尚八日式燒肉店 (已搬遷) 新店位置

朋友話要嚟返次尚八，話係咁抵食，我就跟住去啦！首先，佢哋個拼盤簡直正到爆💥！冇得輸，邊有人唔鐘意免費嘢吖嘛？和牛部分，每一片都噴香，肥瘦適中，易燒易食，仲有個鹹鮮啱啱好嘅味道。食得我心花怒放🌸。話時話，海鮮部分都唔輸蝕。尤其係帆立貝，肥美得滯，一啖落去，鮮味喺嘴裏悠然散開。錫唔住加咗幾輪！豚肉同牛舌嘅表現都唔錯，低調但出色。不過，蜆同雞肉就略微平凡咗啲，有得就食，冇得就算，要記住主打係燒肉嘛！😉講到配菜，尚八飯確實俾我啲驚喜。那個瀉得咁滑嘅溫泉蛋混入飯中，係啲汁味濃郁咗，但夾雜著芝麻同蔥花嘅香氣，都算係正！當然，飯後嘅雪糕就更加完美收場了，甜而不膩嘅滋味令人回味無窮🍨。錫口味，又錫荷包，今次尚八嘅經歷，令我諗起「食得嗨皮，食要揼舊底」嘅老話，真係得㗎！下次搞個周末，我要嚟多次，食埋其他仲未試過嘅菜色！

已經食過依間餐廳幾次佢前身叫盛八不過個負責人就話佢地同盛八係無關係但無論裝修同餐牌都係同以前一樣真係信不信由你我地今次黎就揀左最貴果個a4和牛set因為之前食佢啲普通日本牛都覺得夠牛味又夠油份所以都對佢嘅a4和牛好大期望因為我地加左錢升級左做可以食a4 和牛所以我地可以任叫以下6個部位嘅牛一開始試曬6個部位都真係幾失望得牛三角同埋牛胸腹係算係有水準之外其他部位嘅質素同喺普通超級市場買嘅無咩分別無牛味 加 內質好un完全係下下選牛三角係最好食嘅油份極高都入口即溶但如果要我加多成200淨係食到佢 我就唔會加啦牛胸腹都有牛味 但肉質其實都有少少un唔食都唔會覺得可惜因為keep 住叫a4 牛 所以比較少叫普通嘅牛不過任食黎講上菜速度都算快嘅但佢價錢其實都唔平都要成500蚊一個人希望佢可以保持返啲質素 唔好令到食客失望

最近知道尖沙咀又開咗一間高質素燒肉放題，今日同朋友嚟試一試佢，價錢絕對唔平，希望佢可以比到佢應有嘅質素。首先坐得都幾舒服，裝修都係偏向日式，餐廳亦都會每人送兩個硬幣，比佢哋喺門口可以夾公仔，不過獎品就係一啲高級嘅和牛。首先佢會黎一盤和牛同刺身拼盤，和牛拼盤有六款不同部位，口感各有不同，牛胸腹肉味重，a4一口牛油脂味重，全部油脂分泌都好靚，好好食跟住到刺身拼盤，款款都好新鮮，融雪亦都做得好好，刺身嘅厚度亦都切得適中，唔會太薄身，最鍾意海膽同油甘魚，好食之後再有一盤海鮮拼盤，每一樣野都新鮮，特別係蝦同埋扇貝，冇得呃人，一食就知，真係唔錯👍🏻之後佢亦都有好多小食同埋前菜，基本上每一樣都有佢嘅質素喺度，絕對值回票價。

尚八呢間餐廳不算很大，但具日本風情。入面坐都唔係好多人，平日夜晚已經坐爆曬，入面燈光柔暗，好似去了日本嘅燒烤店。餐廳提供刺身及燒肉放題，想食壽司同刺身既只係每人加$48，就享受兩種放題！食物款式都算多。放題當然少不了刺身啦～ 甜蝦，帶子，北寄貝，鮑片，等等，應有盡有，鮮甜可口，性價比高啊！刺身很新鮮，不用點太多的芥辣和豉油也很好吃。必食赤貝！！肉類方面我地主要食和牛，首先佢哋會上一盤牛肉俾我哋試左唔同既部位先，之後可以按照我哋鍾意食邊既部位再order，我地就專食和牛胸腹，肉味濃但又唔會太肥另外我又點左幾次牛舌～我就食左岩鹽燒牛舌、同岩鹽厚切牛舌，爽口多汁整體黎講呢度唔係平，但食和牛加刺身，呢個價錢就好抵食！！會再黎！

