川粤時空時尚小廚

營業中

休息中

- 《川粤時空時尚小廚》🌌🎆冇食過環境咁舒服嘅川菜🥹咁岩黎到有live聽🪄d uncle唱歌勁有feel😂chill住食川菜你又試過未？🐟老壇酸菜魚 （$168/$298）佢有半條同一條揀、兩個人去揀半條夠了因為佢真係好大份，好抵食🫣嗌左小辣同request 左多酸菜🫶🏻味道算正宗、魚片都夠新鮮！同埋佢份量真心多食唔晒🤫底料有萵筍、木薯粉、都好夠味🤭整體來講，好不錯👌🏻🦐乾鍋麻辣蝦 （$148）呢個勁有驚喜！佢有個火爐仔熱住、所以keep住勁有鑊氣！🔥夠麻夠辣好開胃！都係叫左小辣！辣度剛剛好🌚蝦屬於中size、雖然唔係超級大隻，但反而好新鮮爽口！🙋🏼‍♀️(呢個肯定係回頭首選🫢）🦑豉椒炒花甲 （$148）佢每碟份量都好大好抵食😤平時食花甲成日碟都勁多空殼😑佢呢個真係近乎粒粒都有🫡味道夠+有鑊氣🍲花甲都夠新鮮！送飯送啤酒一流🍻🥖炸饅頭 （$48半打）🍢酒釀丸子 （$38）食川菜食辣野結尾必點-炸饅頭🙋🏼‍♀️🔥金黃金黃的🤤外脆內軟熱辣辣、我仲叫佢攞多碟煉奶😂仲有酒釀丸子依家已經唔係到到有得食！用糯米加入酒藥釀製而成、暖笠笠又飽肚🥰啱晒而家天氣咁凍食🫣佢仲有雞煲食㗎、但可惜今次去到賣晒😛

凍冰冰最岩就係食辣，暖一暖胃第一次食川菜唔知邊間正，朋友介紹觀塘的川粵時空時尚小廚，花多眼亂唔知揀咩，咁就俾朋友決定啦!酸菜魚份量大大盤，用料十足酸爽味道真係好刺激，麻辣酸味符合香港人口味，湯汁撈飯一流魚肉鮮嫩滑，十分入味，一塊塊，唔會爛溶溶，一食真係暖入心白切雞做到皮脆肉滑，肉質煙靭，鮮嫩多汁，原汁原味食到雞肉鮮香，仔細睇會見到有層薄薄雞凍，可想而知功夫真係唔少啦!見到隔離枱有炸野，我地都唔執輸叫左個椒鹽鮮魷，賣相真係拍得住大排檔，炸到金黃色相當吸引，炸粉又唔會太過厚粉，食落好脆口，味道岩岩好

平時好少去觀塘，每次去都有所期待，因為觀塘地膽朋友一定會帶我吃好野。今次就帶我去巧明街工廈食川菜！佢發板話必食呢兩樣：《 川香回鍋肉 $108 》用咗用豬腩片，帶脂肪好爽口又唔會好油膩。加埋紅椒、青椒一齊炒有辣度，撈飯唔錯～《 茄子豆角 $78 》茄子吸汁入味，口感又夠晒稔，豆角口感煙煙韌韌，加埋好多辣椒炒好惹味～兩個人兩個餸已經夠飽，不過見到餐牌都多選擇，酸菜牛肉都有、水煮田雞、麻辣鍋等等，都幾特別，下次再試吓其他菜式先！

天氣凍冰冰，最啱就係打邊爐同食煲仔飯今次嚟到觀塘工廈的「川粵時空時尚小廚」，有重慶麻辣水煮魚，酸菜魚，雞煲等川菜，仲有辣度選擇，要幾辣有幾辣🔥除咗川菜，仲有粵菜提供，例如咕嚕肉，黃金蝦，芋頭扣肉等夜晚仲有Live Band喺度表演㗎，夠哂氣氛==========我今次就揀咗個隱藏餐單 (私房菜)：暖笠笠嘅臘味飯食嚟到時熱辣辣，臘味同飯嘅份量都好充足，足夠一家人分享有臘腸，膶腸，臘肉，臘味肥瘦及軟硬度皆適中，肉味濃郁好甘香米飯粒粒分明有飯香，吸收咗臘味的油份真係好滋味

