尚廚

營業中

休息中

上次大概1.5年前去tea buffet, 女職員回覆是不包咖啡奶茶，因已有果汁供應（當時她的態度不太友善），不知現在是否也是沒咖啡奶茶呢？ 另外，沙律菜很新鮮，讚。 回覆後會考慮光顧，收到通知4-5月有75折安排。

公司春茗，請食自助LUNCH。地點係近近地既尚廚，依間野都唔係第一次食。記得上次食都OK既，有蠔，有燒牛肉，羊肉，魚生果D；又唔係貴，其實普通人回本真係唔難。不過我咁細食，就覺得點都回唔到本。一開始食左燒牛肉同羊肉，重有焗蕃薯仔；牛同羊都幾好味，羊唔會好穌。跟住食左魚生，壽司同生蠔。今日D生蠔勁細隻，冇乜肉，重要開得勁慢，我已經等冇人排先去拎生蠔，但等佢開都等左幾個字；同埋壽司款比較少，重有就係唔知係咪平日，佢好似冇乜人手咁，刺身雖然已經切好晒，但都要等職員分配，而個職員又成日行黎行去，真係明明冇人都要等。食完主食，跟住食左碟沙律；本想夾多D生菜，但冇人refill，得幾塊。蛋糕，應該有既我都拎齊；依D對我黎講先係主食呢大多數都幾好味，我見其實佢會refill唔同款既蛋糕出黎，可惜我已經食唔落，如果唔係我都想再試。豆腐花同椰汁西米露。豆腐花好滑，而且可以比我勁落紅糖，真係好好味丫。西米露，可能因為我食完豆腐花先食，覺得一般，不過椰汁味都幾夠。跟住重食左雪糕同埋小杯布丁果D，甜品款式真係算係咁啦，唔錯，如果雪糕有朱古力針果D 就好啦，唔知點解佢放勁多軟糖出黎比人做topping囉。另外佢

經OpenRice 訂位有八拆優惠，拆後每人約190元（巳抱埋加一）原價是208元。食物是擺明下價貨，（已經預左）但竟然包括有檸檬茶、橙汁、咖啡或茶是任飲。👍👍服務很好好，👍👍，更加抵讃是👍👍另加88元有紅、白酒任飲，（基於有這優惠才卜位）我是會再次來的，因為勝在有酒任飲，對食物是沒有要求。差點忘記，有雪糕任食，這個要讚👍👍。如果有某些人只希望同朋友吹下水，飲下酒，這個是一個很要好的地方。

臨時臨急搵餐廳慶祝生日，將軍澳好多都食過又冇乜邊間好特別，就一於試下酒店既自助餐！經openrice 訂位有7折，算係抵！準時18:30入到去，人唔多，獲安排左近甜品既梳化位，好舒服！夠鐘會有侍應提你可以拎野食，貼心抵讚！一開波拎左中湯，有桃膠可以補補之後拎左蟹腳，蜆（有沙），生蠔（細細隻肉薄冇乜蠔味），凍蝦，仲有魚生，味道正正常常！熱盤都有唔少選擇，連燒味都有！不過都係冇乜邊隻突出！野飲有咖啡奶茶檸茶，甜品一般，大路既綠茶蛋糕、芝士蛋糕，仲有豆花！試左粒龍鬚糖反而幾驚喜，鬆化唔太甜，encore左！重頭戲係分子紅豆雪糕！睇住佢整，好多煙，啲小朋友好開心！雪糕個味好紅豆，不過諗唔明同分子有咩關係！另外仲有哈根大師放題，最少有成七八隻味，啱曬各位甜魔！最後仲有件生日cake。。不過太飽食唔落，又唔比打包，只好白白浪費！

推廣期間預先在網上訂位和付款，晚餐成人每位390元左右，比原價約有65折。週一晚上七時前，約有一半坐滿，整晚只有半滿，所以環境寧靜，服務人員也夠。餐飲如不需飲酒或果汁，基本奶茶咖啡檸茶蜜糖都任飲，是次新年期間做鮑參翅肚主題，有幾款特別街外又無的熱盤。如黑松露薯容，燕窩蟹肉酥盒，都是特色的熱食，而且味道也好。每逢供應有限的食物岀爐，廚師會搖鈴通報客人，在開放式廚房中，今晚捧岀西班牙海鮮燉飯，當中有鮑魚仔，可能是平日晚上，全晚只岀了一次。錯過了就無得試。甜品也有特別的份子料理雪糕，也是全晚只上一次呢。總體而言，晚餐來說價錢算平，也有特色。下次再有節日的主題，可以一試

