小蓉麵家

營業中

休息中

今日同老公路經太子，同老公見到一間頗有特式嘅麵家就內進一試。被小蓉麵家的鮮蝦雲吞和家傳牛腩的招牌吸引了小蓉麵家的裝潢十分傳統店內提供自家製醃蘿蔔，十分新鮮爽口，老公吃個不停！十分特別的是小蓉麵家有檸樂($12)飲，而且價錢不算太貴。我就點選了自家製豆漿($11)。豆漿豆味香濃，配麵食一流主食方面我點了鳳城水餃撈($34)水餃撈十分大碗和新鮮，都是師傅即叫即整！而且麵十分爽口彈牙！鳳城水餃也十分足料，滿滿大大粒的蝦肉！配上自家製蠔肉味道一流！而老公就點選了冬菇牛腩飯($42)冬菇牛腩飯的五香汁香味獨特，而且十分濃郁。牛腩肉質鮮嫩入味，冬菇亦非常嫩滑。牛腩飯內也有薑片，有助驅寒。除了麵食我們也點了小食，炸牛丸($28)牛丸炸很十分脆口，但仍十分彈牙！另外也點選了炸鳳城水餃，皮脆餡多汁，十分好吃！最後埋二人也才百多元，實屬抵食之選！

在太子附近閒逛, 發現一間裝潢有點古典美的麵店, 揭一揭餐牌, 菜式合胃口, 價錢也很合理, 覚得應該不錯就入去了!天還未黑, 也未到放工時間, 麵店內只有幾位食客, 座位也坐得舒適!餐廳內不難發現推介菜式, 都貼在牆上^^ 我們點的也是這些! 手工鮮蝦雲吞撈麵 $34雲吞很新鮮, 很足料, 爽口彈牙, 麵的份量也十足!南乳豬手飯 $42豬手煮得很入味, 很稔, 亦大大件! 讚!這裏的小食也很不錯👍🏻👍🏻👍🏻特別喜歡炸墨魚丸!

冬天成日都唔想郁，但過完年尾又開始好忙，有時出外做完嘢想快快趣食碗麵就返屋企呢間係太子新開無耐，雲吞水餃麵$36正常價碗碟有花有雞圖案幾別緻，雲吞水餃餡料夠新鮮，不過麵質偏腍身，大地魚湯底飲完唔口渴，加少少韭黃好香喔 !!小食有炸牛丸$28，本身牛丸牛味都重，不過炸完收乾了少少，變咗幾細粒，好在都唔算好乾身仲保持到多肉汁，同埋唔會食到成口油~飲品有自家制豆漿，跟飯麵只需加$6，唔會死甜帶少少豆香，都幾大杯算抵飲

今日朋友介紹之下, 去咗太子AEON Store 12蚊店, 買咗好多必需品, 走咗之後就同佢一齊輕食, 到附近雲吞麵店食佢一個手工鮮蝦雲吞麵, 只係29蚊, 呢個價錢旺角區好少地方有啦, 另外再叫咗個炸墨魚丸, 仲叫支樽裝可樂, 樽裝可樂特別好飲, 又係好少地方有啦雲吞麵用個靚碗盛載, 感覺都唔同啲, 高上啲韭黃係用匙羹盛載, 可以自己挑選食或者唔食, 有韭黃嘅加持, 令到麵更加有口感, 麵非常之彈牙, 食曬啲麵之後, 我就食雲吞, 一共有四粒, 4粒都大大粒, 咬落去蝦肉爽滑炸墨魚丸 28蚊有四粒, 雖然唔算特別平, 但係個質素有保證, 點一點 甜酸醬嚟食,佢嘅香再加埋彈牙墨魚丸, 值得一讚

