小蓉麵家

營業中

休息中

今日喺旺角踢完波，周圍行下搵嘢食，就見到呢間小蓉麵家，我俾佢門口嘅裝修，同埋入邊嘅格局吸引左，所以就入去試吓，入到去，佢比我嘅感覺有啲懷舊，但係裝修就好靚，地方亦都好乾淨我叫咗個水餃魚片頭麵，面嘅份量唔算好多，感覺有啲細碗添，但係水餃就大大隻，首先講佢嘅湯底，一啲鹼水味都冇，好清好鮮，水餃嘅用料好新鮮，魚片頭就好彈牙，而且好厚最令我欣賞嘅係，佢每一檯枱面，都放咗一樽自家製嘅酸蘿蔔喺度，而且好好味，好新鮮，整體上呢間野真係唔錯，下次都會再試

魚旦粉係香港地道食物既代表之一, 今次經過太子, 沿住彌敦道轉到界限街就到既呢個魚旦粉, 應該新開無耐, 結果又幾好食喎!! 呢到除左麵食同小量既飯, 仲有唔少小食選擇!!岩哂我中意叫到成枱都係野哈哈!! 首先叫左既係菜, 出街食都可以叫得有營養XD 揀左菜心同通菜, 附上既腐乳同蠔油份量好多, 完全夠哂點, 十幾蚊一碟既份量黎計幾抵。見餐牌仲有唔少其他小食, 例如蠔油炆冬菇同炆蘿蔔都比較少見! 淨叫個炆冬菇先, 原來好大碟, 冬菇好厚肉都有約十隻以上, 底部仲有生菜墊底, 中和一下本身蠔油既咸味, 同樣又係抵食, 不過要飲返多少少水~有點太濃。主角魚旦粉有好多選擇, 但我就揀左最正宗既魚旦粉黎試試佢真章, 一碗魚旦粉有魚旦及魚片頭及3粒, 份量同價錢成正比, 魚旦比人第一感覺係好爽口, 一咬有種在口腔回彈既感覺, 魚片頭反而無咁有口感, 幼麵都水準唔錯, 頗有彈性。朋友點既豬手麵驚喜較大, 因為本身佢想食豬手, 但淨豬手價錢比起配麵多十幾蚊, 估唔到跟麵豬手都有3隻, 以南乳為主調味炆得非常入味, 但唔會比人太濃食完好口乾既感覺, 撈麵麵量比湯麵更多, 下次有機會我都想叫撈麵食!任添

好多野雲吞牛腩麵袋已經係非常普及化，而且味道有啲就過於簡單，完全無左傳統的味道。估唔到呢一間小蓉麵家，簡簡單單一間嘅小店，竟然有返傳統嘅味道。我都唔知點樣去型容傳統嘅味道，但係傳統嘅味道係我腦海入邊就係不簡單，味道不單一，有層次，有用心的。就好似呢一個豬手河咁，佢啲豬手炆得非常之淋，而且有你咬入去第一啖係豬腳皮上面食到嘅已經食到滷水料的香味。最重要嘅係個湯底，唔會只有咸味，飲得出有經過熬製，有種魚湯香。之後就係呢個灼豬潤，個人來講係非常之鍾意食豬潤嘅，但係係屋企永遠都整唔到個種爽口。呢度仲有得食，仲要一大碟，唔使慳住。仲有一點就係我好鍾意呢一度嘅碟酸蘿蔔係放喺枱面度可以任食，餐前食一d可以開胃，餐後食一d可以幫助消化。

