嵐山日本料理

營業中

休息中

今日lunch同男朋友食日本料理，我地係午市套餐揀左兩個魚生丼，各加左$12要蘋果汁同橙汁。午市套餐包沙律、前菜(辣味螺肉) 、蜆肉味噌湯、茶碗蒸、甜品，十分豐富。北海道丼有三文魚3切、帆立貝1只、三文魚籽、牡丹蝦、松葉蟹肉。極上花魚生丼有赤身、鯛魚、白身魚、三文魚、平目魚邊、帆立貝、三文魚籽、牡丹蝦、海膽。魚生肥美新鮮，我特別鍾意牡丹蝦、三文魚同海膽。甜品有豆腐、芝麻或綠茶雪糕，我地揀左前兩隻味。兩隻都好豆腐同芝麻，真材實料，好好味。

朋友之前帶我嚟棉登徑食嘢發現呢度有好多餐廳 今次就揀咗其中一間日本料理食啦 呢度除咗有刺身壽司之外亦都有啲 串燒窩物炸物首先叫咗五款刺身（油甘魚 石垣鯛薄切 中拖羅 青魚 三文魚）石垣鯛薄切上面仲有金薄 真係切到好薄透光 好考刀工 其他刺身都好厚切同埋新鮮壽司叫左2款 深海池魚同埋真鯛 真鯛加少少青檸汁再食 好有層次感跟住叫咗三串串燒 包括安格斯牛肉 日本黑豚肉同埋雞翼 醃得好夠味 不過有啲就鹹得滯啦仲有叫咗個吉列廣島蠔 剛剛炸起熱辣辣 咬開好Juicy 擺一陣先好食小心辣嘴呀 最後食埋個手打安格斯牛肉石鍋烏冬就好滿足啦 如果烏冬份量再多啲就好啦 不過佢牛肉都有好多塊 個湯都好清甜好好味 呢度可以一次過試晒唔同款式嘅日本菜好滿足

依家好興鬼滅之刃，去開尖沙咀就緊係係尖沙咀搵下有咩正野～search到附近有間日本野都好多好評，睇圖都吸引，就黎試試佢🤤.首先嗌幾款刺身黎做個開始🤩想知一間日本餐廳係咪正，緊係要試下佢既刺身睇下新唔新鮮啦🤤我地嗌左池魚皇、赤貝、金目鯛、三文魚同油甘魚，好鮮甜啊～～唔錯唔錯！油脂分布都好平均，仲擺得好靚。然後我地仲嗌左兩款壽司，睇圖都見到肥美既魚訓左係舊飯上面☺️舊飯唔會太硬，醋味都岩岩好。食完凍野可以開始食熱野😆我地嗌左啲燒物，有三文魚鮫、羊架同黑豚肉。如果大家想食燒物又諗唔到食咩，嗌三文魚就冇錯啦，鹹香味岩岩好，燒到脆脆地，食到停唔到口。羊架同豚肉燒得有少少乾，不過味道都唔錯！黑豚肉既脂肪都係岩岩好，咬落去有少少肥肉又有瘦肉☺️羊架唔算好羶，怕羶既朋友應該handle到！唔知點解今日特別肚餓，食哂壽司刺物燒物都仲有quota, 決定嗌埋個海膽炒飯 😆色澤想當唔錯，海膽味唔算好重，但啲飯炒到一粒粒就係欣賞😻呢間日本菜唔錯，有機會再encore😽

喺尖沙咀同朋友shopping完，都想搵間好啲嘅日本餐廳，食下啲好嘢。 棉登徑一向出名多好嘢食，尤其係日本菜，我哋揀咗呢間叫嵐山日本料理嘅餐廳。 餐廳乾淨舒服，食物款式選擇好多。我哋叫咗幾款刺身、壽司、串燒同埋雜錦天婦羅烏冬。 首先嚟嘅係三款刺身，呢度有半條魴弗魚，２件池魚王腩，２件鯖魚。 個擺盤超級靚，有啲花同葉等等嘅嘢做裝飾，真係影相打卡一流。侍應建議我哋最尾先食鯖魚。魴弗 平時比較少食到呢款，魚肉白白地有帶點淡粉紅色，魚味比較清甜，有鮮味。深海池魚腩  好厚切，肉質幾爽口，甘香嘅魚油味係咁爆出嚟，超滿足!鯖魚  魚味香濃，有半鹹又半甜嘅味道，好食刺身要點佢個酸酸地嘅醬汁啊，同刺身好夾㗎。壽司拼盤賣相都好靚，份量好足。海膽 口感creamy，有海水味，唔腥，好好食。金目鯛壽司 味道清甜，肉質軟身。串燒嚟喇雞翼 熱辣辣，鹹鹹地，雞皮脆，肉又滑，好好味豚肉 肉幾香，燒得唔老雞腎 辣辣地，惹味又爽口什錦天婦羅烏冬 烏冬煙韌彈牙，冬菇 juicy有菇香，南瓜同蕃薯都好甜，朋友話佢件矮瓜都幾好食，我地都覺得蝦爽甜又大隻。我最鍾意蝦同蕃薯。好鍾意呢度有唔同款式種類嘅日本嘢食，而且質素高，無論刺