位於太子界限街38號的小蓉麵家，主打港式粉麵。食客多是點湯麵為主，大部分也是廿九元，有十一款配配料可選擇，用膳當天為星期六下午二時，入座率也有八成。圓桌子大多數是六人位，如果二人前來，有機會要搭枱，不過桌子的空間也足夠的。點了一客冬菇牛筋飯，加六元配了一客凍飲，還可以因應食量點多飯或少飯，頗為細心。等候食物來到時，便從桌上的瓶子夾了幾片醃白蘿蔔片。蘿蔔片酸酸的，十分開胃，而且切得薄薄的，頗為爽脆。冬菇牛筋飯來到了，來到時熱騰騰的，冒出陣陣蒸氣。頗欣賞食店將飯和餸分開，飯能保持乾爽。冬菇的size中等，炆得入味又夠軟，蠔油味十分濃郁。曾經吃過有些過硬的牛筋，硬得咬不開。這食店的牛筋頗令人驚喜，牛筋煮得十分軟，充滿膠質，而且蠔油味香濃。整個小碗有八成都是牛筋，份量足料。飯也煮得剛剛好，軟硬適中。🥟點了一客小食 - 炸招牌雲呑，雲呑上桌時也是熱得燙口，旁邊還附上了微甜的泰式辣醬。雲呑炸得十分脆口，而且裡面還有原粒蝦仁，裡面的豬肉餡料也頗為鮮甜。最後，當然要點一杯冰冰的凍檸樂解解渴喇。

喺太子附近返工，我哋兩個就去到一間專門食麵嘅鋪頭，入去食個lunch。首先每人叫咗一個飯，分別係南乳豬手飯同埋冬菇牛腩飯一齊share食。估唔到豬手炆得好琳，而且南乳味道非常濃郁，豬手份量都比較多。冬菇好入味，牛腩肉質鮮嫩，牛腩汁撈飯一流。小食就叫咗炸招牌雲吞同埋炸墨魚丸。雲吞好大隻外皮揸到脆卜卜，入面嘅豬肉碎同埋蝦肉好新鮮。墨魚丸食落去好爽口彈牙。凍豆漿味道好濃郁，飲落去好清涼。最後兩個人埋單都係＄150，每人平均消費＄75，呢一餐lunch幾豐富又抵食。

好少來行過嚟呢邊， 原本係諗住搵一間餐廳，點知條街都冇喎，咁就隨便入一間麵店試吓啦！對比起隔離街雲吞麵要成＄30以上，呢度只係需要20幾蚊，都幾抵呀！就試吓啦！枱面上有一瓶大山 醃蘿蔔，好少餐廳有呢一款餐前小食。我都食夾左幾舊食下，都幾好食，幾開胃！麵黎啦～麵個口感都十分之特別，佢唔係好爽口嗰隻鹼水麵，但係又比夠煙韌有口感。麵嘅質素我比8分啦(10分滿分)！雲吞都幾好食，蝦肉都幾爽口。不過店裏面嘅辣椒油就有待改善啦，打開個樽得好少辣椒油之餘，居然有啲凝固咗。。。感覺不太好。。。

剛病好想吃清一點，就來小蓉麵家吃碗雲吞麵～ 入面裝修很有古典風，蠻特別的每枱都有一瓶醃蘿蔔，一片片蘿蔔酸酸甜甜醃得非常入味，很開胃的小吃餐廳除了湯麵撈麵還有飯吃我的鮮蝦雲吞麵到吶手工製作非常充料圓滾滾的鮮蝦雲吞，食得岀啖啖蝦肉湯底清澈，嗜辣的我喜歡加點辣椒油拌均吃下去更香辣更惹味朋友點的五香牛筋撈牛筋十分滑嫩，而且汁味濃郁口感很Q軟～另外點了個小食～這個是香炸黃金角角新鮮炸起的黃金角角香口味美，脆口又乾身再點了杯冰凍豆漿，清甜解渴