偶然看到這自助餐廳用海鮮做主題，就選擇年三十去試試，以為那天應不會太多人，最後都全場滿座。食物種類繁多，主角海鮮部份有蟹腳/海蝦不停添貨，好味又食得滿足。生蠔即場開每人每次三隻，確保客人食到最新鮮的，好欣賞這個安排。其他熱盤/刺身都好夠水準，甜品部份還做了應節的，明顯在安排菜式時儘量包攬各類型客人，有別以往食過的自助餐菜式，顧得款式多又顧不了味道，這家兩方面都能兼顧。找個時間會再試中午自助餐，看看質素能否跟晚市相同。

爸爸生日一家人想食好啲！但係佢又成日唔肯俾我哋請食飯，於是第一次用OpenRice嘅折扣優惠！估唔到價格超值之餘環境仲很好，食物種類又好多！特別想稱讚嘅係海鮮部分！無論係數量定係種類都好多，而且好新鮮，加上工作人員嘅效果都好好，就算係最受歡迎嘅蠔，明明好多人都會去拎，但唔會好似其他酒店咁樣慢慢開，結果累積左一條超長嘅人龍出黎強烈推薦鵝肝多士，鵝肝份量好足， 外脆內軟，一啖食落去完全係滿足嘅感覺，明知會肥都忍唔住食咗好多件

第一次來食大概四五年前當時比我的感覺係不值得食的buffet因為食物一般 亦都選擇很少今日book左位7:30pm 兩位7拆再加一，平均一位406晚餐buffet有生蠔有蟹腳 算是價錢平宜因為我比較大食😂雖然食物選擇依舊少但食物質素高左呢個湯味道不錯，愛黑蒜 重味，岩晒不過就見佢加左鹽，比較重味另外我比較中意生蠔瘦生加重海水味所以今次岩晒我食左30+隻而且係即開加上人唔算多次次都排第一至二，非常快甜品就只食左雪糕和火焰雪山雪糕7個口味 算不錯火焰雪山就不太好，蛋糕比較實Over all生蠔和長蟹愛好者，見到有折，不妨食下不過可能位置太入，沒乜人執枱

突然興起想食自助餐所以就揀間價錢平靚正嘅去食，見到7折就過左尚廚 整體都好食 最中意黑蒜一桃膠螺頭燉湯 同生蠔同其他海鮮都好新鮮 不過就咁岩見到沙津吧有曱曱經過🤪 之後就唔敢食lu 魚生普通啦 壽司就冇特別可以唔洗試甜品我覺得個紅豆燕窩雪糕真係普通左d 可以唔洗排隊去拎🤨。同火焰雪山都係 個蛋糕底太厚又硬但唯一就係服務真係爭咁d 個場人不多 下午9點度 收嘢速度好慢 d員工仲自己行出黎拎嘢食😅有d無奈真係不過整體都算係咁。埋單812 真係平靚正嘅 呢個價位值囉

今次再去係因為屋企人想食自助餐加上見到有長腳蟹自助餐就決定去呢間。今次再去食物選擇多咗，質素都高咗。蟹膏餅真係好新鮮好好食，拎咗好多件。長腳蟹都有好多肉好抵食！甜品方面都有好多款，又有好多特別嘅雪糕同蛋糕好似乾冰雪糕同火燒（？）蛋糕，大人細路見到都排長龍。飲品方面有咖啡機、酒同茶，都係自助形式但眼見都係拎茶同酒多可能因為咖啡機個位唔太顯眼。雖然枱上每款食物嘅數量得幾舊，畫但d食物fill得好快，唔怕食唔到又新鮮d最後要讚下員工態度好好，收碟亦好快手！

