小火焰韓式咖啡廳 (觀點中心) (已結業)

晚上去左觀塘行街，朋友帶我嚟食呢間，真係好值得推介，因為又平又好食，氣氛都好好，好開心，見到好多枱都係三五知己係度傾計。服務都好好，上碟快，食晒野會主動幫我地換碟上甜品。我嗌嘅係拉絲芝士香燒雞翼併泡菜炒飯，一上碟勁香，芝士放在一邊，飯就放一邊，自己喜歡咁mix埋佢，熱辣辣，好惹味，芝士拉絲好食，份量又足，炒飯炒得好香，但如果係多少少辣仲正，不過我都覺得夠晒正，雞翼仲有四隻咁多，好正丫，價錢又平，先七十幾蚊，食到好飽！另外嗌左杯飲品都好合我心意，我嘛左杯蜜瓜沙冰，呢個好少地方有，喜歡密瓜味嘅我緊係要試啦，果然好合我心意，先講外觀已經好靚，另外味道係好似維他個隻蜜瓜味，加沙冰吾會好甜，吾錯，呢杯飲品就42元。最後其實好飽，但一早貪心又嗌左甜品，柚子蜜糖紫薯雪糕吐司，聽個名已經覺得好特別，所以試下，這個58元，上碟估吾到咁大份，食到勁飽，吐司有兩層，中間好似有年糕咁都好咬口，另外紫薯雪糕都好好食，好香紫薯味，整體都好滿意！一定再嚟！

韓國食物一直都好岩我口味，今次去左呢間聽講吾錯嘅，叫小火焰。去到都見到有人排隊，一陣就已經入得去，都ok。入面食客都年輕人多，充滿笑聲，menu都好多款食物，order 左紫薯沙冰先，吾洗好耐就嚟，杯很特別，一層層的，又好高身，好大杯，好香紫薯味，吾錯吾錯！食就嗌左拉絲芝士牛肋骨併泡菜炒飯，用個鐵板咁上碟，熱得嚟又好香口，最喜歡芝士夠多，可配牛肋條食又得，跟炒飯食又得，芝士怪一定好開心，牛肋條肉質好林好嫩，好味道。最後食埋甜品先走，食左朱古力吐司，味道不過不失，吐司好脆身，朱古力好食，太大碟，最後食吾晒。值得推介味道好。

當朋友帶著兩個孩子住在上水，而我住在港島，要相約晚餐就最好選擇他們能夠一程巴士直達的餐廳。今晚就相約他們到位於觀塘中心一樓的小火焰。6.30pm到達已座無虛席，相當爆滿，幸好我早已訂位。《拉絲芝士牛助條伴泡菜炒飯（轉白飯）$78》- 因為有幼童，所以我們轉炒飯為白飯，以免小朋友吃辣。牛助條很稔及入味，朋友的大仔吃得津津有味。芝士可以拉絲，小朋友亦玩得不亦樂乎。《拉絲芝士香燒雞翼伴泡菜炒飯 $78》- 同樣是拉絲芝士飯，今次吃原本的泡菜炒飯，帶微辣刺激食慾。雞翼大隻肉嫩，比預期中好。《柚子蜜糖紫薯雪糕吐司 $58》- 紫色的賣相相當吸引。已焗脆的多士當中夾著麻薯，很有嚼感。已被切開4-6件，然後中間位放有柚子醬計柚子肉，酸酸甜甜提起整體味道。最後點了兩杯梳打，一杯份量足以夠二人分量，不含酒精絕對適合大人細路：《檸檬藍甘梳打 $52》《藍甘白桃梳打 $52》服務：有禮貌及細心。

