川巴面館 (已結業)

今日早咗三個鐘收工所以出咗旺角睇啲野，一路等男朋友過嚟join我，我就搵左間有得坐既貢茶hea下😁 ​男朋友嚟到之後見到有間川式餐廳同貢茶一齊分享同一個空間，覺得幾得意，所以決定嘆住杯台式飲品食埋個川式晚餐😂 ​我哋叫咗一個小辣薯粉配韭菜餃加生菜，一個小辣擔擔麵配墨魚丸加牛肚，同一個小食手撕雞～​薯粉既辣度比擔擔麵厲害😂​薯粉超級煙韌，韭菜餃皮薄餡靚有驚喜👍👍​擔擔麵既麵質剛好，軟硬適中，同出面好重花生醬味唔同，真係比較川式，油啲啲辣啲啲，墨魚丸好彈牙👍​手撕雞小食份量幾多，雞幾滑， 呢個反而比較重麻醬味，唔太辣，配埋芝麻好香😋​如果唔想食一大盤酸菜魚水煮魚但又想食川菜過下口癮， 呢度都係食得輕形啲既唔錯選擇👏

今日同男朋友去食晚餐，這間是貢茶連合了川巴粉麵，可以滿足了飲嘢同食嘢的我們環境都幾大，在樓上1樓；明亮又多座位；簡約設計又舒適，自助式的服務可以更自助自由：先去點餐、再付款、等取餐，食完再自己放到收碟位置中，客人可以學習自己清理！點了一杯阿里山清茶好清新、茶味好特別、好香好好飲，有正常杯及大杯裝，又夠凍！點飲品更有粉麵優惠50%1. 秘製麻辣薯粉（扎肉、金菇、魚皮餃）粉的份量不算多，味道香辣麻得過癮，薯粉煙韌彈牙入味，魚皮餃大隻、金菇爽、扎肉厚身2. 正宗四川擔擔麵（正常辣）（鮮腐竹、韮菜餃）擔擔麵質感不錯，正常辣剛剛好；喜歡韮菜餃的香濃內餡及皮薄而滑；入味有口感鮮腐竹，不錯小食：巴蜀手絲雞手撕雞是用巴蜀的味道調配，香口又惹味；雞絲啖啖肉又有咬口；配上爽脆清新青瓜

去左旺角同朋友食左個快食晚餐,見到開左間新的店,於是去食下。新開張,個優惠都幾抵,因為面店對面係貢茶,買野飲係呢度叫面係半價的。台同椅是兩間店SHARE用的。叫左兩個三送面,同2個小食個青瓜同紅油炒手睇上去有D辣,但個紅油炒手只是微辣,個青瓜一D辣都無,而且加左D沙律芝麻汁,原來味道都不錯,很Fresh 的感覺。面叫左四川担担面,要左不辣,而且味較淡個面同平時食開的担担面不同,粗身D,有D似食緊日本拉面。個湯有少少芝麻味。新開張價錢不貴,可以去食下新店。

一路都覺得新裝修可以有大玻璃望住彌敦道嘅貢茶好鬼chill，但一直都未有機會上嚟因為基本上平日唔太飲珍珠奶茶直至今日經過竟然見到喺貢茶嘅同一位置開左間食四川麵嘅舖？！呢個格局十分特別而且我見價錢唔算貴所以同兩位朋友一齊幫襯下樣樣都好似好辣咁岩哂朋友胃口😂先嚟嘅小食有巴蜀手撕雞同埋涼拌海帶，我個人好鐘意個手撕雞，因為有好多麻醬🤫手撕雞都幾好咬加埋下面嘅青瓜都好有口感好貼心會送埋紙巾，仲有discount 3蚊買杯貢茶解辣不過而家叫碗麵可以半價換貢茶飲品，當然抵好多！佢地嘅麵都做得幾似喺四川食到果啲，因為好多辣油！愛辣嘅朋友不妨一試，因為正常辣已經辣到我變孖潤腸😂配料嚟講雲吞，炸午餐肉同埋鮮冬菇都值得一試！記得麵量都唔少架芽菜應該比較適合配落唔辣嘅麵度😂下次嚟試埋個烏冬先！

