尚鮮日式燒肉漁市場 (已易手) 新餐廳

今日細仔生日，睇過食評，訂咗枱嚟食放題午餐。門口一陣唔多舒服嘅味，枱面setting有D混亂，內部環境還可以，算pass ! 好彩坐落冇味，抽風強勁，食完BBQ都冇成身味！服務人員態度都…滿意.性價比滿意。不過，wasabi 唔得，下次自備會好D。酒煮蜆，要讚…冇沙，可惜冇乜酒味，不過，都有 repeated order. 甜品都算多款選擇，仲幾好味！刺身都切得幾厚，雖然刀工欠奉！是但啦，反正食落肚都係咁，衹係賣相差D，都ok嘅！飲品都唔錯，道地幾款果汁都好味，好彩兩個仔都食得開心，滿意！

🍴浜燒海鮮x日式燒肉放題-尚鮮日式燒肉漁市場🐟海鮮種類繁多, 且鮮味十足! 如韓國珍寶燒蠔,珍寶帆立貝,虎蝦,原隻活北寄貝,活鮑魚及蟹噌甲羅燒等! 除海鮮外, 仲有各式各樣燒肉, 刺身壽司🍣, 各種放題炸物, 自助甜品吧等! 性價比相當高, 仲每人送一客Movenpick 雪糕!而家晚市放題每位仲送尚鮮浜燒海鮮拼盤一份, 4人同行額外送波士頓龍蝦1隻😍詳情如下:-星期一至四: $278-星期五六日,公眾假期及前夕$298-限時2小時-另收加一服務費-此優惠需提前最少一日訂座

近來好似幾興“磯燒海鮮x任食放題”，即刻俾個借口自己約定屋企人黎試下呢間open rice有唔少好評既放題先。話就話要係facebook like先有既海鮮拼盤，店員都無特別黎睇就預備左俾我地，而個龍蝦好似話要預早booking 先有，我地當然好期待咁早成三星期就book。係等緊最期待既“海鮮拼盤”之前，梗係揀定唔同燒物先啦，雞翼牛牛海鮮應有盡有，最appreciate係無限“燒蠔”，好surprise，quality仲要唔錯同大隻。全程落order係用ipad （扮到幾high tech)，為左減省人手，又真係。。店員人影都唔多隻唔知係咪叫得唔多刺身，無左隻刺身船放刺身影靚相但係甜蝦的確係水準之作，新鮮大隻+甜。其他種類中規中矩，基本上放題店有的都有，值得一讚係有movenpick雪糕（每人一個），但係要兼顧咁多唔同野食而只得兩小時真係好唔夠架幸好店員無特別急急叫我地走，大大話話都過左成15分鐘先走人，服務都算係咁喇。

第二次來尚鮮日式燒肉漁市場，上次食過不錯，而今次是看見正在做推廣提早一星期前訂位有龍蝦送，4人或以上更有海鮮拼盤！二話不說即搵朋友去開餐～就先燒海鮮!入座後，先來海鮮拼盤，以木桶盛著，看起來很豐富！有龍蝦、蠔、鮑魚、蝦、甲羅燒、帆立貝⋯⋯等～龍蝦啖啖肉，肉質爽口~鮑魚夠厚肉，肉質彈牙～蝦挺大隻，蝦身有食指般長～燒熟後的蠔還挺飽滿~而蝦、蠔不夠喉，可自行在平板電腦再點，免額外收費~在等海鮮、肉燒熟的時候，最好先點小食、壽司等食住先，爭取一分一秒⋯⋯XD壽司質數也不差，有驚喜！飛魚籽軍艦，滿滿的飛魚籽，紫菜還是脆脆的！火灸牛拖羅壽司，表層燒得微焦，香口得來帶肉汁～炸物炸得金黃，賣相不錯～芝士年糕口感煙韌，內裡的芝士暖暖的還帶點流心～醉香雞中翼，雞皮滑帶點彈，挺入味！刺身有多款選擇，甜蝦、榮螺、帶子、吞拿魚⋯⋯等整體刺身新鮮，甜蝦帶淡淡的甜味，以放題任食來說帶子還算厚切～邊食邊燒肉，肉類都幾多選擇～個人最愛一口牛、牛舌，牛舌爽口彈牙~點些蔬菜類，我很喜歡燒菠蘿、一口紫薯呢～厚片的菠蘿，燒後酸酸甜甜又多汁!多款甜品自取，於結賬時每人送一杯MOVENPICK雪糕～兩小時任食，大滿足！

