小火焰韓式咖啡廳 (觀點中心) (已結業)

又黎到觀塘，想食韓國野，但選擇好似唔太多~一search就出左呢間小火焰韓式咖啡餐廳E，唔係APM喎!應該唔會太多人!去到，真係唔多人喎! 正，唔洗等好耐位!每張台都有必叫既 溶岩芝士炸雞麵包估唔到除左個樣，又真係好好味芝士可以拉到出黎! 拉到好長都唔會斷將炸雞掉落去個芝士'海' 到，不過其實芝士味唔太濃食晒雞就食飽！又係有滿滿既芝士 <3 <3

新春與好友相聚於觀塘，唔知食咩好，一於去OpenRice 爬文和睇評分，果然冇介紹錯。姊妹都話要同hubby和家人再光顧。因為我哋約咗兩點半在餐廳等，本來一心食吓tea,奈何嗰Tea set Menu唔吸引, 不過個正常餐牌好正，於是一於食正餐。我哋三個人，叫咗炸雞沙律、茄汁大蝦意粉、辣豬肉蓋飯和杏仁咖啡。樣樣都好好味，尤其是杯咖啡。我哋由兩點半坐到五點半先走，五點鐘開始已經有不少食客，間餐廳唔係太大，我諗如果正常用餐時段，一定要等位。如果唔想等得太耐，最好用FOODGULU 攞定飛先。

初七人日Lunch time 過官塘搵朋友食飯順便𢭃利是😃，通常朋友會帶我去工廈cafe 食lunch, 但今次朋友驚工廈cafe 未開工，所以轉場去佢公司附近呢間韓式餐廳食。餐廳座落於一樓大堂角落，係開放式餐廳，即係人人經過都望到個隻😊。朋友一早已攞位，所以無需要排隊，不過我見門口都唔係好多人等位，座位已經坐得8899. 值得一提係，好多餐廳lunch 繁忙時間都會有時間限制，但呢間完全無，食飽坐響度又唔會趕你走，不過我哋都識做嘅唔會阻人做生意的😜。Lunch set menu:我哋揀左B1, b2, b3, b4呢個見到以為好少份量，食下食下原來都好飽估唔到有4隻雞翼咁多魚板串竟然有兩大串，食唔哂，喜歡芝士的，可以大滿足，泡菜炒飯唔夠辣上枱時，以為隻人參雞好細，原來佢塞滿的，好足料，味道可以Lunch set 包飲品

夜晚經過觀塘工業區係一幢好隱蔽嘅中心搵到一間韓國食店，店面以開放式設計，者係無門無阻擋嘅店鋪。入到餐廳牆上有用木砌嘅招牌，餐牌設計清晰，有圖片解釋食物。枱上面已經擺好左紙巾同餐具，環境衛生好好。同店員落單只需要講no. 好方便。留意翻10點就截單，要早小小過黎食。我同朋友叫左藍柑白桃梳打 $52，藍色感覺好少女。飲落有小小桃味，甜甜地易入口。拉絲芝士bb豬肋骨伴泡菜炒飯 $88一碟有3舊豬肋骨，唔算太多。勝在芝士多，完全可以撈曬d飯食，配上小小泡菜嘅辣味，好開胃。飯入面有青椒，紫菜，粟米冋泡菜，撈完d飯真係可以拉絲！豬肋骨煮得入味，肉唔會太老，配上芝士好好味。溶岩芝士炸雞麵包 $128一碟大概有13 14舊炸雞，大細適中，仲有芝士麵包同蕃茄仔。炸雞脆口皮簿，本身已經淋左小小芝士，浸埋落麵包芝士更加滋味。麵包嘅芝士加左忌廉同牛奶，又唔會太稀，配上炸雞味道香脆又奶滑~唔錯!

放左工同朋友係觀塘個邊行街、行到咁上下、要搵間餐廳食飯、朋友話不如試下小火焰、我當然舉腳贊成、因為已經行左好耐、去到間餐廳感覺幾舒服、餐廳內的裝修較有韓風（因為有成5/6部電視播緊韓國歌☺）、坐位闊度都可以、唔會話迫。咁就我負責點菜、叫左一個飯係泡菜豬五花伴韓式肉醬、一個瘋狂炸雞Combo、一個柔滑紫薯雪花冰同一杯草莓蕃石榴熱情果梳打。第一樣黎ge就係個泡菜豬肉飯、好快送到黎同個泡菜豬肉熱辣辣仲有肉汁（讚）、配飯食一流、呀個飯要介紹因爲係我最鍾意ge珍珠米軟硬度適中好好味。瘋狂炸雞Combo ge雞塊可以都有d雞汁同薯角都唔錯不過個紫菜粉絲就乾少少、而點個個紅色同黃色個醬都甜得黎幾開胃，所以我每一件炸物都有點醬嫁。紫薯其實係個朋友叫ge,我覺得個雪糕都可以、夠凍夠紫薯味。而杯草苺梳打飲品就可以ge，味道唔會好甜,等下次再試下其他飲品先。整體感覺都幾好、因為餐廳上菜時間都算快、而且味道唔錯、會再去食。☺