新開既川巴面館 一於去試下啦 中午人流唔算多 其實佢同一般面館都差不多 一面底另外加料 面底有正宗四川擔擔麵 秘製麻辣薯粉 川巴蔥油拌稻庭烏冬 土雞絲擔擔麵 我揀左拌稻庭烏冬 配腐竹同黑豚肉 份量都足夠 蔥油味可以加強 唔夠蔥味 不過都好香 每條烏冬都掛到汁另外叫左 土雞絲擔擔麵 配牛肚同豬腸 湯底唔會太辣 豬腸都洗得乾正有幾款小食我哋揀咗其中一款 炸雜丸拼盤 當中有魚蛋貢丸墨魚丸牛丸 配埋酸辣醬 酸酸甜甜幾好味想提一提餐廳係自助形式 所以食完係要自己擺回碗碟 同埋餐廳並沒有水提供 如需飲料要去對面貢茶買

天氣凍冰冰，係時候要搵啲辣嘢黎食下，出下汗。今日lunch我哋就嚟咗西洋菜南街呢間川巴麵館食秘製麻辣麵。一入到去，見到左面係川巴麵館，右面係貢茶。呢個crossover 幾得意，如果食到辣辣地，可以直接去貢茶幫襯解辣。幫襯任何川巴麵館既特色麵食，就可以半價購買貢茶正價飲品一杯。好啦睇返餐牌，主要有正宗四川擔擔麵，秘製麻辣薯粉，川巴蔥拌稻庭烏冬同埋土絲雞擔擔麵。嘩，淨係望名都流晒口水啊！仲可以加配料，例如炸物，煮物，蔬菜。湯底可以揀大中小辣或者唔辣辣。一時睇到眼花撩亂，我就揀咗秘製麻辣薯粉加配肥牛同生菜。嚟到呢度，點可以唔食辣架！但係我又唔食得咁辣喎，最後貼心嘅服務員就幫我小辣走辣椒醬，淨係加辣椒油，咁就可以試到辣椒油嘅香味啦！薯粉配麻辣真係一流！薯粉可以索曬湯底嘅精華，仲見到有芽菜，芝麻，花生碎等，增添左成個湯底嘅香味同口感。因為我走咗辣椒醬，主要係辣椒油嘅香辣，另外湯底有少少酸酸地，辣度係可以接受嘅。另外同事就叫咗麻辣薯粉，加配牛舌同娃娃菜。佢就叫正常小辣。因為佢係有辣椒醬加辣椒油所以辣度比起我個碗辣少少。大家都辣到出晒汗，爽晒！另外我哋仲叫咗巴蜀手撕雞，其實佢既醬汁係用芝麻醬。手撕

今天晚上相約了友人到旺角行街，行街前都要吃個飯充飢，見到旺角兆萬對面開了一間食川式麵的餐廳，於是便上去試試。餐廳位於大廈的一樓，餐廳跟「貢茶」一同用同一個的位置，座位都算幾多，而且座位都算舒適。餐廳有幾款不同的麵底，以我們選擇了擔擔麵和麻辣薯粉。韮菜餃豬大腸麻辣薯粉，麻辣薯粉很彈牙，湯底點了小辣，感覺不算太辣，有少少酸味，因為薯粉中加入了酸豆。豬大腸不會太肥，韮菜餃雖然不算很大粒，但是韮菜味濃!肥牛牛舌炸午餐肉擔擔麵，也是點了小辣，由於是擔擔麵，所以配料有花生碎，湯底帶有少少花生醬味，麵底爽口，唔會太冧!肥牛不會太肥，牛舌是薄切，但牛肉味濃郁。而炸午餐肉味道最香濃。巴蜀手撕雞，這款小食用上芝麻醬和一些辣油一起拌勻，還有些芝麻，令味道特別和香口!手撕雞下方還有爽脆青口，令口感更清新!炸雜丸拼盤，這個拼盤有豬肉丸、牛丸、貢丸、炸魚蛋，配上泰式酸辣醬。幾款丸都好爽口彈牙，炸得剛剛好，不會太硬，點上酸辣醬令味道更惹味!這類的粉不算太大碗，但味道都算不錯。如果在旺角行到有點累的話可以到這裡食碗粉，飲杯野休息下!