尚廚

營業中

休息中

和一班工作上的姊妹去食buffet lunch, 食物款式非常迎合香港人口味，衛生乾淨，唯一有少少缺欠就是甜品種類不及其他酒店的多, 整體而言, 我的評分是水準達標, 可以“食過番尋味”！

咁啱朋友講開，皇冠假日酒店嘅尚廚做緊早鳥自助晚餐六五折優惠，我就立即網上訂購，每人410左右，係真心抵🍱🥘🍲🍳🍕🌮當日我地6點半準時去到，已經見到好多人開始排隊拎嘢食，今次最吸引係有個湯飯係用龍蝦煮成嘅龍蝦濃湯，配料可以自選，有蜆，蝦，青口，雜錦海鮮等，仲有菜同菇，仲有1個好似飯焦嘅餅比你自己加落去，最後服務員就會幫你加半隻龍蝦落去就完成了，湯真係超濃龍蝦味，呢個值得食返兩碗的海鮮區:有加拿大龍蝦，螺，蝦，松葉蟹腳，北海道蟹等等，我個人覺得蝦係最新鮮好味，食咗超過20隻😉壽司區:壽司款式不多，刺身方面都係4至5款，質素尚可熟食方面:最好味係個酸汁燒豬脾，同埋鵝肝，同埋蒸魚好新鮮燒烤區呢度最特別有個燒烤區，有肉類，蔬菜類比大家選，選好後，你只需放底張檯卡，燒好後就會有人送到檯上，最好味係燒雞腎甜品區:甜品約莫有十五款左右，最好味係朱古力三重奏同芒果千層酥，仲有豆腐花Haagen-Dazs雪糕櫃:有七款口味，我最鍾意係意式咖啡蛋糕雪糕，好香咖啡味，食咗2碗😉飲品區:有咖啡，熱朱古力，熱檸水，凍檸茶，需要自己出去拎嘅總括嚟講，以咁嘅價錢，質素算不錯🤟🤟

很久沒有去吃自助餐，就找了藉口，為要增磅，而去大吃一番。生蠔源產地是紐西蘭，質感算是creamy的那一種，重海水味，欣賞這裡的處理蠔的手法，師傅即開、即沖水，然後即食，非常乾淨和衛生。日本刺身區，貴精不貴多，甜蝦原隻上，原汁原味，更高興的是，有帶子這選擇！肉質尚算厚肉，值得佔了肚皮一點位置。每次自助餐都必吃的凍龍蝦，肥美多膏，肉質鮮甜和彈牙！小編不太好熟食，所以只吃了一些魚肉，味道算不錯，尤是蒸魚，帶有牛油味道，挺特別的。來沙律吧吃一點沙律菜，清一清腸胃先～最後甜品環節，特別推介拿破侖、芒果糯米卷和清清甜甜的龍眼啫喱。每一聽到🛎聲，就會走出去排隊，這是珍珠榴連分子雪糕，榴連味濃濃的，加上珍珠，幾特別的配搭。食物的整體質素，都算不錯，與以前食的質素差不多，沒有降低了質素。

因地鐵keep住提早收工，所以只可在附近找餐廳食晚飯慶祝生日，睇open rice 食評好壞參半，但見星期一至五有75折，在沒什麼選擇下就姑且試一試，當日晚上6:30打去問仍然有位，而且4人同行壽星半價，另外3位仲有7折，比預期還化算，當然服務費以正價計。本來沒什期望，因為閒日可能食物選擇會較少，而且地點遠應該無乜外來食客，食物可能也無咁新鮮（因為流轉慢）⋯一上到去竟然都頗多客人，差不多半滿（當然餐廳不是很大），而且食物選擇亦很多，而且有些幾特別，有原盅燉湯，還是即煮龍蝦湯（有半邊手掌大的龍蝦，另外配料有十幾種自選），仲有即點BBQ, 即點即燒，燒好有服務員送給你，唔駛企響度等。有即開生蠔，雖然細隻但蠔味好濃。冷盤：凍蝦丶青口，凍蜆，日本蟹腳丶魚生丶壽司丶煙三文魚丶沙律吧丶冷麵丶芝士⋯ 的確，熱盤選擇較少，但我個人好少會食好易食飽咗嘅熱盤⋯ 另外prime rib 超好味😋甜品同水果巴都十分多選擇，而且差不多款款好味，因為好多細細件的小蛋糕或西餅，好多時好睇唔好食。基本上甜我一定試哂，得一款我個人覺得唔好食，其全部都好味。甜品：各式甜點丶龍鬚糖丶豆腐花丶朱古力噴泉丶Haagen daz

