同朋友揀左「巧得鍋」嘅招牌雞煲（半隻雞2人套餐）（$168），包漁湯浸娃娃菜、白飯同埋飲品，然後再叫多個午市套餐自家鮮蝦水餃雞湯飯（$68），跟餐改烏冬（$5）。平時食雞煲都好驚餐廳俾啲雞頭雞尾無肉食，無諗過「巧得鍋」可以咁真材實料，啲雞件啖啖肉，仲要非常新鮮嫩滑！而且最緊要係調製得非常入味，因為佢地烹製雞件嘅醬非常出色，撈埋飯食好快可以chur完一碗！而個漁湯浸娃娃菜非常鮮甜，絕無味精，超正！至於個自家鮮蝦水餃雞湯飯，食得出佢地個蝦非常新鮮，而個水餃皮薄餡靚，雞件都係同雞煲一樣滑溜，烏冬就係稻庭烏冬，非常爽口彈牙，認真好好味！飲品方面，店長極力推介果汁，於是我地分別叫左哈蜜瓜汁同西瓜汁。店長果然無介紹錯，因為佢地啲果汁都係新鮮調製，飲得出絕無添加糖漿、糖水，所以食完惹味味濃嘅雞煲，啜一口新鮮果汁，果

觀塘工廈隱世火鍋店 — 巧得鍋今日同朋友去觀塘工廈買野，行到夜晚經過見到呢間火鍋店，就即興一齊打咗個邊爐😆餐廳環境好光猛好闊落！滋補花膠燉竹絲雞鍋($238)湯底嘅材料好豐富，有烏雞、紅棗、淮山、杞子、圓肉、黨參，湯底本身已經好清甜好入味😍！勁好飲😋好似煲咗好耐嘅老火湯咁，鍾意飲湯嘅一定要叫呢一款湯底！而烏雞煲咗一個鐘，再食都依然肉質好嫩滑！鮑魚餐廳係主動為每張枱的客人免費送上的，鮑魚好新鮮彈牙！椒鹽九肚魚($98)每次去大排檔必食嘅，估唔到呢度都有椒鹽九肚魚食！炸得唔會好油膩！調味適中，不錯👍手打芝心鮮蝦丸($98)好新鮮、好爽口，食到粒粒蝦肉真係好足料！脆鯇片拼脆鯇骨腩($78)好重油脂味！

今日同朋友去工廠區買野，行到夜晚經過見到有間火鍋店，巧得鍋位於觀塘工業區附近嘅，雖然位置唔係好就腳，但入到店舖發現都幾多客！見餐牌價錢都ok，於是去試試~1.烤魚(小辣）湯底偏向多湯，烤魚料好多，例：娃娃菜、蓮藕、芽菜、木耳等。但我覺得食得辣既，可以再叫辣啲。😂😂2.火鍋料：黑牛柏葉呢間店真係好有良心，有勁多👍平時係其他火鍋店食都唔會咁多，我食得好開心！3.新鮮鮑魚店家很好，主動為每張台的客人免費送上的人頭鮑魚。食得出啲鮑魚係好新鮮，而且好彈牙！4.安格斯牛水準不錯，食落好香，而且肥瘦剛好！5.豆卜串串配辣好好食，吸曬啲精華！免費水果🍉

今日突然想食雞煲🙊同事話觀塘成運工業大廈有家值得一試的火鍋店，午市雞煲幾抵，就食呢間啦🤪「巧得鍋」店面闊落，坐得舒適，店員好nice 👍二人雞煲$168 ，半隻雞份量，跟一個娃娃菜，2碗白飯😁雞煲（中辣），雞件入曬味！肉質鮮嫩，而且好厚肉，巧惹味！2人好夠食👍魚湯娃娃菜，魚湯好濃郁，娃娃菜吸盡鮮甜的魚湯，吃完菜後還可以把整碗湯喝掉🤪 西瓜汁原汁原味，沒有加糖👍 士多啤梨沙冰都不會太甜👍

