89
79
53
港鐵將軍澳站 C 出口
繼續閱讀
電話號碼
39830618
開飯介紹
尚廚(The Chef's Table) 提供豐富的國際美食自助早、午及晚餐，其中以特色凍海鮮盤為賣點，滙聚世界各地佳餚精粹及中西薈萃的自選菜譜，在充滿了溫暖和魅力舒適的小木屋享受美食帶來的樂趣，讓您大快朵頤。
繼續閱讀
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
有關餐廳
餐廳告示
消費加碼賞，循環消費，一路消費一路賺
2022-08-07
8月7日發放消費券，餐飲網上商店現已接受支付寶香港及WeChat Pay HK結賬，到店消費更可使用八達通、支付寶香港及WeChat Pay HK結賬；適用於餐飲及餅店(包括網上商店及到店消費)、宴會、婚宴及香港九龍東智選假日酒店住宿(只限到店消費)。
2022年8月7日至10月31日，用以上支付工具消費每滿$1,000，賞您$100消費加碼賞優惠券當現金使用，每次消費最多派發5張，於第二次到店用以上支付工具消費滿$1,000時使用，每次可累積5張一同使用；餘額又可賺消費加碼賞，循環消費，一路消費一路賺。
* 不適用於香港九龍東皇冠假日酒店檢疫住宿及相關的消費
尚廚自助餐網店
尚廚外賣網店
紫粵軒月餅網店
紫粵軒平日晚市堂食網店
紫粵軒外賣網店
網上餅店
詳情
有關獎賞計劃
招牌菜
食家推介
相關文章
8991 瀏覽
每年12月24日平安夜都揀聖誕buffet，因為母親生日，順便慶祝聖誕。今年11月頭，本來想訂心儀的【JW Cafe】，點知已經waiting 到廿幾位。唯有 book年廿九，真誇張！平安夜唯有按小公主意思，要有聖誕老人及朱古力噴泉。原來沒有太多餐廳有齊兩樣。揾下揾下終於揀到間在 Crown plaza 的【尚廚 The Chef's table】。呢間其實評語麻麻，不過真係抵。有長者優惠、又有早鳥優惠，平安夜午餐 2大2老1小連加一 $1900。平平地可以感受聖誕氣氛又有得食，性價比高。 【尚廚】的自助餐評語麻麻，心中沒有太大期待，懷著聖誕心情到達。到達已經差不多坐滿食客，加上放有不少聖誕裝飾，充滿聖誕氣氛。每個客人座位上都放有聖誕面罩讓人客配戴。首先出去食物區巡一圈，海鮮區有松葉蟹腳、青口、黃金螺、白蜆、凍蝦。最驚喜是呢個價錢竟然有港人食buffet最愛的生蠔，仲要即開生蠔（上次在 TST Langham 【The Food Gallery】竟然是急凍生蠔，超級難食又失望）。這裡開蠔地方比較隱蔽不太顯眼。當然有刺身、沙律吧、前菜。中式的有即煮粉麵（自己夾想要的麵及配料再交給廚師）及點心，一定飽！熱葷都有不少中式及西式選擇，沒有太大期待就沒有大失失望，就當兩餸飯都ok。當然有聖誕必要的火雞，不過筆者對火雞印象麻麻，覺得又嚡又乾……冇試。甜品區位於門口位置，自成一角。包芒果千層酥、朱古力布朗尼、芒果布丁、草莓奶凍、三層朱古力蛋糕……等。當然還有聖誕氣氛的甜品，log cake、聖誕糖果泡芙塔。小公主期待已久的朱古力噴泉！有水果、餅……但可惜沒有棉花糖，小公主非常失望。當然有自助餐甜品必有的雪糕，這裡供應是Haagen-Dazs，雖然不是一杯杯獨立包裝，尚且不錯。另外有少見的豆腐花、蛋白杏仁茶、雞蛋仔、葡撻、大菜糕。整體味道一般，最大賣點是平安夜自助午餐都可以如此抵食。