Happy Friday，當然要同朋友食餐好既😍😍我地黎左呢度嘆韓燒放題，揀左A4和牛餐再追加刺身壽司☝️刺身拼盤❤️海膽鮮味，海水味濃郁🤤帶子彈牙，三文魚腩啖啖魚油香，非常回味沙律❤️清新口腔，蘆薈有咬口！和牛拼盤❤️一和牛油脂最濃厚，橫隔胸入口即溶。每一款都有分別，可以一切過食哂咁多部位，仲係任叫任食，真係好滿足！牛腸❤️用秘制醬汁腌制，惹味等來無腥味。🤗海鮮類❤️帆立貝新鮮彈牙，蝦身肉質嫩滑。 價錢雖然偏高，但食物質素足以回本，又多元化，食肉獸必到！💪💪

正在思量晚餐去向，腦海即浮現出烤肉……烤肉，那就鐵定烤肉吧！店內環境有格調，座位舒適，通風抽氣系統尚可，服務妥貼。點菜起計 90分鐘， A4和牛放題 $438，追加刺身壽司放題另加 $48，比起自助餐，和牛放題更吸引。追加刺身壽司放題$48，質素不錯，算是新鮮肥美。三文魚壽司及赤貝刺身，還是有點飯到肚比較好。限量牛涮燒，燒的時候要先用牛脂肪，刷刷烤爐，以免黏底。以燒熟的牛肉包著白飯及生菜一起，進食時可以點些柚子醬，味道不錯。重點項目，六式和牛任食，基本上都是味濃走韌。A4一口牛，雖厚切，但不論幾成熟，同樣軟諗無嚡口。牛胸腹最好味，牛味濃，肥瘦質感適中，最愛這款。牛外腿，味道較淡，油份多夠嫩滑，都不失為美食。和牛牛胸腹，太好味了，要追加 😍😍尚八秘制壼漬牛肋骨肉，很喜歡這個，醃制過的牛肉份外惹味。肉質也不輸和牛，只是牛味略遜，以醃漬方法處理，正好補其不足。自選了香草牛油虎蝦及特選黑豚豬肋條；虎蝦塗上了香草牛油，惹味非常。豬肋條醃得好好，不羶不韌。芝麻醬豆腐，豆腐軟滑，麻醬惹味，一濃一淡，異常合拍。甜品亦相當重要，每人一份雪系甜品，有雪糕及雪條，任君選擇。食物有質素，服務妥貼，地點尚算方便

係香港食和牛價位都比較貴不過朋友搵到間燒肉放題有任食和牛以上價錢係普通燒肉放題價錢和牛級數達A4級我地揀咗早鳥時段及升級刺身同壽司我覺得以呢個價錢黎講有A4級和牛，價錢都好合理頭輪既刺身有海膽、三文魚腩、帶子、甜蝦、吞拿魚及立魚海膽令人非常驚喜，味道一點都唔腥👍🏻不過海膽同三文魚只限頭一次，再升級既刺身及壽司就無呢兩款我地就無叫壽司同手卷，因為肉類都有好多款要留肚食啦！俾大家參考一下店員先奉上一盤和牛拼盤岩哂我地一人試一件，試下邊款岩自己，之後再追加色澤鮮紅、而且有好靚既雪花紋每一款都有標示👍🏻A4既牛外腿，圖左上角，食落成口油脂，感覺唔係好食得到肉我自己咁多款中最鐘意和牛三角望落好新鮮除左任食和牛，仲可以食前菜、沙菜、熟食等等呢個蟹柳芒果卷推介，味道清新，食左咁多肉，食番一兩件清新一下個口腔呢個涮涮燒，係個爐上面每邊燒一陣點上小小柚子鹽又或者放係飯上面一齊食另外，頭輪都會奉上豬肉、雞肉同牛及海鮮拼盤當中我都好鐘意雞肉呀海鮮方面有蝦、蜆同生蠔蜆相對黎講無咁新鮮我地仲另外再叫左厚切牛舌如果有蔥牛舌就更加正啦

