小蓉麵家

營業中

休息中

好少雲吞麵檔會好似呢間嘅裝修都咁講究, 呢間位置於界限街嘅 雲吞麵店, 裝修華麗, 視覺嘅享受 不錯😍, 而味覺既享受一樣咁好😋😋點咗一個小食, 就係炸黃金角, 外皮炸到非常之脆口, 卜卜脆 , 裏面嘅魚肉肉質彈牙 , 配甜酸醬一齊食, 味道, 口感都不錯👍!雲吞麵麵質 真係非常之彈牙, 但不失掛湯能力, 配埋韮王, 夠爽口, 真係幾好食, 佢嘅水餃, 咬落去, 肉汁四濺, 有冬菇雲耳, 在加埋豬肉, 個比例啱啱好, 唔會搶咗大家嘅味道，下次經過太子，都黎而家飯堂先，nice👍👍

連續幾日食大餐，就想清清地食啲簡單嘅麵食。麵店黎講都坐得舒服，店舖乾淨企理。牛腩XO醬豉油王撈麵 $48醬汁好惹味,牛腩太瘦，食落有啲韌，麵質都幾彈牙。炸招牌雲吞 $28炸得好香口，浸一浸湯食都得，口感豐富。炸水餃 $28同樣炸得好香脆，又唔會太乾。鮮蝦雲吞麵 $29好抵食，有四粒雲吞，鮮味彈牙，但係麵略嫌太重鹼水味。凍檸樂 $12  樽裝可樂上，食完炸野飲返啖可樂好爽。熱柚子蜜 $9  柚子蜜好足料，對我黎講甜左啲。

來了這食店不少於10次牛腩，雲吞味道可接受，牛腩汁也惹味，但很痴牙，雲吞清湯底無味得很，有待改進本人很少寫食評，但每次進入這食店都很想跟大家分享一下：店鋪廚房有個比較後生師傅，每次都聽到佢大大聲播放著以前的mk 歌，每一首歌他也會嗌爆喉嚨地唱，音不準，狂走音，唱得十分肉緊，非常難頂！唱到悶了，就會和樓面的肥仔樓面大大聲粗口問侯，語氣也非常兇！而兩女樓面就常常講是非，聲音煩厭，十分趕客！每次都想寫食評，但每次都想比機會，但最後真係忍唔住！希望有待改善！

係太子地舖見到呢間食細蓉粉麵嘅地舖好多人，就入埋嚟食埋一份每檯都放咗醃蘿蔔，有碟可以自己裝嚟食，醋酸味甚濃原來呢度除咗普通粉麵之外都仲有好多撈麵，仲有個幾創新嘅櫻花蝦XO醬撈麵下次有機會都可以試下因為好肚餓，所以叫咗一個炸醬飯餸同飯係分開上嘅，炸醬十分多油，下面有生菜墊底肉絲呈條狀，同炸菜嘅粗幼差唔多，食落鹹鹹哋酸酸哋，幾開胃用嚟撈飯食啱哂朋友叫咗雲吞水餃麵，呢度嘅雲吞水餃都好大粒，而且水餃入面都有鮮蝦，木耳，爽口飽滿麵質爽口彈牙，同清湯底一樣，係忠實嘅香港味道餐飲叫咗杯熱柚子蜜，估唔到有檸檬片，本身已經好甜，唔使加糖香炸黃金魚角好有驚喜！魚片好有彈性，炸完之後面面都係金黃色咬落口啲炸魚片嘅皮好Q，點埋泰式辣醬幾惹味題外話：見到其他人食嘅豬手好大隻好正下次要再嚟試下先