觀塘區夜晚食飯比較服，因為少左上班嘅人群，見呢間川粵菜新開，就去試下。一入去見到有人唱緊歌，姨~有live band禾🎸🎸🎸，咁中意音樂嘅我被歌聲吸引左。覺得幾有趣，好少中餐廳會有live band,覺得很新奇。😱😱😱開始叫野食,選擇都好多，水煮魚，酸菜魚等一應俱全。今次叫左酸菜魚來試，叫小辣，因為本人唔食得太辣，我都好怕川菜館無唔辣的食物，好彩佢有埋粵菜，適合想試下又唔太食得辣野的朋友仔。魚多，寬粉、最驚喜有埋萵筍，比較少餐廳有。🥘🥘🥘另外因為酸菜魚製作需時，所以叫左個前菜拍青瓜，可能本人中意重口味，所以覺得醋的成分少左dd，但整體都好食、爽脆。🥒🥒🥒最后叫左個咕嚕肉，不過不失。

齊齊OT 就齊齊食晚餐，遇上同愛辣的同事就當然係食得辣啦!來到位處觀塘的川粵時空時尚小廚，餐牌就見到滿滿川菜選擇水煮魚，烤魚，老壇酸菜魚，真係好吸引店舖充滿香料的香，真係川菜特色酸菜魚啖湯麻辣酸，每口刺激，魚質夠哂鮮嫩滑，魚皮滿滿骨膠原索上酸辣湯汁真係勁夾，仲有滿多配料，唔夠食可以追加粉絲豆卜同菜，粉絲索左湯汁真係食到停唔到口三個人食就叫多兩個小菜茄子豆角茄子豆角煙煙靭靭，好香口黃金豆腐黃金豆腐係好做黃金咁，炸豆腐炸到金黃香脆，熱辣辣，外脆內軟份量十足，食到好飽總括川菜味道真係好到，可以再來觀塘駿業街66號巧運工業大廈1樓C室

我係一個無辣不歡的人，每次出去聚餐，烤魚，雞煲，水煮魚是必點的菜式，食過好多家，總覺得味道差DD。觀塘的朋友推介我過來試下巧明街巧運工業大廈這家新開的川菜館，聽個名就好吸引人：川粵時空餐廳喺觀塘市中心，巴士站落車上天橋，有條斜路行到尾，紅綠燈燈位見到OK便利店，樓上的招牌閃著燈，一眼就睇到川粵時空四個大字，透過窗子可以看到餐廳內掛著紅燈籠，老闆應該花了不少心思去裝修啊。在樓下轉了一圈，爭D揾唔到上餐廳的路，打電話問朋友才知，大廈升降機衹可以去餐廳後門，真正的門口要去OK便利店側邊，有條樓梯上一樓。上到去有兩間舖，左邊係個做外賣的食堂，正前方才是我今次探店的目標——川粵時空。一入門口，香氣四溢，未坐低就聞到隔離檯客人正在享用的麻辣雞煲，好熟悉的味道，突然間覺得肚餓到不得了，迫不及待的打開餐牌叫個招牌烤魚先。由於烤魚製作需時，我地叫咗兩個前菜打個底。麻辣皮蛋，大廚自製的辣椒油，辣度適中，喜歡食辣的朋友可以叫加辣。老闆特登留咗條桂花魚俾我地 ，可以水煮或者椒鹽，今次我地試下椒鹽桂花魚。新鮮桂花魚去骨切片，裹上薄薄的一層粉漿，炸得外酥裡嫩，送酒一流。為咗照顧同行唔愛食辣的朋友，叫咗呢份豉椒炒花