今晚又來同男朋友喺棉登徑搵日本嘢食😎就入咗一間好有日式風味嘅餐廳店員服務都幾好😍.佢哋menu就用tablet 都幾方便我哋就要咗一個刺身拼盤同三舊壽司刺身包括有帶子赤身油甘魚池魚同三文魚 仲加左金目錭❤️👍好新鮮 擺盤好靚而且新鮮都好好食特別係池魚壽司 好好食 油脂感好正之後我哋就要咗三串串燒首先係黑豚肉蘆筍😎黑豚肉嘅油香滲透晒落蘆筍到 好正 食落去特別爽口有層次感之後就係我最鍾意嘅安格斯牛肉牛肉既牛香 燒晒出黎 仲有少少炭燒味添!!必點之後就有燒日本雞腎!!雞腎爽口 好juicy 🙋我哋仲嗌左天婦羅😎男朋友都大贊佢哋天婦羅炸得好乾身完全唔油膩感加上佢地食材好新鮮食日本蕃薯天婦羅仲覺得好甜身!到最後仲嗌咗黑豚石鍋飯!!燒得非常熱🤪所以個底既飯焦好香好脆撈埋蛋 豚肉 飯 既組合真係好好😍食完好飽肚呢一餐cp 值好高 😙

總係好中意棉登徑既食店, 氣氛好似日本既食街, 今晚BOOK左嵐山, 同朋友回味一下日本美食! 餐廳似日本地道居酒屋, 坐BAR枱可以欣賞到師傅手藝, 而且每款食物由師傅親手呈上, 感覺非常地道!左口魚刺身薄切左口魚味道清爽, 質感結實, 加少少酸汁更能帶出其細膩既味道。北海道帶子刺身肉厚鮮甜, 肉質有彈性, 入口非常滿足!鯛魚刺身鮮味肉質有彈性, 同為白身魚, 配上酸汁絕對係PERFECT MATCH!鰤魚壽司魚肉既味道醇香濃郁, 肥美而不膩。池魚王壽司油脂醇厚鮮甜,  肉質爽彈, 師傅以厚切將池魚王既豐富油潤口感完美展現!鱈魚白子質感綿密滑嫩, 一D腥味都冇, 一試難忘!串燒雞翼以開邊方式燒得更均勻, 雞皮燒得香脆, 香口之選!串燒雞肉大蔥雞肉好嫩但有焦香味道, 連同大蔥一齊食, 香氣更加突出!串燒安格斯牛肉牛肉軟嫩帶彈性, 牛味香濃。手打安格斯牛肉石鍋烏冬依排凍左梗係要食番D熱辣辣既野暖胃, 安格斯牛肉質嫩滑, 牛肉味香加上湯頭既甜味, 仲有流心蛋, 芽蔥等配菜, 配上煙靭既烏冬令人非常滿足!

今日一定要食一餐好嘅 因為尋日食左個勁差的午餐 今日都係想食日本嘢 入棉登徑揾下先 上次試過嵐橋 今日試埋嵐山先 有特上壽司定食呀✌🏻點餐後 很快就送上 沙律 前菜 蒸蛋 味噌汁👇🏻沙律菜好新鮮 蒸蛋出奇地滑味噌湯唔夠熱 前菜ok la主角到了😍望落去已經好吸引 以我嘅認知 介紹一下先：鯖魚 日本海膽 牡丹蝦 帆立貝 喜之次 金目鯛 深海池魚 拖羅 有兩件唔記得係乜🤫仲有醉蔥吞拿魚腩卷 十件都唔同 唔會重覆 件件都好新鮮 即刻想飲返杯sake🍶 壽司飯用左赤醋 更加提鮮食飽仲有雪糕食

