川大哥

營業中

休息中

聽到朋友推薦呢間餐廳，話好抵食，今日特登黎試下。雖然係小店，但環境好闊，我地2個人有卡位坐，私隱度都好夠，鋪頭仲有電視睇☺️☺️☺️ 今日係平日唔算多人。Menu係QR code 點單，好方便。鋪頭得一位姐姐，不過佢服務好好👍 menu好多選擇啊，就算唔食辣都可以好多選擇😎我地叫左酸菜魚，微辣，可以揀生魚或者鯛魚片。我地揀左後者。一上到黎我地哇左聲，勁大煲！鯛魚片非常新鮮，肉質嫩滑，無骨。 酸菜都唔錯，成個煲鹹味恰到好處。我地仲叫左d串燒，特別推薦牛舌同雞肉香腸😌😌😌牛舌串燒嘅火候掌握得好好，外皮微焦，又保持咗牛舌嘅軟嫩口感。調味上，以鹽、胡椒、辣椒粉輕輕腌製，保留住牛舌本身嘅鮮味。雞肉香腸我地本身無咩特別期望，食落去甜甜地，唉呀又幾好食wor😂😂😂蒜香金菇整得非常出色，金菇炒得剛剛好，口感爽脆。佢仲有個鍋熱住佢，熱辣辣勁正。最後貪心叫埋紅糖糍粑，又係好唔錯，唔會太膩，不過個人鍾意再煙韌d，佢呢個係屬於唔黐牙軟糯嘅。埋單500唔洗！非常抵食。題外話佢可樂仲係玻璃瓶🥹🥹🥹🥹 真係買少見少

我同朋友都最中意食辣，今次朋友介紹佢地頭有呢間川菜，緊係唔放過試下佢🤤有酸菜魚、雞煲、打邊爐、烤魚或者串燒可以揀，我哋叫咗個酸菜魚(大)，魚嘅份量比想像中多，酸酸辣辣咁我哋特登叫咗碗白飯送飯食！酸菜魚仲可以另外叫火鍋料加入去，我哋叫咗紅薯粉同萵筍，紅薯粉真係食辣嘢必加，索晒啲味入去勁正~ 另外仲叫咗個串燒set，有芝士腸、雞翼、五花腩、墨丸、牛舌同雞軟骨，唔知嗌咩咁樣叫set真係一流，上菜時會放喺小火爐上面keep住嗰溫度，幾貼心~最後係清熱必備嘅王老吉😆

今日收工去咗深水埗黃竹街呢一間川大哥，咁啱同事話想食辣嘢今晚，所以就決定試吓呢一間川菜 餐廳距離地鐵站距離都唔算太遠，好容易去 所以都算幾方便！店員同我哋核對左預約之後就帶咗我哋入去 餐廳嘅裝修偏向工業風，以灰色為主，所以入到去都覺得餐廳嘅空間感好大，坐得都好舒服，唔會話好似有啲餐廳咁坐得好迫 我哋首先叫咗半隻雞煲（中辣), 落單之前店員都細心咁問我地兩個食唔食得辣同事食得辣就決定試吓佢嘅中辣！雞煲大概十分鐘就到咗，賣相非常之討好，忍唔住即刻攞電話出嚟打卡 雞件嘅肉質非常鮮嫩，唔會有一種好鞋嘅感覺，食得出師傅控制火候方便做得非常好 配料嘅味道亦都好完美咁樣融入咗係雞件之中，令到雞嘅麻香味更加突出 朋友亦都大讚雞煲嘅味道出色！食完雞煲之後，職員主動為我哋加上湯底，我哋亦都叫咗唔同嘅火鍋配料！其中一個人嚟講我比較鍾意佢嘅豬頸肉，佢嘅豬頸肉切得好厚身，加埋本身雞煲醬汁湯底嘅味道非常夾！佢嘅豬頸肉亦都唔會有太肥好油膩嘅感覺 值得推介！另外我哋都叫咗豆卜，響鈴同紅薯粉紅薯粉完美咁樣索晒成個湯嘅精華，用嚟作結，非常滿足！我哋仲叫咗一支啤酒兩個人飲，爽！總括嚟講呢一間餐廳嘅價錢都非常合理，食物質素我