啱啱係日本番黎都對日本既燒肉念念不忘既我今次就同媽咪嚟到尖沙咀嘅呢一間日式燒肉放題~其實一直都想去佢哋旺角嘅分店，但係成日都大排長龍！見到今次尖沙咀都有就決定嚟呢邊試吓～座位通常都係以卡位為主，另外佢都有吧枱係for兩個人嘅~感覺都幾得意一坐低店員就會介紹返佢哋呢度有兩款放題～一款係A4和牛放題，另外一款就係普通燒肉放題！同媽咪食就梗係食好啲要食A4和牛放題啦，另外我哋仲追加左刺身放題👍🏻👍🏻👍🏻首先佢哋會預先上一盤刺身同埋一盤牛肉俾我哋試試先～再按照我哋鍾意食邊一個部位再去落返order👍🏻👍🏻👍🏻刺身種類都OK，而且都幾新鮮！三文魚味道正常，赤貝有少少腥但係都OK特別一提： 佢嘅鮮帶子都幾鮮甜，我哋encore左成5-6次😂😂😂《A4和牛拼盤》你可以見到左邊嗰三個部位嘅油脂明顯比右邊嘅部位多！但係我就比較鍾意食右邊嘅多啲🤪🤪🤪我最推薦嘅係：牛胸腹；佢入口會溶～但唔至於冇咬口，我都encore左4-5次另外和牛外腿嘅質感同胸腹差唔多，但係會再比胸腹有更多嘅咬口食日本燒肉另外一樣野我要必食嘅就係牛舌～呢度牛舌都有4種可以俾你揀：岩鹽燒牛舌、鹽蔥牛舌、法式芥末子牛舌、岩鹽厚切牛舌而我最鍾

男朋友同我都係超愛食牛，所以周不時都會去食燒肉😍之前上網見倒有人介紹呢間好抵食，一於今晚就食下佢！和牛放題分時段收費，今晚咁岩食正最貴既時段🤦🏻‍♀️$438 加一，不過食完之後就覺得係物超所值！食物有好多款式，除左豬牛雞，仲有海鮮、蔬菜類、小食、前菜同飲品任飲。醬汁有三款，檸檬汁可以解油膩，蒜蓉汁就令味道提升層次👅點菜後店員首先送上刺身拼盤！第一碟係免費既，再加$48就可以任食。刺身有六款，帶子同甜蝦好鮮甜😋夠哂新鮮！海膽亦非常creamy，餐廳好貼心提供埋紫菜俾你包住食👍🏻再黎係海鮮同肉類既拼盤，海蝦好爽！蜆係完全無沙，好肥美仲帶有海水味，瘋狂encore🤣蠔係放落裝有牛油錫紙盤再燒，雖然身形較小，但食落口感柔滑，加埋牛油更香。呢碟拼盤既牛肉唔係和牛。不過油脂分佈都好平均，好軟腍，比和牛更重牛味。重頭戲，和牛拼盤🐄每塊和牛既雪花紋理都好靚！和牛三角同和牛外腿係最肥美，入口即溶，油脂充滿成個口腔，好幸福🥰另外本身已有用鹽調味，唔需要再點醬汁。呢塊唔記得左係咩部位🙈切得好薄身，燒一燒就熟，夾埋飯食可以中和番個油膩感，再配埋柚子胡椒令味道更豐富。都叫左幾款前菜試下，蟹籽沙律好足料👍🏻柑汁鮮

一年一度生日🎂又到啦 ，壽星公想食 和牛 梗係要完成佢嘅心願啦 嘻嘻嘻 ！！！ 我搵左呢間 A4和牛任食架 想食幾多都得啦 燒肉放題分兩種 有普通既燒肉 同 A4和牛燒肉 ！！ 🤤🤤我地緊系食和牛啦 A4 和牛呀 一次過可以食到好多五同既部位喎 。 和牛雪花紋超級靚 油脂分布得10分平均 ，靚到成幅畫咁 。 開大火 燒幾分鐘就熟啦 入口即溶呀 🤤🤤 超級 肥美 牛肉嫩得黎 牛味好足 簡直要不斷Encore 食到回本 。淨食肉邊到夠架 ， 追加埋$48 刺身放題食啦 刺身 切得夠厚 有口感 又新鮮 帶子仲好鮮甜 ！！ 除左和牛 都仲有其他肉 同 海鮮食架 海鮮種類都幾多 ，帶子好大隻又鮮甜 蝦夠新鮮 肉夠結實 有口感 ！！ 小羊扒🐑 ， 都好食 肉一啲都唔鞋 有肉汁 陣陣羊蘇味 🤣🤣 食到膩 必食燒菠蘿 勁多汁 勁甜 解膩一流 連續食咗幾碟 ！！

