小蓉麵家

營業中

休息中

朋友好鍾意食雲吞麵牛筋腩飯我住喺附近成日見到呢間舖就約埋佢去試吓入邊個裝修都幾得意牆壁上嘅畫係畫上去嘅店鋪好乾淨其利價錢方面都幾平而且種類都幾多我就特別鍾意食牛筋腩叫咗牛筋腩飯入邊仲有冬菇食得出係煮咗好耐嘅醬汁不得了牛筋炆得勁入味啲汁過嚟送飯簡直係一流而且份量都算幾多食落味道香濃另外都叫咗杯豆漿飲得出係自家製豆味極級香濃唔會好似出邊嗰啲溝水絕對真材實料來得就當然要嗌碗雲吞啦所以叫咗個雲吞撈麵雲吞入邊嘅蝦彈牙面就有啲蠔油一齊撈埋而且呢個價錢份量都幾多加埋個湯都幾正小食我就叫咗個炸雲吞感覺好唔同咁樣食又幾香口

收工又係搵好嘢食嘅時間Openrice搵吓太子有咩好嘢，諗住搵間平平地，見到呢間叫小蓉麵家，評價又唔錯，所以試一試。店內乾淨企理嚟到當然要試吓雲吞麵啦果然湯甜麵正雲吞又係好好味重點係...有韭黃豬手撈粗都幾好豬手好入味叫埋芥蘭，$16大大碟建議你可以試吓佢地嘅醃蘿白同辣椒醬又係唔錯呢個係可以再食嘅食店順便一提，呢度嘅服務都唔錯

已經唔係第一次食小蓉麵家，經常性諗唔到食咩就會黎呢度食飯只因呢間店環境舒適，而且價錢相宜，食物亦有質素餐廳食物款式簡單，沒有花巧但卻地道，充滿港式風味坐低一定會食佢啲醃蘿蔔，酸酸甜甜非常開胃試過佢啲雲吞麵質素不錯，今次試食飯，點了一個蘿蔔牛腩飯，很快便有得食牛腩份量比想像中多，已且燜得入味濃郁，牛腩食瘦得宜，好香好惹味蘿蔔燜得入味又香甜，非常新鮮色香味俱全見到都想食另外叫左一個炸墨丸小食，新鮮炸起粒粒彈牙，非常令人滿足

小蓉麵家今日放工同爸爸去花墟買花，經過太子，就搵間普通嘅雲吞麵醫肚，估唔到都有驚喜。麵家嘅裝修都幾有心思，牆上面就掛上壁畫，古色古香。雲吞墨丸麵$34雲吞比預期的細，入邊嘅蝦都幾彈牙。墨魚丸亦都比一般嘅較為結實，真材實料。XO醬櫻花蝦撈麵$38加配五香牛筋$10XO醬唔算好濃郁，不過櫻花蝦乾增加咗個撈麵嘅鮮味，有少少鹹香。牛筋就好驚喜，好大件啊，再望下佢嘅顏色，一睇就覺得佢夠入味，咬落去牛筋軟嫩又有Q勁。小食炸黃金魚角$28炸水餃$28上湯浸菜$20幾款小食當中，個水餃比較出色，炸得香脆，浸菜亦都係用咗雲吞麵底嘅上湯，好味。檸樂 $12呢杯檸樂真係非常超值，首先佢係樽裝可樂，即刻加分，樽裝可樂特別好味又夠氣，加埋個冰底， $12真係實在太抵啦！

豬手麵，好入味，入口即溶，不過對我黎講咸左d，份量豬手同麵既份量都正常。仲叫左碗雲吞水餃餃麵，兩個餸都不太特別。個炸魚皮同一杯凍豆漿，同平時食個d都係咁，唔會話特別唔同。碟菜唔新鮮，有少少爛爛地，無落油，食落鞋鞋地咁，唔食都無所謂。總括黎講，唔需要特登去食，因為無咩特別。不過茶餐廳黎講，個裝修環境算係不錯同干淨。

Had an customer meeting at Prince Edward the other day. Felt hungry after the meeting, and walked passed this little noodles restaurant, so decided to give it a try.The restaurant isn’t too big, can probably served about 30 customers or so. It was around 17:30 when I went that day so there’s available seats right away. Overall, I’ll rate the restaurant 4/5, and definitely will come again. Very delicious food and reasonable price.Pork Knuckles:- Rate 5/5- Amazing taste, super tender with grea