現在在本地要能食到舊式傳統的廣東雲吞的地方，已越來越少了....今天來到這間好像新開了不久的麵家，其名稱之為"小蓉"。我第一時間便想到"細蓉" ---- 老式廣州雲吞麵的別稱....雖然後來在此吃的"細蓉"事實上並不細，不過味道還算不錯的....在本地麵店，在檯上放有一大樽的醃酸蘿蔔的地方絕不算多。除了街知巷聞的"劉森記"之外，還有這裡....在"劉森記"內吃到的醃蘿蔔，是切成方粒的；而這裡的，卻是一片片的。相比較之下，兩者咬落都夠爽口。這兒的味道弄得更酸，和老字號劉森比較，是更合吾之胃口....平常到麵店，我是比較喜歡點雙併河粉來吃。原因乃因多年前曾到城中一間號稱用竹昇打麵的老字號吃麵，點了個撈麵，一口咬下，口裡滿是苦澀味....自此後，已很少在外頭點銀絲細麵來嚐....但不知何解，今天在此卻在神推鬼擁之下，破了例又點了撈麵....若平時，我的雙併組合一定是雲吞加上牛腩，但落單阿姐卻說牛腩不可作雙併....既然這樣，就唯有捨牛腩取魚角好了....有點不高興，原因是蠔油下得太多有點喧賓奪主之感；粗麵在熟油之滋潤下仍見爽身，不俗。在細嗒下去，雖有丁點苦味滲出但尚可接受。此時就忽覺，蠔油是

太子新開左: 小蓉麵家 又可以大快朵頤一番因爲我對小蓉情有獨鍾。。 想好食又有口感夠爽口，一定要鮮蝦做出來的雲吞先夠鮮夠爽口，而且它的手工雲吞皮薄餡足，鮮蝦勁鮮味，外面已經望見入面透出鮮蝦紅色，肉餡吸盡鮮蝦精華鮮甜美味2. 炸魚角配櫻花蝦𤏪麵（係限定口味）一定要試試：一樣的麵，變成𤏪面和大量櫻花蝦，頓時覺得麵好吃在於它的煮法，這款𤏪麵不會太重口味但極具特色仲好好味炸雲吞一碟只有四顆，但炸至金黃色脆脆，食到朋友一邊食一邊笑，因為蝦味真係好鮮甜，脆炸令雲呑別有一番風味！新開既「小蓉麵家」食物好吃😋兼價錢實惠，不管一大夥兒一起或是午餐吃還是晚上聚会都好適合黎大快朵颐！

星期天要睡到自然醒第一件事當然要填食飽肚子來到這間小蓉麵家嘆碗雲吞麵環境裝飾佈置得古色古香像瞬間置身於歷史情節中甫坐下後便點了鮮蝦雲吞麵雲吞裡的蝦肉爽口彈牙每粒都真材實料幼麵軟硬適中鹼水味濃柱侯牛腩河又是另一好選擇牛腩用柱侯醬燜得軟淋入味油脂甘香肉味濃郁河粉盡吸了腩汁的精華更美味小食則點了酥炸招牌雲吞傳統的雲吞炸得酥脆炸後依然保留著肉汁另點了香炸黃金魚角質感外脆內軟魚肉多汁惹味星期日來個中式Brunch也不錯

又開始凍la，想食碗熱辣辣湯麵。剛巧係太子站E出口附近有間。醫肚先~我地叫左一個雲吞水餃麵，一個雲吞魚角麵。雲吞大大粒呀，鮮蝦好爽甜，配上大地魚熬既清湯底。夾埋爽彈細蓉底，最令人回味港式懷舊味道，湯底完全唔鹹，飲埋都得呀。呢度小菜都整得好好食,南乳豬手，大大件，勁入味，輕輕一夾就骨肉分離，霖到不得了。還有個上湯蘿蔔，好甜好軟綿.二十蚊大大碗，真係好底抵食。食雲吞麵我一定要點芥蘭啦，脆一脆，又多纖維。多食有益哦~食完豬手，還有免費酸甜蘿蔔比你咬下，解解膩。店家真窩心呢。低讚~飲埋杯熱檸密，飽曬。捧住個肚腩返家~

