尚廚

營業中

休息中

為左慶祝同屋企人出去食 buffet，因有大有細，所以揀左中價 buffet。海鮮: 蝦，蟹腳，螺，青口，同生蠔。款式唔多吸引，蟹腳得雪味同咸味，生蠔又細隻仲有碎殼。刺身: 有幾款，但唔仔細講啦！因為想講重點，有骨三文魚，呢樣真係無得頂，連幾蚊雞嘅爭鮮都唔會出現呢啲低級野，佢竟然一次又係，二次又係，無言。熟食: 無乜選擇，唯一係烤物好食啲，有牛脷，冬菇，豬扒。同時期間限定嘅花膠湯，花膠OK，但個湯無乜味，仲要係得一煲，派晒就無，排成十分鐘先拎到 。。。甜品: 比較多款式，但味道普普通通，連我呢個好鍾意食甜品嘅人，都無乜興趣食多轉。整體真係，唔會再黎。