尚八日式燒肉店 (已搬遷) 新店位置

3個男人星期六過開尖沙咀行街，梗係要預book定燒肉放題食一餐反正行街時間隨順就，我地就book左17:00特價時間去食。上到去其實地方唔係咁大，我地坐正門口位，由於時間比較早，都無坐滿人。由於有三個人，原本需要加錢嘅刺身都會送一盤細嘅比我地。如果再想食就唯有加錢了。三條友至在食飽就算了。食完刺身都叫下沙律前菜，之後就不停燒牛燒豬了。整體牛肉都比較偏暗紅色，油花就都正常。質素附合個價錢，牛嘅種類都唔少嘅，有少量內臟；而款式就一般（不過好過另一連鎖式種類得幾種，只係唔同腌法當種類..）至於飲品類款式就唔多，綠茶百事韓式忌廉奶等等。另外，值得一提呢間係有3-4種附加項目，如刺身+$xx, 和牛+$xx,酒類+$xx. 按自己喜好可選（不過一加估計要成枱都加吧）最後，Memu上面有唔少野都會有寫限量供應，例如清酒蜆，薄燒牛舌等等，有需要真係要叫定先。1700入坐都有機會無...（不過清酒蜆無乜酒味..蜆係正常都肥嘅）真·最後，埋單按memu連星期六日後加價再加一一人$230左右。總括黎講，特價時段任食都幾好

很久沒有吃燒肉放題，看到尚八有相公最愛的牛肉刺身，便立刻訂座準備吃一頓豐富的晚餐。我們選了和牛放題，當中包括一個刺身拼盤，拼盤中甜蝦鮮甜，三文魚丶油甘魚和帆立貝都有雪味，赤身和海膽味道較差，感覺不太新鮮。牛肉海鮮拼盤的牛肉比較韌，厚切的根本咬不到；香草牛油廣島蠔很重牛油味，味道不錯；蝦肉有點＂霉＂；蜆味道正常。和牛拼盤有三角丶外腿丶前肩三款，有淡淡的牛味，除了外腿偶然有根外，基本上都很軟腍肥美，當中和牛三角略嫌過肥，不過之後加單已有改善。除了和牛，我們也點了其他肉類和海鮮，當中以雞腎丶牛舌和壺漬牛助骨肉最為美味。熟食方面，我們期待的牛肉刺身當晚並不供應，另外點了七味雞軟骨和清酒煮蜆，雞軟骨香脆惹味，清酒煮蜆則淡而無味。甜品是牛奶公司雪糕，堅硬無比，所以最後放棄了。以燒肉放題來說，這裡的質素不錯，服務也不錯，沒有漏單，上菜速度快，抽風做得好，可以再去。

之前我地已經試過旺角果間尚八，今次再想食日式燒肉我哋就諗起尚八啦！今次我哋專登搵部另一間分店試下，我哋今晚就係尖沙嘴分店搵食！通常是一樣呢度食燒肉都係放題，可以因應自己嘅要求而選擇唔同價錢，豐儉由人。我哋今次就豪一豪佢，試吓和牛放題。確定我哋食邊個套餐之後，就即刻去睇吓有咩飲品選擇。種類都算相當多，總有啱你選擇。我攞完嘢飲返去好快就送咗一個刺身拼盤上嚟。質素都相當高完全唔似係放題，尤其是海膽，十分鮮甜。啱啱食完刺身我哋叫嘅小食就馬上放喺我哋面前。各款都相當不錯！其中最令我哋驚喜就係呢個尚八泡飯，十分美味！今晚最重要嘅主角上場啦！就係有三個唔同部位嘅和牛。質素相當相當，完全唔似食緊放題。最緊要仲係任食。其他燒肉都依然保持水準。呢間放題燒肉店我地一定會繼續支持！

