尚素 (已結業)

平常食開素嘅我哋會一月一聚素食餐，對環境好一點，對動物好一點，所以我哋試過好多唔同地方嘅素食。當進舖時發覺雖然觀塘區，不過唔算小人，睇到餐牌想急不及落order。因為未齊人，所以先吃一個淮山腐皮，味道冇特別呀，正常。不過可怕嘅事到喇，當其他菜色都到時，大家第一口都係勁咸，你眼望我眼，期待已久嘅飯餐，大家都冇mood，未食完已經話唔會再黎。亦由於所有食物太咸，朋友有血壓高話都好驚，返屋企要量血壓。真心希望佢嘅食物會有所改善而唔係得個樣。

母親節又到了早點帶媽媽食飯避免人多擠迫，近排比較喜歡茹素，這晚就帶媽媽到這家超多人氣讚好尚素！店裡果然舒適比較新派所以都幾有時代感！重點是服務生照顧周到迅速為我們服務，這才是一間食肆重點意式松露香菌餃皮薄晶瑩賣相已滿分，松露的幽香配上菇菌做餡料帶出食材珍味，一個又點夠啊百靈菇刺身清 · 爽 第一次食這種烹調方法感覺就是清 · 爽竹笙燴素翅好有真翅感覺味道清甜可口！大廚客家豆腐嫩滑豆腐盡吸醬汁味道十足，墊底娃娃菜出奇地淋甜口水素雞素雞片配上麻辣汁香脆可口味道極佳合桃香椿炒飯香椿葉有清熱解毒、健胃理氣功效，且帶帶有獨特的味道，所以是素菜中最佳調味料，這裡就採用了香椿葉配補腦合桃，以小油小鹽炒出這道主食簡單益生下次可以約齊三五試下其他菜色這晚我同母親就選擇了這個二人餐啦！

Lunch time 觀塘搵食，係門口睇左menu 幾吸引。原來都有一人或兩人set，我地叫左個兩人份的。有兩款小食，三款點心，同一個主菜小食叫左涼伴苦瓜，涼伴金針菇加左涼伴既汁，蔬菜都可以好好味。點心叫左菜苗餃，黑松露餃，香煎茄子點心餃既皮好晶瑩通透，餡料都夠多，而且爆晒菜餡，好有口感茄子係有素肉係面，但整體味道極高仿真。主菜係上湯浸娃娃菜，有杞子雪耳，上湯做湯底，菜吸收左湯既味道，食落唔算清淡。而且份量好夠。甜品有一個跟餐既，仲可以加錢要食其他。叫左黑芝麻卷，頗煙韌，芝麻餡夾係卷之間。蘆薈杞子桂花糕食落好香既桂花味，加左杞子更清新。食飽飲返杯茶係一大樂事!

星期六和母上大人去試新菜館，看openrice好味指數那麼多滿心以為應該不錯。吃過才發現伏，很伏。店鋪裝修比較高尚，然而價錢也比較高尚，比一般素菜館貴10多蚊，可惜食物質素就做不到高尚。我們兩人叫了三款餸，分別是 口水素雞，腐乳鮮竹茄子煲 以及 腰果炒飯。以上左上是茄子煲，右下是口水素雞，由於有吃過，分量不作准。茄子煲還可以，就腐乳味很缺乏。口水雞非常失望，炸素雞又乾又硬，所謂的辣油就是幾滴豆瓣醬，和正統口水雞做法差很遠。炒飯還可以，有點鑊氣味，感覺有點淡。整體而言，食物和價錢不成正比，不值得去食

