嵐山日本料理

營業中

休息中

約了舊朋友，訂位在嵐山料理一聚，去過幾次雖然價錢不平宜但食物質素還可以，網上已確認訂枱成功，準時到店也不覺滿座，不知為何被服務員帶去隔離樓上，心想是同一嵐山店舖吧。坐低下單好幾款刺身和原隻螺片，因上次也是吃過螺片原隻厚切上枱，口感極好，但今次原隻是碎切上枱，口感極唔理想。再點了幾樣串燒和清酒🍶兩瓶，埋單時才發現不是嵐山本店，店員才告訴我是另一店舖，這樣的搬龍門極為可恥。忠告大家以後訂枱也要極為小心！本人亦唔會再幫襯這店

最近朋友發現尖沙咀棉登徑附近有好多特色日本料理餐廳，就約了去這間名字非常特別的餐廳。（可能是她也覺得我很想去日本嵐山！）當日都頗多人的，被安排了坐bar 台位置，可以邊吃邊看到師傅在燒串燒，esp 見到飯糰燒得好靚！睇到都想食！- 刺身去日本餐廳當然要吃點刺身，和朋友點了油甘魚、立魚、三文魚和吞拿魚刺身，全部都是厚切的，口感好之餘好夠凍同鮮甜。特別喜歡油甘魚刺身，脂肪比例一流，軟身得來好鮮甜。吞拿魚刺身肉質軟嫩，鮮甜度100分！- 壽司🍣這裡都頗多非一般壽司店可以吃到的特色魚種，分別點了伊左目、左口魚、深海池魚和赤身壽司。伊佐木壽司為比較少見的壽司款式，吃起來柔軟多脂，口感幾好。另外非常喜歡赤身壽司，用上上乘的吞拿魚，入口即溶且肉質嫩滑！每件壽司都加了wasabi和豉油，飯入味之餘襯托出魚生的鮮甜味。- 串燒🍢對著串燒烤爐，總覺得要點一些串燒才算盡興，串燒燒得非常出色！根據看著他們燒的非正式統計，全晚最多人點的是白活鰻，一試之下的確頗特別的，魚肉嫩滑之餘，烤得好香。而雞肝的調味料非常香，在脆脆的外皮上還加了芝麻，口感好好。雞腎亦用了胡椒作調味才烤，惹味香口😋- 天婦羅🍤好味的日本菜總令

之前食過嵐橋日本料理覺得好高質👏🏻👍今次就黎試埋佢既姊妹餐廳啦😋-刺身好新鮮🥰-吉列廣島蠔 $98一定要試！隻隻🦪都好大粒！🤤炸粉亦唔會好厚，而且蠔炸得啱啱好！食過其他餐廳既炸蠔完全係overcook🙄-茄子原條 $58想食清淡d既茄子都可以叫哩個🍆平時食通常都係蒜蓉燒茄子但就會比較重口味同埋熱氣如果想健康d可以試下呀☺️加埋個汁酸酸地甜甜地幾開胃😋👍味增黑豚肉石頭鍋飯 $138哩個飯亦都好好味呀🤤飯撈埋味增醬甜甜地一齊食好開胃，完全係一啖接一啖好滿足😌食到最後，都仲係熱辣辣冒緊煙嫁🤗

今日想食日本嘢，但又唔想淨係食壽司，於是朋友就揀咗依間居酒屋，咩都有得食啲！食物款式好多，完全滿足到咩都想食啲嘅要求。首先叫咗個竹刺身盛（$428），有六款刺身喺入面，全部都幾新鮮，但印象最深刻嘅就係赤貝，口感好好，外層爽脆內層就夠滑。壽司方面，依到絕對有食omakase嘅水準，師傅已經調好晒味，唔使自己點豉油都好夠味道，而且又會就住每種食材嘅口味調節，高質！另外仲叫左厚牛舌（$52）、鹿兒島黑豚蘆筍卷（$42）同安格斯牛小排（$58），食得出呢度嘅食材係高級嘅，而且燒嘅時間掌握得岩岩好，燒完之後肉質仲係好嫩滑同好多汁。最後仲叫咗個鯛魚湯鍋燒烏冬，個魚湯係好鮮甜，真係連個湯都忍唔住飲左好多！依間居酒屋好正，每樣嘢食都有心思，所以都好滿意！