今日我係咁喺男朋友耳邊話想食燒肉、食燒肉、食燒肉。。。。。。佢話怕左我唯有如我所願啦XD有朋友推介過尖沙咀嘅尚八日式燒肉店，我地今晚就決定食呢間啦~普通燒肉放題就$288，我地就揀左食A4和牛放題（黃金時段$418一位）真心覺得好抵食，因為如果你出面單點一兩碟A4和牛，都已經差唔多呢個價錢。佢提供三款A4和牛，三款都各有特色，分別係A4和牛前肩、A4和牛外腿同A4和牛三角。當中我最鐘意牛肩肉，佢肉質柔軟，食落肉味濃郁。呢到可以refill，絕對cp值爆燈！每枱仲有一碟刺身送tim，雖然係送嘅，但都好新鮮！除左A4和牛，仲有成本menu嘅食物可以叫黎燒tim，真係好正！我就當然狂叫我最愛嘅金菇菜、菇類啦，呢到會有埋個錫紙碗仔比你燒，咁d金菇菜就唔會燒焦曬！燒菠蘿都唔錯，d菠蘿好甜，一d都唔酸。男朋友就鐘情燒蝦呀蠔等海鮮，都好新鮮！飲品都係任飲，可以自己去出面雪櫃自取~整體黎講，我係好推介大家去食！下次要再黎過先！

近日尖沙咀有人滿之幻，間間餐廳都爆滿，只有轉戰樓上餐廳。這間燒肉店位於亞士厘道，是樓上店。午餐有八款燒肉套餐，以及九款丼物烏冬。價錢十分平易近人，只是$58-$88厚切三品燒肉定食$78這定食有岩鹽厚切牛舌、特上厚切牛胸腹、鹽燒厚切黑豚，每款三片。雖然定價只是$78， 但肉的份量十足，而且肉色嫩紅而不是暗紅色，沒有將價就貨。三款之中，以厚切黑豚最為味美。黑豚是肥瘦相間五花肉，烤過之後，脂香四溢，肥膏變得爽嫩，加埋肉香，juicy 又味美。牛舌是厚切，口感十足，有部分帶點嚼勁，有部分又肥美爽嫩，真叫人又愛又恨。而厚切牛胸腹沒有想像中的軟嫩，肉質帶一點柔韌，雪花紋唔多，要多花勁咀嚼。朋友點的玉子温泉雞烏冬$65賣相唔錯，而且十分足料。可是味道只是一般而已，雞肉唔鞋，湯底比較淡囗，味道方面沒有什麼缺失，但也未致想encore. 份量足。在尖沙咀以這個價位，絕對無乜要求，是ok的。

放題比好多人的感覺都比人一種將貨就價的感覺⋯無論係刺身還是燒肉都會係比較次一級的食材⋯但近排係網上見好多人大讚呢間有和牛任食的燒肉放題，所以早排同朋友放工就黎試下，睇下究竟有幾堅！講返價錢先，係星期一至四晚上7至9:15呢個繁忙時間食普通燒肉放題就$288，至於任食A4和牛燒肉的價錢為$418。價錢還算Okay，而且比多$130就可以任食A4和牛，食返幾碟和牛都係返到。一坐低職員就先比左一碟海鮮及牛肉比大家燒住先⋯ 我特別鍾意個香草牛油廣島蠔！Size唔細之餘，當蠔熟左時，已經吸滿甜甜地的香草牛油的香味，勁好食！另外，蜆無沙之餘仲厚肉大隻！另外，每枱食客都可以有一碟免費的刺身，唔夠食的話仲可以每人加30蚊任食⋯ 三文魚及呑拿魚都好新鮮，唯一不足係切得薄左少少。甜蝦都新鮮無苦味。最得我味蕾歡喜的係帶子及海膽！帶子口感夠爽口，而且味道鮮甜。用眼見到海膽色澤金黃，而且顆粒狀明顯就知佢夠晒新鮮，入口仲鮮甜。一坐低當然就叫左一份三款日本和牛啦，當中有A4和牛前肩、A4和牛外腿、及A4和牛三角。係三款和牛中，我比較鍾意A4和牛前肩肉。肉質柔軟細膩，脂肪唔算多，所以肉味較濃。A4和牛外腿的肌肉較結實