雲吞撈麵- 湯清甜味鮮，散發着濃郁的大地魚甘香、羅漢果的香甜，及點點白胡椒辛香- 蔥花不夠清香爽脆，偏乾- 雲吞的大小與乒乓波相約，皮薄，未算得上滑。餡料攪拌至起膠，偏黏稠，蝦彈牙，豬肉甘香- 銀絲幼麵，條條分明，十分彈牙，帶豬油香- 免費任取的醋醃白蘿蔔，切成薄片狀，爽脆清新，酸味適中，提升了白蘿蔔的清甜，成功達到中和油膩之效- 配菜亦沒有馬虎，用上西生菜，爽脆鮮甜*辣椒油香辣甘香兼備*其撈麵用碗上，吃時更方便，但當澆湯在麵上吃時，湯全聚在底部，只浸到一小撮麵，若吃得不夠快，會導致該小撮麵過腍，失去原來的彈性。若用碟上，澆一匙湯，夾一撮麵，更易控制每口麵的爽彈腍滑度*份量屬「大蓉」，食後感覺踏實*價格相宜，只賣$34*白底碗能突顯幼麵條條分明、雲吞凹凸有致，視覺上很討好

今日經過太子，朋友話呢間雲吞麵都幾好食，亦見到好多好評就去試下啦呢到既裝修都幾新，好似開左冇幾耐咁，門面d食物好似好好食咁，吸引左我入去試下朋友叫左魚蛋雲吞麵，份量好足，湯底亦幾清甜而我自己就叫左豬潤撈麵，平時都好鐘意去維記食豬潤麵，而呢間既豬潤我覺得好食過維記，唔會過熟，煮得剛剛好及爽口跟住叫左d小食，估唔到都幾大份，羅白好林好清甜、炸墨魚丸都幾彈牙，4個人剛好一人一粒價錢又唔貴，得閒會再黎食下

係太子附近happy hour完，同朋友想食小小野醫肚，見到呢間食麵既店就入左去。門口大大隻字寫住手工鮮蝦雲吞，咁我當然要試一試，叫左個雲吞魚蛋麵。同行朋友就叫左個豬膶麵同少少小食。枱面上面擺住一樽蘿白，蘿蔔好酸好開胃，食住等麵到岩曬。雲吞麵雪吞大大粒，份量十足，皮薄餡靚，魚蛋亦都好彈牙。小食我地叫左蘿白，炸雲吞同炸墨魚丸。蘿白好甜，湯汁煮到入晒味。而個炸雲吞同煮既好唔同，亦都值得一試，配埋個酸辣醬食好match。

係太子行街行到攰，喺太子見到呢間好正宗嘅雲吞麵店就入去試吓啦，感覺同嗰間貴價雲吞麵都好似，裝飾好傳統好有特色，環境幾靚。地點超級方便，鄰近太子站3分鐘就行到。大部份菜式都有，價錢又唔貴，$40-$50就有大大碗。小食方面亦都好多選擇，炸雲吞同埋炸墨魚丸都好出色。即叫即炸，熱辣辣，墨丸好彈牙，超好味。另外叫左碗蘿蔔，份量好大，share食都食唔晒。同埋蘿蔔超級甜，未食過咁甜嘅清湯蘿蔔，好入味。到主菜麵食喇，叫左個柱候牛腩撈麵，牛腩又腍又滑，牛腩炆到好入味，味道濃郁，麵質爽口彈牙，好有水準。另外朋友叫左個豬潤撈麵，好似唔係到到有，朋友都話煮得好好食，豬潤唔會overcook又唔腥，好有驚喜。整體黎講呢間麵店價錢平，質量味道好，環境又乾淨企理，得閒經過都會再去食。

小蓉麵家地址：太子界限街38號地下太子比旺角相對多地道小店，在購物後去了食碗麵呀！一碗麵地道又飽肚，吃完感到心滿意足。雲吞魚蛋米才$33 好抵食，中環返工一個麵已經要50幾蚊，來到太子小蓉同一付出可以點埋小食飲品，多感動。仲有醃酸甜蘿蔔片任食，好開胃架。有豬肉蝦,肥瘦比例剛剛好又鮮甜，一口食一隻，蘸點醋汁更惹味湯頭味道唔會好假或淡如水，跟米粉岩曬，跟杯自家製豆漿，去親有豆漿供應的店子一定會喝豆漿，健康有益，補助蛋白質。

