小火焰韓式咖啡廳 (觀點中心) (已結業)

上兩星期前的一天，恰巧公司當天有突發事件發生需要處理，午餐便一拖拖到下午3時許，正當對午餐沒有頭緖的時候，正正經過小火焰餐廳，便一鼓作氣走了進去，嘗嘗鮮，我想這也一個人"午餐"的好處吧！😂原來小火焰餐廳於平日午市時段後 (確實時間記不太清楚，好像是下午二時半後)，便會有下午茶餐供應，而且價錢相當實惠，此餐廳並不需再取服務費。餐牌在點餐後，侍應便匆匆收走了，所以沒有時間拍照，菜式供應大概有八至九款，套餐還有配送某幾款指定款式的熱飲，感覺不俗。等了大概10分鐘左右，我的餐點便送到了，味道還算不錯，值得推薦大家，價格也只是$38元已包一款指定款式的熱餐飲，性價比不錯!附上照片：

今次試試新派韓式餐廳！我們大約九時來到，不用排隊。餐牌的圖片很吸引，選擇困難症又來了！溫泉蛋肉醬黑雨拌飯其實我不知道為什麼叫黑雨， 但這個拌飯真的很好吃！香噴噴的肉醬味，加入了紫菜及溫泉蛋，錦上添花，而且可以自由配搭加韓式辣醬，口感跟味道不錯！而且份量很多，CP值高！柚子蜜糖雞翼炒年糕賣相很精緻而且雞翼也挺大隻！但這個是頗辣的！辣得我們要不停喝飲料。年糕煙煙韌韌，很好吃。可能是辣味太多，蓋過了柚子雞翼的味道，下次可以叫減辣！熔岩芝士炸雞麵包重頭戲來了！作為一個芝士控，這個是我十分期待的！果然不負所望，非常好吃！是源源不絕的流心芝士，不會太杰身，再配上炸雞，炸雞外脆內嫩， 口感和味道一流！沒想到盛載芝士的麵包也是很脆的！不會很硬。但是這個份量真的是很多很多，建議四人來才吃！我們三人也覺得很膩蜜瓜沙冰賣相很吸引而且份量頗多，有淡淡的蜜瓜味，不會太甜， 味道像在聰嫂吃蜜瓜豆腐花的味道，解渴解辣一流！其實還有很多款式都很想試，可以再encore！

好中意食芝士 我同朋友叫了拉絲芝士香燒雞翼配泡菜炒飯 雞翼超級嫩滑 炒飯好香配上紫菜同拉絲再加埋粟米 甜度岩岩好 成個飯真係好好食100分❤😝😍😍飲品叫了Oreo曲奇沙冰 好豐富又入味 重點唔係甜到滯😋 我仲好奇怪咁篤爛左塊oreo餅乾 碎曬 每啖都有啲野咬下 出奇地好飲 大家可以試下😂😂😍拉絲芝士炸雞配尼個包 炸雞又係一樣肉多好食又嫩口！！！食到最後可以meet啲麵包點芝士忌廉 😋😋😝甜品點了士多啤梨，原本想試芝士味 但好怕太滯 所以約家下次再試！ 尼個士多啤梨唔好睇佢啲冰白雪雪 入面每層都有醬配搭架 食食下又食曬 今日真係低估左自己個胃 食極咁飽都仲可以食落去！好正呀！！

這十年韓流襲港，韓式食肆瘋狂開業，我們都不難發現身邊都總有一間韓國餐廳在附近。這晚與友人逛完ＡＰＭ，發現ＡＰＭ旁的觀點中心有一間裝修看來不錯的韓國餐廳，餐牌上的芝士烤包、芝士飯、韓冰、炸雞、韓國小吃都看來很吸引！餐廳是半開放式的，在商業大廈的電梯大堂旁，我們二人被安排坐近門口都位置，入座後發現餐廳座位都有點兒擠迫，看到餐廳內還剩蠻多位置，即管問問店員可否安排我們坐進餐廳內，但他們婉拒說都是留給了訂枱的客人，那就算了。我們只有二人用餐，沒辦法多嚐幾道菜，最後只點了蜂蜜提子薄脆炸雞和慢煮和牛面珠燉夾餅。蜂蜜提子薄脆炸雞大約有十件有骨雞件，甜絲絲的蜜糖漿與提子乾、玉米脆片及炸雞融為一體，味道吸引。炸雞外皮香脆，肉質厚嫩，算是不錯。吃畢炸雞後齒夾留香，想喝一點水沖啖口腔再品嚐下一道美食，詢問店員可否給予一杯暖水。怎料，店員竟告知他們不供應暖水，也沒有冷水可以提供，只有熱滾水！！我和友人都很無奈，到過韓國的人都會知道，韓國的食肆都會提供冰水，好讓客人吃辣的菜時可以喝冰水降一降溫。不供應暖或冷水大概是此餐廳的商業策略想鼓勵客人多購他們的凍飲吧，卻只令人感到他們的服務不夠體貼。慢煮和牛面珠燉夾餅的味

