小火焰韓式咖啡廳 (觀點中心) (已結業)

新年約下朋友，又想食韓國嘢，係觀塘揀左呢間地鐵行過去5分鐘，一去到，好開揚，我地約6點半，未坐滿，不過好彩有book位，我地坐左一陣就越黎越多。難得觀塘有韓食，我地5個人叫左個墨汁青口意粉，芝士牛肋包，甜辣年糕炸雞，豬手沙律，伴飯。上菜速度好快！豬手沙律個汁同菜幾夾，伴飯好好味，可能我地個個都肚餓，再好味多啲。芝士牛肋包真係要趁熱食，先食條牛肋，記得卷起啲芝士一齊，牛肋入口即溶，不過如果可以多小小芝士就好啦。麵包好脆，要快啲食，凍左就會硬左無咁好味。墨汁青口意粉我無食到，朋友話都ok。我最愛嘅年糕同炸雞，份糧算多，個汁係幾辣下，雞肉都算嫩，我朋友好喜歡辣，狂點個汁，如果雞件小小會好啲。最最最驚喜係佢嘅甜品，我地叫左chocolate brownie同紫薯吐司，個brownie同雪榚好match，唔會太甜，明明已經飽飽地都好快食哂。紫薯吐司配雪榚，都幾好，係又食包就真係太飽，提議揀事旦一樣食就ok，哂左就唔好啦

同朋友食完晚飯之後, 想食下甜品。唔想喺apm food court食, 所以就上網搵一搵, 發現呢間韓式cafe都有唔少甜品喎。喺正club one 下一層, 好易搵架渣。黎到都唔算多人, 可能過左晚飯時間。之前都食過小火焰嘅tea, 都唔錯嘅。今次就試一試佢嘅甜品先。佢地有麻薯吐司, 雪花冰同其他大路甜品如心太軟, brownies等等。最後叫左紫薯柚子麻薯吐司同brownies。紫薯柚子麻薯吐司: 賣相好靚, 扼like一流呀。上面有一球紫薯雪糕, 紫薯味道唔算濃, 有啲似用香精溝嘅, 如果加埋紫薯蓉會仲好食呀! 吐司好似冇咩紫薯味同有麻薯嘅存在, 可能只灑了紫薯粉。但加左柚子醬都幾好味! Brownies: 呢個布朗尼就好味啲。朱古力味雪糕都濃味, brownies熱辣辣, 一啖雪糕一啖brownies, 好好味!!! Brownies朱古力味濃郁, 食完覺得好邪惡。不足之處就係brownies外層有啲硬, 可能焗耐左。總結一句, 喺觀塘, 唔想又食apm food court嘅話, 呢間kpop cafe嘅甜品係ok ge, 可以一試。

下午茶同同事黎食野吹水，黎到呢間韓式cafe , 叫左芝士面包配炸雞，芝士混合忌廉汁放入焗面包，可以拉起長長芝士，味道濃郁香滑，可惜炸雞水準偏低，無雞肉味，細舊，不夠熱，又乾又鞋，有待改進。另叫年糕拉面，水準合乎預期，香辣醬夠滋味。烤豬蹄蜜糖芥末沙律，雜菜新鮮，豬蹄夠稔夠香滑，不錯。爆谷焦糖咖啡面頭有數粒爆谷，咖啡非常普通的說，淡而無味，不推介。不是第1次幫襯，可惜水準依舊普通，不要被傳媒誤導而特地幫襯。

下午行完啟德郵輪碼頭，坐巴士到觀塘晚飯訂了7.3枱，這兒只可以留枱5分鐘7.3來到滿場但沒有人等枱，看到門外寫着如果只有兩人坐卡位需要坐埋一邊，真的嗎？幸好我們有三個人餐牌中有很多東西選擇，看起來很吸引點了名氣的熔岩芝士炸雞麵包嘩個樣好吸引，大大個芝士包，邪惡的炸雞將炸雞點在芝士漿中，以芝士包圍炸雞，熱氣程度減半，芝士漿很重奶味，但鹹味不夠，整個芝士漿其實不是太香，但份量就十足，同類型食店來說比較便宜，炸雞食到差不多時把麵包切開，農夫包內占了芝士漿軟淋淋，我不是太喜歡伴飯數款配料自己伴辣醬可以控制辣味，唯獨欠缺肉類，又是份量十足，熱辣辣紫菜令飯更香更惹味甜品來了紫薯雪糕聞起來很香，賣相很好，表面有紫色糖粉，吐司面頭有柚子醬，杏仁片，裏面夾著年糕，吃起來柚子味道很濃，把紫薯味道完全覆蓋了如果只吃雪糕味道便濃郁得多值得一提是侍應好有反應，稍微周圍望或者討論食物，都會過來問有咩需要，是很好但又有點過敏，彷彿時時刻刻都在聆聽每台談話，如果給客人多少少空間會好點，主動refill water很讚