這間麵鋪裝潢也有點古色古香，環境乾淨，最喜歡它有自家醃製的白蘿蔔和辣椒，很是好吃。鮮蝦雲吞麵 雲吞很大粒，皮薄蝦肉爽甜，幼麵彈牙，還有韭黃，配上大地魚熬成的湯底很美味。而且這價錢比一些大排檔還便宜，很划算。牛腩XO醬豉油王撈麵 牛腩很腍但略嫌太瘦，幸好很入味，麵質也不錯，撈麵送的湯也很美味。炸招牌雲吞 炸雲吞炸到脆卜卜，雲吞餡的豬肉和蝦肉也很新鮮。炸水餃 鳳城水餃也炸得很脆，但我比較傳統，還是喜歡炸雲吞多一點。凍檸樂和熱柚子蜜 凍檸樂 $12 樽裝可樂加檸檬是老公至愛。熱柚子蜜 $9 柚子蜜的柚子份量很多，加上蜜糖味道也不錯。

一碗好味嘅雲吞麵到底有咩準則？由細到大都超鍾意食撈粗麵嘅我,有時都專門去搵好食嘅撈粗今日喺太子遊蕩,咁啱見到呢間餐廳,餐廳唔係好顯眼,不過如果知道警察遊樂會係邊,其實就只係佢對面同朋友一人叫咗一碗雙拼撈粗麵,佢就水餃併墨魚丸,我就雲吞併水餃碗撈麵唔算好大,但係女仔食都幾飽,加埋雲吞同水餃都有五六粒雲吞同水餃唔細粒,包入咗鮮蝦同埋肥豬肉,好足料味道夠粗麵都好彈牙,放埋蠔油,唔會過於鹹試咗朋友一粒墨魚丸好大粒好彈牙.另外叫咗一碟油菜芥蘭,芥蘭新鮮鮮甜,價錢尚算合理.蘿蔔係必食嘅冇「渣」之餘仲好清甜,有十幾件,可以食到夠,食撈麵一定要跟凍豆漿,豆味濃郁,對我來講甜度適中,$11杯都幾大杯.食雲吞麵好多時都係啲舊式麵店,但係呢間裝修舒服,環境乾淨,服務都唔錯,就唔就腳就見仁見智,不過有機會再路過,我都會選擇佢

嚟麵館食麵，叫嘅兩杯凍檸樂嚟先，原來呢度係用緊支裝嘅可樂而唔係罐裝，好有懷舊風味檸檬片同冰裝滿一杯，夠哂冰鎮，可樂可以倒兩轉，正冬菇湯麵有四隻大花菇，炆得好淋，菇味甚濃，同鹼水麵好夾，再加上面頭少許韭黃，增添一份香味雲吞撈麵配上湯，雖然只係簡單咁用蠔油撈，但自己diy落埋檯面嘅辣椒油都好惹味雲吞幾大粒，豬肉同蝦好結實，食得出真材實料自家製嘅感覺，幾好食另外叫咗個淨蘿蔔牛腩柱候牛腩配蘿蔔，非常足料，腩汁入味，令入面嘅白蘿蔔都浸泡住呢陣香味白蘿蔔大件又冇渣，好甜牛腩炆得好淋，肉質細嫩，牛肉味濃，同埋青蔥一齊食，幫個麵加餸上湯浸時蔬，揀咗菜心每條菜芯都好粗大，好甜，而且切好菜莖同菜葉，翠綠色，浸住個上湯保溫

✿╮❤╭✿ ✿雜感女生 好味日記✿ ˚*•✰。小蓉麵家．重溫古早味。✰•*˚ ✿✿Dolce Vita @ 太子✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 愛吃傳統廣式麵的我 最近去太子行走 發現一家古式古香的麵店 格局企理乾淨 出品味道有兒時風味，甚是不錯 醃蘿蔔：免費任食 是少見的古老做法，幾十年前的街邊大排檔 都是任吃的，現在已買少見少 見人人都似放題一樣任食 即管一試，果然夠酸香開胃 XO醬豉油王撈麵加牛腩 牛腩入味香軟，非常好吃 XO醬豉油王撈麵夠香辣惹味 京都炸醬麵 特別之處在於除了肉絲更以炸菜入醬 醬香微辣香甜，也是很好吃 加上店家的麵有水準，煙韌彈牙 實在吃不能停 配的湯湯： 湯底清鮮有胡椒的爽辣，後勁仍KEEP到水準！ 炸招牌雲吞 香脆可口，啖啖蝦肉，附泰式辣醬，增加滋味 香炸黃金魚角 果然有彈牙與脆口位，店員推介有料到 豆漿：飲得出的豆味，不是一般街貨 食麵就應該配一杯！ 小評分： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