呢度係食午餐既好選擇！價錢三十零蚊就有交易，食得飽又好食！食物未上前，可食住酸蘿蔔開下胃先！醃得唔錯！雲吞餃子雙拼有三粒雲吞同兩粒餃子，好大碗！餃子有豬肉、蝦同木耳等。皮薄，夠味，因為有木耳，食落好爽口！雲吞都好多蝦，調味剛好！麵份量都好多，幼細、爽口，無物梘水味，唔錯！櫻花蝦撈麵+牛腩幾多櫻花蝦，食落好有口感，個汁唔咸，剛好。牛腩好入味，好林，有少少既肥肉同筋痴住，正！芥蘭好爽脆！唔油！豆腐，不過不失柚子蜜好搞笑地加左塊檸檬，未試過，但又幾夾wo，多左一重清新既感覺！餐牌上都幾多選擇，價錢唔貴，值得一黎！

如果講到平民的美食，不得不提「雲吞麵」。由七十年代初到現在仍舊受歡迎，沒法子「細蓉」小碗已吃得飽，而且手工的雲吞也是令人暖在心頭又滿足。現在的雲吞麵沒有大排檔形式，而且全部入鋪。「小蓉麵家」保留傳統的特色，無論牆身或是裝飾都滿帶懷舊色彩。餐牌上的種類並不多，包括:湯麵、撈麵、特色麵、油菜等等，傍邊有自家醃製的蘿白；蘿白的酸度並帶爽口，相當開胃。特色麵有XO醬櫻花蝦撈麵$38不算太貴，只需要加$10便可以有柱候牛腩、黃金魚角、五香牛筋等。一上桌已有一股香氣四溢的味道，有銀芽、香蔥、芝麻等等。頂層有柱候牛腩肥美得相當軟身而且份量都恰到好處。另外雙拼雲吞及魚角麵，雲吞皮包著蝦相當飽滿而且魚角也是相當彈牙而嚼勁。麵底煙韌而且份量適中，湯底不會太濃郁。有一種回到舊有的味道，雲吞麵的確是港人最愛。小食方面，還有炸雲吞及炸韭菜餃等，香脆可口又美味並且加多杯檸樂更具風味。

已經唔係第一次嚟呢間餐廳到食嘢，係因為覺得佢個豬手麵真係好抵食！所以成日都介紹朋友係度食！今次就同同事黎咗食呀！ 先要介紹我至愛豬手麵！呢碗豬手只係29蚊，係29蚊呀 咁大隻豬手你話去邊度揾呀？仲要係有2隻架！ 名副其實嘅餸多過麵！ 而且佢嘅南乳豬手炆得好林好入味！如果你要食爽豬手，呢度就唔係好啱你啦。朋友叫左個雲吞撈，佢啲雲吞都係好出名好好食㗎！ 隻蝦好大隻，啲皮好薄！ 最鍾意食雲吞皮架啦！薄ee，滑捋捋！好好味！另外叫左個上湯浸菜心，啲湯都幾好飲！菜心幾新鮮冇渣！仲係用捷榮杯去到裝嘢飲嘅添！我個friend狂啪佢呢個醋白蘿蔔！我個人就唔係好好嘅，不過朋友就話幾好食係香港小店要生存真係唔係咁容易，尤其是係呢啲價錢相宜嘅小店，希望佢可以做耐啲啦，我真係好鍾意佢個豬手麵㗎！

以前總覺得吃傳統中式粉麵必須到一些老店，或者是裝修比較舊的麵店，甚至是鐵皮檔如水記，才能找到好吃的，直至今日終於打破了這個謬誤。太子小蓉麵家一室紅啡磚牆，用上高雅雲石檯凳，牆上幾幅畫上的花朵和鳥兒為整個環境帶來生氣，與一般粉麵店截然不同。每次我必點牛筋麵，這裡的牛筋件件軟滑入味，大件有口感，份量也不吝嗇，麵條爽滑有韌性，湯底濃郁有層次，不會死鹹，絕對是水準之作偷吃了朋友的一粒牛丸，爽口彈牙，有牛味，出乎意料之外😋蠔王冬菇炆得入味，多吃幾粒又不覺得鹹，小蓉麵家有驚喜真心推薦