觀塘呢間係朋友介紹我去嘅，叫小火焰，係食韓國菜嘅，一到步就見好多年輕食客，女士多，好似我同朋友咁，傾計食野眾舊。我食左石鍋蟹籽海雲炒飯，先$68，上碟勁大鍋，店員細心嗌我地小心熱，另配上辣醬，我覺得咁好好，可以自己調教辣度，上面有蟹籽外，仲有蘿蔔絲，芽菜，青瓜絲，冬菇，雲耳，酸菜等，好岩我地兩個健康人士，少肉多菜，食落味道口感都豐富，好食，又抵食。另外，飲品呢杯要讚，叫藍柑白桃梳打，好清涼，又夠氣，雖然我覺得個炒飲抵食d，不過諗返係bar飲都一定吾止幾十蚊，所以都ok，而且好飲，又好睇，影下相呃下like。最後另加食左大韓芝士沙冰，好平，大大碟，兩人一齊分都食吾晒，沙冰真係好沙，吾多地方有得食，上面加左木槺，所以都幾好食又吾會太甜，岩晒我地。

韓流近呢幾年咁hit，食炸雞食到悶悶地，可以試下呢間，好多韓國食品，價錢仲好大眾化，人參雞，水果冷面，芝士鐵板飯，當然炸雞都吾少得，應有盡有。我就食左個好似叫溫泉蛋肉醬伴飯，佢嘅肉醬圍住左隻溫泉蛋，旁邊再加左好多紫菜，下面就係白飯嘅，mix左嚟食好香好惹味，肉醬已經帶好輕微嘅辣，咸咸地，溫泉蛋，蛋味好濃，流心嘅蛋黃加埋一齊食好正，如果吾夠辣，仲可以自己加辣醬，呢樣幾好，怕辣嘅朋友吾洗驚食吾辣，因為辣度都係自己加，吾加都得。再加左炸尤魚鬚，真係好好味，好夠熱，超炸得嚟，尤魚仲係彈牙吾un，好食過街頭食嘅炸尤魚鬚。怕太熱氣，嗌返杯凍野飲好舒服，呢杯青蘋果乳酸特飲好吾錯，好夠冰，飲落涼爽，又吾會好甜，酸酸地幾舒服，一個人嘅晚餐都可以食得好正，完全冇問題啦。

觀塘「揾食」地方愈來愈多，但說到韓國菜，「小火焰」也算是我的不二選擇～上次嚐過晚餐，今日便相約朋友試試這裡的午餐。恰巧我們各人口味不同，每人都選擇了不同套餐，也藉此可幫大家試味呢「糖心蛋肉醬鍋飯」肉醬偏少且不太熱，但糖心蛋拌白飯一流！「韓燒帆立貝泡菜刀切麵」一般刀切麵只會想起湯麵、炸醬麵，餐廳特別揉合西式煮法，選用泡菜汁配原隻帆立貝，清新可口，吃著還有陣蕃茄醬味道。但由於刀切麵麵質偏稔，建議縮短烹調時間，以做出al dente的水準！「拉絲芝士香燒雞翼伴泡菜炒飯」賣相十分邪惡吧😈滿滿的芝士加忌廉汁，最適合伴飯！略嫌芝士未太做到拉絲效果；炒飯較淡、不辣，且沒有太濃泡菜味。但值得一提的是，雞翼烤煎後亦鎖住肉汁，不會太乾身。午市套餐款式尚算多，小至蔬菜簿餅、大至芝士雞翼鍋飯，任君選擇。再者，每樣食品的賣相十分精緻，放上網share就最適合不過了！當然，喜歡韓食的朋友也可到這裡敘敘呢～

今天一行5個女仔去食lunch, 想在這韓國餐廳食lunch好耐了，之前初初開時太多人，很難等位。今天心血來潮再來試，點知大枱等了10分鐘就有位了。座位也剛剛好，舒適。有set lunch我們點了5 個餐share 食。溏心蛋肉醬鍋飯珍珠飯很香，加埋紫菜肉醬，正！芝士湯豬扒拉麵略嫌麵的芝士味不夠，但豬扒很脆！拉絲芝士香燒雞翼半泡菜炒飯賣相很不錯！炒飯就咁吃也很香，半芝士汁很好吃。雞翼也很入味！雖然是芝士，但一點也不膩。韓燒帆立貝泡菜刀削麵番茄汁及洋蔥很香，麵質口感很好，真的不錯！牛肉水冷麵麵質彈牙，牛肉是燒的，很入味！飲品有不同的茶，例如紅棗蜂蜜茶，柚子，蜂蜜薑，檸茶檸水。。。整體來說真的很不錯！會再來！

