嵐山日本料理

營業中

休息中

男朋友生日飯，今年就選擇食日本菜，以往都係食西餐為主，今年就試吓轉一轉特別啲。我自己本身食日本菜嘅喜好都係熟食為主，所以都係叫咗兩個熟食壽司同鍋物，其實質素都幾好不過就真係選擇較少。而男朋友就主力都係食魚生同壽司，另外都仲有啲串燒可以，但係選擇就一定冇出面其他居酒屋咁多㗎啦。不過人就真係好多，所以就一定要預早book位啦

🍽Seafood Dinner🍽約左2位朋友一齊聚下太耐無見當然要搵d 好野食下唔係點對得住 漫長嘅等待🦐海膽甘蝦丼有2種海膽同大隻甘蝦份量都算大碗 足料大滿足每啖都鮮甜🙈 海膽少少wasabi 再加好好味嘅醋飯 🤤好食到停唔到口🍣壽司盛十二點（壽司set B)每一款都好新鮮 超爆好食 火炙升華左魚油香味🥰個人好鍾意左口魚😳🐟食物質素方面好值得去食多幾次嘅餐廳❤️🧍🏻‍♀️服務方面尚可接受👏🏻唔算太快💪🏻但有禮貌仲肯幫我地影相添☺️

諗住約朋友聚會傾計, 見評價不錯所以就預約嚟試試.  入到店內面積唔算大, 所以相對嚟講座位距離有D迫 ; 坐得唔算太舒服而且當晚環境咁啱偏嘈。*嵐刺身盛，整體算新鮮不過有部份剌身解凍未夠 ; 咬落有D雪喺入面。*壽司盛十二點+海膽蔥花拖羅卷: 卷物味道不錯，壽司正正常常。*天婦羅盛合份量唔多，油感較重。*有點啤酒，當然唔小得點D助酒小食啦。安康魚肝味道無想像中般濃郁，同味琳魚干一樣個人覺得偏甜。*安格斯牛壽喜燒，食到最後點番個熱食甜甜地暖暖胃。以整體食物質數同環境嚟講，價錢定位偏貴...

去開尖沙咀訊號山附近搵食有唔少日式餐廳大家都好似，價錢同set lunch 都差不多於是就搵左間較多人嘅餐廳入去試食入到去嘅時候，都滿8成人的Menu 選擇都算多而且仲包味噌湯、沙律、茶碗蒸、前菜、雪糕最後揀左G 餐「北海道丼」（$168）叫左餐冇耐已經上左個味噌湯但我慣左等埋d 前菜先食但唔知係咪多人定點等左20分鐘都未有得食最後問佢先知漏左⋯不過一追都好快上沙律、味噌湯正常，前菜幾好味，茶碗蒸雖然蒸得唔靚，但好滑好甜到主菜個丼飯～三文魚、油甘魚係薄切，有d 失望松葉蟹肉蟹膏都算多同鮮甜海膽不過不失，最抵讚係牡丹蝦可惜個飯真係唔多掂飯身太黏太實，唔係人哋一粒粒日本米飯量都太多，雖然好飽肚但唔係平時食開丼飯嘅感覺所以有d 失望最後送上上雪糕（有綠茶、芝麻、豆腐揀）我揀左豆腐味，清清地～唔錯不過呢個價錢同質素，稍嫌有點貴P.S. 坐位唔迫，幾好坐，大約50個座位～

做完成日野已夜晚8點幾想食好d即刻係呢間book枱，感恩可以book到但去到都仲要等，地方細細入到去叫左個壽司盛同一個泡菜豚肉鍋物壽司d魚生非常新鮮另外叫左個三文魚頭都烤得好香值得推薦👍🏻

環境：一般日本餐廳設計，不過座位有d逼，同隔離坐得比較近。傾計都會俾人聽到。食物：沙律叫咗八爪魚沙律，用咗醋做汁，份量都大，好多菜同八爪魚。食落都好新鮮。壽司叫咗個火炙set，整體都好新鮮，特別係食得出壽司飯有特別調配。之後到西京燒，肉質札實，食落甜甜地，值得一試。最後係味噌黑豚石鍋飯，一上台就好香，有飯焦加肉鮮嫩，暖粒粒好鬼好食。

上openrice 睇e 間食評都係好評多，所以想星期五試下，openrice book 要9:30先有位，其實放工都有啲餓但因為想試都照等，點知完全是中伏之旅，性價比極低。首先，壽司飯是硬和散的。我們點了一個十二件的壽司拼盤，只有帶子及蝦是水平之上，其他魚類是不及格不新鮮。不及格的壽司有啲同元氣差唔多，有啲有食爭鮮既感覺，只是一般水平。不值這個價錢。肯定不會再去完全估唔到係尖沙咀都可以有啲咁質數既居酒屋。我很少出食評，但這次經歷實在太差，所以一定要出食評，請大家想清楚才去這間餐廳。我是在其他日本餐廳晚餐時打這篇食評的，因為對比太大所以有感而發想打食評。

日式居酒屋位於繁忙的尖沙咀但旺中帶靜的街道上，鄰近K11，門口低調，經常坐滿人，今次特意訂位。環境充滿日式居酒屋feel，絕對係相聚一流的地方，而且環境唔會好吵鬧，衛生情況理想，價錢相對高質定位價錢，食物質素都唔差，食環境氣氛為主。壽司盛八點 $2588件壽司，海膽鮮味唔差，入口唔會苦澀。帶子最新鮮最大件，吞拿魚反而無相像中豐富油脂。竹刺身盛 $428刺身較厚身，皆以新鮮，兩片赤身入口即溶，唔錯的刺身，絕對係一分錢一分貨。壽喜燒牛肉鍋 $118豚肉泡菜鍋 $118鍋物比想像中的有驚喜同埋好味，值得推介，性價比高嘅美食。