看過金剛與小儀介紹這韓國餐廳後，一直好想來探個究竟。今日與女朋友來試試，晚上七點幾已經非常多人等候，幸好因有訂座不用排隊輪候。餐廳不斷播放至新至潮的K Pop ，非常有氣氛！餐牌上的選擇非常多，令人花多眼亂，每一款都想試試，考慮過後決定選擇豬肋骨炒飯，芝士包與一杯飲品。最快送上的是豬肋骨炒飯，點單後大約十分鐘後就來了，豬肋骨炆得甚為入味，淡淡芝士與醬汁跟飯非常搭配，如果飯更熱會更好。吃完炒飯不久後，就輪到我們最期待的熔岩炸雞麵包上場了。一整個芝士海呈現眼前，熱辣辣脆卜卜的炸雞拌以芝士，美味得使人上癮。炸雞吃過後可把外圍鬆脆的麵包，沾拉絲芝士品嘗。藍柑白桃梳打味道甜甜酸酸很醒胃，不過兩個人飲用的話份量就不太夠。已經有八分飽，女朋友嚷著要吃過甜品才算完美。草莓迷醉雪花冰，皆因她堅持要吃草莓味，其實我有私心地比較想試試紫薯口味，唯有留待下一次。外圍有糖粉加在士多啤梨上，影相效果尤如雪花降落於上。普遍來說，草莓味的甜品皆有一種人工果甜甜味，但這甜品並沒有這種藥水味，且帶鮮果酸酸甜甜的味道，非常真實。雖然餐廳價錢屬中上，但食物質素證明了其價值，而且賣相吸引，下次會與更多朋友一同來品嘗更多其他的菜

每年一到年尾，公司都安排提早收工這天大概三點多就已經下班因為午飯時間趕住下班所以唯有下班後到公司樓下的韓國店吃「柚子蜜糖雞翼炒年糕」 $78味道有少少辣，年糕切得比較幼身，方便食雞翼煎得好香，食落有陣陣柚子味，辣中帶甜「脆炸魷魚鬚」 $88份量都幾多，用鐵籃盛住，底層再有木板可以防止脆炸的碎掉到檯面每一條都炸得好鬆脆，餸酒一流「蜂蜜生薑茶」 $20天氣凍冰冰，點一杯生薑茶喝就最好不過啦生薑味唔算好濃，所以不會覺得好辣再加上配埋蜂蜜，感覺更加清潤

The Korean food here is quite good so I am surprised why they don't have another branch.Anyway, they have a good range of non spicy dishes to choose from.Went here on a Saturday evening and it was packed with people but the food came surprisingly fast and the staff were really friendly.Here was what we had:++Purple sweet potato mochi:As well mochi, there was Caesar salad in the middle which makes it value for money.The sweet mochi tasted good but I would classify this as a dessert more than an a

臨近新年，都係清除屋企舊嘢嘅時候，有時有啲物品仲係好新，所以都覺得唔好徙，將佢轉送俾朋友，所以這天就拎咗去朋友公司樓下度比佢，順便食個晚飯， 估唔到依座商業大廈扶手電梯旁隔離竟然有間韓國餐廳， 唔望清楚都睇唔到坐低之後，我哋就點左溶岩芝士韓醬牛肋麵包 $138賣相好吸引，份量好多，不愧係一個主菜用麵包裝住肉醬，再裝牛肋用竹籤串好一串串咁放在麵包鍋入面每串一拎上黎，芝士拉絲都會拉到長長十分吸睛，牛肋肉質好嫩，食落好稔身旁邊亦伴住沙律菜依一份主菜都足夠比我地兩個人食眼見依款飲品咁有霸氣我地兩個都點左黎飲「檸檬藍柑梳打」 $52份量都幾大杯，拌勻先再飲，飲落陣陣青檸味配埋藍柑梳打，飲完少少，梳打就從樽內流落杯補充番，感覺杯飲品都幾抵飲，飲極都飲唔完😂