今晚又食川菜啦！揀咗喺深水埗嘅川大哥食，真係好正呀！我哋先試咗佢哋嘅紅糖糍粑，好彈牙，甜而唔膩，好好味！之後就叫咗佢哋嘅招牌水煮魚鍋同埋辣子雞丁。水煮魚鍋裏面有豆腐、魚片同埋蔬菜，加埋辣椒同花椒，辣辣嘅味道好夠味，魚肉都好嫩滑，啱啱好。辣子雞丁就更加唔得了，肉質鮮嫩，外皮脆口，辣味又夠，真係食完啦口水直流！不過要留意，川菜都係以辣為主，如果唔係太受得住辣，可以跟住自己嘅口味調整啲辣度啦

無論咩季節都好 都會心掛掛想食辣野🤪🌶 今次黎到長沙灣一間可以滿足你幾個願望既川菜 🔥 川大哥～ 點解我會話可以滿足你幾個願望呢🥳 因為佢呢到辣既食物種類多！ 例如 水煮魚 酸菜魚 多款湯底火錄 仲有爆炒辣椒系列 不同熱炒同涼拌 仲有串燒！！！ 真係會食到托住個肚走🥹 餐廳有室內室內位置 地方闊落🫶🏻每枱都有個免費前菜 ～ 麻辣花生 夠麻夠花生香 仲脆卜卜 👍🏻首先出場既係酸菜魚 🐟 （生魚片/中辣）上到枱都會用電魚爐滾住 熱辣辣 ！一飲啖湯 勁興奮 因為個湯好酸好辣 兩者味道都唔會搶過對方！ 好過癮🤩🔥生魚片都好鮮好滑 份量適中 🤭記得要快啲清左啲魚先 唔係驚魚keep住滾會老😉✨ 重點個鍋有勁多娃娃菜同酸菜 超級索湯 勁惹味！ 真心好驚喜 勁想撈白飯食😋😍 辣子肥腸🔥🔥 （中辣）肥腸愛好者是也！ 又係好好食 調味料好足 🤩 真係做到又麻又辣 識食一定係夾去洋蔥加肥腸咁食 中和辣味之餘 仲爽口啲 😆😆 當然 洋蔥就咁食都好好食 成碟清哂😝肥腸勁厚肉 皮脆內軟 無沙放心☺️🐷串燒組合A (雞中翼 雞軟骨 雞腎 牛肉 羊肉 雞肉串 各兩串） $109 only 勁抵！！ 睇相都見到充滿孜然

途經深水埗，經過 “川大哥” 門口，勾起食酸菜魚的心癮。 店內低調型格佈置，地方細細，但座位舒適闊落，完全冇侷促感覺。先有冷盤泡椒魚皮，勁新鮮爽脆，食落慢慢滲出辣味，配合生切紫洋蔥一齊食，忽然有甜甜甘味，好夾，好開胃。主角係中辣黃金酸菜魚鍋，揀咗生魚片，鮮味盎然，配合大量酸菜、紅椒及大白菜，令整個鍋更加豐富惹味 。見菜單有自家製手工麵，一定要試吓，果然別有風味 ，麵條吸收咗魚湯鮮味，煙韌細緻，口感十足。仲有串燒組合，有雞腎、雞軟骨、雞肉腸、雞翼、牛肉及羊肉各兩串，已燒好先上碟，再用火熱住，方便易食，而醃製嘅調味粉味道幾特別，夠濃香入味，香脆可口。再叫咗辣子肥腸，亦係用火熱住上，唔算肥膩，辣味恰到好處，唔會太乾，有趙口，啱食！Order咗幾款汽水，流線型嘅玻璃樽身，外型極之討好，細細支，好快就飲晒。最想試嘅甜品紅糖糍粑竟然售罄，可能真係太受歡迎，唯有期待下次吧。而最後值得欣賞係女侍應嘅細心招待，令我們感受到用餐的舒適自在。

——川大哥——深水埗黃竹街29號地舖深水埗一間時尚感十足既川菜餐 第一眼睇似酒吧 空間感強烈 間隔闊落大大張卡位 中間一個電磁爐酸菜魚 烤魚 串燒 打邊爐都得QR code落單夠方便 隨時自己加野紅糖糍粑 $ 48 食川菜不能不吃既甜品口感Q彈，味道香甜，濃郁紅糖香氣炸完脆脆外表 紅糖再淋係糍粑上面轉幾圈

