小火焰韓式咖啡廳 (觀點中心) (已結業)

新春與好友相聚於觀塘，唔知食咩好，一於去OpenRice 爬文和睇評分，果然冇介紹錯。姊妹都話要同hubby和家人再光顧。因為我哋約咗兩點半在餐廳等，本來一心食吓tea,奈何嗰Tea set Menu唔吸引, 不過個正常餐牌好正，於是一於食正餐。我哋三個人，叫咗炸雞沙律、茄汁大蝦意粉、辣豬肉蓋飯和杏仁咖啡。樣樣都好好味，尤其是杯咖啡。我哋由兩點半坐到五點半先走，五點鐘開始已經有不少食客，間餐廳唔係太大，我諗如果正常用餐時段，一定要等位。如果唔想等得太耐，最好用FOODGULU 攞定飛先。