竹刺身盛 • HKD$428一共有六款刺身，全部都幾新鮮同好厚切～我幾中意佢有配鯛魚，本身都好中意呢隻魚個口感，係比較實同有咬口，一路咬就有浸淡淡嘅魚味滲出黎☺️甜蝦都幾驚喜，入口好甜，而且浸味一直喺個口度徘徊😋左口魚壽司 • HKD$28都係我鍾意嘅結實口感，味道比較清一d～深海池魚壽司 • HKD$48口感爽脆，而且味道有魚油味得黎比較清爽～鯖魚壽司 • HKD$28通常鯖魚都有一種鐵銹味，但呢個比我想像中冇咁重鐵味～真鯛壽司 • HKD$22同上面刺身一樣，都係我中意嘅口感🤪鮮八爪魚壽司 • HKD$28有咬口得黎唔係韌到香口膠咁，係爽口嘅感覺～大拖羅壽司 • HKD$108一入口就勁重魚脂味，每次食壽司都必點☺️牛小排青蔥卷 • HKD$48個牛小排肉質好嫩，而且入面d蔥燒完唔會重口味，兩樣夾埋一咬就爆汁😳個卷表面仲搽左d燒汁，個人就覺得有少少掩蓋左牛肉嘅味道～蕯摩赤雞肝 • HKD$34呢個食完勁想叫清酒飲！佢浸味好濃同好甘香，臨尾會有d甘苦，所以當下酒菜真係一流👍🏽白活鰻 • HKD$78咁多串入面我最中意呢個！佢個皮燒得好香，仲微微地脆～肉質係我好中意嘅彈牙口感，一咬就好香魚

🍣日式料理（6/10）食材本身是新鮮的，用的是日本米，比較像珍珠米的口感，而且加上醬料，很有口感，肉多飯少的搭配也是相當不錯，還有顏值也相當高👍🏻🦪炸生蠔生蠔非常肥美🦪表層的麵粉也不厚重，沾上配搭的醬料，結合得恰到好處，推薦！👍🏻一定要趁熱食用！♨️🍢烤肉拼盤（6/10）雞肝，雞心，菲菜培根🥓，蜜汁烤雞翅內臟都處理得很乾淨，雞翅烤得剛剛好，整體來說還可以環境有可以坐吧台（圖五），也有坐四人座位的，位置還是相對較多，服務人員的態度很好，很有眼力見，杯子裡的水會自動過來續，都能喝到溫的茶

放工去左位於tst的嵐山，雖然係平日但係1930 來到都要等位😗應該係香港人困得太耐冇出來😆所以全場爆滿，等左陣職員安排左bar台位置比我地🪑可以望住師傅整串燒🍢💖火灸壽司盛合❤️金目鯛刺身，高級鯛魚入可溶化~連平時唔食魚刺身的我都一試🙃🧡油甘魚刺身💛鮮八爪魚刺身🐙💚明太子山藥~幾特別第一次食生藥💙栗米天婦羅🌽🥨內有少許芝士好味😋💜蘆筍海膽炒飯💕炒得好乾身飯粒粒分明😚食左2大碗超飽🤎沖繩豚肉餃子👍🏻皮薄💖鹿兒島黑豚秋葵卷🍢

疫情開始漸趨溫和 ， 咁就約咗今晚同朋友食飯， 咁我哋想食餐好嘅，咁我哋就揀咗呢一間食日本餐廳食飯， 我哋一入到去其實都有好多人喺度食緊呀，同埋入面嘅氣氛都幾好，其實都幾適合家庭聚會或朋友去慶祝生日， 咁我哋叫咗以下嘅食物：竹刺身盛加真鯛、左口魚和深海池魚: 刺身包括拖羅吞拿魚、三文魚、帶子同埋蝦， 咁其實佢嗰啲刺身我覺得都幾鮮甜幾新鮮， 而我最鍾意嘅就係食佢過帶子因為帶子真係幾鮮甜，而且冇雪藏嘅味道， 另外嗰三款壽司我就比較鍾意深海池魚壽司，因為肉質細緻鮮甜配合帶有醋味的壽司飯，更能感受到魚的清甜。 我自己認為壽司同刺身都幾好食。 不過如果畀多幾片刺身我嘅話就更加好啦!網燒安格斯肉眼扒: 廚師煎到肉眼扒啱啱好， 塊扒真係肉汁鮮嫩， 咬起上嚟真係好滑， 真係一食落就知道係優質上成肉眼扒。 加埋少少蔥花同蒜片嚟食 又有唔同嘅感覺。牛小排青蔥卷、鹿兒島黑豚五花腩加雞軟骨: 其實每樣食物都燒得非常好， 都係水準之作 ，而我最鍾意就係五花腩，因為啲肥膏同肉燒得好煙韌。 啲油爆曬喺口中。雞軟骨串適合餸酒。佢個牛都幾大塊， 肉質鮮嫩。 芝麻雞翼：我試咗隻雞翼， 隻雞翼幾好食，因為雞翼皮香脆肉熱

