川粤時空時尚小廚

營業中

休息中

一直都好鍾意食酸菜魚。見到午市有得食，當然要試一試。一望個店名有個川字，好明顯川菜系。川菜以麻、辣、鮮、香為特色。唔食得辣嘅我，當然係揀BB辣。個酸菜魚好足料，魚嘅份量好多，配料有萵筍，藕片，木耳。第一時間飲啖湯先，又麻，又辣亦夠酸，個感覺好刺激，BB辣都唔係無辣度，正正正。每次去試食一間新嘅酸菜魚，都喜歡配白飯，可以變湯飯，更能試清楚個湯。喜歡這間店灑上菊花花瓣，清香配酸辣😍午市$68有個中湯加飲品。（凍飲加$3）環境乾淨企理。