太子附近返工，經過見到有一間粉麵鋪頭，位置都比較開陽，位於大馬路十字路口附近，我哋兩個人就入去試吓食午餐。餐廳嘅格局比較中國化，以木為主，隨即店員安排我哋坐卡位位置，位置都非常寬敞，亦有圓枱選擇。餐牌除咗有粉麵系列，仲有小食同埋飯，款式多元化，飲品亦有我至愛嘅豆漿，隨即叫咗一杯。豆漿味道鮮甜，有非常濃郁嘅黃豆味道。套餐叫咗鮮蝦雲吞麵同埋牛筋腩河粉，賣相非常吸引。雲吞皮薄餡靚，咬落去入面有大大隻嘅蝦肉。牛腩質感比較林，非常軟熟，而且好入味，半肥瘦的。另外個套餐嘅餐飲叫咗熱柚子蜜，柚子份量比較多，非常足料。小食方面叫咗炸水餃同埋炸黃金魚角，兩款小食非常香口，尤其係炸水餃🥟，水餃皮炸到香脆，咬落去脆卜卜之餘，水餃內餡非常足料，再點小小泰式辣醬更加滋味。最後埋單都只係百幾蚊，每人平均消費都只係＄70左右，最重要係食物質素高，而且價錢合理，非常抵食。

最近發現太子開了間新的麵店，吃細蓉的小蓉麵家。落完單，邊吃酸蘿蔔邊等上菜，又爽又酸甜，開開胃。水餃魚角麵 加紫菜兩大隻水餃、三塊魚角，再加不少紫菜，把麵完全蓋過，看似豐富。細心地把韭黃分開上。不過本人是喜歡吃蔥的，第一時間把所有蔥倒入湯內。然後試一啖湯。少少甜的湯底，有輕輕的麻油味，跟豉油味平均，還好。魚角軟彈，不過魚味不重。瘋狂的我喜歡星座冰室那種濃到腥的魚片。不好意思，是我太重口味。水餃包得脹卜卜，皮薄餡多。每隻水餃都有一隻爽口的蝦、切成絲的木耳和肉碎，味道和口感都一流。紫菜吸了湯，夠入味。麵帶淡淡的梘水味，合我口味。不算腍，但又不夠爽，咬下去那一下斷開的感覺不夠強。京都炸醬撈友人說炸醬挺辣，但由於她抱恙，我就沒試了。芥蘭健康的白灼芥蘭，蠔油放邊，略嫌煮得太腍。炸水餃見我的水餃不錯，再點一份炸水餃。一樣餡多，炸得幾脆又不算太油，但始終喜歡湯水餃滑溜溜的皮。最後點了兩杯熱飲，檸檬正好去了炸水餃遺下的油膩。比起舊式麵店，這裡較整潔，在室內設計上花心思補回那懷舊的情懷。

好喜歡捐窿捐罅搵唔同嘅小食店。叫得小蓉麵家聽個名都知道係食細蓉嘅。不過我今日真係唔係幾想食雲吞，所以就叫左個南乳豬手麵豬手麵。一上嘅時候真係好大陣南乳味撲鼻而黎！但食落嘅時候南乳味又唔會太搶。 要知道雖則南乳豬手係用南乳整，但主菜其實都係豬手！太搶都真係會喧賓奪主。鍾意呢個味道調得啱啱好！豬手煮得好林！小蓉麵家既麵的而且確幾好食。咬落去有種彈牙感覺。就好似睇中華一番嘅時候，嗰啲人喺個口入面彈開、彈開、彈開、嗰種感覺。另外叫咗個小食係炸黃金魚角。其實就係魚片頭啲friend落去炸。裏面好彈，出面嗰層煙煙靭靭都幾好食不過個人覺得油咗啲，如果呢可以用吸油紙吸咁d油呢就perfect喇！ 配搭呢個麥當勞嘅泰式辣醬都幾夾最後就係杯檸檬水。最怕飲檸檬水檸檬係苦嘅。呢個檸檬係新鮮嘅！而且見到捷榮嗰杯真係覺得好有親切感開餐前有醃蘿蔔做小食，幾開胃！呢到播既係王傑時代既歌，好香港嘅感覺