生活不時來些新點子才夠過癮，這夜到菜式非常有創意的小火焰韓式咖啡餐廳用膳，「找到新的感覺」。餐廳在電梯大堂旁邊，門口劃有排隊區，看來peak hours滿座機會很高，有意到訪不妨先訂座。先上飲品檸檬藍柑梳打 (HKD52) ，侍應提醒飲用前定必拌勻。味道結合了 lemonade 的酸和柑橘獨特香味，務必要徹底拌勻，否則飲至最後，糖漿著實偏甜。這種倒插玻璃樽的裝置並非新事，但連著貼紙一同放進飲品中則不是太好，衛生問題以外，露出半隻鳳爪感覺也有夠可怕。主菜是個非一般的all day breakfast，餐廳將之命名為牛夫子 (HKD88)。與市面所見的全日早餐非常不同，食材包括泡菜、沙律、菇菌、薯角、牛角包、免治肉扒和溫泉蛋。溫泉蛋遠看還以為沙律醬，還在疑惑為何茄汁要放檯面，沙律醬放在餐盤上，用叉子在裡頭挑一挑，才知這是溫泉蛋，自己也受不了自己的白痴。免治肉扒很適合不喜歡花力氣鋸扒的食客，而其甜美媲美豬肉乾，非常有趣的味道，肥瘦也很適中，軟滑彈牙而帶肉汁。肉扒下方墊以菇菌，混合金菇、草菇及磨菇，香氣十足。泡菜辣中帶麻，醒胃之作，與香脆牛角包一同享用，是個新鮮的fusion。薯角炸得鬆脆，將

好耐無去韓國餐廳了 今次去食晚餐係想念佢地個飲品 上次同朋友去點左紫薯沙冰 勁大杯 3個都飲吾晒 今次去再戰朋友話必點溶岩芝士炸雞麵包 $128 所以我就聽他的 估吾到自己都愛上了 炸雞係嫩既 有肉汁既 外皮脆得泥吾似用炸左好耐歷史既油 仲可以切啲麵包泥食 而麵包表層好脆身 芝士係偏creamy啲 吾知係咪加左啲白汁落去 不過我食食下食到一下係乳酸既味道 yogurt味 所以佢既芝士都吾算heavy既口味 所以2個人清都輕鬆既 不過食完都勁飽 作為晚餐剛剛好 吾會浪費又飽肚抵食綠茶沙冰 $46 飲品嗌左綠茶口味 綠茶味都夠 而加左紅色增添甜味 整體感覺就好宇治金時感覺 依舊係好大杯 不過同朋友2人都飲左3分2了~人均都係90蚊吾洗 朋友都好鐘意

朋友喜歡食韓國野，但係又唔想食咁貴，上網搵到觀塘有一間好似價錢比較合宜既韓國餐廳。裡面就好似一間咖啡店，有好多唔同既特色飲品，不過只有部份係有韓國既感覺。白桃乳酸特飲＄32我最鍾意飲D特色既野，好有蜜桃味，好香甜，唔係太化學囉！熱拿鐵咖啡＄16估唔到竟然咁抵飲，我朋友覺得沖得唔錯⋯我就冇飲，因為我唔係太鍾意飲咖啡，齋比相機食算。韓國新高梨豬手肉沙律＄68估唔到有豬手既沙律都可以買呢個價錢，幾抵食。D豬手唔係太鹹，韓國豬手同埋平日西餐既鹹豬手有好大分別，佢地主要係食骨膠原同埋好嫩滑既質感！所以呢個配搭好清新，D沙律菜好鮮，冇咩雪藏味！豬手質感香滑，Like！熔岩芝士炸雞麵包＄108好大嚿，麵包好多如果一個人食一定食晒，入面有D芝士炸雞，加上炸雞揸得唔錯，有埋芝士味好好味，食買麵包原來都幾神奇！麵包因為中間D野好熱，所以變林左，不過口感都可以就連甜品都幾好味，又有好多款唔多既韓國菜，味道同韓國正宗差無幾，價錢黎講真係幾抵食

今日同事生日, 我哋去咗間隱世食店, 點解咁講? 因為佢位於觀點中心扶手電梯上一層既位置, 其實佢係一個Lobby大堂, 介咗一部份嚟做餐廳, 所以有幾部客Lift喺度有人出出入入但係嘢食真係無得頂, 首先嚟個辛辣伴冷麵 $68冷麵夠凍又爽, 溫泉蛋整得好已經不在話下, 嗰啖麵食落去加埋配菜青瓜絲, 感覺係乾淨, 舒服, 好似幫腸胃清洗一次咁! 洗滌心靈之後都要食番D重口味, 墨魚汁青口刀切麵 $68, 青口就一般(只係我不嬲唔太鍾意食), 同埋煮完上嚟縮到有點細, 但係味道一D都唔差, 個汁唔漏好香!跟住再嚟呢個溶岩芝士炸雞麵包 $128話唔漏就假, 但係出咗嚟行預咗要還, 食得芝士預咗漏, 但係都係值得, 叉起件炸雞成舊浸入去芝士度, 剩係呢一下快感已經值回票價, 而且仲好香好脆口, 炸雞肉一D都唔乾, 仲好滑!最後壓軸要講呢籃炸薯條, 外脆內軟就唔在講, 食落唔會有好熱氣感覺, 感覺唔似用油炸, 另外上面的糖粉, 白雪雪又靚, 食落去鹹中帶甜, 真係我食過最好食既薯條!