幾時都話觀塘工廈嘅食肆係臥虎藏龍，今日嚟呢間聽調超級多次嘅「巧得鍋」☺️☺️🐰午市招牌2人雞鍋餐 $168❣️揀咗小辣😂😂雞煲份量合理，跟2碗白飯～好中意佢嘅調味，夠香、辛、麻！而且仲會落咗3色椒+洋葱調味，食落更香～雞肉嘅肉質唔乾，最好成舊都蘸滿晒啲辣汁，配飯食好惹味👍🏻🐰魚湯浸娃娃菜❣️個魚湯都幾鮮，一啲腥味都冇😇不過娃娃菜好大條，唔會煮得好老～仲會放係熱爐上面，啲菜唔會凍晒～🐰紫蘇蝦餅 $68❣️見到佢哋有唔同嘅小食，結果都係嗌咗蝦餅🤣🤣底下會連埋紫蘇葉去炸！應該係我食過最酥脆嘅蝦餅😍😍😍入面嘅蝦肉好彈牙，仲有少少紫蘇嘅味道，大推呢個蝦餅👍🏻👍🏻🐰西瓜汁 $35❣️雖然未到夏天😂😂但店員講到佢哋嘅鮮榨果汁，點可以唔試！大大杯，解辣一流😆🐰菠蘿沙冰 $35❣️呢度嘅果汁類都幾新鮮！女仔唔好食咁多冰，建議飲返西瓜汁😙😙

#ftf_觀塘巧得鍋 好得喎！觀塘隱世抵食雞煲，午市套餐都超抵食！今次就同朋友叫咗佢哋嘅招牌雞鍋二人餐，有半隻雞同埋娃娃菜，仲跟白飯兩碗同沙律，性價比極高！招牌二人雞鍋餐 $168⭐️⭐️⭐️⭐️⭐️叫咗BB辣，雞鍋湯底好香濃又惹味，但唔會過鹹，比較其他雞煲係偏向甜，個人幾鍾意！雞肉肉質嫩滑夠入味，而且仲有好多配料，有大量洋蔥、三色椒同芫荽，真夠香口！秘製雞煲醬汁撈飯，簡直係一流！唔夠辣，仲可以加埋自家製嘅辣粉，正！魚湯浸娃娃菜⭐️⭐️⭐️⭐️分量多，清甜爽脆又新鮮！是令鮮榨哈密瓜汁 $32⭐️⭐️⭐️⭐️超清甜，又足料，食咁邪惡嘅雞煲，飲番杯無添加糖既鮮果汁，感覺清爽又健康！時令鮮榨西瓜汁 $32⭐️⭐️⭐️西瓜汁夠清新，可以中和返雞煲既熱氣同膩感，不過個人覺得唔夠凍。回頭率🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

朋友帶我黎呢間打邊爐…話呢度烤魚唔錯…不過我就唔食魚既…不過唔緊要有雞煲揀。同埋呢度有埋燒烤…可以滿足唔同人既願望望下餐牌…有選擇困難既我就點左個套餐…入面包左有前菜伴青瓜…雞煲…牛肉拼盤…火鍋配料有丸有餃又有少少海鮮…仲有一籃菜…仲包左兩杯野飲。原先想再點d野燒烤…店員話食到咁上下先…唔hard sell呢度既醬料都幾多選擇…同埋好新鮮…蔥…芹菜…蒜唔會乾爭爭雞煲default中辣…唔郁佢啦…雞煲份量足又惹味…食完已經飽飽地…加湯繼續打爐牛肉都唔錯…有肉味同好腍…要讚下佢地d墨丸蝦丸…爽口彈牙…海鮮有元貝同蠔…雖然冰鮮貨都唔錯食埋菜籃其實已經好飽…好彩無再點野燒烤之後仲有蜜瓜做飯後果…正呢個餐其實幾抵食…樣樣都有d又夠飽…啱哂有選擇困難症另外要讚下服務唔錯…有禮貌又會主動換碟…最搞笑我地原先想點汽水佢就話不如試下佢地既果汁都唔錯…感覺抵飲d…又真係唔錯…不過食辣野一杯野飲唔夠…就加多支人蔘烏龍茶…凍飲唔錯…無糖又健康d

今日放假晏就同朋友去左觀塘工廠大廈上堂學拉陶瓷～學完喺附近就腳搵咗間打邊爐既試試🤭胡椒酸菜豬肚湯份量好多，豬肚又大塊同好咬口，湯底夠辣🔥酸菜味道係哂湯中 飲左好多碗厚切安格斯牛雖然呢個脂肪面積有點大，但肉味重，建議點其他薄切，較少厚脂肪口感會更好菜單方面有得加錢轉雙拼，岩哂我三心兩意選擇困難症嘅人😌雙拼五花腩片x 墨魚滑腩片好長，配埋胡椒湯好夾又飽肚 油麥菜 x 百福豆腐啲菜都幾新鮮，豆腐份量如果多一點就更好😝飲品雜果特飲呢杯野飲有加到奇異果，又唔太甜 口味岩我，唔係度度地方都有，推介👍🏻