之前見到廣告話首創浜燒海鮮x日式燒肉放題組合 好似好吸引 而且見到OP評價幾好 心郁郁就好想試 我諗對上一次食放題應該係2年前?!🤔 我同朋友book了星期三晚市6-8pm時段 已經見到有六七成滿座 每個卡位都會有一個ipad點單 幾方便 事不宜遲 先黎一個海鮮頭盤 有燒蠔、帆立貝、巨型虎蝦、原隻活北寄貝、活鮑魚及蟹噌甲羅燒等 賣相好吸引好豐富 同埋都幾新鮮 我最喜愛既係活鮑魚 反轉燒既時候垂死狀態 好慘😂 壽司方面 叫左火灸三文魚 鰻魚同花之戀 唔知係咪因為要用火槍燒個三文魚表層 連個飯都係暖身😰 搞到好似食緊熟食咁 其他都係正常味道我本身好鍾意食螺肉 不過呢個相對比較辣 同埋唔太爽口 炸物方面 叫左天婦羅蝦 蟹棒 炸蠔 榴槤波波 幸好唔會好厚粉 不過食得多好熱氣 燒肉方面 我覺得本身肉質不太有味道 而且有d燒完都好"鞋" 不太鬆軟 所以叫得唔係好多 不過燒豬大腸真心正 好彈牙 蜜糖雞翼都唔錯除左ipad上既食物之外，總有海膽可選擇 不過就要另收費 而且飲品同甜點任攞埋單之後就會一人送一個movenpick雪糕 身為擁躉超開心呀 有朱古力 紅莓 雲尼嗱揀 瑞士朱古力真係好味到不得了

尚鮮這家放題式燒烤呢，我已經不是第一次光顧啦。$278/位放題，加上他們的品質，其實是化算的。加上最近新的宣傳「享用晚市放題每位可獲贈「尚鮮浜燒」海鮮拼盤一份，每四位以上訂座更可獲贈生猛波士頓龍蝦一隻」，令我心癢癢的，又是時候跟姊妹夫婦來個快閃聚餐。一行四人，兩對情侶，齊齊相約吃晚飯其實是開心的~ 「尚鮮浜燒」海鮮拼盤跟波士頓龍蝦放在一起，感覺相當搶眼，也相當吸引。這個價錢的海鮮，算是不錯啦，也蠻鮮味可口。拼盤上的波士頓龍蝦，入口鮮甜，肉質相當爽口彈牙，令人一吃難忘；帶子也是十分鮮甜。 最驚喜的是這個甲羅燒，質素也算不錯，食落甘香，還有陣濃郁的鮮味在口腔中久久不散。 刺身幾乎是必食的，以放題來說算是不錯啦。 炸芝士年糕外脆內軟，且芝士味極濃，吃的時候煙煙韌韌，也有拉絲的效果；炸香蕉外脆內香甜軟滑，用作refresh自己是不錯的選擇；炸餃子不油膩，味道不過不失。 肉類是必點的，除了牛肉粒以外，每款都不錯，肉相當淋身，肉味也夠。我們Encore了好幾次。 無數的香腸呀，「我最期待的畫面出現了.jpg」，本來喜歡吃香腸的我見到這個場景，急不及待想要把它們全部放落爐裡去，很喜歡當

我同男友成日系FACEBOOK見到放題就會衝去試, 毫不猶疑驚會中伏, 但次次都系中晒伏, 仲有1次可怕食到腸胃炎 屙足3日,今次去呢間就系同男友即興下午先心思思想去食, 都驚BOOK吾到位,點知又比我地好好彩甘BOOK到夜晚8點9個1場,甘就岩岩好順手慶祝我地拍拖紀念日喇。我地8點半去到, 都諗住要等多幾個字, 點知我登記完就即刻入得, 原來前1ROUND坐我張檯既客人已經走左,所以比我地入先吾洗等甘耐, 都地照計120MINS, 就系呢1個服務已經值99分坐低左待應哥哥就叫我地LIKE AND SHARE返FACEBOOK個POST就可以即時送個海鮮拼盤, 地方闊落乾淨 2人1張吧檯都足夠放食物海鮮拼盤 不能不說 100分 所有都好新鮮而且仲無欺場, 送既都大大隻由其是生蠔要超級讚, 又鮮甜又肥美2小時內就算埋左單佢都會繼續上比你,吾會1早就催你LAST ORDER佢有2款蜆 呢隻系清酒,另一款系辣酒 辣酒男友食到頭頂冒煙出晒汗,食左2粒就投降, 而我就食晒成兜, 所以真系要食得辣先好試...燒大約5-6分鐘已經食得, 新鮮大隻真系不得讚多幾次肉類其實好好食,但系當日我地食海鮮為目