早前老公🍋聽聞尖沙咀有一家食店📍，在提供和牛放題🐮，牛魔王的他馬上雙眼發光🤩，雖然人妻🐷吃得不多，但這晚就捨命陪老公吧😘。如果不想食和牛🐮，其實店內亦有提供普通放題的😌。除了和牛🐮，當然也提供了多款食材了😊，手卷🙌🏽、刺身🐟、壺漬🍵等，不能盡錄😳。店內環境寬敞😲，抽風系統也很好👍🏽，絕不會被油煙包圍😁。2小時的倒數馬上開始⏱，時不宜遲😎！前菜🍱：剛開始😌，店員先為我們奉上前菜😋，而前菜除了牛肉外🐮，更有蝦🦐、蜆🐚及香草蠔🌊。蠔加入了大量牛油及香草🌱，不但口感肥美🤤，更是香氣十足👍🏽。刺身拼盤🍣：另一份店員為我們奉上的🤩，三文魚🐟、帆立貝🐚、吞拿魚🐠等，更有人妻🐷最愛的海膽🌊。海膽味道甘甜😋，質感細膩😍，入口即溶🤤。刺身新鮮味甜👍🏽，最後我們再點了一次😁。和牛🐮：主角上場了🎊！店內提供的和牛共有3個部位3️⃣，和牛外腿是指牛小腿以上的部份👣，紋理較粗🙂，相對上脂肪較少😌，入口肉質扎實有嚼頭😋，味道濃郁👍🏽；三角肉是指牛腹與腰脊中間部分🤔，脂肪較多相對較多🤩，油脂的香氣在口中擴散🤤，豐腴嫩滑😳，成為了人妻🐷全晚最愛💘；至於前肩🧐，正如其名是指前肢的肩膀位置💪🏽，由於該部位運動較多🏋🏽‍♀️，因此

第一光顧感覺員工服務有善!食物新鮮，比一般燒肉放題高質，佢有一個價錢係和牛放題，本人就覺得不需要叫這個餐，因為和牛都比較肥，食唔到幾多夠就會食唔落，因為佢普通牛肉已經好新鮮，好好味了！佢哋每一個員工都非常之友善，會好留意你個碟有冇食物殘渣就會幫你收走，好多放題店可能你要出聲佢先會幫你，這點到值得一讚！地方雖然唔大，但係乾淨，一入到去都唔會覺得好大陣燒烤，飲品方面雖然唔多選擇，但係已經足夠，如果朋友聚會不妨一試！

由於家人在中秋節當天要上班的原故，已經提前吃過團圓飯了，所以中秋夜約朋友一齊吃燒肉過節。本來還擔心餐廳會因節日原故，而取消早鳥優惠或是沒位，幸好兩樣都沒發生😊。當晚5時入座，餐廳已經半滿座了。早鳥優惠時段是晚上5點至7點，最普通的燒肉放題是$178+1，放題中包含各款飲品、牛豬羊雞肉品、還會送一盤刺身(加$30可以任點)。如果習慣飯後吃甜品的朋友，應該會有點失望，因為這裡只有一款甜品，而且每位只有一份，就是雀巢雪糕杯(香草、巧克力、芒果三款口味)😑。首先職員會先送上一盤刺身，裡面有海膽、三文魚、赤身、帶子、油甘魚、甜蝦。由於本身不喜歡吃赤身，所以沒吃，除了它之外，剩下的都不錯，特別是海膽、三文魚和甜蝦，十分鮮甜!!首盤燒品大蝦雖大，可是肉質不彈牙、又霉又散的、也沒有蝦鮮味，不推介。牛油蠔燒完都沒縮水。蜆大顆沒沙，肉又鮮，每回都有點它。牛肉粒燒完後很韌，咬不開…丟了..😖海鮮選擇不多，除了普通大蝦外，還有牛油大蝦，可是蝦肉一樣的不新鮮😩。牛油香草帶子，只能吃到香草味。😑餐廳還提供香草羊架，餐紙上還說是推介品。燒後的羊架肉質雖嫩、沒羶味，不過咬下去只有香草味，嚴重蓋過其應有的羶味，而香草的

