影片
更多
2008-04-07
12 瀏覽
星期一晚, 為補祝朋友既生日, 收工後約咗佢食飯,我哋先行咗陣街, 行到九點再走過嚟始創呢間「和民」食晚飯, 因為佢有張$100 現金券喎~由於老公都冇約人, 睇完跌打又未食飯, 所以叫埋佢一齊過嚟食飯。今晚竟然都要等近半個鐘位呀! 係等位既時候我哋已經睇定食乜,朋友指明話要試吓呢個春之特撰料理「海膽刺身」一板($89)!可惜, 食落有少少失望, 唔夠新鮮, 唔知係咪我哋太夜去食呢?後來我哋發覺點少少豉油, 反而冇咁難食, 帶出噃啲鮮味。呢個又係朋友指定要食既「明太子芝士玉子燒」($29), 佢話要將啲蘿蔔蓉溝豉油後再點嚟食, 但係我哋都覺得唔點仲好食!跟住係我指定要食既「芥末辣鱆魚」($29), 真係夠晒辣, 正!!朋友仲叫我食埋片葉, 佢話原來啲日本人多數都會食埋啲配菜架~食落有陣唔知咩味, 不過都幾清新, 幾新鮮, 唔錯喎~~「鱆紅魚壽司」($39), 原來呢度冇咩壽司好揀, 我哋決定叫呢款個樣比較特別既, 不過食落唔夠新鮮喎~~ 冇乜味既!!「炸鱆魚餅」($29), 呢個係朋友介紹既, 佢話食既時候記得要加少少薑蓉落去, 又真係幾好味喎~~「牛油焗帶子」($29), 都幾好味,
我哋先行咗陣街, 行到九點再走過嚟始創呢間「和民」食晚飯, 因為佢有張$100 現金券喎~
由於老公都冇約人, 睇完跌打又未食飯, 所以叫埋佢一齊過嚟食飯。
今晚竟然都要等近半個鐘位呀! 係等位既時候我哋已經睇定食乜,
朋友指明話要試吓呢個春之特撰料理「海膽刺身」一板($89)!
可惜, 食落有少少失望, 唔夠新鮮, 唔知係咪我哋太夜去食呢?
後來我哋發覺點少少豉油, 反而冇咁難食, 帶出噃啲鮮味。
呢個又係朋友指定要食既「明太子芝士玉子燒」($29),
佢話要將啲蘿蔔蓉溝豉油後再點嚟食, 但係我哋都覺得唔點仲好食!
跟住係我指定要食既「芥末辣鱆魚」($29), 真係夠晒辣, 正!!
朋友仲叫我食埋片葉, 佢話原來啲日本人多數都會食埋啲配菜架~
食落有陣唔知咩味, 不過都幾清新, 幾新鮮, 唔錯喎~~
「鱆紅魚壽司」($39), 原來呢度冇咩壽司好揀,
我哋決定叫呢款個樣比較特別既, 不過食落唔夠新鮮喎~~ 冇乜味既!!
「炸鱆魚餅」($29), 呢個係朋友介紹既,
佢話食既時候記得要加少少薑蓉落去, 又真係幾好味喎~~
「牛油焗帶子」($29), 都幾好味, 但唔夠特別。
「串燒盛合」($49), 又係普普通通咁啦~ 不過勝在乜都有啲, 唔駛叫咁多碟。
「辣辣泡菜炒飯」($39), 都知啲呢飯份量好細, 但嚟到後, 真係畀佢嚇一嚇,
我諗得四、五口飯已經食完囉! 材料未夠豐富, 但味道都合格既!
「牛肉火鍋」($59), 都唔錯, 份量幾足, 味道亦幾好, 不過食到尾發現個湯超油...............
隻生蛋我哋最後選擇咗成隻打落個鍋度一齊食!
「豬軟骨拉麵」($44), 由於食極都唔飽, 所以最後一定要叫多個拉麵,
不過呢毎豬軟骨拉麵真係冇叫錯, 啲豬軟骨好正呀! 個拉麵亦幾好味!
其實佢唔算太多食物揀, 同埋好似每樣嘢都好細份咁,
不過算啦! 今餐有$100 coupon, 仲要Mo 有佢既信用咭, 再95折,
即係埋單都係$355, 算係咁啦!!
但有樣嘢想講, 覺得呢度既服務方式有少少問題,
唔明點解啲職員要跪響地方落order 囉! 感覺好怪呀!
呢度啲座位又唔係正宗日本打坐方式既坐法,
咁做乜要職員咁樣跪地呢?? 有咩意思呢?
我唔覺得咁樣係禮貌, 或令我覺得自己受尊重囉! 反而令我有少少反感喎!
唔該管理層諗清楚呢個特別服務既用意啦!
一間食市除咗食物質素, 就係個環境各方面要對顧客食得舒服開胃啫~
佢咁樣真係有少少令我到唔想幫襯架!
更詳細資料及圖片請看: http://hk.myblog.yahoo.com/joycewai616/article?mid=6646
張貼
