小火焰韓式咖啡廳 (觀點中心) (已結業)

今日放工同朋友試下依間小火焰，試下啲韓國野食，兩個人去，因為我地都唔太肚餓，所以淨係叫左果間鋪最出名既熔岩芝士麵包，份量多，兩個人一定食唔哂，炸雞份量適中，外脆內軟，值得一試。芝士麵包方面，的確俾足料，麵包中間空心，裝滿了芝士，面果層芝士最正，但太多既芝士導致顧客太濟，我地兩個人去食都係食唔哂，淨係叫左依個加一杯野飲，其他菜式睇menu都頗為吸引，另外，我地叫左一杯蜜瓜砂冰，依杯值得飲，飲落口完全係一種清新、清爽既感覺，非常解渴，價錢可以。總括而言，如果食炸雞，小火焰的確係一間唔錯既選擇。

已幾個月無來食了。。。今天心血來潮就再光顧下先~~員工仍舊親切有禮。入座時已講明用餐時間為2小時。我們3條友以食為主，5會吹水，所以2小時係夠用。我地點咗3樣食物 :1. 慢煮和牛燉夾餅 : 牛夠腍，夾餅裡夾滿芝士，加埋美味沙律菜，真係好味!!!2. 魚板串 : 配上又甜又辣既醬，有另一番滋味3. 蜂蜜提子炸雞 : 啖啖雞肉，蜜糖惹味，永遠係我既最愛睇睇手錶，一到18:30 就要等位。呢度17:30 前落單係免加一架!!!!! 啱晒我呢d 食 early dinner 既人

介紹番啲香港野先😂😂小火焰餐廳😎1️⃣松露芝士漢堡 hkd38 😀轉野飲加16蚊💥佢啲漢堡都算重分量，芝士成塊上加埋啲漢堡食👍🏿中間有啲蕃茄隔住食落都冇咁膩，但係黑松露就食唔太到啦。值得一提佢啲薯條厚切得黎好好食😍份量都多抵食既2️⃣煙鴨胸燴飯 hkd38 都係轉野飲加16蚊😀明明韓國野但偏偏去到下午餐餐牌都沒有韓食😭不過好在佢啲飯都好食，真係好重黑松露味，菇味，鴨胸都好食👍🏿3️⃣值得一提佢既紫薯拿鐵紫薯味都重，唔似係假化學野😂同埋佢會送一塊曲奇，佢啲曲奇係超級勁爆好食！💙食過最好味既曲奇，入面會爆醬！綠茶味濃，仲有啲朱古力粒😍推！

同朋人係觀塘搵野食，上網search到有間食韓式野既，咁就試下啦間餐廳環境唔錯，仲有幾部電視不斷播K-POP 邊食邊睇oppa onni個炸雞麵包好大份，2個人食唔晒，幾膩下。牛肋骨飯好好味，d肉好入味好林雪花冰就幾特別，唔係好多道食到，唔錯！

同小朋友去APM逛商場，逛完之後，覺得肚餓就周圍搵嘢食，因為星期六APM食嘢地方好多人，所以去咗佢隔離另一個小商場度食晚餐。去到等了10分鐘就有位，一坐低睇吓D特色飲，品價錢又唔貴啵！呢杯飲落酸酸地，另到人好開胃綠茶味好香，加埋少少紅豆一齊食，好襯蜜瓜味唔夠香，又唔夠甜呢杯麻麻地我們叫了幾樣食物，我地一至通過只有呢樣最好食的雜果沙律炸到好乾，裏面唔鬆軟，落左好多糖粉，好甜遮過晒啲薯仔味，連兩個小朋友都唔食牛肋條無處理好，仲有雪味，串好整熟就插左落個芝士包度咁，芝士包內好多茄醬，包係ok牛就麻麻咬落去冇汁，唔juice 調味唔香，蜜汁似糖水煮成，小朋友咬咗一口，唔肯食整體嚟講呢間韓國餐廳，比較港式唔得地道！但價錢比較親民如果想食韓國炸雞小食，又唔想去咁遠都可以考慮