好耐冇食過咁有質素嘅雲吞麵！今日叫咗雲吞撈麵，水餃撈麵，同埋韭菜花油菜。雲吞有85分，啲蝦新鮮彈牙，同啲肉互相配合出味道。水餃同雲吞質素一樣，鮮蝦彈牙，加咗雲耳和豬肉。整體配合得好好！其實主角係啲麵，我已經好耐未食過咁出色嘅幼麵。啲幼麵完全冇鹼水味，彈牙又有咬口。啲麵我比95分。唯一要彈是韭菜花，你如果一次過食五六條韭菜花入口一定有渣。只可一次過放一兩條入口，咬耐啲就呑到。否則一定要吐返出嚟。

今日去花墟買盆栽，經過太子界限街近彌敦道，見到呢間小蓉麵家，招牌好搶眼心諗，小蓉=「細蓉」食番碗雲吞麵先店內裝修光猛舒服，古色古香，空間感十足，唔錯馬上Order碗細蓉先，「咪住」，為咗試埋佢哋嘅水餃，都係一次過，滿足兩個願望，來碗雲吞、水餃麵先試雲吞，蝦🦐爽味鮮，餡料分量十足，剛好一口一顆，麵條爽彈，湯底有濃濃大地魚香沾上小小秘製辣椒油，提升胃口柱候牛腩，上枱時熱騰騰，有根有肉，肉香濃郁，根滑溜醇香，肥而不膩，入口即化麵質彈牙，爽口，上等全蛋麵，烹調時間火候控制得宜南乳豬手，嘩，正到吖又滑又淋係時候補充一下骨膠原埋尾梗係要嘆番支樽裝汽水，呢樣唔使我教喇掛小蓉、小蓉，我諗我以後都會成日嚟探你㗎喇

望住個招牌，如果叫細蓉的話，可能更有親切感，店面雖然唔大，但都整齊乾淨，由其中式圓枱，我幾鍾意話哂叫小蓉本身想食雲吞麵，但見到有碗特色撈麵“XO醬櫻花蝦撈麵”，為食的我一試無妨，再加黃金魚角，雖然無叫雲吞麵，但無理由都唔試下，所以另外再叫多一個炸雲吞首先，xo醬櫻花蝦撈麵，麵身當然夠哂彈牙，食落除了xo醬味同鼓油皇味，櫻花蝦的香味，令碗麵有蝦子撈麵的感覺，另加的黃金魚角，係炸過處理，味道更香可以話雲吞鋪的主角炸雲吞都唔差，香脆的外皮，炸到薄薯片一樣爽脆，內容亦都飽滿，可以見到蝦和肉餡係集中密集，好食

^LUNCH 時間 又去周圍食野~ 黎到呢間食手工鮮蝦雲吞店 ~環境非常不錯 有少許復古的感覺 ~ 因為早去食人不算太多　所以不用等位就入得 兩個人~ 叫左鮮蝦雲吞麵同墨魚丸麵 仲有叫左菜心同炸雲吞 當然不少得飲豆漿 -鮮蝦雲吞麵 大大碗 麵質感一點都不硬 重點鮮蝦雲吞　每碗 都有四粒  ~ 仲有好多餡~ 好大隻蝦~ －墨魚丸麵 墨魚丸麵都是每碗 都有四粒 而且每一粒都有墨魚肉　~ 咬落口感彈彈的~ -炸雲吞 非常卜卜脆~ 剛炸起~ 配埋D醬料更好食～ 菜心 ~ 豆漿~ 我的至愛 係咁熱天氣 成杯飲哂 爽爽的~ 地方算近地鐵站 好易搵 ~ 喜歡鮮蝦雲吞的大家可以去試下喔