同朋友經開太子 見到呢間裝修得古色古香又不失現代簡約風格嘅雲吞麵店 朋友記得爸爸推介過話又平又好食 唸都冇唸就入左黎每張檯都擺放左一罐酸蘿蔔 大家可以任添😆 蘿蔔醃得入味爽脆酸酸地超級開胃😻 搞到我地全程都食到冇停口😂 雲吞餃子麵 $36 有3粒雲吞 2粒水餃 雲吞同餃子都包到脹卜卜皮薄餡靚 兩樣入邊都有一大粒完整鮮蝦同豬肉 水餃更有木耳 令到更有咬口🤤 個人覺得水餃餡更豐富好味😆蝦真係好大粒😆水餃更多餡😻😻麵幼細爽口份量剛夠飽😆南乳豬手撈麵 $34南乳炇得十分入味 超香南乳味 炆得好淋 不過撈麵食得多就略咸同乾 好彩有叫豆漿送🤪香炸黃金魚角 $28 新鮮炸起 外皮香脆 入邊魚肉超彈牙 下次都一定叫😻炸招牌雲吞 $28 餡料同湯雲吞一樣 有大大粒鮮蝦 可以點上泰式醬料 同樣新鮮炸起上檯🤤豆漿 $11 難得唔甜 有淡淡豆味 飲落好舒服好健康🤤✌🏻

好少雲吞麵店會有比較好嘅裝修，而呢間就以簡約中式做主題，感覺比一般雲吞麵店好坐同乾淨Xo醬櫻花蝦撈麵配牛腩，麵上面鋪上大量櫻花蝦，麵質軟硬適中，撈麵中有不少薑絲，但食落有幾夾喎。撈埋xo醬微微香辣，比想像中好食。牛腩夠淋又入味，下次嚟可以再試湯麵。炸招牌雲吞，炸墨魚丸，呢間啲炸嘢炸出少少微燶嘅味道，好正，炸雲吞比墨魚丸好食。性價比亦高。題外話，雖然去食雲吞麵你唔會要求有咩服務，但仍有好大進步空間。

今日午餐黎到這裡食麵，這間好多客人！一於入黎食下！傳統的麵店，好中式好靚的門面。好光猛好乾淨的環境，坐位木製舒服！枱上酸蘿蔔及不同醬汁放置醃蘿蔔好正好脆口又酸酸的！配飯配都都夾飲料：熱檸水（4片檸水）；凍柑桔（開胃微甜夠凍）招牌雲吞麵大碗的招牌雲吞麵，雲吞好大粒，蝦爽口彈牙、香滑雲吞皮；麵好爽口彈牙！蝦大隻，彈口爽口；有木耳、豬肉入餡，增加口感！京都炸醬飯好香有肉有炸醬！微辣的醬料！白飯好大碟小食：炸墨魚丸4粒墨魚丸好大粒，好熱辣辣又外香炸的香脆可口；墨魚丸：彈牙又內軟！小食：炸水餃一碟3隻，好大隻！炸得好靚！熱騰騰上碟，配上泰式酸甜醬！內餡是木耳、豬肉等等，材料好滿滿又有口感價錢環境都唔錯！

今日喺旺角警察同樂會附近泊完咪錶，無意中行過太子斜對面街一間叫「小蓉」的雲吞麵店，不需思索決定一試，因為我好鍾意食一啖一粒嘅雲吞(市面而家好多標榜大大粒，但sorry我真係唔識欣賞囉)。小店裝潢優雅，牆身以手繪花鳥為主題，舖面衛生整潔。今日試左一碗雲吞麵，一碗水餃牛丸麵，一碟腐乳通菜，一杯豆漿，一杯凍柚子蜜 …… 「小蓉」=「細蓉」=「一啖一粒雲吞」，蝦&豬肉比例剛剛好，麵條彈牙無梘水味，真係好好味，「小蓉」我終於搵到你喇😍

行完花墟想搵間餐廳放低戰利品醫醫肚，經過見到呢間餐廳幾多人就入去試試餐廳內嘅裝修企理乾淨，食物價錢都非常合理同朋友一人要咗一碗細蓉試試，再加多個炸雲吞share餐廳有提供酸蘿蔔，可以食少少先開開胃！碗麵賣相幾好，雲吞一啖一顆，鮮蝦爽口彈牙，個湯底充滿大地魚鮮味，麵底份量都足夠，唔會只係得幾啖 😛😛炸餃子有三粒，炸得幾香脆，木耳增加爽口感覺，比全肉饀感覺輕盈啲，冇咁heavy另外再叫咗兩杯自家製凍豆漿，豆味都幾濃，飲埋就飽晒喇 😋

