影片
更多
2017-05-13
80 瀏覽
有放工後仲會一齊飲飲食食O既小伙伴真好～一行三人收工去試新野～！家陣興綠色生活，今次食公司附近呢間新開o既素食館-尚素 The Veggie-埋位梗係睇睇餐牌先～價錢ｏ係範圍內，咁可以開飯啦～！ 返工咁辛苦，一定要整碗翅醒腦提神～$48/盅 – 竹笙燴素翅用料同味道都唔錯，亦唔似出面得碗有味水=.= 跟手再黎主食!$68 – 椒鹽金針菇～味係好o既～只係金針菇呢種食材炸完我覺得好難搵 $88 - 麻婆豆腐 我覺得係必食～！滑滑o既豆腐加埋惹味o既麻辣香，真係冇得輸（流口水） $138 - 牛肝菌煎芺蓉鮮竹，據講係Signature Dishes (menu亦有做特別介紹)純素version o既”香煎芺蓉蛋”都算得上係誠意精選～煮食白痴(呀即係我)是永遠睇唔透到底點可以冇蛋但黏TT ^^”軟嫰腐竹加埋香噴噴牛肝菌，送飯一流！ 壓軸登場，是日精選 $128 - 菌香尚素福袋！！！！（拍手掌）意頭呢家野真係好緊要（神婆上身）講３次：荷包常滿，好！重！要！！！ ……… 好～我認我影得佢有點… 特別～但佢賣o既係內涵！ （話說我好似聞到陣黑松露o既香氣～～～～～～～) 成餐飯最最最開心
家陣興綠色生活，今次食公司附近呢間新開o既素食館
-尚素 The Veggie-
埋位梗係睇睇餐牌先～價錢ｏ係範圍內，咁可以開飯啦～！
返工咁辛苦，一定要整碗翅醒腦提神～
$48/盅 – 竹笙燴素翅
用料同味道都唔錯，亦唔似出面得碗有味水=.=
跟手再黎主食!
$68 – 椒鹽金針菇～
味係好o既～只係金針菇呢種食材炸完我覺得好難搵
$88 - 麻婆豆腐 我覺得係必食～！滑滑o既豆腐加埋惹味o既麻辣香，真係冇得輸（流口水）
$138 - 牛肝菌煎芺蓉鮮竹，據講係Signature Dishes (menu亦有做特別介紹)
純素version o既”香煎芺蓉蛋”都算得上係誠意精選～
煮食白痴(呀即係我)是永遠睇唔透到底點可以冇蛋但黏TT ^^”
軟嫰腐竹加埋香噴噴牛肝菌，送飯一流！
壓軸登場，是日精選
$128 - 菌香尚素福袋！！！！（拍手掌）
意頭呢家野真係好緊要（神婆上身）講３次：荷包常滿，好！重！要！！！ ……… 好～我認我影得佢有點… 特別～但佢賣o既係內涵！ （話說我好似聞到陣黑松露o既香氣～～～～～～～)
成餐飯最最最開心係咩？ 竟！然！有！happy cow！！！！！ 呢隻香港製造o既純素雪糕最近多左餐廳有得食亦多左好多銷售點
由於係純素，雪糕原材料係用椰奶同椰綜糖，第一次食頭幾啖會覺得好似飲緊椰汁冰，嗒落就停唔到口（笑）
有機會想試哂其他口味，今次點左鴛鴦芝麻試下先
$38 – Happy Cow 純素雪糕 125ml
3個小女子飲飽食醉，連飯﹑飲品﹑甜品計埋加一每人大概$300
以服務態度，食物質素黎講都算優質～
而且環境唔錯，大班朋友聚舊傾計亦係唔錯o既選擇！
張貼