識食一定食A4和牛放題，因為散叫幾份A4和牛已經等於一個人的放題價錢！即係話只要叫幾份A4和牛，已經可以回本！我地再加$30任食刺身，同樣都叫左好幾次！刺身拼盤首先餐廳會送一盤新鮮的刺身拼盤，會按人數增加份量！所有刺身非常新鮮，當中我最喜歡的是海膽，鮮甜美味！之後就係今晚既重頭戲，有三個不同部位的A4和牛，任點任食！職員非常詳細地講解三款和牛嘅不同之處，以及燒既方法和調味方法！三款A4和牛只需要點少許海鹽就可以！三款A4和牛的色澤嫩紅，油脂分佈平均，賣相非常吸引！A4和牛外腿係三款和牛中肌肉較多的，所以最有咬口，但同普通牛肉比較，都係好軟淋！而且好重牛味，好味道！A4和牛前肩油花比較多，有少許入口即溶既感覺，牛味濃郁！正呀！A4和牛三角油花最多，極之肥美，真係入口即溶！牛味濃郁得在口腔內久久不散，令人一試難忘！我地點左好幾次A4和牛三角，質素都係非常高！除左以上三款A4和牛之外，我地仲點左前菜，沙律，海鮮，其他燒肉，質素高，味道好！尚八特式野菜沙律清新開胃!尚八豆腐一口芝士即點即炸，熱辣辣，脆卜卜!燒鮮菠蘿鮮甜多汁，清新解膩!山葵極上一口牛尚八秘制壺漬牛肋肉調味剛好，更能帶出肉的香味！

人生苦短，要食就要食好啲 😆😝抱住呢個心態，所以今晚去食日式放題就揀左A4和牛 黎食，間唔中先食燒肉，一次半次冇所謂啦😺😌😌😌坐低左冇耐，侍應就好快手上左刺身同埋和牛啦，咁就可以一邊食刺身，一邊燒住和牛同埋睇menu 叫菜，好好用盡呢兩個鐘食野燒和牛其實都幾難，因為和牛既 油份好高好易搶火，大家要集中精神燒啊。我哋燒第一轉和牛既時候，太搶火，出哂煙，所以侍應都忍唔住黎幫手，成件事就變成有專人燒埋等食既廢人餐。哈哈哈雖然和牛本身都好好味，但係侍應燒個幾舊係全餐最好味既👍🏻👍🏻😌😼😀🙂 重點係服務好好囉😍雖然係食日式放題，但係都有好多其他野食選擇，刺身、小食、壽司、湯飯。叫咗幾個小菜都非常好味，芝麻雞翼、豆腐就算唔係食和牛，呢度其他肉類（牛肋骨肉、一口牛） 都好高質、特別，都要試下燒其他肉類、小物（推介菠蘿、番薯仔）P.S. 最後仲有雪糕食