一次偶然的機會下去左棉登徑食野😅發覺原來呢度成條街都係食肆而且日本野居多💝所以今日又來揾好野食，最後選中了嵐山日本料理🍱先來蟹籽沙律🥗好fresh,從未試過一食就feel到呢種像岩岩取材就處理的新鮮味道😍非文字可以形容，雖然簡單但有別於出面食到的蟹籽沙律，絕對要比like👍🏻👍🏻刺身盛用的都是日本空運食材😍最喜愛活赤貝好新鮮😋係急凍沒法比的💜甜蝦、帶子也很鮮甜💕碎三文魚蟹肉卷🦀三文魚上鋪上三文魚子同菊花點綴🌻味道配搭得宜，而且食到一絲絲蟹肉口感好豐富串燒安格斯牛肉和日本黑豚肉🍢仲有第一次食串燒豆腐配味噌醬，味道唔咸仲脆豆腐仲脆皮再加埋清酒煮蜆🍲同手打泡菜黑豚肉石頭鍋烏冬💜大滿足💜

尖沙咀棉登徑成條街食肆臨立，就係日式料理都有好幾間，今晚我同朋友卜左間好有水準嘅‘嵐山日式料理‘，店內右手邊，一張長長bar枱，大概可以坐5至6人，坐bar枱好處可以邊食邊與廚師直接交流；另一邊就係2-4人餐桌，桌上餐具擺放整齊乾淨。我同朋友各自點選左魚生同壽司：刺身全部厚切，肥美有口感😋（三文魚、油甘魚、赤身、帶子、墨魚）三文魚同油甘魚，色澤光亮，油花分怖均勻，入口肥美甘香；赤身不含油脂，原全冇脂肪嘅位置，肉質較實唔鬆散，原全冇根有咬口；帶子厚切鮮甜肥美；墨魚黏口有彈性，越咬越鮮。🍣左口魚邊 - 經火微微炙過，油花更甘香；🍣金目鯛 - 魚肉呈淡淡的櫻花粉紅色、魚肉鮮甜嫩滑。整齊黎講魚生部份質素極好，連配菜酸蘿蔔、酸青瓜同酸薑都非常好味之餘，當每食一件魚生前，先食下配菜洗擦一下味蕾，就能品嘗倒每件魚生的獨有味道😋。🍡串燒 - 燒牛肉、燒雞翼、燒五花腩，三款之中，五花腩跑贏，一層肥一層瘦，燒過之後，已燒走多餘脂肪，口感爽脆肉味濃😋。天婦羅 - 大蝦🍤，秋葵、矮瓜🍆、鮮冬菇、南瓜🎃、蕃薯🍠；大蝦有成一隻手掌咁長，啖啖肉；矮瓜切成風琴狀，入口軟淑濕潤；南瓜同蕃薯甜美；炸漿部份亦控制得恰到好處

之前經過呢間舖，覺得佢嘅食材好新鮮..但夜晚對於我來講，似乎有些貴🙈今日是尖沙咀放lunch，就即刻諗起呢間！果然，lunch menu無令我失望！朋友點左個手握壽司+牛肉烏冬，朋友表示大滿足！魚生新鮮，海膽唔腥，牛肉嫩滑😋😋😋我就點左黑鮪魚二重丼，每一啖都有吞拿魚，對於吞拿魚控黎講，無法抗拒😍😍😍吞拿魚新鮮肥美..估唔到lunch都可以食到咁新鮮咁高質🥳🥳🥳我地坐吧台又可以睇到師傅做嘢嘅認真樣👍

池魚皇腩刺身 ($108)口感爽滑清甜，魚味濃厚，入口充滿油香，但完全無肥膩嘅感覺。二切鰤魚刺身 ($98)口感柔嫩幼滑，肉質甜美，入口有油脂嘅香味。伊佐木壽司 ($96)伊佐木柔軟而彈牙，肥美甘香，味道鮮甜。赤小鯛壽司 ($96)赤小鯛肉質結實，爽口彈牙，味道清甜。免治雞肉棒 ($28)免治雞肉肉質鬆軟，入面加咗雞軟骨，啖啖肉兼有咬口，將雞肉棒點蛋黃汁先食，口感更滑。手打安格斯牛肉石鍋鳥冬 ($118)安格斯牛肉鮮嫩多汁，肥美柔軟，入口牛味好濃，烏冬好滑溜。

坐廚師枱有個好處，可以一睹廚師即場獻技將新鮮魚生切片，然後送到自己面前，一飽眼福。鯛魚刺身($49)，色澤鮮豔，魚生呈晶瑩剔透，味道鮮甜，有咬口。深海池魚刺身，大大件，非常厚，有魚既鮮味，口感似吞拿魚。鰤魚刺身($98)，我覺得這款魚最好味，近魚皮位置既肉好爽口，有彈牙口感，甘甜肥美。金目鯛魚壽司，肉質軟綿綿，而且經過火炙處理，有焦香既味道，頂層橙色既係帶少少微辣。左口魚壽司($25)，肉質較結實，咬落較爽口彈牙，而且壽司已塗上秘制醬汁，已經好夠味。串燒黑豚蘆筍($38)，豚肉軟腍配蘆筍既爽口，非常夾，表面曬上鹽粒和黑椒粒好香口惹味，咬開豚肉咇晒d油脂出黎。串燒雞翼($32)，已起肉，咁樣兩邊燒得均勻，唔會表面熟內裏生，雞皮好香脆，而且雞翼有肉汁。安格斯牛扒($188)，牛扒目測已全熟，但食落唔會好韌，肉質易咬開，部分肉會牽帶著少少肥膏，食落會更香口，配埋店家自制醬汁，味道帶甜。黑豚石頭鍋飯($118)，非常大碗，豚肉幾乎覆蓋晒整碗飯，加埋有蛋黃汁，可以撈起黎食，好滑。