有放工後仲會一齊飲飲食食O既小伙伴真好～一行三人收工去試新野～！家陣興綠色生活，今次食公司附近呢間新開o既素食館-尚素 The Veggie-埋位梗係睇睇餐牌先～價錢ｏ係範圍內，咁可以開飯啦～！ 返工咁辛苦，一定要整碗翅醒腦提神～$48/盅 – 竹笙燴素翅用料同味道都唔錯，亦唔似出面得碗有味水=.= 跟手再黎主食!$68 – 椒鹽金針菇～味係好o既～只係金針菇呢種食材炸完我覺得好難搵 $88 - 麻婆豆腐我覺得係必食～！滑滑o既豆腐加埋惹味o既麻辣香，真係冇得輸（流口水） $138 - 牛肝菌煎芺蓉鮮竹，據講係Signature Dishes (menu亦有做特別介紹)純素version o既”香煎芺蓉蛋”都算得上係誠意精選～煮食白痴(呀即係我)是永遠睇唔透到底點可以冇蛋但黏TT ^^”軟嫰腐竹加埋香噴噴牛肝菌，送飯一流！ 壓軸登場，是日精選　$128 - 菌香尚素福袋！！！！（拍手掌）意頭呢家野真係好緊要（神婆上身）講３次：荷包常滿，好！重！要！！！……… 好～我認我影得佢有點… 特別～但佢賣o既係內涵！（話說我好似聞到陣黑松露o既香氣～～～～～～～) 成餐飯最最最開心

今日入咗去鯉魚門， 行下影下相 。經過好多海鮮酒家 ，雖然吸引，都係等大班人先食啦。 家姐喺觀塘上班， 記得佢話過果頭有間食素嘅唔錯 ，今日兩個人， 不妨去試。 上咗一層escalator ，直行轉左就到啦。 裝修時尚， 唔會有老土嘅感覺。 叫咗一個二人商務套餐 。兩款滋味小食: 蜜汁叉燒拼素海蜇， 少少辣好惹味， 素海蜇係用蒟蒻做嘅 ，而叉燒喺豆製品， 唔似真正叉燒咁硬 。黑松露焗薯角， 熱辣辣， 好香脆 。三款點心: 甜酸雞槌， 酸酸甜甜， 雞鎚棍原來係雪條棍嚟㗎 素芝士長春卷， 春卷香脆。 裏面嘅芝士溶溶地，掂。意式松露香菌餃，好多餡料呀。 最貼心係點心全部每款兩件。一人一件啱啱好 主菜係XO牛菌乾炒飯， 飯炒得粒粒分明， 香口 。 仲嗌咗兩支黑麥汁 ，係用黑麥芽 ，忽布花，糖水釀製， 據聞有維他命B同鈣質， 少少甜，又健康食素都唔係一定要食齋鹵味 ，羅漢齋嗰啲 ，有咁精緻嘅點心同小食，食素都係賞心樂事

見openrice唔少好評就同一班同事相約食，點知d野好細碟但唔平，而且好多都好咸，個口水素雞唔似雞同好咸，個南乳候頭菇一泥到我地個個都嚇親，勁細碟但價錢都唔係平好似都成78蚊，惟一係個素蛋好似好少少，個鴨松露炒飯冇咩特別。仲有叫左個腐皮包素菜都係冇咩特別。我地6個人食左5碟野到都唔滿意。同埋本身想食素鴨同茄子都冇。最後埋單都要5百幾，最大問題係冇一碟係覺得好食。後來食完仲要轉場再食。見佢d set dinner有2同4人餐但價錢都比較貴。不值得推介，我地都話冇下次。