lunch心思思想食雞煲， openrice下就見到呢間樓上火鍋店都幾多like。捐窿捐罅終於搵到間餐廳，門口大大個招牌「巧得鍋」，餐廳入面都好闊落，啲位坐得好舒服，店員好友善咁招呼我地👍🏻👍🏻Lunch time有提供唔同嘅午市套餐，粥粉麵飯樣樣皆齊，應該都係做開平時工廠區嘅lunch。而我最想食嘅雞煲都有午市二人套餐，半隻雞加個蒜蓉炒娃娃菜/魚湯娃娃菜，仲配多兩個白飯，先盛惠$168，幾抵食👏🏻👏🏻半隻雞嘅份量都頗多，啖啖肉，又香又惹味，雞肉都好入味，仲可以揀辣度👍🏻雞煲入面有洋蔥、彩椒同芫荽，係雞煲醬嘅影響下好鮮甜🤤 店員仲介紹咗佢嘅獨家嘅辣椒粉，鍾意食辣嘅我梗係要試啦，灑咗落件雞度，辣椒嘅香味更加突出，但辣度又唔會維持得耐，正正子🤩🤩，成個雞煲配飯一流😎娃娃菜係魚湯嘅浸禮下，顯得更鮮甜，仲可以解埋辣tim 😌😌除咗原有提供嘅麥茶之外，仲有四款不同口味嘅冷泡茶，我就揀咗白桃烏龍同桂花烏龍，兩款嘅花味都好突出，好順口👍🏻👍🏻👍🏻睇返餐牌，除咗招牌雞煲之外，佢都提供唔同特色鍋底，價錢又唔會架貴，仲有新鮮牛肉同時令海鮮，下次再嚟試下其他火鍋先😌😌

趁而家有少少寒意，把握時間嚟到觀塘食雞煲😎一入到去環境幾大幾企理，侍應都好有禮貌，會介紹唔同嘅菜式，落咗單之後，佢哋會送一個九宮格樣式嘅火鍋調味盤，等客人自行調配醬料，非常貼心😍主菜雞煲上場，我哋叫咗BB辣，因為唔係太食得辣，叫咗半隻雞足夠二至三人分享，個雞煲非常之惹味，加咗洋蔥青椒平衡返，唔會過分油膩由於本人鍾意食重口味嘅食物，所以叫咗菠蘿牛柳粒，同埋椒鹽九肚魚，兩碟餸都好夠火喉，牛柳粒非常軟熟，而椒鹽九肚魚外脆內軟，幾好食最後叫咗大份嘅牛肩胛，上菜個樣幾靚，非常之大份，放入加咗湯嘅雞煲之中，好有牛味🫢最後有驚喜嘅地方係佢送上左冰鎮哈密瓜，為依餐晚飯畫上完美嘅句號😎

巧得鍋地址: 觀塘成業街15-17號成運工業大廈1樓12-14舖#yauyau_觀塘今次再去到工廈區搵食，行過去成業街見到有雞煲食，就上咗去。餐廳裝修都好邊爐friendly，張枱已經有吸氣嗰啲裝置，食完唔會成身味。🍖🍖招牌二人雞鍋餐 $168（半隻雞BB辣、漁湯浸娃娃菜、白食兩碗）男朋友食唔到咁辣，所以叫咗最低嘅辣度，店員見我好食得辣就俾咗支好嘢我，撈埋嚟食啲香辣味好似係我個口度爆開，後勁凌厲。雞鍋本身調味都足花椒八角味，仲好夠薑同蒜頭味。所以我唔夠辣都可以食得好過癮。🥬🥬娃娃菜浸得好靚啱啱好，辣到攻喉可以食番啖嚟解辣再食過。另外佢有放啲蜆咁，成個湯頭整到勁香。🍚🍚白飯應該用靚米，似屋企食開嘅金鳳。🥤🥤鮮哈密瓜汁 $+15有係屋企玩過榨汁機嘅朋友應該知鮮榨果汁會有好多泡，佢杯嘢唔係好甜同多泡，係真材實料榨出嚟，最怕嗰啲落咗糖，食辣再飲會起痰。味道: 4.5/5服務: 4.5/5環境: 4/5番兜: 4/5#觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #