尚八日式燒肉店 (已搬遷) 新店位置

🇭🇰#香港捐窿捐罅記 instagram: foodkiller_dk任食A4日本十勝豐西黑毛和牛🤤 有9個部位比你任叫🤤 雖然唔係熱門部位好似西冷，肉眼，菲力等等 但都已經係香港餐廳少見既多選擇🐃 日本和牛評分都主要係分四大方面既🐮第一油脂分佈，第二油脂既顔色，第三肌肉既顏色，第四肌肉既狀🐮 日本和牛評分由A1-A5 🐮A5就當然係最肥最油😌 最出色當然要數 日本三大和牛 松阪牛，神戶牛，近江牛🐮 香港亦都係入口最多和牛既地方 證明我地真係好識食🙋🏻‍♂️🤤🦖-🐮A4和牛放題（$368）一開餐會比魚生🐟你食 海膽👍幾甘甜 其他魚生就正正常常 再食就要加錢😗佢會再上一碟普通肉，海鮮拼盤比你🙂 胃口細其實可以唔食😂浪費位置主角到🤪 係一個有整9個部位既A4和牛🐮 有晒紙仔話你知 方便之後追加 不過最令就係果盆之後追加果d 就比較差少少😌 睇運氣😏 推薦部位 牛三角，一口牛，牛頸脊，牛里脊🐮味道就的確好正 有油香 入口即溶 加少少鹽已經好夠 再唔係加wasabi都係好配合 可以減少太油既囗感🤤🤤 但之後追加既和牛 有部分就比較瘦 而且要等幾耐下 好似有少少特登 所以大家可以叫定下一轉 唔洗等

本來訂左7點鐘兩個人，滿心歡喜可以食到9種唔同部位既和牛，提早6點45到，不過未夠鐘唔比入正常唔緊要，但坐到7點訂左7點居然可以話未有位要等，咁我訂位黎做咩！？等多十分鐘比我地入居然可以唔補返鐘，服務員態度唔好全程黑面。送海鮮黎啲蝦（梅）既，完全唔係新鮮野。餐廳入面實在太嘈，連坐自己對面既都聽唔到講野，音樂稍為太大聲。餐廳表明有9種不同部位可食，但結果只黎8種，不過只要肉靚都無所謂可以搭救返，但點知個一口牛黎到有大半舊係油唔係肉。埋單2位成為1030hkd個人覺得收得呢個價錢唔應該出現野食唔新鮮。10分中只得5分

我地book左星期五晚市17:00-19:00時段，準時去到店員問我地要普通燒肉放題定A4和牛，咁我地就簡左A4和牛個個，價錢係$398加一，我地諗住主要食肉，無加$30任食刺身。好快就黎左送既兩人份量刺身，海膽好食好新鮮其他都正常，跟住就有個頭盤比你燒住先，燒肉無咩特別正常，香草燒蠔好食夠大粒蜆都好大粒鮮甜我地叫左好多次水準都好好等左陣就有主角和牛啦，每款隔離會有張紙仔寫住係咩部位，如果鍾意可以再叫最記得和牛三角係最肥，勁多油脂牛胸腹同一口牛都好味不過其他有啲都比較難咬由於油脂太勁所以叫左幾碟沙津清下食到最尾連食肉獸男朋友都投降😂如果唔係食肉獸既朋友可以就咁叫普通肉就夠，之前試過質素都唔錯，呢到小食都幾好，晏就仲抵食👍🏻

兩個人既晚餐，佢有分普通牛同和牛，我就揀左和牛任食。決定左邊個價錢之後，職員就會自動上一碟刺身同一份肉，個碟肉有雞翼，蠔，蜆，豬肉同牛，之後又再黎左碟和牛啦。啲刺生同普通肉我覺得可以唔洗上，普普通通，因為我黎係一心想食和牛。隔左陣碟和牛就黎，真係好正呀。但之後再encore 我就覺得同第一碟係有分別，有根同無溶化個種感覺。而我都叫左啲沙律同小食，正常日本前菜既小食，無乜驚喜。我覺得500 蚊左右一個人而有和牛食係值既，同埋上菜好快又無漏單。

when you order their wagyu buffet, they will serve you with a platter of different parts of the beef with nametags so that you can try and order parts that you wish to eat more. okay so we found 2 pieces that we would like to order more, so we did, only to get chewy pieces of meat that just cannot be an A4 grade. it makes zero sense that when you order 2 different parts, then they give you 3 different parts that only 1 part was OK (still nowhere near an A4 grade.), other 2 parts, just not good e