今日約咗朋友去觀塘食晚餐，喺駿業街一個商場度搵嘢食，見到樓上有間食素嘅餐廳就入去試下。 晚市大約七點人數唔算好多，可以揀一個雙人位坐。 兩塊餐牌有廚師最新推介同啲特價晚餐。我哋叫咗一個二人套餐，頭盤揀咗麻辣口水素雞同山葵白木耳沙律，湯我哋揀咗是日老火湯同紅燒竹笙海素翅，主菜揀咗大廚客家豆腐煲，個飯叫咗黑松露松子仁炒飯，另外日叫咗個黑虎掌素蒸餃。 過咗五分鐘山葵白木耳沙律送到，第一次食呢隻白木耳，比黑木耳更厚身同埋彈牙爽口，配埋沙律醬幾開胃。 之後兩個湯分別送上，個是日老火湯好足料，冇落味精，個紅燒竹笙海素翅配醋，味道都幾夾。 跟住麻辣口水素雞亦都送上，蝶素雞份量都幾大，味道無想像中咁辣，啲素雞炸完之後都有肉嘅感覺。 過咗幾分鐘，黑虎掌素蒸餃送上，蒸餃有三隻，蒸餃個size都唔細，塊皮好薄，入面啲料都好juicy。 之後送上大廚客家豆腐煲，入邊有五塊大嘅豆腐，入面有一堆娃娃菜喺度墊底，豆腐大塊結實唔易散，但食落口都好滑。 跟住係食黑松露松子仁炒飯，黑松露味好濃，入邊有唔同嘅配料，食素配黑松露感覺幾新鮮，而且松子仁同炒飯味道好夾。 最後個餐仲有兩個甜品，我哋都叫咗阿南瓜

朋友突然話想食素  放工去觀塘搵食  發現呢間素菜  D餐具幾靚  好中式的感覺一黎即刻叫左兩杯豆漿 $22/杯  味道正常  都幾重豆味椒鹽金針菇 $68上枱時超熱  而且夠椒鹽味  又夠脆但係太散太碎 竹笙燴素翅 $48味道唔錯  都幾足料  竹笙有口感 菌香尚素福袋 $128呢個菜入面好足料好多菇好有料  而且好夠味  唔洗點任何醬汁牛肝菌煎芙蓉鮮竹 $138呢個整得馬馬地  因為好重油味食落去啖啖油  呢個食左幾啖無食竹笙榆耳腐皮卷 $118呢個個味道同尚素福袋差唔多味但係呢個個皮脆脆地  食落有口感D而且上枱個陣仲好夠熱  表面加埋少少汁調味  唔錯重慶麻婆豆腐 $88個豆腐都夠滑  但係唔夠辣而且鹹左少少  味道正常  無咩特別

Went here for the dimsum buffet.It has to be booked quite early because this joint is rather popular.One of my favourites was the charsuu bun which was fluffy and soft.It was filled with vegetarian charsu.As well as the bun, the dumplings are recommended especially the shaomai.The drinks selection is good, they even had green cola.

呢幾日食得太多肉類，所以今日要食返多菜平衡返先得避風塘茄子好香椒鹽味，熱辣辣，外脆內軟不過就無避風塘既辣味，應該叫椒鹽茄子先岩菠蘿咕嚕素肉同平時食既味道差唔多，不過我欣賞呢碟唔會太油淋淋，而素肉亦好有咬口重慶龍口粉絲見隔離叫呢個好吸引，加上我又係粉絲fans當然要叫番個先得！味道辣辣地，越食越想食面頭主要係d菇粒&素肉粒欖菜香菇肉碎四季豆呢個四季豆好惹味呀而且炒得夠乾身，餸飯一流炸饅頭伴桂花糖點呢個主要係個小朋友話要食，做飯後甜品唔錯而家夜晚點心仲有買一送一，不過我地只得3個人食，食唔哂所以無叫到，呢個優惠好適合一班人黎食