平時都會搵吓啲特式嘢同屋企人食吓，今次就相中嚟間韓菜！我地一行六人7樣菜色2樣甜品嚟個價錢貴貴，味道一段，分量極少，感覺極似前菜，唔值！嗱！咁睇係咪好似好多咁，實際個底全部都係沙律菜，魷魚鬚就得個幾條，味道麻麻，好厚粉嘩嘩嘩！到嚟個人蔘雞，嚟鍋野接近$200，如果你去過韓國食嘅話就勸你唔好試，因為你會好失望！雖然分量充足用料一樣，但就係個味道爭緊少少，唔夠濃！韓國餃子湯，不過不失，普通！柚子雞翼炒年糕，啲雞翼有濃濃嘅柚子味，甜度適中，加埋個辣年糕鋪底，甜辣交替，正丫！到戲肉啦，嚟個真係無得輸，叉一件炸雞，放入個芝士包內再攞上嚟，見到啲芝士絲一條條，又咁香芝士味，再放入口😋😋😋😋😋嘩！成個過程都係視覺同味覺嘅享受😍😍😍😍到呢個邪惡之選，一睇就知增肥就靠佢！將啲芝士同飯撈勻晒一齊，再食一口，每食一啖都好違背良心，都好掙扎，但你就係忍唔住口，停唔到口🤣🤣🤣🤣要畫上完美嘅句號，係需要借助甜品嘅魅力👍🏻我地一行六人，食咗一千蚊左右，而且晚餐時間，所以價錢都可以接受，但食物就真係要選擇性叫，有啲真係麻麻地！由於我地六點就到，所以唔洗點等位就入座，7點開始就愈嚟愈多人等位，不過佢地都係入咗開始計90

呢間餐廳七點幾已經要排晒長龍所以要去嘅朋友最好book位或者一早去到。因為我哋見朋友好多都有食，就一於去食下。入到去都要等四個字先有位。枱面和地下都幾乾淨。由於唔係好肚餓不過我同女朋友都係食肉獸所以就第一個叫咗小火焰寒風燒烤醬燒BB豬肋骨，出奇地朱立骨嘅肉都幾多而且唔係會好乾笑得幾好汁唔會太咸但好入味。表面燒得好脆但唔會太油，加上其實骨同骨之間的肉都幾多。又夠咸，唔會辣所以可以慢慢損，將d肉食曬。而且唔洗膽心唔夠飽因該有幾條薯角，幾大件同入會幾流心d薯蓉。夠曬飽。隔離仲有一個飯碗份量的沙拉菜，最後食可以令個口清新d，不過如果多翻少少沙拉汁會更加好。第二樣叫左個韓式甜辣年糕炸雞。分量方面兩個人基本上係食唔晒。有十件雞同15條年糕，份量算多。雞都幾大件，炸粉可能會有一兩件厚左少少，其他都正常。d汁係韓式辣汁，一開始食落會甜甜地，之後就會愈食愈辣，有潭仔小辣咁辣，不過配上好厚的雞肉就好好，會入味。年糕都幾有咬口同沾上辣汁好惹味。呢個配置唔錯，可以一次食曬兩個我最中意的韓式食物。甜品叫左呢個朱古力布朗尼雪花冰。我就覺得d冰都幾棉不過食食下無咩味，應該係無咩煉奶。最好食都係個雪榚，夠滑同有香濃的

歐洲工幹完後回港的第一餐主餐，由於係歐洲食亞洲美食係「難食到嘔」，故回港後第一餐走去食亞洲美食餵勞自己。由於兩個人食的關係，其實叫了兩個主菜和一個小食都覺得多過龍。不是食物不好食，而是每碟餸菜都有一定的份量；食完小食後和其中一個主菜後已經覺得好飽和好滿足了。小火焰韓式咖啡餐廳平日晚餐時段也只有兩小時多多，不要以為他們上菜很慢和不能翻叫；這裡上菜速度算是試過本港眾多韓式料理店中，叫做快的一所。同朋友都不算吃辣關係，我地叫左「紫菜年糕餃子菜鍋」、「紫薯飛碟年糕」和「慢煮和牛面珠墩夾餅」。小食「紫薯飛碟年糕」個賣相很特別，成個糯米團的樣子，外層的韓式年糕皮不算太厚，且幾有口感。餡料紫薯很甜，而這個甜度應該很多人也能接受得到。雖然叫做小食，但也有五塊飛碟年糕，而每塊也有約 5CM 的直徑大少，相當不錯。主菜方面叫了「紫菜年糕餃子菜鍋」和「慢煮和牛面珠墩夾餅」，兩個亦有相當的份量。侍應生服務不錯，見枱上不夠位置放第三碟食物時，主動拿走換細碟上，這個藉得加許。同朋友先「紫菜年糕餃子菜鍋」，個紫菜湯一個字「正」；配合埋韓國粉絲，一流的享受，不用再配其他東西也可以吃多一鍋。餃子方面，皮薄餡靚，雖然應該