青藤椒烤魚鴨咀魚 $328一串串好似葡萄串甘，香氣濃郁，味道微辣微苦，具有獨特的風味濃烈香味又唔會好辣 帶有點麻 岩哂好想聞其味 食其麻但又食唔到太辣既朋友仔好多配料 豆卜 蘿蔔 青藤藤椒 鴨嘴魚第一次食 多肉全身只有一條軟骨 容易起肉 個嘴真係勁長 有D似長身版既鴨嘴獸香港地方冇乜點見過 以為會有點可怕 但上台睇落又唔覺7吋長蟹棒HK$ 48

最近天氣有點冷，最適合火鍋和烤魚，剛好和朋友運動完又餓又累，就在附近找吃的。在深水埗這個美食聚集的地方，居然發現這家與眾不同的餐廳-川大哥雖然裝修看起來沒有什麼驚喜，但原來老闆把驚喜都放在了食材和味道上，真的出乎意料！俗話說：酒香不怕巷子深餐廳介紹🏠餐廳的座位非常多，有室內和半室內環境，室內基本以卡座為主，非常寬敞。是掃碼點餐，看到菜單那一刻，發現還挺多吃的，雞煲、烤魚、燒烤、小吃，涼菜都有。非常意外的是，烤魚選項居然有鴨嘴魚！🦆老闆介紹，他們是香港首家引進鴨嘴魚的餐廳做烤魚，因為魚肉香嫩、沒用刺，而且口感好。魚骨還是脆脆的，是骨膠原口感所以吃烤魚的朋友我非常推薦你們選鴨嘴魚試試，保證不失望！🥰菜品特色🥘烤魚🐟（$329/份）🌕🌕🌕🌕🌗大概有2斤多，裡面搭配著3-4個配菜，份量非常足夠，可以再加一點自己喜歡吃的配菜，非常完美！燒烤🍖（$109/份）🌕🌕🌕🌖🌑我們還點了一份燒烤，大概有十幾串，都是我喜歡吃的，每個品種有2串，味道也是非常不錯和正宗。飲料🥤（$12/瓶）🌕🌕🌕🌗🌑飲料的選擇也是非常多，居然有加多寶，在香港是比較少見的，搭配著烤魚真的是棒棒噠！喜歡吃烤魚的朋友千萬不要錯過！

放工約咗朋友去深水埗食飯，朋友鍾意食辣，所以揀咗一間川菜，環境好闊落，裝修幾靚，仲有幾個戶外嘅位置我哋揀咗個青藤椒魚鍋，配上小辣，揀咗鯛魚片，成個湯底好香，食落去條脷會麻麻地，感受到青藤椒嘅威力湯底唔會好肥，好晒惹味，加上鯛魚片好新鮮，食落好爽口，雖然有少少骨，但係好值得一試，成個鍋仲有好多蔬菜另外叫咗鮮蝦水餃，材料好充足，蝦好爽口叫咗一碟紅薯粉，索晒湯汁，煙煙韌韌好好味仲有兩個小食，麻辣鴨血的鴨血夠爽，唔會林到容易爛，麻辣香濃，係喜歡食辣嘅朋友一定要點仲叫咗個蒜香燒蜆，用個鍋仔燒着唔會攤凍，蒜蓉味好香，蜆仔亦新鮮叫咗幾支飲品，我自己就鍾意蜜桃花茶，香甜又解渴，另外怕熱氣叫咗罐王老吉同汽水餐廳職員嘅服務態度好好，有禮貌，上菜速度都好快，成餐飯食得好開心，坐得好舒服，係值得支持的小店