周年紀念日選擇了將軍澳的酒店自助餐。因為塞車，最後八點半才到達酒店，結果只剩下短短四十五分鐘的時間享用這次自助餐。自助餐的食物種類不算多，但當中也有些小驚喜。海鮮類：生蠔、長腳蟹、凍蝦、螺、青口、蜆，蠔食物略細但味道不錯，廉價之選。生蠔擺放位置較隱藏，不是看到別人向服務員拿取也不知有蠔提供。長腳蟹較瘦，凍蝦挺爽口不錯。刺生類：三文魚、吞拿魚、鱸魚、八八魚，尚算新鮮。壽司：有兩款卷物，熟蝦、蛋、魷魚及腐皮壽司。還有日式冷面，可以配沙律那邊的芝麻醬。沙律選擇不多，基本的沙律菜，沒特別。最具特色的是龍蝦湯飯，可以配上不同配料。熱熱的湯是濃濃的龍蝦海鮮味，加上半隻波士頓龍蝦，厚肉多膏。熟食：沒有太多種類，一般牛排、燒味、炒菜、鵝肝、石班魚等等，不過不失。甜品：也有不少選擇，最好食是士多啤梨千層酥，脆口鬆化。另外布丁乳酪cheese cake，味道也恰當，加上HaagenDaz雪糕六種口味任君選擇。最後，酒店送上周年小蛋糕，可愛小鴨配搭士多啤梨慕絲蛋糕，味道不錯！酒店服務卻一般，收碟整理檯面只收了一次。環境初期較嘈吵，後期我們像包場似的，哈哈！

岩岩9月九龍東皇冠假日酒店尚廚既自助午餐有優惠，用恒生信用卡有半價優惠，大人平日原價係$298 (另加一服務費)，折實價之後係 $178.8咋。最吸引之處係，佢自助午餐都一樣有即開生蠔，另外仲有其他凍海鮮，北美洲黃道蟹、青口、黃金螺、白蜆、熟蝦。聽講星期六、日及公眾假期仲會有供應松葉蟹腳。至於其他野食，同其他酒店差唔多，刺身壽司、沙律、頭盤、中西餐湯、主菜、海參鮑魚冬菇炆豬手、芝士咖喱焗蟹肉、即煮粉麵檔、叉燒煎蛋飯檔、日式鐵板燒、燒澳洲草飼肉眼扒、燒羊脾、甜品。味道正常，唔算好食亦都唔會太難食。而我最愛就係有Haagen-Dazs雪糕及朱古力噴泉。$200都唔使嘅自助午餐有生蠔同Häagen-Dazs雪糕已經係值回票價。而我帶個女去，兒童餐椅餐具呢啲基本野一定要有㗎啦，不過另外佢將餐紙原來仲可以填色，餐廳仲送咗幾支顏色筆俾佢。呢個安排真係要大讚，我可以好安心同安樂咁食咗兩個幾鐘嘅自助餐。今個月嘅優惠過咗唔緊要，其實呢個酒店自助餐成日都會有唔同嘅優惠大家想食就要留意住啦

是次揀選尚廚作為Wedding Party 場地，lunch buffet有即開生蠔、長腳蟹、刺身、燒牛肉及羊架、以各式各樣熱食及甜品，各賓客一致好評，尤其即開新鮮生蠔及花生🥜雪糕。Wedding party當然要有酒水，雖然lunch buffet 本身沒有提供，但尚廚可以加💰之後，包了及送出一定數量紅白酒給我們。👏🏻👏🏻👏🏻由於有斟茶儀式，經理Andy很貼心❤️安排了中式囍宴茶壺套裝，以及蓮子紅棗㖭，由籌備到宴會當日，一直到貼心安排，有求必應，再有其他包場活動，亦會選擇尚廚。😊

Tonight was my first time to try the beffet at Tseung Kwan O Crown Plaza, and I would say it was overall more of a disappointment than suprise. Firstly arrived at around 8pm saw the whole area was fully seated, the table they have arranged for us was next to the hot plate area, but between tables were so close that my elbow almost touches my neighbor's elbow. There were salad bar, sushi and sashimi, soup station, cold plate and cheese section. Supposing the time I arrived should be very busy and