之前已經係旺角食過覺得唔錯，今日就嚟試埋尖沙嘴呢間。book咗7點枱，6點45分到提早入座，價錢318加一。去到先發現早鳥平$100，好傷心坐低冇耐就即刻上咗頭盤同刺身。刺身幾高質，魚生新鮮，海膽鮮甜。可以加$48任食埋刺身壽司，但今日主要嚟食燒肉，所以就唔加了。(8.5/10分)而頭盤只係一堆肉同少少海鮮，比你邊燒邊嗌野食。前菜嗌咗牛肉刺身同蟹籽沙律，牛肉刺身切得唔夠幼，同韓國果啲生拌牛梗係冇得比，不過都新鮮，調味還好，但對住咁多未燒嘅生肉，又食生牛有啲食唔落，所以食到一半就冇食了。(6.9/10分)蟹籽沙律嘅蟹籽好多，配生菜青瓜蟹柳沙律醬呢個組合實唔會難食。(7.5/10分)之後就到我點嘅肉，排得整整齊齊，亦唔會醃到睇唔出咩嚟，見到都新鮮嘅，肥瘦適中。燒起啲肉都好嫩好好食。特別推薦牛舌，味濃有口感。(8/10分)海鮮類都唔錯，但我唔多like燒海鮮所以冇叫好多。蠔都好食，不過我唔太喜歡佢個香草牛油醬，蓋過咗蠔嘅鮮味，味道麻麻。(6.8/10分)燒蔬菜：金菇、茄子果啲都幾好食，佢係用錫紙盤裝好比你直接放上爐燒，但比嘅汁有啲少，要注意唔好燒焦。(7.5/10分)食到最後燒菠蘿解膩，正！

今日開始放聖誕假，應太太要求，食燒肉放題。見尚八下午5時至7時和牛及焼肉任食每位只收$368加一，一於試試。去到一坐底就送了一個刺身拼盆，質素ok。跟著再上一個和牛拼盆，分別有牛之不同部位，有標籤說明，牛肉排列整齊，非常先聲奪人。立刻和太太燒之快哉。一路食一路記著那部位好食，就把標籤留住，之後再叫。總括來説，大部分牛肉部位都算嫰，但略欠肉味。另醬汁亦徧啖。另再叫了一些雞腿肉、厚切牛舌，羊架，蠔，蝦，扇貝及豚肉。除了豚肉非常肥外，其他質素可以。整體來説，比預期有偏差，但尚可以。

週ㄧ晚相對週未少人, 4人入座原先安排近門口卡位, 但服務員見我哋多大褛,細心安排到吧枱側ㄧ張6人卡位,坐得舒服. 經理細心介紹食物, 送餐/落单服務員都好好人, 换碟頻密,亦有提点食物怎樣焼及時間掌握, 做客都要有回應,人哋做得好要比個Like, appreciate 人哋服務. 咁辛苦做嘢先得到肯定!