本身想同朋友係附近食放題，咁下午茶食得太飽，就決定晚餐食少d，但高質d！餐廳係半開放式，座位好多而且環境都開揚寬闊！傳統阿朱媽年糕年糕係比較幼身個種，有口感，軟之餘又有彈力！而且掛湯力十足！年糕醬汁偏甜，唔算好辣，岩哂怕辣既朋友一齊share !韓風滷水豬手食韓國野當然要食埋豬手補補身啦！各種既蔬菜同豬手一齊食，可以製造出唔同既口感同味道！蔬菜都好新鮮，我特別鐘意奄蘿蔔，味道酸酸地好正豬腳係凍食的，已經起哂骨同切片，食起黎好方便!豬腳有好香既滷水味而且又有好附膠質！正！

去完apm，去左附近食韓國野。間野都幾大間。環境好舒服，播住首首我鍾意既韓國歌，好好feel。叫左個芝士炸雞麵包。等左冇幾耐就上菜。好大個熔岩芝士呀。滿到差唔多滲出黎。好靚。夹一塊炸雞，浸入芝士入邊，慢慢攞上黎，芝士拉絲好幸福。芝士味好濃，加埋香脆炸雞，個味道香濃，芝士入邊有口感香脆既雞，熱辣辣，味道夹得好好。好味！芝士下邊既忌廉都好香，加埋麵包一齊食，味道唔錯。麵包都整得脆口，食多左炸雞，可以食下麵包，炸雞同麵包一齊食都好味。叫左呢個芝士炸雞已經好飽。份量多，所以建議唔好自己一個人食。整體黎講，間野味道同環境都唔錯，下次聚會又多個地方了。

之前見到有介紹過呢一間餐廳，食芝士炸雞好出名，今次就同朋友一齊嚟試吓啲芝士又幾好味。第一樣要叫嘅一定係一個芝士麵包炸雞，炸雞非常之香脆同埋好味，陪埋麵包芝士簡直就係一流，芝士加左忌廉，所以好容易可以拉C同埋好香唔會太流跟住就叫咗個芝士排骨，芝士排骨都非常入味而且芝士味好濃一啲都唔失望最後就每人叫咗一杯野飲朋友就叫左OREO朱古力沙冰，應我就叫咗一杯梳打，兩杯飲品都好好飲而且環境都唔錯雖然比較多人等位但係都唔係等得太耐,好適合朋友一齊嚟食。最正嘅就係價錢非常之親民一啲都唔貴我哋咁樣食都係＄200到炸

今日朋友提意食韓食，見到依間好評不錯就試下，門口有人排隊，但我們二人台不用等（冇得訂台，如一班人食建議早點排隊拎籌，幾旺場下），有限時2小時我地叫左個牛肉冷面好好味呀冷面好爽，湯好清新甜甜地最正係牛肉，好香好淋，不過細細塊 得3件之後再叫左個年糕炸雞第一啖甜甜辣辣，本來覺得好辣，食食下又冇左個辣味，唔錯，不過都幾漏下叫左杯野飲，幾得意，白桃檸檬梳打，好好飲，配炸雞一齊飲可以去辣味第一次吃印象唔錯，會再來光顧，唔算好便宜，好似加左價，下次多人來可以叫多幾個菜試下yammy

星期日想同老婆heahea食個晏晏午餐都幾困難，幸好找到了這個商廈小首爾。本身是cafe格局，卻有很多韓國必食的，先來一個炸雞combo，除了炸雞還有厚切薯條，最特別係那個炸了的紫菜卷，加醬食非常野味，炸漿很薄，不太油膩，內裏也很驚喜，係捲了味粉絲。整個combo都幾豐富，一個男人應付得來，女仔就開心share。然後還叫了柚子雞翼年糕，年糕QQ的，不過冇柚子味，味在雞翼。最後叫了杯梳打大大杯很滿足。

放工找大學同學食晚飯， 2個女孩子想吃韓國菜，在觀塘找來「小火焰」，試試韓國菜! 看看MENU, 發覺除了炸雞、韓式拉面、人參雞外，亦有不少韓式甜品及飲品選擇，應該可以吃一個圓滿的晚餐。最後我們二人選了阿巴隆慢煮鮑魚人參雞，一煲有齊飯、肉及湯!阿巴隆慢煮鮑魚人參雞$188 (Kim子推介指數8/10)寒流來了,對暖暖的湯品渴望也昆越是強烈，特別想進補就來碗暖胃的人參雞湯吧!!第一之食吃人參雞是在首爾，細細腕的一人份量。甚料這個阿巴隆慢煮鮑魚人參雞是大大煲的，一定夠2個人吃! 足料人參雞湯味道濃郁，用嫩雞放下去燉煮的，很細嫩又不油膩，配鮑魚、紅棗、栗子、糯米、人蔘等食材，令嫩雞散發淡雅微甘的人參香氣，滋味令人回味無窮。天氣開始冷，最適合來碗熱騰騰的雞湯了暖身。巨鋒乳酸特飲$32 (Kim子推介指數8/10)

