影片
更多
2018-10-04
16208 瀏覽
放題比好多人的感覺都比人一種將貨就價的感覺⋯無論係刺身還是燒肉都會係比較次一級的食材⋯但近排係網上見好多人大讚呢間有和牛任食的燒肉放題，所以早排同朋友放工就黎試下，睇下究竟有幾堅！講返價錢先，係星期一至四晚上7至9:15呢個繁忙時間食普通燒肉放題就$288，至於任食A4和牛燒肉的價錢為$418。價錢還算Okay，而且比多$130就可以任食A4和牛，食返幾碟和牛都係返到。一坐低職員就先比左一碟海鮮及牛肉比大家燒住先⋯ 我特別鍾意個香草牛油廣島蠔！Size唔細之餘，當蠔熟左時，已經吸滿甜甜地的香草牛油的香味，勁好食！另外，蜆無沙之餘仲厚肉大隻！另外，每枱食客都可以有一碟免費的刺身，唔夠食的話仲可以每人加30蚊任食⋯ 三文魚及呑拿魚都好新鮮，唯一不足係切得薄左少少。甜蝦都新鮮無苦味。最得我味蕾歡喜的係帶子及海膽！帶子口感夠爽口，而且味道鮮甜。用眼見到海膽色澤金黃，而且顆粒狀明顯就知佢夠晒新鮮，入口仲鮮甜。一坐低當然就叫左一份三款日本和牛啦，當中有A4和牛前肩、A4和牛外腿、及A4和牛三角。係三款和牛中，我比較鍾意A4和牛前肩肉。肉質柔軟細膩，脂肪唔算多，所以肉味較濃。A4和牛外腿的肌肉較結實
講返價錢先，係星期一至四晚上7至9:15呢個繁忙時間食普通燒肉放題就$288，至於任食A4和牛燒肉的價錢為$418。價錢還算Okay，而且比多$130就可以任食A4和牛，食返幾碟和牛都係返到。
一坐低職員就先比左一碟海鮮及牛肉比大家燒住先⋯ 我特別鍾意個香草牛油廣島蠔！Size唔細之餘，當蠔熟左時，已經吸滿甜甜地的香草牛油的香味，勁好食！另外，蜆無沙之餘仲厚肉大隻！
另外，每枱食客都可以有一碟免費的刺身，唔夠食的話仲可以每人加30蚊任食⋯ 三文魚及呑拿魚都好新鮮，唯一不足係切得薄左少少。甜蝦都新鮮無苦味。最得我味蕾歡喜的係帶子及海膽！帶子口感夠爽口，而且味道鮮甜。用眼見到海膽色澤金黃，而且顆粒狀明顯就知佢夠晒新鮮，入口仲鮮甜。
一坐低當然就叫左一份三款日本和牛啦，當中有A4和牛前肩、A4和牛外腿、及A4和牛三角。
係三款和牛中，我比較鍾意A4和牛前肩肉。肉質柔軟細膩，脂肪唔算多，所以肉味較濃。
A4和牛外腿的肌肉較結實，比較有嚼勁。鍾意有咬口的人就不能錯過了！
A4和牛三角相信會得到較多人的喜愛，因為油花非常靚，而且入口即溶。
餐廳都有其他高質的肉類⋯當中好受香港人歡迎的牛舌，都有4種選擇！我自己就比較鍾意岩鹽厚切牛舌，口感夠晒爽口。如果大家對牛的內藏有興趣，餐廳都有供應哦。
此外，餐廳仲有多款海鮮可以選擇⋯ 除左我係上面講述的蠔外，仲有香草牛油帆立貝。由於我勁鍾意呢個香草牛油，所以試埋呢個帆立貝。口感軟滑，加上吸滿香草牛油的香味，大家都不能錯過。
食到咁油膩，食D蔬菜黎隔一隔又係唔錯的選擇。粟米每粒都好飽滿，而且非常清甜。菠蘿用了新鮮的菠蘿，燒香加少少鹽，食落好甜。
食得咁多重味的野，大家都可以到近門口的飲品櫃拎飲品。選擇唔算多，不過大部分受歡迎的飲品都係到揾到⋯
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
張貼