Book 了晚上八點去到門口reception 冇人有店員係廁所出黎（洗手間就在reception 後面）見到我地但當我地冇到唯一值得讚既係我地3 個人坐左6 人台好闊落坐低無耐我地咩單都冇落就有店員掉左盤肉俾我地睇見作又唔係特別靚明明我地3 個人但佢每樣俾得2 舊蠔兩隻 蝦兩隻唯獨係有一大堆雞腎 我地明明冇點雞腎 咁我就其中一個金髮的店員 係咪送既跟住佢勁唔好老皮咁答我地係啊跟住我又問佢我地幾號台 佢又勁惡咁答我地正常黎講 你送第一盤肉 係咪應該送d 似樣d 既野？ 而家送一大堆雞腎黎 係咪姐係雞腎冇人叫 所以質我地食？ 勁奇怪其他食物方面 其實係普通既美國牛 冇咩特別其實真係有d 唔值呢個價定係租金真係貴得咁恐怖？做得放題其實可以大方d 冇理由係送d 冇人食既野當頭盤俾我地同埋個金髮店員態度真係好差

店舖環境舒適， 部分員工細心體貼， 但是重點和牛質素 並不如理想， 第一轉和牛質數是正常的， 第二轉的肉，已經是很肥的，而且肉類的肉質感已經完全不似第一轉的和牛！我感覺自己像食肥膏一樣！其他的肉質較鞋身！不似和牛！第三轉更差……所以巳經不敢再叫……再講其他牛肉質素，也有部分的牛肉已經發黑，一看就知道是放了很久溶雪的肉類，我完全冇諗過會有呢種牛肉質素上枱給客人，之後食到蠔類，又是不新鮮很腥！蝦有部份巳黑頭，又細隻，所有野也是一般，羊架很多肥膏，而且羊架的肉質是用梳打粉醃過的，沒有羊架味道和質感的！刺身可算是也覺得幾新鮮……衹是比較薄身些！但起碼帶子有鮮甜嘅味道！雖然不是最好的，但是這個價錢已經算ok！你問我會否再來？或者介紹朋友一定不會的！只會食一次！因為感覺被騙…… 我覺得做生意應該要畀番應有質素給客人，不是每一個客人都能夠被騙，我post相去facebook朋友看，很多人也說我們食的和牛那麼肥，不太靚，唉…… 食之無味棄之可惜！純屬個人意見！

見有時間琴晚同老婆去左尖沙嘴呢間尚八食，因為都係見youtuber果個(x碗x碗)介紹話好好食。所以就去試一試，點知中晒伏，起初入去要等位，等左大約45分鐘，叫左我地號碼，咁我問一問職員是否可以入去，職員態度十分差，竟然同我講:入面汁緊枱，如果唔等既下次可以訂位。我只係問一句竟然咁樣回應，未食已經一把火。入到去只發覺餐具很多都好油，好似未洗乾淨，衛生程度完全唔得，叫個職員換一換隻碟又黑口黑面，最後d野食黎到，我和太太叫左都好多牛肉，但質素就唔得，有一碟竟然有酸味，我認為已經變壞左，所以我就叫職員問原因，第一名職員同我講無問題，然後我叫個經理過黎睇睇，經理一睇就話可壞左，同我講唔好意思！我覺得一間餐廳連食物都處理唔好真係唔洗再去，同埋我地8點入座，未夠9點就比張單我叫我埋單，我都想知呢d是什麼服務?最後我覺得好多餐廳好過佢

其實已經有好幾年冇食過燒肉放題, 因為好似每一次都會中伏咁.但係今日中午經過尖沙咀尚八, 見到佢有個晚市放題早鳥優惠, 每人只需 $ 200, 好似好抵咁, 就係咁我就捉左老公上食喇.早鳥優惠是由 17:00 - 19:00, 18:30 last order. 除了剌身, 壽司和手卷和一些特定的貴價食物不包之外, 一般在餐牌上的食物都是可以無限追加. 一入坐後, 店員會幫你開爐, 然後送上一碟剌身拼盤 (6款剌身, 每款兩件) 和  一碟特定的推介食物 (牛肉加海鮮). 之後你可以隨意 order 你喜歡食既食物,  今日我叫左既野食, 包括一口牛, 牛舌, 牛肋肉, 牛腹肉, 生牛肉刺身, 芝士角切依達赤豚, 扇貝, 蠔, 紫洋蔥, 大啡姑... 先講下個剌身拼盤, 除了帶子較好之外, 其他都是一般, 而海膽就特別差 (臭的). 肉類方面, 亦都很失望, 完全沒有肉味, 同埋好硬, 好難咬開.  海鮮方面, 扇貝稍為好一點, 蠔都是較瘦.  沒有一款食物會另人回味...總結係一心走去食燒肉, 但點知肉類的質數可以差到一個點, 真的真的真的很失望.  一定唔會再去囉!!  