I have dinner with sweet bf Ah Fung tonight, he said he want to bring me to eat Korean Food, so we choose 小火熖in Kwun Tong, We both love Korea Food so much and also love to go to Korea every year.我們都叫了人參雞湯餐，不得不驚訝竟然有如此道地的人參雞湯，湯中有一條又長又幼的白人參，人參很香又有益，又有紅棗和又滑又嬾消的雞，雞肉份量很足，對女仕來說不加白飯也很飽，湯很香也很甜，我們都覺得很道地，做在水準，男友吃到停不了口!凍蜂蜜柚子茶很潤喉，也很解喝!凍岩鹽焦糖咖啡，很香濃，喝了一口，充滿着濃濃焦糖味，濃情化不開，不得不提，待應招呼得不錯，也十分友善!  My bf Fung told me that he think Coffee is very important for a Restaurant, he is very satisfied today Food and also the dr

假日同男友二人世界，特意黎左依區去觀塘海濱野餐吹吹風，坐左一整個下晝，到左晚飯時間，我到處行，經過依度餐廳係食韓國料理，男友至愛韓菜，令他心動不已入左黎食晚餐。餐廳位於APM附近，地點方便，好在我地早食飯所以唔洗等位，隔左陣已排哂長龍我地叫左兩個熟食、一杯飲品同一個甜品，等左一陣已送上，估唔到上菜速度都幾快<<拉絲芝士BB豬肋骨伴泡菜炒飯>>BB豬肋骨肉質軟腍，芝士加泡菜一向都係好夾，撈埋一齊食個炒飯好好味，拉絲效果亦都一流，整體黎講都幾好<<柚子蜜糖雞翼炒年糕>>份量比想像中大碟，年糕醬汁偏甜，唔太辣，朋友唔食得辣都接受到，雞翼充斥住柚子蜜糖味，甜甜地好開胃<<藍柑白桃梳打>>睇賣相已經覺得好吸引，要將佢地搞勻去一齊飲，有好香既桃味，酸酸地好開胃<<Oreo粒粒雪花冰>>揀左依款雪花冰，上面係一個雲尼拿雪糕，下面有好多朱古力粉加oreo粒粒，冰食落綿綿加埋配料一齊食超好味整體食物質素不錯，價錢亦唔貴，係觀塘區韓國菜既好選擇

寒風凜冽 係apm行完都唔知食咩好 行過幾步 去到觀點中心 第一層已經有呢間韓式咖啡餐廳睇d menus已經好吸引咁 即刻二話不說坐低叫野食 好得意 有十幾部電視機仔係到播menu同韓國音樂一路聽一路食 更加韓國味道叫左一個飯先 呢個係芝士拉絲bbq牛肋骨炒飯 超邪惡佢d芝士拉到勁長 再有d忌廉汁 送飯食一流而d牛肋骨再加上bbq醬 味道夾得黎又唔會太熟咬唔開 一個字 點解可以咁好食？泡菜豬肉飯 見到已經流曬口水 辣辣甜甜 再加上炸醬 生菜 嘩 平時睇人地菜包飯就睇得多 今次第一次食咁韓式既飯呢個叫紫薯雪花冰 好港女feel 又芝士又紫薯 係呢個咁凍既天氣 仲要食冰 真係別有一番風味又唔算好甜 仲要好大碗 不到好深都仲有 share住黎食都得 香蕉朱古力拿鐵 第一次見 真係好好飲香蕉朱古力 甜既 拿鐵少少苦 mix埋真係好岩我呢d中意飲甜野又唔想太甜既人由外形到味道都好吸引 超正!