繼續閱讀
在將軍澳皇冠酒店staycation package包埋個早餐當然要去試下啦！可能都幾多人喺酒店住，去到餐廳，客人已經坐滿九成，早餐係自助形式，於是急不及待即刻出去攞嘢食。早餐都好多款式，有煙肉，太陽蛋，薯餅等等。另外一碟拎咗啲香腸，薯餅，火煺，太陽蛋，最特別就係有個粢飯，粢飯好好食，真係印象難忘，無得頂👍重有好多唔同嘅款式嘅點心，有燒賣，牛肉，素餃，糯米雞，一般酒樓味道。最難得仲有粉麵，有師傅專人煮車仔麵，任你點，有魚蛋，牛丸，水餃，菜及不同種類的麫，早餐大致上都好豐富，種類都唔少，加上飲品也任飲，CP值高。
繼續閱讀
之前嚟過一次食呢個「蠔得喜」自助午餐，雖然食物選擇都唔叫多，質素都尚可，最吸引就係任食生蠔（咁餐廳都用呢個做賣點啦），用酒店網預購有折，二百幾蚊，都叫做OK啦幾抵食嘅。於是相約朋友第二次嚟食，就覺得唔同咗兼食得唔係太高興。原因係今次戴眼鏡開蠔男師傅，好明顯有意放慢手腳開蠔，甚至假動作抹下個星盤，又或者沖水沖好耐，好似搵好耐都搵唔到隻蠔個入刀位呢d，都真係唔係我疑心大，而係戲味太濃。雖然唔肯定呢個做法係公司為慳成本order師傅咁做，定係師傅唔想咁辛苦自己咁做，但作為顧客，餐廳生蠔已經係每次只可以拎兩隻（又已經係細細隻嘞），而一路排隊一路睇住個師傅0.5倍速咁開蠔法，我覺得作為一間酒店直情downgrade咗（其他staff係冇問題嘅)，去到一個位我真係忍唔住要出個食評，希望餐廳有所改善，寧願你收貴少少，好過做埋d無謂嘢。排緊隊時你又唔可以食住其他嘢，餐廳以慳錢角度睇都算叻嘅。第二次去甚至覺得熱食選擇都少咗，上次有pizza，今次就冇嘞。其他食物唔會有咩係好差，但又冇乜令人喜出望外嘅食品，始終選擇比較少。同埋見到個開蠔師傅咁真係影響心情影響食慾。希望之後睇到食評係有讚返有改善，如果唔係真係不了，你個buffet改名做「蠔不起」更貼切啦好嘛？
繼續閱讀
第一次在尚廚吃自助晚餐，但食物質素並不是五星級酒店。龍蝦肉質比較硬，松葉蟹腳好鹹，建議和沙律一起吃，生蠔味道OK，但每次只可以攞兩隻，要吃六隻便要排三次，浪費時間。第一次攞的鴨肝是焦味，第二次是正常。白切雞不夠滑，熱燻亦不多，燉湯好味😋。西冷牛扒味道一般。甜品多選擇有雞蛋仔，士多啤梨拿破崙，Häagen-Dazs雪糕。可惜沒有pancake，也沒有窩夫和栗子蛋糕。如果沒有會藉買一送一券，不會到訪。
繼續閱讀
之前食過幾次crowne plaza嘅tea buffet，覺得唔多野食，唔太impressive。今日，家姐生日，見佢又做緊discount，決定試試佢嘅dinner buffet，喜出望外！清蒸龍脷，又嫩又滑！長腳蟹、龍蝦，源源不絕！龍蝦有膏，蝦夠新鮮！有我鐘意嘅馬刀背熱食最欣賞燒豬腩肉，白切雞亦不錯。呢到出名甜點多款朱古力脆皮mousse，必食！鮮果tart夠新鮮又有小朋友最意的朱古力fountain下次再嚟試午餐！
繼續閱讀