聖誕同朋友去咗呢間位於觀塘嘅韓式cafe試下新野。店面好大，有好多位，好寬敞。我地叫咗兩款食物同一杯飲品～首先係溶岩芝士炸雞麵包($128)聽人講嚟到小火焰一定要食呢個，結果是好認同要叫呢個😛麵包入面好多好香嘅芝士醬，仲有好多大大件又脆卜卜嘅炸雞😆將佢地浸晒落啲芝士到再拎番上嚟個陣，可以見到啲芝士絲痴埋一齊，超正👍🏻炸雞好熱，好香口，炸粉唔厚，雞肉好嫩滑，好食！最後可以連個麵包都食埋，好飽🙆🏻又睇得又拉得又食得！😍 另一個係卡邦尼芝士年糕($78)西式加韓式，正！好足料，又夠入味。卡邦尼汁配埋黏黏韌韌嘅年糕，超好味又彈牙。賣相又靚，食完一碟已經飽飽地，但又唔會覺得好漏。白桃味梳打水！飲落又唔會太甜，邊飲邊攞嚟送其他野食啱哂👍🏻賣相有漸變色，好靚😍食物份量幾多，而且款式好多，但眼闊肚窄，叫兩個都夠晒飽，下次再試！價錢同平時嘅cafe差唔多，但啲野食真係幾好食😋

逛完APM，便離開商場到小火焰晚餐。藍甘白桃梳打：（左）淡淡的桃香配搭解渴的梳打 簡直就是天衣無縫的配搭！檸檬藍甘梳打：（右）酸酸甜甜的檸檬再配搭著藍甘，加上梳打， 令人不禁愛上這飲品。柚子蜜糖紫薯雪糕吐司：吐司中間夾有年糕，再加上有子糖漿和紫薯雪糕， 甜而不漏， 絕對稱得上是「吐司皇」。拉絲芝士牛肋條伴泡菜炒飯(轉白飯)：邪惡的拉絲芝士伴著牛肋條， 但是吃起來完全沒有一點肥膩感， 絕對稱得上是這餐廳的「王牌」。黑雨肉醬糖心蛋切面：如果不想吃那麼邪惡的芝士， 那黑雨肉醬糖心蛋切面 就是你的好選擇， 切面不但能夠吸收到黑雨肉醬，而且分量十足，令人食過難忘。拉絲芝士香燒雞翼伴泡菜炒飯：泡菜炒飯淡淡的辣香，配搭著解辣的拉絲芝士， 再加上 「啖啖肉」且沾滿芝士的雞翼， 根本就是邪惡的代表作。

又同朋友去聚會，今次揀左公司附近小火焰韓式咖啡餐廳，環境唔錯，座位舒服，侍應服務都幾好！我地幾個人叫左薰香煙三文魚忌廉汁年糕拉麵，香滑既忌廉汁味道唔錯，配料又多有三文魚，蝦乾，瓜類，茹類都有，食落味道更加濃郁同甜，年糕拉麵口感好好煙煙韌韌幾得意！ 溶岩芝士炸雞麵包，呢個好好食，大大既包入面裝左好多醬汁，炸到金黃香脆既雞件點埋一齊食，一來冇咁乾同熱氣，二來點埋一齊食味道都好夾，淨左既醬汁，就慢慢切開個包黎食，睇住d汁漏出黎個下都壯觀！泡菜豬五花伴韓式肉醬飯，五花腩肉肥瘦比例岩岩好，炒得又好惹味少少辣好岩配飯一齊食，肉醬味道就不過不失，但一樣都好岩撈飯一齊食！拉絲芝士bb豬肋骨伴泡菜炒飯，爆多同濃郁既芝士係炒飯面，撈埋一齊雖然有少少漏，但又好好食，bb豬肋骨整得好好味，甜甜地辣辣地好惹味！牛夫子，脆脆既牛角包配埋煎得好香脆既牛扒，牛扒淋淋地一d都唔韌，焗蕃茄熱熱地好好食，配埋沙律，整份餐好味又健康健！