一直都好鍾意食酸菜魚。見到午市有得食，當然要試一試。一望個店名有個川字，好明顯川菜系。川菜以麻、辣、鮮、香為特色。唔食得辣嘅我，當然係揀BB辣。個酸菜魚好足料，魚嘅份量好多，配料有萵筍，藕片，木耳。第一時間飲啖湯先，又麻，又辣亦夠酸，個感覺好刺激，BB辣都唔係無辣度，正正正。每次去試食一間新嘅酸菜魚，都喜歡配白飯，可以變湯飯，更能試清楚個湯。喜歡這間店灑上菊花花瓣，清香配酸辣😍午市$68有個中湯加飲品。（凍飲加$3）環境乾淨企理。

天今日天氣有啲凍，想食啲辣嘢，就上去試吓啦，原來都有幾多個餐揀，價錢有六十幾至成舊水都有，包湯包嘢飲爭啲爭啲，同觀塘茶餐廳差唔多價錢啦，今次我就見早差唔多係最平嘅毛血旺

想食酸菜魚見新開張就試試。我們3女士想叫酸菜魚例牌（$168），男職員說例牌你們大約每人有3片。我驚訝地回應：咁咪只得9片？男職說：係呀！差唔多啦！（我心諗：每人3片真係到喉唔到肺，所以我哋就叫咗一條魚（$298））。因不喜歡太酸，所以問男職員想減酸菜，改為給多一點寬麵可以嗎？男職員建議我們加錢要多點寬麵。我話我們想試多些其他菜式，我們3女士加麵就太飽了不能試其他。男職員就勉為其難叫廚房給多一點寬面。我們再叫了咕嚕肉$98及辣子田雞$138（餐牌菜式不多。辣子田雞餐牌上沒有的，女職員見我喜歡田雞，特意做這個菜，還說遲下新餐牌會有，價錢$148現在$138給我。我都幾欣賞這女職員的服務態度，但男的這個職員就比較小家了，連飲管都叫我們環保再用）味道方面：酸菜魚：厚切有口感，但肉質不夠滑。湯底我就覺得酸了點咕嚕肉：炸得太硬辣子田雞：沒有什麼味道我們在openrice訂坐有88折，我們叫了3道菜，但結賬時見折了都要$629。原來王老吉每罐$18（叫時沒有看價錢，但真心覺得貴）

咁啱經過見到係新開就俾個機會佢啦～我哋去嗰陣時差唔多1:30加上星期日～帶座嗰個同事見唔多客俾咗張超級大枱我地😳我哋四個女仔嗌咗三樣嘢開頭驚唔夠食點知原來份量都幾大而且好好味呀😍特別要講吓個酸菜魚🐠魚質非常之鮮嫩魚皮亦都非常之有厚度係重骨膠原的feel💖配料亦都非常之豐富～有蓮藕、萵筍、芽菜、蒟蒻、雲耳等😳而且魚片無骨切好厚身相當有口感👍🏻另外兩碟都非常之好味😋🌶辣子牛肉🐮牛肉幼嫩而且份量不少配料亦豐富👍🏻🍆要讚下茄子非常香口嘢味值得一試‼️

在中秋節前夕的一個下午有點空，本應想再試「時尚」超值的下午茶，怎知一上到去又有驚喜，以前的意大利「時尚」已變了川粵菜的專門店「時尚川粵時空小厨」，即時傳來一陣陣香料的清香。看了餐牌，點了「飄香酸菜魚米缐」小辣，盛惠$68包飲品一杯，端上來的真是真材實料，用上白滑的桂花魚，香料來自貴州和四川，雖然我不很吃得辣，但這種正宗的麻辣，另人一試難忘，名符其實好像穿越到另一個時空一般，又一超性價比的下午茶在官塘再次出現了😋😋😋