正宗粉麵店買少見少，見到有一定要支持下～餐廳名叫小蓉，一定要叫返碗細蓉應下景雲吞牛丸麵$33雲吞皮薄餡靚，包住鮮甜蝦肉。牛丸好彈牙，牛味濃，真材實料。麵質彈牙～XO醬豉油王撈麵加魚角$48魚角新鮮炸起，熱辣辣。xo醬辣辣地，用黎撈麵好惹味淨豬手$55好香南乳味，炆得夠淋夠入味，充滿膠質淨蘿蔔牛腩$55牛腩連埋牛筋一齊炆，份量多，蘿蔔清甜無渣豆漿$11自家製，唔太甜，好健康樽裝汽水$11汽水係樽裝汽水，好懷舊

香港人都一定有食過雲吞麵，雲吞麵又叫細蓉，呢間小蓉麵家唔似一般雲吞麵舖頭，裝修乾淨企理，有啲似係現代化嘅雲吞麵鋪頭～佢有好多唔同嘅款式可以揀～有撈麵、湯麵、飯同埋小食都有！入面裝修都幾舒服㗎，坐耐啲都得～每一台枱面都放左一罐醃蘿蔔，蘿蔔非常入味又夠爽脆，淨係呢個已經食唔停😆😆我同朋友每人叫咗一杯《豆漿》$11，都飲得出幾有豆味，一啲都唔會太甜，可能冇加好多糖，感覺非常健康👍我哋叫咗呢個小食《炸魚皮》$18＄18已經有大大兜，有超級多都食唔晒～我真係叫咗一碗《五香牛筋撈麵》$34牛筋炆得好入味好林，細麵麵質軟硬適中，隔離個湯底亦都幾好味，有淡淡的胡椒味👍朋友就叫咗《鮮蝦雲吞麵再加紫菜》$34鮮蝦雲吞皮薄涵靚，大大粒蝦肉係入邊🦐麵質都同撈麵一樣，軟硬適中《炸招牌雲吞》$28配上泰式酸辣醬更加惹味🤤

愛吃雲吞麵都知道，雲吞麵有個別名，叫細蓉，一聽到這個名字就想起，小時候的街邊雲呑麵檔，百般的美味，就在心頭。 現在，老店少之又少，像麥乜麥乜這些店都明星化和現代品牌化後，這些傳統雲呑麵店就如鳳毛麟角。 反傳統地，太子近排開了一間麵檔，主打是這些舊式的傳統雲呑麵店，在裝修，色彩和食物上都學得十足。 這裡是小蓉麵家。 像劉森記一樣，這裡的酸蘿蔔任你吃，而且味道不是求其之物。 來得當然要吃雲呑麵，樣子像極從前七十年代街邊的美食，就連碗都係公雞款。 外表圓圓有少散尾，豬肉和蝦各佔一方的雲呑，⼀口就吃下勁滿足。 麵條是令人喜歡的，掛湯勁，沒有太多鹼水味，不錯。 飲一口湯，令人懷念舊時雲呑麵的美好。 我朋友叫多碗牛腩炸醬撈麵。 柱侯的牛腩當然非常入味，最好還有個淋到不行的牛根，而且牛腩texture 正是剛好的韌度。 炸醬是甜甜辣辣的，不過俾牛腩搶左不少鏡。 這裡還有不少的點心，其中黃金魚角最出色，彈牙有致，點埋甜酸醬更佳。 而墨魚丸也炸得剛剛好，不過如果大粒點，口感更佳，像昔日的炸魚蛋。 如果以中下價來吃這種質素的麵，絕對是超值，而且這裡的位置好方便，雖然食店多，但以這個價錢