成差唔多8，9年冇係到寫過食評，一路都有食開自助餐，但都冇寫，今日興致勃勃，就想寫下。入返正題，上網用左半價去買依個自助餐，星期日加埋一330，去到，地方唔大，爆場咁濟。拎野食既位好逼，因為隔離都係枱，搞到條路好窄，龍蝦冇味，食左一舊冇食，蟹腳還好，有海水味唔太咸，生蠔得一個師父剝，每次俾3隻，所以長期排長龍，熱食都係有蒸魚，煎雞等。另外有即燒排檔，豬頸肉好食，甜品方面有小小失望，得好小款，之前幫襯過2次係佢既網上商店買蛋糕，都好好食，可惜依到係冇得食佢網上商店入面既蛋糕款式。總括而言，有待改進。

好耐冇食自助餐，睇到尚廚做優惠，4人同行，生日個位半價，同行朋友平日就75折，週末85折。中午都有即開澳州生蠔，加上好多種口味既沙律菜、熱葷、甜品、生果、飲品，其實都值回票價。有個朋友好鍾意食生蠔，佢勁開心，不停食，食左30-40幾件左右（希望佢冇食壞個肚），根據佢食蠔經驗，澳洲生蠔雖然細細個，但係好夠蠔味，加上少少海水味道，配上檸檬汁，一流！我自己主打食沙律菜，食左2大盤，加上意大利芝士蛋糕、鮮果蘇、藍莓芝士蛋糕、綠茶慕絲、龍鬚糖、豆腐花、生果，仲有朱古力噴泉，非常滿足！

睇openrice以為buffet去到10：30pm.諗住打去問下，點知冇人接聽，服務員仲要入座前完全冇講，到我地食到一半先話buffet 9:30pm收，我當晚8：45pm先到達，點解可以唔提？？服務態度差！第二樣差既係食物種類太少，我本人好少寫食評，但75折後都仲要$4xx, 仲要冇咩選擇，實在失望！！！！！！！！！！！！！超級失望！！！！！又唔抵食，水準低，大家真係要睇清楚各食評先至好幫襯！！！

今次係第一來食，機於生日🎂又剛好撞上”Open X” 有75折優惠，所以近近哋在屋企過來食。呢倒鄰近將軍澳站C出口，一出C出口離遠見到Chocolate Store，旁邊有個出口，一出去就會見到酒店。十分之便利，5分鐘以內腳程。👍🏻🚶🏻‍♀️🚶🏻‍♂️揸車嘅人，亦享有3小時專人泊車服務。😉👨🏻‍✈️🚙一入到去一眼無遺，因為地方實質唔大。由於爆場關係，Request 咗亦一樣無得坐Window side😬🤷🏻‍♀️地方淺窄，只分三個攞食物區，一大三細分配。細係茶水🍵位、甜品位及雪糕Pancake位，大係刺身、冷盤、熟食及燒烤物。完。我係冷盤愛嗜者，所以熟食款式少對於我來講都問題不大😂😂冷盤得簡單幾款刺身，然後係青口、風螺、蝦🦐、蜆、長腳蟹及生蠔。生蠔係唯一吸引我嘅地方，因為都算新鮮，亦不停為食客開殻。👍🏻👍🏻另一款係即時Order 然後就即燒🍢🍗🍖，羊架都不俗，一啲都唔騷。至於每人送嘅花膠湯一盅，實在唔需要期望太大，屋企自己煲都好飲好多。😂😂熟食方面，據了解叉燒都好味嘅。至於甜品方面，款式實在唔多，我只食咗兩樣及兩個雪糕球🍧🍨。總結，好彩有Discount，埋單兩個人合共八百幾，否則過千元自助餐

今日與兩位長者去食自助午餐，價錢合理，食品款食及質素都與收費成正比例，但職員服務態度差，接待處職員問一句答一句，沒有笑容，因為安排了的枱污糟多處尚留有食物碎，請接待員安排抹清理一下，她拿了餐紙隨意抹一下（尚留有）表情認為是客人過份要求的表示已處理！長者取雪糕，已表示想要的兩款味道，員工給了一款後，再問長者要那一款，長者再答，員工不願的樣子再問，我走到長者旁邊看著，員工才多給長者示意要的另一款！⋯⋯⋯⋯⋯⋯⋯服務態度一個字：差！

炎熱的夏天☀️，熱到街也不想去，索性訂套票到酒店hea 一晚，套票包埋早餐buffet. 星期一早上食客不多，感覺悠閒，環境亦乾淨舒服。早餐款式蠻多的，中式西式應有盡有，而且食物質素也不差。茶和咖啡任飲，比較特別系有五青汁，夠曬健康😛。

今天是母親生日，一家人到尚廚吃自助餐，這裡款式多，有生蠔，刺身，任選燒烤，和Häagen-Dazs雪糕，每一還有一盅盅花膠湯，味道不錯，侍應服務態度好，還送上小小生日蛋糕，加上恒生咭有折扣，整體非常滿意