今次真係要讚下個老公👍🏻，因為早排佢話想食日式燒肉，咁我叫佢自己上網搵，最後佢搵左呢一間，預先訂定枱，晚上7:00準時到達，唔駛等就可以入座👍🏻，入到去環境舒適，服務員好有禮貌，我哋決定食A4和牛放題😝😝，再加$30任食刺身，首先會有一個刺身俾我哋，刺身非常新鮮，同埋會有三款A4和牛俾我哋試吓，職員非常有耐性地講解三款和牛嘅不同之處，而呢三款和牛唔需要點汁食嘅，只需要點上海鹽就可以，首先係A4和牛外腿，呢一個因為肌肉較多，所以係呢三款裏邊最有咬口嘅一個，但係都已經好冧👍🏻好重牛味，，第二款係A4和牛前肩，油花比較多，呢個有少少入口即溶嘅感覺，好重牛味，好好食，最後一個係A4和牛三角，油花最多，入口即溶，咬落去嘅時候成口都係牛油👍🏻，呢一個真係勁好食，除咗以上三款A4和牛之外，亦有其他嘢食選擇，前菜、沙律🥗、海鮮同埋其他款式嘅燒肉，唔好以為其他燒肉個質素會差啲，真心講句一樣咁好食👍🏻👍🏻，計埋加一，每人$500有找，聽落好似好貴，但淨係個A4和牛已經值門票價，整體來講，絕對值得一試

啱啱去完日本好掛住和牛的味道，如果去日本料理食一餐貴到飛起，朋友介紹呢間餐廳竟然有和牛任食，而且質素仲要唔錯添，所以上星期一於去試吓老實講我好怕食一啲平價放題，我寧願比多少少價錢可以食到質素好的食物。四百幾蚊任食和牛，我覺得好合理。首先送來一點新鮮的刺身拼盤，刺身味道鮮甜，一定要點樣再點。我點左少少前菜，味道都唔錯，而且份量十足。未食和牛先食返一轉海鮮，蠔、蜆、蝦，全部都好鮮味，虎蝦真係好彈牙，仲要大大隻，好抵食。來到今日主角，有3個不同的和牛部分，任點任食，未燒已經見到和牛油脂分佈平均。燒完肥脂部分會溶掉，換來入口即溶的感覺，超滿足食完再食⋯再食再再食。牛肉同海鮮絕對係回本之作，食左4轉今餐一定已經回本，好滿足。最後總係要食澱粉質落肚，燒日本蕃薯，一份有成十幾粒，正，好甜，入口好棉啊朋友仲勁，走去點左個飯，但佢隻窩蛋配獨有醬汁，超好味，我都忍唔住偷食左佢幾啖。燒菠蘿我當佢係甜品咁食，鮮甜又多汁，最後埋單仲會送杯雪糕作完美句號，今餐真係非常滿足。

今晚食燒肉！有牛肉 ....還有豚肉，海鮮，蔬菜，熟食，因為是放題， 2人起再送魚生船！戒食牛差不多2年，現又開始進食，其實可以繼續戒掉，另一半經常就我，無牛食，既然不是宗教問題，再食也無妨! 另一半說試試食優質牛，可能讓我增加食牛的興趣，今晚訂了嘗試A4和牛燒 (我以為是普通燒肉放題)，當然仍會選擇其他食品一起細嘗！進來時已感很多客人，一家大細，有老有幼，年青人，一雙雙的，還有外國食客，環境還算光猛，燒爐沒有熱焗的感覺，全晚沒有漏過單，沒有供應的會告知我們，不會讓我們白等，侍應哥哥姐姐勤快上菜換碟 及執走吉碟，有服務！最後食埋雪糕才離開，雖過了點點時，他們沒有催促我們離開，當然做客人也要識做讓他們做生意！送的魚生船另一半說今晚的海膽，甜蝦，吞拿魚都很新鮮，因我少食生，三文魚我亦燒過才進食😅。如加$30 可以任點壽司刺身，多了 20-30 款食物任點，如你喜歡食生，超值。A4和牛放題第一轉即落單，任點的3種牛肉部份 - 外腿(相片的右) ，三角(中) ，前肩(左) ，看油脂分佈，中間的三角最多，然後是左邊前肩，食的時間，在口中爆出來的油脂也一樣次序😋！今晚食了幾轉，策略是需輪流食不同