老爺奶奶平時幫我地湊B湊得咁辛苦，真係想好好地慰勞下佢地，請佢地食一餐既豐富又健康的晚餐。地點當場選近返佢地住處啦，請老人家食飯當然健康是好重要，所以一於選中餐素食，一定唔會錯!在OPENRICE SEARCH觀塘素食就好快見到呢間尚素了，上星期打去BOOK，尋晚去左食~我地一行5人，連埋BB，幸好餐廳有BB椅, 餐飯食得安樂好多~~店入面中式簡約設計，坐位好舒適寬敞~老爺奶奶都好鍾意~睇下MENU先~有個好多野食的4人餐，二話不說不選了~入面有D要加錢我菜式，我地因應各人喜好就加點左一D升級菜~主MENU仲有個SIGNATURE DISHES, 牛肝菌煎芙蓉鮮竹，黎到點都要試下啦~先黎幾個湯先, 每人一碗，特登加錢叫左個羊肚菌松茸燉湯俾老公~俾佢補下~因為佢係老闆~請食飯果個~偷偷試左佢一啖, 好真材實料, 素湯可以有如此濃郁味道真厲害~老公話個涉絕對值得加錢飲~!超正WOR~我地另外3碗就係清補涼~清清地都幾夠味架~之後黎左兩個點心，水晶菜苗餃同埋黑松露香福袋~全都皮薄餡靚好新鮮呀~咬開幾多餡~~~叫左菠蘿咕嚕魔芋，睇個名以為魔芋係好似JELLY果D，原來食落好似實係食馬咕嚕肉咁架

今日一家大細三代同堂帶住個bb一齊去食齋菜。 唔講唔知觀塘工業區有個新起嘅商場，地方雖然唔係好大。裏面都有幾間似樣嘅餐廳。如果唔係朋友介紹都唔會識得搵到呢這間「尚素」食齋嘅餐廳。門面唔算好特別，但係就好簡單直接的裝修。menu 都冇d古靈精怪，要扮叉燒/鴨的素菜。全部都係 正式傳統齋菜， 而且全部都係用手工 製作。今晚食咗個好神奇嘅菜式「 牛肝菌煎芙蓉鮮竹」 鮮竹比起蒸水蛋還要滑 外面煎到香脆。 就連我媽媽都食到豎起個手指公，bb都食得好 開心笑。叫咗個四人餐有好多嘢食，一定食得飽。另外， 我哋仲叫咗個福袋 裏面裝咗好多唔同嘅餡料，食落好豐富非常特別。飲品飲咗杯 蘋果醋 但同平時飲嘅有啲唔同 我感覺有啲似蘋果梳打只係輕微少少酸。

年紀大了要開始控制飲食，開始多了吃素。今晚朋友介紹來到一間新派中式素菜館晚膳。地點隱蔽，但內裏別有洞天。餐廳環境企理，座位之間空間多，侍者有禮。在他們推介下點了以下菜式。鮮淮山腐竹，腐竹豆味濃郁，配上爽口的淮山和麻醬，是不錯的惹味前菜。牛肝菌芙蓉腐竹，絕對是誠意之作。這是模仿芙蓉蛋的菜式，卻是純素版。大廚以切碎的腐竹，混入牛肝菌，蘿蔔，芽菜等。在沒有蛋漿，生粉水等的黏性下煎香，難度極高。且吃下來不覺太油膩，食材鮮味十足。一品燒賣以燒賣皮包着菠菜，素肉，雜菌等，咬下煙韌又不會太黏口，食材味鮮，不錯的配搭。客家豆腐，豆味香濃，本身十分軟稔，但釀上素肉的底面卻煎得香脆，可見廚師的功力。配上鹹香的醬汁和娃娃菜，十分下飯。重慶龍口粉絲帶有微微麻辣，粉絲煙韌，配上各式蔬菜粒，惹味又飽肚。甜品點了焦糖海鹽純素雪糕，充滿椰香，配上焦香和微鹹，有驚喜。這間菜館雖然價值略高，但菜式新穎高質，環境舒適，值得推薦。

Went back for the eggless beancurd omelette because I was really craving for it.The taste was so much better this time because it was not so oily.The middle part of the omelette was so creamy and runny just like a real omelette while the outer part of the omelette was not so soft with a nice crisp texture to it.Also had the Sichuan chicken which I forgot I ordered before. It was rather salty because of the sauce and I didn't expect it to be fried.I couldn't resist the dimsum so had some fried du