今日女朋友生日就決定去試吓新野，咁啱見到呢間日本餐廳好似幾好食又唔太貴，就二話不說走去book枱今次我哋試咗個烏冬同埋呢個壽司Set烏冬餐就無咩特別，只係一個普通嘅牛肉烏冬個湯有啲淡，唔似壽喜燒湯，有啲失望壽司Set就$288，入面有7件Fix咗嘅壽司，另外會有4件季節魚同埋3件呑拿魚蓉。魚嚟講全部都幾新鮮，飯唔係普通嘅白飯，係落咗赤醋嘅壽司飯。不過對比其他餐廳，佢整體都係比較淡，需要點壽司豉油食

位於棉登徑的「嵐山日本料理」，係一間充滿好評嘅日本餐廳，店內裝修簡約舒適。除咗供應各式各樣日本美食，也有多款日本清酒或生啤，適合同朋友聚餐暢飲深海池魚腩刺身池魚腩肉質鮮嫩肥美，脂厚油香，入口魚油甘香細膩，刺身能帶出池魚令人齒頰留香的油份左口魚刺身色澤光鮮亮麗，入口肥美嘅左口魚刺身，充滿魚鮮味火炙金目鯛壽司金目鯛係日本嘅貴族魚，油脂含量適中，肉質細膩，味道鮮美，配上赤醋飯令到味道更加昇華火炙金線鯛壽司即係我哋香港人俗稱嘅紅衫魚～輕輕火炙後更能突顯魚肉清淡柔軟的特色鮮八爪魚壽司八爪魚同樣輕輕火炙過，清淡美味，口感彈牙牛小排青蔥卷燒到肥美香軟的牛小排肉包住幼嫩的青蔥，牛肉味好濃郁，不得了呀鹿兒島黑豚蘆筍卷來自鹿兒島嘅黑豚肉包着翠綠色的蘆筍，豚肉嘅脂肪滲到蘆筍上面，豬肉味香濃突出薩摩赤雞翼雞翼燒到金黃香脆，雞皮薄薄脆脆的，裏面嘅雞肉仍然好嫩滑，啖啖鮮雞肉味芝士竹輪卷用天婦羅方式炸香芝士竹輪卷，口感香脆，內裏嘅半溶芝士一湧而出，芝香四溢黑松露帶子炒飯炒飯嘅配料好豐富，有粟米、紅蘿蔔粒、冬菇、炒蛋及黑松露等等，炒得乾身唔油膩，好有鑊氣。日本珍珠米飯粒粒分明，煙韌有咬口，充滿米香，好好食關東煮盛盒熱

高質素嘅日本料理喺尖沙咀其實真係唔少，Omakase、立食壽司、浜燒居酒屋，日式料理等等，多不勝數。次前喺棉登徑試過嵐橋丼飯專門店，而佢哋嘅丼飯好高質好好味，所以今次我就去咗同嵐橋同屬嘅嵐山日本料理食晚飯。食日本料理、刺身係必點食品吧。因為今日只係得兩個人食，都唔敢點太大份量嘅刺身盛，嵐山嘅竹刺身盛就啱哂喇。7款刺身：中拖羅、三文魚、油甘魚、鯛魚、甘蝦、赤貝、帆立貝，款式已經夠哂包羅萬有、擺算亦都精美。中拖羅、三文魚同油甘魚非常厚切、刺身入口甘香鮮味，稱得上係有質素。食完刺身、接落嚟當然係食壽司啦。雖然嵐山都有好抵食壽司盛提供俾客人選擇，但我哋就散點咗幾款壽司：中拖羅壽司、深海池魚壽司、油甘魚壽司、真鯛壽司、火炙金目鯛壽司。特別別想講下嘅係中拖羅壽司同埋火炙金目鯛壽司。中拖羅非常肥美、部位應該接近大拖羅嘅位置，油脂分布開始接近大攞羅，入口油香非常。火炙金目鯛壽司非常鮮甜、加上經火槍輕輕燒過、果陣魚油嘅香味更加突出。壽司過後就係小食同主食。我哋就點咗少少串燒：鹿兒島黑豚蘆筍卷、牛小排青蔥卷、薩摩赤雞翼，同埋味噌黑豚肉石頭鍋飯。鹿兒島黑豚蘆筍卷我非常喜歡。黑豚肉燒完後、豬油嘅油香滲哂出嚟，