今日收工約左屋企人食飯，打算黎深水埗一頭覓食，行行下黎到呢頭見到呢間川菜小店幾新式，有別於傳統中菜館既裝修，決定一試。入到去好快有人招呼，店設QR code落單方便快捷，如果揀唔到店員都會俾下意見介紹番餐廳環境乾淨，檯之間唔會逼，一家左細黎可以近門口更有氣氛。先叫左啲開胃小食，泡椒魚皮$32，少少辣好爽口。再黎叫左啲串燒，羊肉串$18@2串，上面有川味辣粉同孜然粉，好惹味！厚切牛脷$35@2串，大大塊我同家人2個人驚食唔哂，就叫左黃金酸菜魚鍋（小）鯛魚小辣 $198。嘩估唔到好多魚肉，好似食極仲有咁，加上佢哋個湯底有好多娃娃菜，個湯又冇乜味精，越食越想食，食完又唔覺口渴我哋仲叫左啲火鍋配料，包括日本廣島蠔$88，紅薯粉$19。廣島蠔$88大大粒，有6隻好抵食，放落酸菜魚湯底入面仲好juicy薯粉都好煙韌，煮耐啲吸哂啲湯汁好鬼正見隔離枱叫左一盒錫紙燒，我哋都叫黎試下先！叫左蒜香燒蜆$58，大大盒放上個小燭台上熱住，慢慢食啲蜆都仲暖，份量都幾多呢個價錢好抵食而且多蒜得黎幾香，處理得幾乾淨冇沙。下次會再同朋友黎翻兜佢個黃金酸菜魚，想試埋佢個辣子雞丁，望落整得幾靚又大大盤好香口咁。

最近收工同左女朋友去咗深水埗嘅川大哥餐廳食嘢，對於我哋呢啲鍾意食川菜嘅朋友真係食到好鬼正！今次嚟到叫左我最鍾意嘅菜式包括咗青藤椒生魚鍋、泡椒魚皮、涼拌麻辣牛肉、糍粑同埋麻辣串燒。青藤椒生魚鍋真係好好味，鍋底可以選擇辣度，叫咗小辣唔會太辣。今次揀左生魚片，鮮嫩嘅魚肉好襯個湯底，個湯底仲有啲蔬菜、豆腐同埋魚丸等等配菜，好豐富好好味！泡椒魚皮係個新嘗試，個味教得幾野味！魚皮脆口，泡椒味道特別，配埋生洋蔥，食落去真係好開胃！涼拌麻辣牛肉好夠味，牛肉好嫩，配上麻辣調味同埋蔥花，味道好豐富好好味。而且呢道菜都好啱夏天，好清爽！糍粑係一道傳統嘅四川湖南點心，呢間餐廳嘅糍粑做得好地道，Q彈好好味，配埋佢嘅黑糖真係好夾，好食到停唔到口！最後，麻辣串燒係川大哥嘅招牌菜之一，有雞腎、雞翼、廚師腸同埋雞軟骨等食材，串燒調味好正，辣味好足，好適合飲啤酒食！但今次我哋嗌咗3支汽水黎沖淡下串燒同其他菜式嘅辣味！川大哥餐廳嘅食物真係好正，種類豐富，味道好出色！如果你鍾意川菜同埋湖南菜，就一定要去試下啦！

深水埗係好多寶藏值得發掘，今日同朋友誤打誤撞嚟咗呢間好隱蔽嘅川菜。我地兩個人叫左一份惹味麻辣雞煲，份量係起級多，而且仲係即叫即整，用左洋蔥辣椒去炒再加左麻辣，好香口！洋蔥淋左仲好甜添雞既份量仲足足有一隻咁多，仲要啖啖肉。所以我地兩個人都唔敢叫太多火鍋配料。只叫左萵筍片、生根同鮮蝦雲吞。建議萵筍片早少少落，等佢冧咗之後就非常之有口感，至於生根索曬湯嘅精華，好快到我地ko左鮮蝦雲吞就係呢度自己包嘅，好足料，真係有隻大蝦係裏面呢度除咗可以食火鍋同酸菜魚之外，仲可以叫串燒同其他小食㗎。我哋就叫咗個蒜蓉硯，佢用錫紙兜裝住，下邊有個小火等佢keep住個溫度。顯嘅下邊仲有啲娃娃菜。啲蜆雖然唔算大隻，但勝在夠新鮮，而且帶點微辣另外我哋仲燒物墨魚頭。呢度嘅飲品除咗有啤酒之外，另外我哋有驚喜嘅係枝裝嘅汽水。朋友就叫咗雪碧，我就叫咗喺外邊比較少見嘅紅茶花壇既蜜桃味，唔算太甜，用理解油膩一流因為今次只有兩個人，所以叫到嘅嘢食唔算多，如果有機會會想再一大班朋友嚟食