尼間餐廳 我真係由食個下開始就決定一定要黎比番個好評！！因為我係芝士愛好者 但我唔中意食太濃烈太滯既cheese! 然後我叫既飯 真係令我食左一碗淨係撈忌廉芝士汁飯賣相好靚！泡菜味炒飯 再加牛肋骨 芝士絕對唔濃唔會！ 仲要又拉絲 份量岩岩好！兩個人share我仲食左以下幾款我平時街外唔會食雞翼 因為覺得好乾同埋好麻煩食得 。而尼個柚子泡菜年糕（$78）既雞翼有六隻 我覺得係最抵既年糕。柚子酸甜 加上泡菜醬少辣 雞翼濕濕地 食落係比賣相靚十倍 所以我一個人獨吞了四隻白桃乳酸特飲 完全唔伏 酸甜 唔會好似淨係得色素同甜味 十個like!

剛剛去完韓國的首爾回來，今天雖然第一日上班，但仍然holiday mood，還回味着首爾的吃、喝、玩、樂。So happy to back from Korean, I cannot forget all Korean food, that's why I and Siu Hung go to eat Korean food together tonight.  所以，今晚约了朋友去吃韓國菜，繼續缅懷韓國的泡菜及韓國的美食。我们去了位於觀塘的小火焰，好近觀塘地鐵站，由APM 行過去大约3-5分鐘，好易找，又就腳。我們首先叫了個泡菜猪五花肉伴韓式肉醬飯。主要食材是五花腩肉，薄切，雖然是腩肉，但不油膩，夠淋，醬汁是用傳统韓式辣椒醬，這樣腩肉便好入味，辣味剛剛好，夠地道，也不太辣。配料還有泡菜，酸酸辣辣很開胃，另外還有一小碟的肉醬，肉醬其實是免治碎猪肉，醬汁是用另一種韓式醬汁，用來撈飯真一流，居然我可吃下一碗飯，沒有剩。套餐包一杯韓式飲品，我朋友叫了一個韓式柚子蜜，清新的柚子味，又香又甜。我就叫了個 Hot 柚子蜜，好香好濃，色、香、味俱全。

補返同朋友去觀塘食韓食~ 呢間野中規中矩, 估唔到最出色既係甜品~~ 本來有限時, 食得無咁爽, 但平日晚去食, 尚可坐耐一點點~ 環境靚, 服務好好~ 有風趣待應, 亦有真誠推介的待應, 感覺很舒服。 辣炒豬腩芝士球 : 辣炒豬腩好味既, 份量較少, 但芝士唔太夾個辣豬腩....分開食, 各有各好~芝士牛肋面包 :賣相靚, 一人一串好易分, 肉冧, 加上芝士幾好食~ 包夾個茄醬, 外脆內冧都ok, 不過放太耐就唔好食lu~~炸雞(拼盤?) : 炸雞+薯皮無咩特別, 但個醬汁好味~ "炸粉絲卷"(唔知個正名)幾特別, 好食~傳統韓式年糕 : 個醬辣辣地, 開胃好味, 但略嫌無咩泡菜(我唔知傳統韓式係咪無咩泡菜放一起), 整體份量較少....   最最最好味要介紹既係..... 甜品!! (因為太好味, 掛住食多過影, 無機會影到相)Brownie+雪糕: Brownie重朱古力味, 唔太膩, 外脆內唔乾~ 夾埋雪糕, 真係好正, 幾個share食唔夠喉添~~~ 心太軟+雪糕: 同Brownie一樣咁好味, 重朱古力味, 順利流朱古力醬, 冷加熱一起吃, 享受~~ 

我鐘意食韓式炸雞，所以一直都想試下呢間！今日終於黎到食晚飯，環境寧靜，播著Kpop 的音樂, 服務亦不錯！炸雞芝士農夫包（$108）：大大份的，有7-8件炸雞，炸得香脆，芝士滿滿的，好香好濃的芝士味，建議趁熱食，芝士凍左就會結哂！柚子雞翼年糕 （$78）：份量不少，柚子味清新，雞翼和年糕都好入味！兩杯蜂蜜薑茶，味道正常！到觀塘MTR station的時候，剛巧放工時間，見到人潮向出面湧至，而我地則入黎搵食，真是太好，可以人少少，食餐安樂茶飯！

難得放假，所以同友人去呢間韓國餐廳食個tea要左杯pina colada沙沙，冇酒精，但係充滿菠蘿同椰香味，好fresh!!!叫左個芝士拉麵，睇樣以為好頹，但係每樣料都好正！有好多菇同泡菜，又有真芝士，唔錯，有驚喜！