尚素 (已結業)

今日一家大細三代同堂帶住個bb一齊去食齋菜。 唔講唔知觀塘工業區有個新起嘅商場，地方雖然唔係好大。裏面都有幾間似樣嘅餐廳。如果唔係朋友介紹都唔會識得搵到呢這間「尚素」食齋嘅餐廳。門面唔算好特別，但係就好簡單直接的裝修。menu 都冇d古靈精怪，要扮叉燒/鴨的素菜。全部都係 正式傳統齋菜， 而且全部都係用手工 製作。今晚食咗個好神奇嘅菜式「 牛肝菌煎芙蓉鮮竹」 鮮竹比起蒸水蛋還要滑 外面煎到香脆。 就連我媽媽都食到豎起個手指公，bb都食得好 開心笑。叫咗個四人餐有好多嘢食，一定食得飽。另外， 我哋仲叫咗個福袋 裏面裝咗好多唔同嘅餡料，食落好豐富非常特別。飲品飲咗杯 蘋果醋 但同平時飲嘅有啲唔同 我感覺有啲似蘋果梳打只係輕微少少酸。