今日黎到亞士厘道識食燒肉放題。其實呢間野，之前係叫盛八既，之後頂左手！去到見到menu 上$178(17:00-19:00) ~唔包和牛既，如果要追加！或者用$338就可以任食和牛。因經團購買就$308一位包任食和牛，因為今日星期五，所以加多$67服務費。野食種類都多，海鮮任食。醬汁都多選擇。野飲方面就有韓國既忌廉溝鮮奶、藍色可樂同道X既綠茶。坐低後，就上左個基本既刺身。團購就包一個基本既刺身，如果想任食要比多$30就得啦！海鮮叫左蠔同扇貝，但賣相唔錯。第一轉試和牛三個唔同部位(前肩、三角、外腿)問過服務員，牛三角最多脂肪，最淋。牛前肩就瘦少少，而個外腿就有少少筋既。如果以三幾蚊黎講，算好抵。試下個刺身，味道一般，但對我呢D食肉獸黎講，唔重要。前後食左5轉和牛，唔會次次唔同，或者第一次黎既係好，之後多人就hea。食完燒肉，會每人比一杯雪糕。

上一次黎呢間餐廳已經係一年前，當時lunchtime門堪羅雀亦好似無燒肉食。一年過去，呢度已今非昔比，熱鬧非凡。唔單止有基本既日本餐食，仲有燒肉揀。燒肉平均五十幾至七十幾一個set。既然呢度係專攻燒肉，當然要試一試佢。原本諗住都係d普通貨色，而且價錢咁平都係D幾塊，點知黎到，牛舌有4塊、兩種唔同既牛肉各有3塊，仲有一塊茄子同一塊菇，十分驚喜。飲完麵豉湯(印象中好似仲有個前菜，又好似無總之印象唔深刻)就開始燒了。秉承係牛X學返黎既燒牛肉時間，拎埋部電話出黎計時，每片大概燒1-1.5分鐘就可以吃了。價錢平一半，但質素不比牛X差！！仲有茄子同菇可以係每一round中間隔一隔，很加分。同事鍾意厚D個舊牛肉，我就鍾意薄D個款多D~~~除左呢個牛舌+2款牛肉既set，仲有其他選擇，不過呢個set $68 ja!!　如果想叫野飲，每罐都係$5。佢仲有中午放題時段($118 90min)，晚市就$178(早訂價)。不過我覺得食set已經好夠，食晒個牌既quota了。心滿意足地離開，最緊要係咩?　連加一都唔駛呀！

今日同媽媽嚟咗尚八放題，叫咗2個和牛放題，價錢唔算話好平，$4xx/1位。好窩心，枱上面有唔同醬汁，配上有字嘅碟。叫完個餐之後，店員就會送一碟拼盤，有牛油蠔、海蝦、蜆同2款肉。仲有刺身，都幾新鮮！至於肉方面，真係幾高質，有和牛外腿、和牛三角同和牛前肩。和牛外腿比較有咬口，和牛三角油脂較多，入口半溶，和牛前肩燒落好香，3隻都好好食！之後就係一般燒肉類，值得讚嘅係厚切牛舌，好有咬口，一啲都唔韌～牛腹肉啲油脂都好平均，好香。仲有其他肉類，個人覺得都好個質素，不過食得耐會覺得有啲油膩。所以都係要叫返啲菠蘿消下滯，好多汁好甜，必點！同埋甜薯仔，食到好飽都要食！飲品方面都有唔少種類，連道地綠茶都有，抵讚！最後會有每人一杯雪糕送，當日就有雲尼拿同朱古力味揀！整體黎講，呢度係會再嚟嘅，如果唔食和牛的話，唔使$300 就可以食到高質嘅牛。