行完街去醫肚，好耐冇食過港式嘅粉麵啦，簡簡單單食少少， 雲吞麵係一個唔錯嘅選擇，唔會太油油夠飽肚。呢間小蓉麵家喺花墟附近，位置都尚算就腳，一來到叫碗雲吞麵先係王道，四粒雲吞大小適中，加上傳統嘅幼麵爽口彈牙。而且仲加咗少少韭黃令到碗麵更加香，不過如果個湯底再濃少少會更加好味，而家有少少淡，不過都ok嘅。另外都叫咗個薑蔥豬膶撈麵 ，麵同樣都係幼麵，都係爽口彈牙， 不過冇湯就比較乾身，而且冇落蠔油或者其他醬汁，要額外問店員拎先有蠔油，如果唔撈蠔油食的話，就會比較淡口，不過都可以撈下辣椒油嘅。豬潤口感都幾爽口，又唔會好乾，唔錯。飲品方面就叫咗豆漿同熱柑桔， 夠曬潤喉。不過小食就嗌咗啲熱氣嘢，有炸水餃同炸墨丸。水餃炸得非常鬆脆，而且入面餡料都幾多，不過外皮就有少少厚，同埋鹼水味。墨魚丸同樣非常彈牙，不過份量比較小巧，感覺食麵就抵啲，不過始終小食係炸，就會比較惹味。兩個人食咗差唔多140蚊， 都算飽嘅。

下雨天，出到旺角，同男朋友想去花墟買嘢，路過呢一間雲吞麵鋪，入去食少少嘢順便避下雨。都有唔少款式，有湯麵有淨食。又有撈麵同小食咁。環境都算唔錯，比平時既粉麵鋪乾淨。先嚟一碗細蓉，有4粒雲吞，幼麵算彈牙，不過湯就比較淡，而雲吞肉粒都多，不過皮有啲鹼水味。而檯上有提供酸蘿蔔，酸甜開胃。另外都叫左碗薑蔥豬潤撈麵，豬潤算滑，唔會太乾，不過只有4片，有少少唔夠喉。另外仲叫咗2個小食，炸墨魚丸同炸水餃，兩碟都係28蚊一碟，份量比較小巧，不過墨魚丸都幾香口彈牙。而水餃都幾多蝦同肉粒，不過皮比較厚，同樣有少少鹼水味，不過點埋泰式醬都幾夾，不過不失。

今晚打完波攰攰地，諗住隨便食個粉麵就返屋企。路經界限街口咁啱發現有一間麵食店叫小蓉麵家，最搶眼既就係俾佢門口大大幅既雲吞麵招牌吸引左!於是行埋去打開個menu睇睇，都好多雙併配搭款式兼且只不過40蚊唔駛，咁抵食唔駛再諗其他選擇就入去。舖內座位簡潔舒適，絕非一般俗語所謂"打杖"既平賣雲吞麵店果種侷促高輪轉既感覺。簡簡單單就點左一碗雲吞水餃幼麵，一杯鮮豆漿，同一碟炸魚角小食。講返小店既裝潢先，新潮得來帶點中國風味，牆上既壁畫襯托埋酸枝實木既餐桌座位，氣派十足。每檯當眼處都放置了一罌店家自製既酸蘿蔔，切成半圓形片狀浸泡在清澈既白醋內，薄薄的入口更覺味道~微酸而份外清甜，可以俾客人用餐前先來幾片開一開胃，重點係呢個餐前小吃是免費項目。好了，話咁快一碗熱騰騰既雲吞水餃麵就送上，飽滿既雲吞水餃鋪滿整碗麵團之上，伴隨著韭黃的飄香，簡直係令人食指大動同有驚喜，當然都係相機行先，順便推介一下俾波友知。趕快趁熱先來一口雲吞，輕輕把外層咬開，你會感覺到皮薄滑溜之餘,內裡饀料十足，蝦肉新鮮爽口。再嚐一口熱湯伴麵條，彈牙之餘又可以徹底地吸收左湯底既精華，清甜而絕不帶枧水味。再來的新鮮炸魚角，色澤金黃兼富彈性，進

放工去食個麵先返屋企見到呢度裝修得幾有雅緻就來試試餐牌有飯有麵有小吃但叫得小蓉麵家，當然要試試最穩陣嘅雲呑麵同炸水餃枱上有調味架，有自家酸蘿蔔可吃酸酸地幾醒胃公雞小碟幾靚😛現在也是即煮即食，也就沒有先把雲吞放底麵放面的舊傳統了雲吞麵份量不少湯底夠清四粒雲吞富色澤，食落有很香麻油味！鮮蝦爽口彈牙！大地魚味不會太出麵煮得剛好，不會過硬，也不會淋到一餅炸水餃是木耳鮮蝦豬肉饀，炸到卜卜脆份量不會太多，做一人小食剛好價錢公道，位處旺區也沒開天殺價，不錯！