朋友已經結婚一個月了， 因為疫情關係 晚宴擺酒的美夢落空， 唯有以小組形式相約朋友出來慶賀。 今晚終於輪到我同佢慶祝😁😁， 精挑細選了她喜歡的日本菜😎特地比她早一點來到餐廳， 聽了師傅的推介， 為她準備一個完美的慶祝晚餐。鰤魚刺身+ 彷彿魚刺身+鯖魚刺身鰤魚是大品種油甘魚 ，色澤較油甘魚紅， 肉質有嚼勁 ， 口感油滑幼細 ， 魚味濃郁， 脂肪分佈平均。鯖魚刺身油脂豐潤， 肉質細膩， 火炙過的魚皮也特別好吃。彷彿魚刺身不太熟悉這款魚，師傅推介的刺身， 原來係日本好受歡迎的。 肉質爽甜， 比較有咬口， 是不錯的選擇。喜之次壽司😍其中一款我最喜愛的魚， 魚皮微微火炙， 滲出誘人的美味， 肉質結實而魚味香濃， 在口腔內散發著 甜美的味道， 齒頰留香。石垣鯛壽司😍油脂豐富肉質細膩， 味道鮮甜 完全沒有腥味， 初嚐這款鯛魚一試愛上。牛油帶子焗雜菇鮮甜的帶子配上香濃醬汁， 雜菇有金菇、冬菇、本菇， 菇類吸收了醬汁精華 ，沒有草青味。燒芝麻雞翼雞翼外皮金黃香脆， 內裏肉質保持嫩滑， 雞肉濕潤 juicy。活鰻魚串燒鰻魚肉質彈牙 新鮮甜美， 師傅功力不錯， 魚肉生熟程度剛剛好， 外皮香脆， 但內裏仍然保

大拖羅係日本藍鰭吞拿魚腩刺身，喺『嵐山日本料理』可以食到日本直送嘅大拖羅，魚油比例高達80%，又香又鮮又甜，入口即化，好爽。鰤魚俗稱油甘魚之王，其脂肪分布均匀，口感油滑幼細，魚味濃郁，係不可多得的靚食材，今晚一次過試匀晒两種極品，刺身中之刺身，勁開心。其實仲有北海道牡丹蝦刺身，勁大隻，蝦肉肥碩，爽滑，彈牙，故此今晚刺身三寶皆極品。壽司揀咗左口魚同魴鮄两款，魴鮄肉質結實味清甜，同樣哋唔係間間鋪頭有得食，而『左口魚』、『右口魚』我唔係分得清楚，只係食落feel到『左口魚』豐富的油分。串燒就有『黑豚蘆筍』同『安格斯牛』，亦都唔錯，蘆筍碧綠爽脆配豚肉，不油不膩啱啱好。『和風炒雜菜』補番平時少食嘅蔬菜，雜錦天婦羅亦精彩，一個精緻，高質的晚餐就在『嵐山日本料理』。

好耐無食日本野，今晚一早BOOK左嵐山日本料理，位於尖沙咀棉登徑，交通方便。餐廳空間感十足，座位寬敞舒適。前菜有牛蒡、明太子沙律、青瓜漬，爽脆開胃。刺身：鰤魚腩口感肥嫩，濃郁香醇富彈性。喜之次含豐富脂肪，細緻鮮美。鮮八爪魚新鮮爽甜，嫩中帶脆，彈牙有咬口。壽司：鯖魚滑嫩清甜，口感肥潤。深海池魚王油脂厚，入口爽脆，鮮味突出。串燒黑豚蘆筍黑豚肉質軟腍多汁，蘆筍鮮嫩清爽。燒鮑魚軟滑鮮甜夠哂彈牙。雜錦天婦羅粉漿偏薄，鬆化輕盈，食到原汁原味既食材。黑豚石頭鍋飯熱辣辣勁惹味，珍珠米軟綿飽滿，黑豚脂肪分布勻稱，軟滑鮮甜。