這是一間高質數的燒肉放題！餐廳環境挺舒適，油煙味不會太重，桌面椅子亦很清爽，不會有油淋淋的感覺，所以整體舒服。前菜方面，我們特別喜歡的包括雞軟骨、淮山漬物及牛肉刺身。雞軟骨一向是我喜歡的食物，炸雞軟骨不會油膩，蒜味很香、很開胃。點淮山則是為了一點纖維，畢竟當日吃了不少肉類，所以來一點淮山比較適合！牛肉刺身則是朋友最愛料理之一，朋友說喜歡它的質感！其實餐廳提供的肉類選擇很多，不過我們當日的目標是A4和牛。吃和牛就是要享受牛油的香味，在嘴巴融化的感覺。以放題來說，這裡的和牛質量很好，香滑味美！畢竟來放題就是要多吃肉，肉類質量太參差，便會覺得不滿足！所以，我很欣賞這餐廳和牛質量穩定，吃了四盤肉，四盤和牛均很出色！最後，這裡的放題亦包含飲品，所以這頓飯真的使人相當滿足！

知道尚八日式燒肉有A4和牛放題食就去book定位食！餐廳環境雅致參考了日式的裝修，而且座位寬趟舒服。A4和牛放題正價時段$438一人，但係和牛可以無限追加。所以我地好快就決定食最貴的Set。店員首先上左刺生拼盤，刺生食材非常新鮮，絕對唔會食到雪味！求其甜蝦和帶子鮮甜無比。接著就係期待已久的A4和牛拼盤！！！和牛拼盤共有六款唔同的位置，包括有:一口牛，牛前肩，牛三角，牛胸腹、牛外腿和牛冧。和牛每片的雪花紋理都非常清晰，牛脂豐富而且非常鬆軟！餐廳預先已經放了少少鹽，所以我覺得不點醬汁都已經非常美味。我自己最鍾意就係牛三角和牛前肩refill左4-5輪。還有海鮮和肉類的拼盤：裏面包括帶子、生蠔、青口、薄燒豬肉、雞翼等等！帶子再上香草牛油味道鮮甜，而雞翼和薄燒豬肉亦很不錯，薄燒豬肉上灑上黑椒非常惹味。雞翼嫩滑多汁我都叫左2round。除左以上的肉類仲有很多款不同的主食，小食海鮮等無限refill，外面都有飲品櫃可以自由拿取，最令我驚喜的係最後的甜品有韓國的蜜瓜雪條（還有其他味道）！！整體餐廳的環境和食物的素質都非常不錯。

已經食過四次今次有朋友黎香港挽 冇理由帶人地食茶餐廳 所以決定黎食燒肉🥓🥩 首先會送一份刺身🍣如果想追加刺身放題可以+$30之後可以選擇普通放題定和牛放題今次我地選擇左普通放題再加上我地9:30先入位所以只係248一位再加一不但有靚牛肉 仲有海鮮🦐同沙律🥗前菜🥙小食🍤等等

平時去開銅鑼灣熊本，因book唔到，所以過海想試下新嘢，但好失望😞因爲抱試嘅心態所以我無升級食A4和牛，因為無升級嘅價錢已比熊本貴，賣相已不吸引，肉質唔新鮮，所有肉類都係一pat pat ，莫說甜品，因為無🤷🏻‍♀️

入座後先來一盤刺身，可加48任食刺身，但我試完免費的那盤就肯定不會加錢任食，因為不太新鮮，而且我應該唔夠時間食咁多野。先講和牛：第一碟上枱的和牛，其後的越來越差，所以我不影相了。海鮮：我無影相，我只係試咗扇貝，現，海蝦，鯖魚。整體鮮甜。熟食：不多選擇，我試咗烏冬，清酒煮現，吉列蠔。普通味，不試無防。其他牛：牛舌太靱，牛勒肉有牛味但太瘦。好：菠蘿好甜，第一盤和牛真的那靚，上茶快，海鮮新鮮。劣：自燒冬菇好咸，沒有無糖飲品，職員不會自動給茶，和牛質素不能保持越出越差，太油膩。總言：性價俾頗高（因我食量大），我會再去，不適合瘦身人士。