朋友好鍾意食放題，見到呢度仲有燒肉，選擇好似多一啲，就決定嚟呢度啦！餐廳都幾大，我地坐卡位，私穩度夠高。先送上海鮮拼盤，份量唔少，好吸引！急不及待就燒左啲海鮮先，自己燒都幾好玩，各款海鮮都意外地鮮味，虎蝦大大隻啖啖肉，帶子嫩滑，但鮑魚就有少少沙。仲有好多燒物可以燒，幾鍾意呢個芝士丸子，彈牙既魚蛋外層包住濃郁既芝士，一咬就爆漿，正！除左燒物，仲有一般放題有既刺身，款式仲好多，竟然有北寄貝同帶子！壽司中最鍾意軟殻蟹卷，上面既沙律有啲芥末味好惹味！仲有沙律同天婦羅！最後點少得甜品！大福幾好食，煙煙韌韌，中間既cream好軟滑！雪糕系movenpick,雖然系每人一盒，都好滿足！第一次食有埋燒肉既放題，整體質素唔錯，值得再試！

最近係網上睇到一段燒肉放題廣告，所以今日放假帶埋男友親身黎試試。兩點度到達，到左店全場只有一台客人，之後我地就選擇放題試試。食品上到台，一點也不美觀，蠔面有沙同殼係難避免，但隻隻面上都有一大堆，燒肉太硬同太咸。厚切牛舌完全咬唔開，包手卷的紫菜淋到好似莓左咁。刺身完部有好重好重既雪水味，一咬落去雪水滋哂出黎。網上睇到廣告介紹咁正，食評又講到咁正，本身諗住放假開心去試試呢間燒肉店，但食品令我失望！服務員有禮。

食飯選擇同工作嘅壓力總有關係，近排實在有很多工作要跟進，個人因為咁下午個餐總是吃得唔係太好！朋友為了我，今晚帶我去做了個減壓訓練！就係讓我吃過飽！當然要係指定價錢就可以任飲任吃嘅地方！朋友去過推介這裡，地方就腳，而店內座位寬敞，有刺身同壽司，又有海鮮，又有肉，真係要吃過飽先！店員告知like facebook 重有個海鮮拼盤送，當然即做，一會大大個放在枱上！有蝦、有蟹、有貝、有鮑魚、有蠔、重有甲羅，嘩出面單叫都可能要成百多二百元啦，只要like facebook 就有，堅抵！四個人重正，有龍蝦完隻切開上！今晚係補償工作壓力，吃才能夠滿足，肉才是王道！牛柳，牛肉粒，牛肩，唔理一次過燒！落單一陣就上枱，有效率！因自己控制下唔會太生同太熟，入口啖啖肉！肉質入口時感覺軟熟新鮮！另極喜歡嘅台式腸腸亦有兩種口味，當然亦係重點出擊啦！另外燒菠蘿同栗米亦係必吃食物！菠蘿多汁鮮甜！栗米亦甜美！刺身亦好新鮮，甜蝦同帶子都好鮮美！全晚超忙，一碟一碟完成，真係吃得好滿足！最緊要係最後重有美味嘅movepick 雪糕送上，唉真係將近排嘅工作壓力一次過清淨晒！

The seafood platter that came with the meal was really good. Quite liked the lobster and the prawns. The chicken wings and fatty pork belly were pretty decent. However, the rest of our orders mostly never came, think only 30% came. We tried re-ordering but again most of the food never came. After 2 hours of eating, we felt full and gave up on waiting for the missing food. Don't really think it was worth paying over $300 for.