我相信雲吞麵依三個字對於香港人黎講一啲都唔陌生。近排係太子發現左一間名為小蓉麵家既麵店。咁岩有啲肚餓就入去試下。其實未入去已經被店舖既裝修吸引住。入到去裝修都係以復古為主。木器餐桌椅，懷舊既味道出曬黎，好似時光倒流咁。小蓉雲吞麵，份量適中，先試個湯底，有陣陣魚香味而且飲完唔會有口乾既感覺。鮮蝦雲吞皮薄餡靚，啖啖蝦放入口，爽口彈牙，新鮮味道出曬黎。再配上粗麵，而且唔會好重梘水味，值得加分。再加上唔同款式的碗碟更顯個人特色。魚蛋麵，魚蛋爽口彈牙，再加上魚角，令到成碗平平無奇既魚蛋麵增添番一絲氣息，與眾不同。炸黃金魚角，炸出黎色澤光彩顯得真係金光閃閃，而且炸既時間控制得岩岩好，外脆內軟，同湯麵既魚角又有一個分別，但兩者都各有不同，但同樣都係美味可口。炸墨魚丸，味感爽口彈牙，而且濃濃既墨魚味帶出香口既味道，會令人繼續想食。

小蓉即細蓉乎？小蓉名字感覺親切，個人都十分喜歡食雲吞，今晚路過此店覺得好有特色，就決定唔放過佢。牆上的花鳥畫令到環境變得優雅，感覺好乾淨，有卡位，坐得舒適，而且空間感十足，枱與枱之間有足夠空間。經典雲石配木圓枱和椅子。醃蘿蔔幾好味，好醒胃。自家制豆漿 ($11) 有鮮豆味，幾大杯。特色麵的XO醬櫻花蝦撈麵($38)加配五香牛筋(+$10)，牛筋十分出色，炆得好稔又入味，食到豐富的膠原蛋白，可以養顏美容！撈麵拌XO醬很惹味，麵質爽口彈牙。附清湯炸招牌雲吞($28)，炸得脆卜卜，好香口，大隻鮮蝦係入面，好味到我自己可以食一打。菜心 ($15)新鮮大碟。雲吞墨魚丸麵 ($34) ，主打鮮蝦雲吞必食，豬肉和蝦比例不錯，雲吞爽滑彈牙，墨魚丸口感與坊間的有點不一樣，上湯有大地魚味，竹昇麵的質地很Q，無鹼水味，喜歡食的韭黃也少不了，是很正宗美味的雲吞麵。炸黃金魚角 ($28)，薄身的金魚角帶滿滿的魚味，唔會好油腻。用的餐具跟店的風格很配，吃得很愉快又地道的一餐。

出去食既牛腩筋飯都有一個特式就係份量少而且牛腩有渣的但呢間係我第一次食就愛上的因為佢真係用心去煮的, 份量亦都非常充足 蘿蔔牛筋飯佢既蘿蔔牛筋飯係分開上既牛筋既數量竟然係比蘿蔔既多而且每一條都係好大條的, 唔似我曾經食過係已經煲到好碎既 牛筋同蘿蔔都已經入哂味好香既腩汁味道將D汁撈埋個飯黎食真係天下一大美食!炸招牌雲吞之後我地SHARE左個小食食炸雲吞都係我第一次叫想不到這家是即叫即炸的而且好有技巧的佢既雲吞皮係冇好厚的摺埋一齊咁樣食落口就唔會好厚粉!! 呢個真係心機位黎! 入面既餡料好足下, 特別係個鮮蝦炸完都KEEP到鮮味不錯不錯