今日個月係我既生日，就黎到呢間餐廳🍴食日本野入到去都好多人食，好彩有book位，唔洗等，好快就安排坐位😊我地今日都揀左鯛魚🐠既盛宴🌟鱈魚干我地一開始就叫左個鱈魚干，一邊食，一邊叫其他野食，有啲乾、同埋冇咩魚味，食落一般。🌟鯛魚沙律呢個沙律🥗就好有驚喜，有好多新鮮蔬菜🥬，加上有新鮮既鯛魚🐠刺身🤗鯛魚好新鮮，🌟壽司🍣八點壽司每一件都好新鮮🤗🐟中間係海膽，可以用傍邊既紫菜包住黎食🌟鯛魚豆腐窩呢個熟食鯛魚都鮮甜，煮得岩岩好，所以好滑個湯底都好鮮甜，值得一讚👍🏻👍🏻總括然而，呢間日本都好質素，好好食😋

一期一會的朋友聚會，今次由朋友仔去揀，中上價位但係好新鮮，除左位置有啲逼夾之外，其他都ok，我覺得比較起依家嘅德美，呢個價錢同質素我會選擇佢👍個黑松露炒飯好味道！

同事食過話帶我食正野，緊係去試下喇😂去到個坐低侍應就遞上熱茶餐牌比我地慢慢揀。個餐牌勁多嘢揀，都唔知揀得邊個好。最後。。。。我都係有敵牛肉，揀咗安格斯！首先，個味做得幾好，又唔會熟過頭，配埋一碗白飯。。。真係有添飯嘅衝動😂😂😂，個餐好抵食，有前菜，又有茶碗蒸，仲要有一個雪糕做甜品買單之後先至知唔使+1，下次一定會再去！

本身尋晚訂左枱同男朋友慶生，但打風改左今晚，訂左枱7點，黎到果時都已有8成滿座。我地原先都驚打風關係啲食材會唔會唔夠新鮮，點知又無問題喎😋我地叫左個嵐刺身盛，2件生蠔，1客清酒燒蠔，螢光魷魚，原條秋刀魚刺身，大拖羅壽司，燒吞拿魚鮫。首先刺身非常新鮮肥美，尤其係厚切大拖羅刺身，入口即溶👍秋刀魚都非常鮮甜，生蠔就正常不是太特別，而燒吞拿魚鮫唔會燒到好乾，仲好滑好juciy。整體都非常滿意，下次會再黎

午巿優惠 - 甘蝦壽司、蟹膏味噌松葉蟹肉壽司、葱花拖羅魚蓉壽司 $15-25火炙三色丼(午餐) $148黑咖喱什錦海鮮烏冬(午餐) $128👍 各款壽司都好鮮甜，仲用左赤醋飯，絕對高質，其中蟹肉軍艦調味好清甜，午巿特價好抵食（原價要4×就貴左啲啦）👍 火炙三色丼啲刺身份量都唔少，雖然都係新鮮但帆立貝唔算大粒，甜味唔算好突出，只算係唔錯啦。👍 成個午餐有沙律、味噌湯、前菜、茶碗蒸、雪糕，抵！👌 烏冬又係勁多，咖喱味都算濃，隻蝦望落好巨型但其實係啲炸粉撐大左，但都唔算極厚粉嘅，唔想食刺身呢個都係一個選擇。👎 味噌湯 😰 咸！總括黎講，性格比都算高嘅，建議要加配壽司！

今晚約埋幾個知幾，一行4人搵左呢間日式料理聚餐。食前比較過唔同餐廳，開瓶費相對經濟，唯可以預備多D冰袋冰酒。野食方面，厚切刺身、醒胃沙律、香噴噴黑松露炒飯最令人回味。下次有機會一定會再試。

20.08.2021嵐山日本料理又係去香港大會堂睇話劇的日子，附近無乜嘢食；因為放假，所以諗住去尖沙咀食日本菜，選擇真係好多，最後在Open Rice訂咗「嵐山日本料理」。地方唔算大，但坐得舒適。用電子餐牌，人手落單。服務不錯，不停加水，仲見職員主動同隔離枱影相；到我哋要合照，唔同角度度各影三張，好細心。嵐剌身盛（$658）：包括大拖羅2切，時令魚薄切8片，深海池魚2切，油甘魚2切，三文魚2切，帆立貝1隻，赤貝1隻，甘蝦4隻，左口魚海膽卷4件。數量不少，以正常一件都幾十蚊，呢個剌身盛就好抵食；大多都新鮮甜美，除了海膽，我一吃進口明顯變壞了，家人試也發覺變臭了，同職員反映，馬上換過新一碟，天氣太熱，剌身容易變壞，大家小心飲食。壽司盛八點（$258）：包括赤身，油甘魚，日本直送魚2件，三文魚，帆立貝，甘蝦，拖羅蓉海膽杯；美味又抵食，配上小小赤醋飯，唔會太飽太滯。蒜香火炙鹿兒島和牛沙律（$128）四片和牛，好滋味，加上新鮮嘅沙律菜，非常開胃，下次食唔將醬汁分開上，食到底會覺得太濃味。安格斯牛肉眼壽喜燒（$168）：牛肉眼甜美，加上湯底豐富配菜，最緊要唔會油膩，食完凍剌身/壽司/沙律，最後食熱