近期沒有太多新意的我連朋友飯局也懶得再想去試那間新餐廳, 今次的四人聚會我就決定再到尚鮮吃放題。BOOK 位時才知道他們剛加了近期火紅的海鮮磯燒, 可以一個價錢兩食呢~之前已經覺得他們的燒肉很不錯, 食物選擇亦十分多元化。想不到現在還有海鮮磯燒, 感覺更抵食。雖然未齊人, 但我倆還是先做準備, 努力用PAD 點選食物。一如以往, 身邊那位仍是無牛不歡, 基本上燒得牛肉, 皇牌一口牛等通通下單了。不知道朋友是否調好時間, 剛上這般誘人的海鮮 (今晚的主角) 時就到達了。原來磯燒就是指這個海鮮併盤, 除了有蝦,扇貝等"基本"的, 還有甲羅燒(蟹蓋)和龍蝦!!!  看起來真的超吸引。雖然沒有一個真正的磯燒爐, 但用上平時的日式燒烤爐燒仍是相當開心的。我們第一ROUND 就放了扇貝和龍蝦第一次是這樣吃龍蝦, 即使沒有配上任何醬料, 味道原來一樣美好。龍蝦肉不是爽彈, 還加入了點點海鹽, 烤香後的焦香和海水味充滿口腔, 超正!! 平時我已覺得燒虎蝦很美味, 但燒龍蝦就更有口感和肉質更甜, 有點"返唔到轉頭"的感覺。甲羅燒是蟹蓋加上蟹膏, 鵪春蛋再加點蟹籽和蔥花, 雖然燒後賣相不太好看, 顏色變得

我同男友一向都係食肉獸，海鮮X肉簡直係完美：）收費$278/位加一，價位唔算平，但預早一星期訂位更有龍蝦附送，4人或以上會送海鮮拼盤，所以約埋朋友一齊食。我地見等位既人流都唔少，建議Book定有so 呀！座位寬敞，坐落都仲有位放包包。清酒同高湯一直無機會用到，另外仲有一盤汁醬，WASABI好似要另外拎。飲品同甜品都可以自取既，最正係有MOVENPICK雪糕，我由見到個刻開始期待XD每張枱上會有醬料及電子板方便食客自助下單。食物種類都唔少，但特色野就無乜，主打食物質量。大部份食品都任點，有少許海鮮和酒類需要另外付費。鐘意佢上菜快，唔會拖時間，送既龍蝦＋海鮮拼盤好有誠意！！！生蠔、鮑魚、帶子、蝦同蟹蓋，睇到都流口水呀，食落係新鮮既，不過生蠔安全起見我地都係燒黎食。叫左一版海膽，都幾有份量，配紫菜又幾唔錯。清酒煮蜆有D驚喜，蜆肉唔算大粒，有少少沙，但夠鮮嫩，加埋甜甜地既清酒，味道岩岩好。我地encore左鮑魚，新鮮厚肉又彈牙，實在太正啦！蟹蓋都係有D驚喜，個汁醬好特別，值得一試。肉類基本上都好食，醃味NICE，最Like牛粒，有肉味得黎一口一粒方便食：）魚生、壽司都不過不失。整體我覺得價錢同

同學見面揾個地方好好坐低傾下偈，就費事係揾黎搵去，一上openrice就見到呢邊有間食任食燒烤放題嘅舖頭，見200幾蚊就有交易於是簡左呢度開飯喇。刺身無諗到呢度嘅刺身都多選擇架喎，而且質量絕對唔會差，仲會不定時更新，仲會有變化。牛仔骨牛仔骨好有口感，夠晒牛肉味，加埋佢本身醃製得岩岩好，唔需要任何嘅調味都已經好令人滿足。五花肉未煮之前嘅非常鮮白色，煮後唔會有腥臭味，入口仲好厚身夠鮮味。鮑魚鮑魚都算大份量，燒完之後，入口好有惹味，肉質夠晒結實，鮮味十足，餐廳肯定係用新鮮做嘅。甜品餐廳都好好咁為客人預備左唔小甜品，連雪糕都有呀，夠足料，唔會太甜。200蚊幾嘅放題，無諗都真係唔錯喎，有機會都要再黎先得 

係fb 介紹又話呢樣好食果樣好掂，實質無樣嘢好食，落咗 order 嚟咗30%都無，最基本連烏冬都無，個海鮮拼盤完全唔掂，牛舌難食，魚生唔掂、牛肉超鞋難食、連紫薯嚟到都係凍冰冰、總之真係無樣掂，就連隔離果枱都係咁講先搞笑😤😤😤