今日又係一個同朋友食飯既日子，有朋友話觀塘開左問新式韓國菜 一於去試試佢裝修的確好有韓國既風格餐牌都唔吝嗇咁放哂全部菜式相因為有叫左多好野食，所以我凈係講下幾樣特別既首先我自己最鐘意食既係溶岩芝士炸雞麵包主要係食炸雞同芝士，裝住芝士既係好脆既麵包皮，金黃色外皮既炸雞點埋D芝士醬，完美配搭跟住依個係泡菜豬五花伴韓式肉醬 本來我自己比較鐘意食飯再加埋泡菜豬，泡菜味又唔會太過濃烈肉都煮得岩岩好，肉醬撈飯已經可以食到好多碗飯凈返既泡菜豬可以用生菜包起黎食，又係另一個食法

今天下班到了觀塘，為的就是要到離apm不遠的「小火焰」。上網看到溶岩芝士炸雞的照片，於是慕名而來，就是要一試這個極度邪惡的炸雞。溶岩芝士炸雞麵包 ($108)就是這個了！期待已久！大大個麵包，芝士量超級多！108很便宜！「溶岩芝士」果然名不虛傳！芝士滿滿的，雞有8大件！四人點都可以一人吃兩件，拉cheese最適合邊拍邊吃！「食物影響心情」這句說話說得沒錯，只要在食材上花點心思，食物可以令客人充滿歡樂。真露無花果藍青口 ($68) 是一款富有特式的小吃。用茶壺代替碗子，盛載著熱湯、藍青口、翠玉瓜、無花果，藍青口有4至5隻，隻隻新鮮，湯底鮮甜，放入原粒無花果在湯內，使口感豐富。黑松露雞柳刀削麵 ($68) 味道不錯，黑松露配忌廉雜菌總是好吃，百吃不厭。雞柳有4至5件，且件件大大份，忌廉汁略稀，刀削麵跟意粉味道和口感相似。雖不算超好吃，但性價比算高，價錢相宜。甜品方面有韓冰、吐司，味道和款式樣樣俱全。選擇了味道特別的柚子蜜糖紫薯雪糕吐司 ($52)。柚子蜜的味道是一般超市有售的柚子醬 ，一般用來沖水喝，用作弄甜味很新穎呢！兩塊麵包中間有層透明的年糕，吃落很有層次感。吐司頂部是紫薯雪糕，紫薯味

J2剛看了盧尋覓同壯男去吃牛排以及最熱朱古力心太軟實在軟弱不太抗拒誘惑小女子立即想效法摰友善意陪同訪美食知我十分醃尖首先要新款but tasty又要好吃咖啡便帶動到觀塘新熱點小火焰她說出了新菜單岩鹽焦糖咖啡令人神往，非常到位一熱啡岩鹽苦啡海無邊，但好好飲海鹽工藝不能低估32元一個然而工夫深厚極為推薦。叫慢煮和牛面珠肉有4塊芝士薄餅再度見工夫的夾餅看到芝 士融入2塊面餅之間真是心機之製作。我想吃牛肋條這個78元伴隨泡菜與黃瓜發現辣泡菜配牛肉是絕佳話不會太膩，也不太辣喉他們的泡菜認真辣心太軟一來模仿盧尋覓一刀切割十分有型流醬流動配一口夠熱岩鹽啡0自知很邪惡很慾望卻狂野獸性

I recommended going to this restaurant after 8pm because there is usually a long queue during the peak dinner hour. This is third time I went there. For the first time, I went there with my boyfriend at around 7pm and we have to wait for 45mins so we gave up. For the second time, I and my friends planned to go there for desserts after dinner at APM but we were too late. The last order is 9:30pm so you need to watch out for the openning time. Unlike other dessert places, it closes a bit early. So

apm的餐廳都吃得七七八八，沒有新意，今天到了小火焰，就在apm旁邊的一家餐廳，走過來只需1-2分鐘。半開放式的設計，裝潢跟真正的韓國餐廳差不多。餐廳裝了多部電視屏幕，在播放韓國歌手的mv及餐廳的招牌菜式，既能帶娛樂給食客，又能達到宣傳效果。來之前一早做好準備功夫，看了餐廳的簡介及相片，於是必點溶岩芝士炸雞麵包 ($108)。價值經濟得來，份量絕對足夠2至3人吃。麵包內的芝士份量多，而且吃得出有忌廉味道，香味十足。一刀切下麵包，芝士大量流出，用「溶岩」來命名很合適。本來熱氣的炸雞，捲了芝士吃，熱氣的感覺減半，味道亦隨著芝士的濃香而加分。另點了黑松露雞柳野菌汁刀削麵 ($68)，這個價錢實在物超所值，$68一大碟，味道也不錯。雖然黑松露算不上很香，但淡淡的味道跟雜菌和忌廉汁夾得來。雞柳大大件，翠玉瓜又多。很久沒吃過青口了，真露無花果米醬煮藍青口 ($68)滿足了我的食慾。餐牌上寫的名字很特別，照片又精美，吸引我的注意。上桌後才知道食物跟照片一樣，用茶壺上桌，藍青口跟無花果烹調出一碗海鮮湯。藍青口味道鮮甜，令湯底份外入味。再加多款甜品，柚子蜜糖紫薯雪糕吐司 ($52)。紫薯近期成為大熱甜味