我同我媽媽(75歲長者)及9歲囝囝星期四平日中午自助餐，見枱面有三張枱號卡，卡上有枱號及寫着可以比張卡比廚師，由服務員送上食物到枱號，當時感覺餐廳幾貼心，於是放心叫囝囝拿張卡去取粉麵，隔了一段間，怎料卻遠處看到囝囝拿着碗熱騰騰的粉麵，我怕他會燙傷馬上上前協助他，他說他有比張卡個厨師，但㕑師叫他自己拿，當時我還以為是阿仔梗係唔識同㕑師講，引起誤會;之後我媽媽又去取粉麵，我還叫媽媽拿張枱號卡比㕑師，免長者手震震去取免生危險，最後我媽媽也是同我囝囝說法一樣，最後我協助她取碗麵，如果酒店沒有些服務請不要再放這些卡。免生誤會及造成危險！

6 年前酒店新開張來食過一次 dinner buffet, 當時已經不太吸引。早排見屋企人 book 左枱, 又預埋我, 所以再來吃一次 dinner buffet!生蠔每人每次只限取兩隻, 即開, 但開得慢, 蠔亦不肥美。我不吃所以沒有試。家人取了海南雞飯給我, 拎左雞脾部位, 而且上面放左一隻鮑魚, 呢個反而有驚喜, 飯很香軟雞得滑。旁邊的牛腩麻麻地。後面果鍋肉骨茶就淡而無味, 排骨唔香且有雪藏味。更精彩的是這開邊龍蝦, 明顯是急凍龍蝦, 解凍解得不好, 很重雪藏味, 又韌又鞋又老, 而且每次只出十幾隻。食到無乜心機也沒影相了。後來再拎幾隻龍蝦也是同樣的難食。旁邊的羊排是後來出的, 不過很厚的肥膏也很酥, 只能說難食。唯一較好的是自助凍檸茶, 奶茶, 咖啡。最後只吃了少量甜品, pancake and ice-cream (不知牌子)!只能說, 永不會再來了!

聖誕蟹肉大餐，期待已久！真係好多款！食材好新鮮！款式好多！在聖誕節正日黎食價錢相對其他酒店價錢算是相宜！場內很有聖誕氣氛，周圍除有聖誕佈置外，還有聖誕老人同聖誕女郎與客人拍照！桌上還放置大量聖誕派對🥳用品供客人玩！用品很特別，本人都算是第一次見，比起其他酒店款式算特別同多！限量既食物需要排隊！而且出完唔會再出一樣款式！自助餐時間都算短，好快無得食！😭本人食5:30-7:30時段，未到7:30已有職員提示7:30直情要離場😱食得要好急！食物還算好多，fill野唔算好快！風乾火腿無晒，淨番配料，都無fill！但味道大致全部都不錯！很創新！特別係蟹肉既菜式！看得出廚師的用心！有一個海蔘花膠龍蝦湯（下面有一張相）很特別！味道很濃！有點驚喜！就算非蟹肉都很出色！

咁既價錢比d咁既野，d蟹好似好多好吸引咁，但係所有蟹都係冇味，好似隻隻一樣咁，得蟹腳比較好係有蟹味同鮮味，熱食咩叉燒蒸魚牛肉全部都唔得，炒飯其實幾好食既但係太咸，除左羊架比較好，甜品方面豆腐花都ok，其他好普通，馬卡龍又淋又太甜，有哈根大師雪糕幾好，之前係Facebook見到，睇落好吸引，去到發現其實冇咩食，好失望，所謂既聖誕氣氛只係一d細路仔玩具，好多餘，比咁多錢汽水都要再加錢好寒酸，不過可以自己整凍檸茶，反正呢餐十分唔值

首先入到座位有聖誕🎩、槌子、手掌拍拍等，然後聖誕老人逐枱合照及送小朋友禮物，頗有氣氛，食物種類都多，但拿食物排隊有點迫。有5種蟹，生蠔不算肥但新鮮，有鵝肝，有磯燒飽魚，三文魚也新鮮，花膠湯加海蔘是推介之一，唯一不足是甜品，如果再多一、兩款更正，有Haagen-Dax’s 我透過open rice訂，要全付款先才有8折，包加一，4大1小共2888，正正聖誕節這個價錢是超值，食物質素不差，食兩小時，食了個半小時還在加食物，這餐感覺超值