午餐.之前想來吃晚餐 但見價錢有點貴 所以沒成事發現原來午餐時段有lunch set假日的餐牌跟平日一樣 不過要加一但整體價錢尚算相宜 這個星期天便來試試.- 海膽甘蝦丼 $198除了海膽和蝦 還有三文魚籽海膽鋪滿了大半個飯面 相當豐富味道頗鮮甜 拌飯一流其他材料也不錯 感覺挺新鮮的飯是都已拌了醬油 但不算很濃味 不會很鹹.- 火炙三色丼 $148有三文魚 帆立貝 平目魚邊 海鰻 應該是四色(?!)燒得剛剛好 不會有太大的煙燻味海鰻比較特別 有點像燒魷魚乾的味道可能因為平日吃到的鰻魚都是有醬汁的(?!).每個定食附有麵豉湯 沙律 前菜 茶碗蒸 雪糕很欣賞那個麵豉湯 很夠熱前菜是麻醬豆腐茶碗煮很滑另外是日雪糕可選抹茶味或芝麻味一定能吃得很滿足可以再來啊.離開時發現旁邊的另一日式餐廳嵐X 餐牌是一樣的😂可能整條街的餐廳都是同一集團的(?!)所以午餐都是一樣的(?!)

我要去日本呀，好耐冇去日本呀🤫🤫行過棉登徑見到呢間充滿日本風情嘅居酒屋，裏面仲要坐爆曬人，淨係得返吧枱，點都要入嚟試吓先🥰嗌竹刺身盛，有三文魚，甜蝦，帶子，鯛魚，鰤魚，油甘魚，全部都係厚切無得頂呀，好治癒呀，刺身要厚切先好食架嘛😙全部肉質都好鮮美細膩，口感清爽，口感極佳👍👍然後嗌左三款壽司，赤身壽司，脂肪精華味道濃郁，重點真係好身鮮👍左口魚壽司，右口魚肉質非常滑😜魚肉結實，魚油仲非常豐富，真鯛壽司，魚肉清爽鮮甜，油脂又不會太濃😉嗌左啲燒物，日本芝士年糕😃入口軟滑煙韌，香味濃郁的芝士😗燒至金黃色再配上香口嘅紫菜😀日本番薯仔🥰口感腍軟清甜，喜歡燒完的味道😊薩摩赤雞肝，用左黑椒、鹽、照燒雞醬燒，雞肝燒至外脆內軟😍日本雞胸軟骨，係無激素的雞胸，質地煙韌，又爽又脆，過下口癮好正呢鹽燒三文魚頭鮫🥳三文魚頭都有很多肉🥰魚頭鮫肉質肥美滑嫩，魚皮燒得好香口，魚油甘香🙂廚師好細心咁切開一塊塊，讚😚鹿兒島黑豚肉鍋燒烏冬💕一個鍋有菜有肉， 有湯喝又有飽肚烏冬🤩係日本既味道喔😍彈牙烏冬，烏冬索晒啲味增湯✊而加入鹿兒島既黑豚肉，豚肉特別重豬味，煮至熟再加入溫泉雞蛋🥚個湯底勁好飲呀❤️

最近好耐冇試過夜晚出去食飯，搵到尖沙咀有居酒屋，因為好想食活魚刺身同埋串燒所以最後揀咗呢一間去到店內原來都好多人坐滿晒試吓店內推介次魚刺身叫咗半條味道都幾新鮮魚味都幾重另外好耐冇試過螢光魷魚啦，螢光魷魚值得推介因為師傅喺螢光魷魚裏面加咗柚子汁大帶出左魷魚嘅鮮味亦都好開胃另外我哋都叫咗一個雞肉棒全消，好好味啲燒汁好夠再配合埋個生蛋黃😍跟住我哋就叫咗明太子原條燒，第一次食串燒明太子有幾得意幾好味其他嘅餸大致上都好味嘅價錢中等

同朋友睇演唱會前食個靚飯，食完慢慢行過去岩岩好之前已經想試呢間餐廳，但次次都要等位。依家趁疫情下小啲人，又係有機會試今日唔洗等位，坐bar枱位都幾舒服，自成一角。油甘魚魚腩：甘香美味👍🏻帶子壽司：帶子好大隻好厚肉而且好新鮮！海膽軍艦：海膽好新鮮軟棉棉。入口即溶.燒冬菇：好香好好食😋燒日本黑豚肉蘆筍：黑豚肉略肥，雖然有蘆筍，但個人感覺都比較油膩.燒明太子雞翼：好惹味熱辣辣，外皮脆卜卜，加啲檸檬汁更清新。好欣賞調好味道既壽司飯而且食物好新鮮好回味