小越廚

營業中

休息中

星期一blue Monday 平時好少約人出街食飯，因為遲三個字放工之餘，要等成四日先可以有假放。但係我朋友因為要出ward 既緣故就只有星期一得，咁無辦法啦唯有都係去啲近近嘅地方食。揀咗荃灣貪隔離就係西鐵站可以直接返屋企，近荃灣西個站有一間食越南野，越南菜又係我平時成日鐘意食既野。首先叫咗一個烤肉串作為前菜，一客有三條仲配埋泰式辣醬，佢好meaty 唔乾，一定要點埋個醬食先夠正。我地仲想食多啲小食，就叫左一個越式小食拼盤。入面有齊春卷、蝦餅、扎肉同雞翼，自己覺得蝦餅特別出色，夠晒彈牙之餘蝦味夠重，睇得出佢打個蝦膠好高質，勁想叫一碟食哂佢。Main dish 一人叫左一個share，越式豬扒撈檬一碗夠哂吸引，勁鍾意上面有好多炸洋蔥同花生，而佢個汁少少酸偏甜，撈埋一齊食夠晒開胃。豬扒有兩大塊夠哂誠意，咬落去幾juicy唔硬。重點來了，今餐最令我驚喜嘅係個咖喱蟹肉法包，呢個咖哩份量已經係細既份量，唔知大既係咪會滿瀉😂咖喱啖啖蟹肉，蟹肉唔係霉架！少少辣辣地好爽，同法包食好夾唔鹹唔膩，唔多越式餐廳可以食到咖哩蟹肉法包，好有新鮮感。