尚八日式燒肉店 (已搬遷) 新店位置

一去到就揀左食$118嘅90分鐘放題。結果坐左30分鐘先尼野食。啲野算係唔錯，有個芥末雞真係好好食。食食下燒左個好肥嘅羊架係咁搶火，又多油，而個抽氣扇設系個爐隔離，吸左啲火入去搞到著火，而著火之後第一時間啲職員係以為啲食物燒著左，拎開之後先到以為係個爐，拎開埋之後先知係下面個抽氣扇，到果陣先知要疏散食客，當時已經濃煙滿佈，可見餐廳張客人嘅安全放系利益後面。可以睇得岀一來係設計失誤再加上冇清理抽氣扇條管。對食客嘅生命安全做成嚴重威脅。系未完全改善之前好難再去食。雖然啲野好食，但未至於值得冒住生命危險去食。👎👎👎👎👎👎👎👎👎👎👎👎👎👎👎👎👎👎👎👎👎👎👎

上個星期五黎呢度食燒肉午巿放題慶生，食過番尋味，於是決定今個星期五又黎，今次我打算食多d海鮮 。先黎上次無咩點叫既前菜同熱盤。青瓜夠爽脆，吾錯。炸物即炸。最鐘意係最上面三角形既一口芝士，外層有薯餅既味道，裡面既芝士有d流心，忍吾住encore左兩次。招牌凍豆腐好足料，有隻蛋同肉碎，微微辣，豆腐好滑，消暑一流 。清酒煮硯略厭細隻左d同淡左d，無咩味。烏冬口感Ok，但無料，寡左d。主角就黎，當然要準備好d配角。有3種汁揀，燒汁最正常。燒下d菜類扮健康先。菇同紫薯都有個細兜裝住，有d牛油係香草係面，燒得好過癮。有吾少海鮮款式可以揀。燒蝦燒蠔燒海鮮 賣飛佛燒肉款式更多總括而言，午巿90分鐘118蚊位，以食物質素同尖沙咀地區黎講係幾抵食，希望優惠可以做耐d，下次黎食都有 。

今曰在亞士厘覓食，見有新餐廳開張，而裝修格調高雅，而且午餐定價唔高，只是$68-$ 108，又唔洗加一，一於與同事試一下。本以為環境會像其他亞士厘道的餐廳一樣好焗促，點知喜出望外，餐廳一點也不小。步入店子，是一貫日式燒肉店格局，裝修有型有格, 感覺唔錯。四週的食客在吃特價燒肉放題，由於感冒得好利害，今天只能試一下烏冬了。附餐的魚生沙律：有吞拿魚和三文魚生，還有椰果、蕃茄仔同沙律菜等拌以沙律汁，口感淸爽。溫泉玉子雞肉烏冬$68這烏冬的雞肉份量唔少，而且完全無骨，仲有煎旦、筍片和青菜，都幾豐富。雞肉大大件，肉質唔老，味道是曰式風味，甜甜地的醬油風，配合溫泉旦烏冬，是幾飽足的一餐。溫泉玉子牛肉烏冬$78這溫泉玉子是流心，旦汁拌以牛肉片，味道幾夾。牛肉片是肥牛肉，沒有太多的調味，吃的是牛肉原味，滿有咬感而唔會太韌。烏冬的湯底清清地，完全唔油膩。而烏冬麵條是幼身麵條，口感滑溜，帶少少煙韌口感，味道ok.隨餐還附送飲品，我們選了比較少見的蘆薈汁。蘆薈汁是罐裝的，感覺衛生。蘆薈汁味道清甜，還有細細粒的蘆薈粒，味道唔錯。簡單的烏冬作午餐，吃了沒有太多消化的負擔，又可再努力上班去。以$70-$80在尖沙