川大哥係深水埗嘅火鍋串燒專門店，有室外、室內座位，亦設獨立包廂！最啱約埋一大班friend大吃大喝！黃金酸菜魚鍋（小）$198小鍋都幾大鍋下，有勁多鮮嫩嘅鯛魚片！湯底酸味怡人，幾款花椒辣椒帶出香味，的確唔錯！食到底啲娃娃菜索滿湯底同埋鯛魚嘅精華，份外甜美！串燒組合A $109雞中翼、雞軟骨、雞腎、牛肉、羊肉、雞肉腸各兩串！調味係大漠風，孜然味好香，可自選辣度/唔辣！一百蚊左右就有12串串燒，仲要有埋個爐仔heat住保溫，真係抵玩！蒜泥白肉 $58骨牌式嘅擺盤，頗有氣勢！白肉同埋青瓜都有一定厚度，食落口卻出奇地軟嫩美味！手工魚皮餃 $39食完酸菜魚唔夠喉嘅話，仲有大量火鍋配料可以選擇，丸餃/肉品/飯麵/蔬菜，一應俱全！獅威 $22食香口嘢辣嘢又點可以冇啤酒，川大哥有多款啤酒供應，連生啤都有，而放工啤性價比最高！支裝飲品 $12除咗汽水，仲有支裝果茶！

今日同屋企人黎到深水埗，見到呢間叫川大哥嘅餐廳，就入去試下。聽到川大哥呢個名，都知係食川菜，會以為入面嘅裝修一定係好中式，但係入面其實係有點時尚，好似bar嘅感覺，一d都唔老土架！食物方面，我地揀左蒜香湯底嘅烤魚，加左碟吊龍伴牛肉。小食方面揀左麻辣鴨血同埋串燒黑豚五花腩。蒜香烤魚，賣樣非常出色，除左烤魚之外，仲有非常多配料，例如豆卜、冬瓜片、蒜頭、紅椒青椒等等，佈滿成個鍋🥰真係好足料呀。條魚都非常多魚，而且係整整一條魚！睇到咁多蒜頭都知好重蒜頭味啦，中意重口味嘅人一定要揀呢個湯底！加埋吊龍伴牛肉，牛味十足，配合呢個湯底，好正。黑豚五花腩嘅串燒，燒得好香口好惹味！麻辣鴨血，鴨血好滑，辣辣地，好好味呀！飲品叫左加多寶，一路食一路下火，正～

是日同屋企人深水埗行逛後已近傍晚 , 大家都想打下邊爐就附近睇睇, 見到川大哥主打川菜招牌水煮魚,酸菜魚,麻辣鍋等, 各人都無異議就去試下6點正入內 , 我地第一枱客店面接近全新裝修 , 環境乾淨企理 , 座位都寬敞舒適顧及食辣野當然開行大冷氣 , 店員都算有禮QR CODE落單 , 款式都繁多 , 有辣有唔辣, 任君選擇 , 配料自理落左單唔夠10分鐘就開始上枱黃金酸菜魚鍋 (大) $258當然要試招牌野 , 辣度選微辣 , 鯛魚片魚片爽滑彈牙, 湯酸味美酸辣開胃, 微辣不膩 , 鮮香味濃 , 魚肉接近起晒骨 , 份量確實不少麻香加上酸菜層次更豐富 , 熱辣辣無得輸串燒抵食組合B $149雞中翼中上 , 牛脷又厚又大塊沒腥味 , 脆皮腸正常 , 雞軟骨及墨魚丸燒得岩岩好而最正既係黑豚五花腩串 , 脆脆之餘又口感細嫩 , 各款調味亦惹味豬頸肉 $68肥瘦混雜 , 肉質軟稔且有韌性 , 油花分佈沒得挑剔 , 烚熟後鮮嫩味美鮮蝦水餃 (6隻) $37皮薄餡靚 , 蝦肉膨湃 , 蝦肉彈牙 而鮮爽 配搭酸菜魚湯底 衝擊味蕾 , 相當推薦埋單加一後500幾 , 質素不錯 , 可惜川辣口水雞及蒜泥