同咗親愛嘅家人三個去咗依間餐廳食。已經係第三四次食喇。先嚟係次次都必叫嘅芝士牛柳串包。包外皮脆卜卜。不過個底就稔晒。芝士同茄醬感覺比之前食少了很多。啲串串點咗之後。啲包就無乜汁點嚟食不過味道都keep到嘅。另外叫咗個卡邦尼年糕。個汁味道比較淡。年糕都太稔同無乜味。不過就有好多舊份量好足。可惜得微量配料之後凍咗啲年糕又煙靭返。好神奇再嚟係炸雞沙律。佢啲沙律係幾好味。好似係凱撒沙律。炸雞辣辣哋配沙律菜一齊食中和返。好味但份量比較少。叫咗紅棗菜。白桃汁同紫薯latte。杯latte好似又細杯咗。定錯覺呢。都好紫薯味。唔稀唔太甜都creamy嘅。每次食都覺得比上次無咁好食。份量同質量好似都改變咗。侍應仲要瘋狂清理我哋張枱。想坐多陣都唔得

某天外出工作後回到觀塘已經3點多，工作讓身心已夠累，唯有對個胃好點，所謂好點只是不再早午餐吃同一家，可知道觀塘揾食真的很難，胃和荷包2選1...最後選擇了這裡已經是久違的午餐滿足了。我們只有兩個人，點的也不能太多，經過一輪選擇，我們點了人蔘雞湯及溶岩芝士韓醬牛肋麵包。店員說蔘雞湯是4人份量，但真係好想吃所以堅持點了，也不負所望，有人蔘味，雞夠淋，湯底也不錯。另外，溶岩芝士更是邪惡，牛肋骨也夠淋，味道可以，只是個人不太喜歡太硬的麵包。最後2人淨下3分1，需打包帶走但總算和平日的茶記午餐開心多了，但因為我們過了午餐時間，下午茶餐也吸引不了我們，所以荷包變薄了

今次黎到觀塘區搵嘢食，呢篇食評集合左兩次嘅用餐記錄，因為短時間來左兩次，希望比到多啲資料同埋嘢食嘅分享比大家！地理位置方面，呢間餐廳係APM附近嘅觀點中心，上電梯上一層就搵到呢間韓式餐廳，佢哋自成一角，成層就只得佢一間餐廳。餐廳範圍以外，佢哋亦都將一啲梳化櫈放咗喺餐廳出面，可以坐到更加多嘅客人。係㩒完飛之後，我哋就喺外面排隊等候埋位，前面大概8至10個人左右等候緊，但係約15分鐘就可以入得去。先講一講第一次點過嘅野食：熔岩芝士炸雞麵包 $128先講一講個雞，個人覺得比起韓國嘅炸雞仲要好味，脆脆嘅外層，包住裏面嫩滑嘅雞肉，而且咬落去之後，外面嘅油份亦都淺出嚟，口感同埋味道都一流！炸雞可以選擇點麵包裏面嘅芝士嚟食，芝士唔會太傑，淡淡嘅芝士香，配合雞肉來食更加好味！但建議起碼有四個人先至好叫呢個黎食，因為佢係超濟既，飽肚程度五粒星滿分有八粒星，但都算幾好味，個包既外層仲香脆，裏面嘅麵包亦都唔會好硬，多人黎可以試一試佢，挑戰一下食唔食得晒。溫泉蛋肉醬黑雨拌飯＄58佢會俾埋一甖韓式辣醬你，連埋肉碎加埋上面嘅溫泉蛋撈埋一齊，令到下邊嘅飯都更加富有口感，亦更香更滑！＄58有咁大嘅份量，質素亦都非常唔

🌋熔岩芝士韓醬牛肋麵包🍞 $138見到餐廳有好多人都叫左呢個 決定叫黎試試😜麵包烤得脆脆既😁講到明係熔岩芝士 入面就真係有好多芝士😂🧀而牛肋就用韓醬醃左先既🐮一拎起個牛肋要打轉 將芝士翹起牛肋上面一齊食🤗感覺上韓醬同個芝士味道上唔係太夾 唔知係咪因爲凍左呢🙈🙈但係個牛肋都整得幾林身同入味😋大家記住要趁熱食呀😎