第一次喺OpenRice寫食評🙋🏻‍♀️是次經歷只供參考尖沙咀新店位置都幾隱蔽，閒日傍晚5點上到去得我地一枱客😂我地食早鳥時段5-7點食兩個鐘入到去聞到少少廁所渠味...可能通風可以改善下🤔餐牌啲肉類都幾豐富下，啱哂中意食肉嘅朋友🤤極力推薦黑椒牛小排漢堡，店員話係手打嘅，而燒完食落肉質飽滿又多汁，唯一煩少少嘅係因為係手打嘅關係，燒嘅時候塊漢堡比較散，同埋都幾搶火下，所以店員有特別提醒塊漢堡最好放喺邊位冇咁易燶；另外一口牛同牛胸腹係相對脂肪分佈平均啲、冇咁多肥膏嘅，肉味都好濃好香、好juicy🤤芝士角切依達赤豚係幾有趣嘅菜式，豚肉粒用芝士粉腌，但有啲難控制火候好易燒燶，利申今次燒燶左冇食到但又飽得滯冇再叫，下次再戰；今次點嘅小羊扒好多好多肥膏，同埋比較羶，下次再去未必會點了👉🏻👈🏻另外大讚嘅係湯飯，有温泉蛋🤤味道都好好2位起會送刺身拼盤，如果要追加就要每位加30蚊，個人覺得刺身食落都新鮮嘅，但與其加錢食不如留返quota嗌多幾碟肉；飲飽食醉諗住埋單之際店員行過嚟話有甜品，問要核桃、朱古力定士多啤梨奶凍味雪糕，送到嚟原來係Mövenpick嚟！！！喜出望外啊大愛Mövenpick！！！最後要

啲服務員service好到不得了，真心係第一間甘心比多10%服務費嘅餐廳！一開始送嘅刺身都唔差，有吞拿魚，三文魚，甜蝦等，數量以人頭計，海膽好新鮮，其他就普通牛肉好靚，送嘅和牛來唔切影已經落咗肚度，入口啲肉汁爆出黎，好正，之後可以正價百多元落單不得不讚個平陰睇落好細個嘅女服務員，有禮貌，快手，冇漏單，來回倒水差不多十次，直至我地話不用再倒水了哈哈，服務超好，問有冇服務評價想表揚下佢，佢話唔使😅價錢值回票價！！！一定番轉頭再食過！！唯一問題係抽風系統似乎唔多好令個環境好熱好焗

臨尾LAST ORDER 後約晚上六時半左右,待應給了我賬單。因為請我的朋友上了廁所,所以我叫待應把賬單放下。此時待應們不斷隔半分鐘走過來看我的賬單找了數未,還有一個待應企在門口看著我,好似驚我冇錢俾甘。表面上服務好,實際上很差!

店內環境好企理，食完唔會一陣油煙味，卡位又坐得闊落。食物有水準，大蝦新鮮彈牙，牛同豬都好正，食落有口感。新開張仲送左刺身拼盤，正👍🏻個雪糕幾特別，原來整個球獨立包裝，仲衛生，唔同一羹羹刮出黎果啲，容易變壞。

原來已開埋尖沙咀店，近我公司，即book同同事食啦！可能新開仲未有好多人知，上到去即刻入座，爽！Menu同旺角差唔多，但環境感覺上比旺角店舒服😊️先黎點前菜，好好味架~除左送刺身外，仲送份日本和牛，入口即溶，正！再黎d雞呀豬呀咁，全部都整得好好味，就算唔食牛牛嘅朋友都唔駛擔心無野食最後燒下海鮮，都幾新鮮，最正係個燒菠蘿，超甜，正！最後仲送粒雪糕，雖然包裝唔係好靚，不過食落好得！出面都未見過有得賣喎不過掛住食，好多野食無影到食到反肚都係300一個，食物比好多自助餐正好多啦！佢而家lunch做緊promotion, $118任食90分鍾，下次約多幾個同事黎再食過

好少可有日燒既放題食 難得就黎試下 雖然價位都中上 但食物質素唔差 送左碟刺身 仲有海膽食 好正但係佢另外送咗4片 和牛 就好差比普通牛仲難食 仲要加錢先有得食蝦好新鮮 有幾種味 大大隻虎蝦肉類選擇都好多 羊架好食 超級推薦酒煮蜆 好鮮甜但係食到最後個雪糕真係好唔得 一餐飯有個完美嘅ending係好重要竟然比啲唔知咩垃圾牌子嘅雪糕 得芝麻朱古力兩隻味簡 仲要俾一球你個飯後甜品勁失望囉不過服務好好 中間不停幫你換碟 同加水又會介紹啲嘢食點燒 完全超出任食嘅質素雖然限時兩小時 但冇客都俾我哋繼續坐推薦

呢間餐廳坐得幾舒服，同朋友傾計、gathering 一流，燒肉店黎講呢間空氣最清新，食完唔會成身煙味，食物質素唔錯，價錢亦都OK，推介：刺身夠新鮮，鹿兒島和牛，炸生蠔，炸芝士，可以再嚟