之前呢間餐廳新開嘅時候經常大排長龍，好多次經過見到太多人都無等到。今次同朋友係觀塘行街，醒起呢間餐廳，決定去碰下運氣✨一去到見到唔洗排隊真係好感動，因為想試咗好耐～坐低之後就睇下餐牌有咩好食，選擇好好好多！選擇困難症病人表示好難揀，因為樣樣都好似好好食～最後揀咗兩個主菜同埋叫咗兩杯野飲。我叫咗熱岩鹽焦糖咖啡（$32），附送一件曲奇仔。呢杯咖啡嘅岩鹽味啱啱好，唔會太咸👍🏻不過焦糖味唔係好突出，只係面個層泡沫有～食韓國野走唔甩泡菜，我地叫咗拉絲芝士香燒雞翼伴泡菜炒飯（$78）芝士份量好多，成盤都係！仲有好多粟米😋炒飯炒得夠乾身，放係鐵板到，熱辣辣！味道方面，泡菜味道唔係好濃，亦都唔係好辣。但係雞翼就幾夠味，燒得好入味，啲肉同骨好容易分開👍🏻啲芝士好香，捲住雞翼食好正！😚溶岩芝士炸雞麵包（$128）！大約有8大嚿炸雞，同埋有好大個裝滿芝士嘅麵包～雖然睇落好似好少，但其實食落覺得個份量幾多。炸雞好香好炸，唔點芝士都好好食，仲好嫩！芝士好熱好香，仲可以拉到絲～😋麵包都好味，外脆內鬆軟✨呢到一定要試呢個啊～朋友叫咗藍柑白桃梳打（$52）好大杯，其實兩個人share都得！飲落好fresh，但唔會太甜

難得今日放假去了觀塘APM行下之後見到觀點中心，見到有間韓國特色食物嘅餐廳，一於去試一試。店內裝修比較有韓式，有數部電視不停播放韓國MV。店內裝飾也比較簡約。餐廳環境比我感覺乾淨整潔，令人有一種舒服的感覺！店內職員也十分熱情好客，不停解釋餐廳內食物的品種！只是店內餐廳餐桌比較擠迫少許，枱也比較細小，放食物時比較擠迫！泡菜豬五花伴韓國肉醬飯 $78這個飯的分量非常足夠，韓式肉醬也十分美味非常配合飯的味道，豬肉的口感也非常不錯，還有泡菜的辣度也不是很辣適合不喜歡辣的人也能嘗試，這個飯也值得推介！瘋狂炸雞combo $88 這份美食有三款，其中一款是炸雞，一款是薯角，另一款是紫菜卷！雞的外皮炸到好鬆脆，而且炸粉夠薄，食落肉既比例顯得更多，肉質仍然保持嫩滑多汁，火力同時間都控制得好好，薯角也是熱辣辣的，另外紫菜卷內裡是粉絲感覺不太油膩！如果擬小食來說份量也十分多，以二人食比較適合！朱古力咖啡 $34豐富的忌廉泡沫溶入細滑的朱古力味道，品嚐香濃朱古力咖啡時刻令人沉醉。如與好友分享，更是無限滿足。

夜晚去咗搵喺觀塘返工嘅朋友食飯敘舊，行咗一陣APM到咗食飯時間就諗住開飯，朋友提議去觀點中心入邊一間韓國餐廳，佢話試過都唔錯。呢間韓國餐廳係一樓非常容易搵，餐廳充滿韓國氣息，外牆大大隻韓文字，又不停播放着流行韓國MV，侍應提示安地兩個鐘頭用膳時間，咁我哋都事不宜遲即刻打開餐牌睇下有咩食。我哋兩個女仔都唔係太大食，咁就叫左一個韓式拌飯和一款海鮮。石鍋蟹籽彩雲拌飯＄68個拌飯大到呢同埋上面有五顏綠色嘅蔬菜好靚啊，總共有九個配菜，有芽菜，冬菇，蛋絲，紅蘿蔔，黃瓜，青瓜，木耳，中間嘅係蟹籽，配菜底下嘅飯嘅份量不少，有成兩大碗飯，好彩我哋只係叫咗一個。餐廳提供左辣椒漿可以俾我哋自行撈埋落啲飯度。撈嘅時候下面有少少飯焦，食落嘅時候口感非常豐富，頗有咬口。味道不會太濃，幾清新，感覺都健康啲。無花果米醬煮藍青口＄68外型非常得意，係用一個金色小水壺裝住青口，餐廳非常貼心，提供左一個銀色小桶用來裝住青口殼。客人可以用一個小夾，夾起青口。湯底非常濃郁，有洋蔥，翠玉瓜同無花果煲嘅湯，青口非常鮮甜，而且份量頗多，大約有十五，六隻青口。餐廳環境舒適，我哋食到7:00左右都滿左八成，提議大家下次去食飯嘅時候可以先