綠茶紅豆＋麻糬吐司＋綠茶雪糕 呢個組合好吸引 一直想試下於是我真的為嚐這個甜品而特地走來吃!紅豆綠茶二重奏吐司 $62綠茶雪糕味道不錯喔吐司看似很厚但其實很鬆脆呢！綠茶粉灑得滿滿的而且中間還有層麻糬微甜煙韌好滋味外露既麻糬被烤脆了 口感很特別！不過紅豆份量較少 同埋吐司上搽左過多既綠茶朱古力醬和糖霜 獨食完覺得太甜膩share會更好雖然呢個甜品既味道吾差，但就未去到話好好好正><!相比之下，我覺得荳子個抹茶吐司更吸引和抵食！有流心抹茶漿、抹茶雪糕、竹炭吐司同曲奇脆脆！食左幾次都覺得好好味$58下午茶仲可以包一杯抹茶拿鐵！

在觀塘上班的我，偶然一次買咖啡的時候，發現了一間韓式咖啡店。天天都愛飲咖啡的我，找了一個下班後 下雨的晚上 ，到了這家韓式咖啡店，試一下韓式風味的咖啡。焦糖咖啡沙冰，驚喜的有香濃的咖啡味，焦糖的味道恰到好處，沙冰口感細滑，加上厚厚的忌廉，整杯飲品的層次豐富，很讚呢！泡菜豚肉紫菜拌飯～ 比我想像中的大碗，一個女生要食完真的有點難度。珍珠米軟硬適中，配上碎碎的紫菜，滿滿的蔥花，薄薄的豚肉片，爽脆的泡菜， 絲絲的洋蔥，加上特製甜辣醬，拌好後確實是一個惹味的拌飯。因為完全沒有想像過拌飯的份量這麼多，另外點了一個脆炸魷魚鬚，魷魚鬚很新鮮，炸粉薄薄的帶點香草，香脆可口，絕對是一個必點小吃。Yummy一個女生飲兩杯咖啡實在太過分，但是咖啡控的我很想再試一下朱古力咖啡，朱古力今次搶了點風味 但依舊有甘香的咖啡味，入口亦很滑。忌廉好大舊 岩曬我～看來今晚要到運動場跑10個圈才可以消化今天過量的卡路里了。

韓國餐廳周圍都係，多到揀唔哂，但始終都偏貴，主要原因係食物通常一份都好大份，變相價錢會較高，除非好多人一齊去一齊夾份食，如果少數人食除返開都幾貴又試唔到多食物。小火焰係少數我會去完又去既韓國餐廳，因為價錢偏平但食物水準幾穩定，所以幾次同朋友gathering都係提議黎呢到，今次就兩個人揀左下午茶時間黎，人少d 同埋都有好多平食之選。雞翼芝士溶岩炒飯 $78呢個時段黎岩岩好可以揀lunch或者下午茶menu，因為想飽肚啲，所以都係揀返lunch餐牌。本身想試新野食，可惜每次一見到芝士個心就即刻心思思要食芝士溶岩炒飯無計啦，真係好好食!!每次晚餐黎都係會叫呢個。因為lunch menu定左只可以跟雞翼，反正之前都食其他，就試下佢個雞翼啦！可能因為set lunch關係，一早整定左，所以勁快神速上枱快手當然正啦，可能知我肚餓XD同之前食一樣咁大份，泡菜炒飯面配以辣椒同一堆粟米粒，鑊既三分之二都係忌廉芝士一如既往般邪惡！！不過今次既神速上菜令呢個炒飯缺少左最關鍵既熱辣辣所以想拉絲照時都唔得lu~~~幸好本身芝士味夠濃令味道可能保持水準，而雞翼一共四隻，都夠肉食配角既椒睇落細細片，食落原來好辣！

小火焰 近來韓菜新寵兒 老公間中就話去 皆因鐘意佢既雪花冰～之前兩次都是食lunch 今日決定做無飯煮婦食dinner。天氣熱辣辣 先叫左杯草莓梳打。草莓味雖然係糖漿 但味道唔會假 又唔會太甜 梳打原裝上 視覺效果一流～溶岩芝士韓醬牛肋麵包 芝士醬豐富，一切開芝士醬慢慢流出來，芝士控必食。牛肋條肉質比較腍，好入味。麵包底部有番茄肉醬，微微辣，芝士份量超級多，包裹着牛肋條， 十分惹味。法包質地，外脆內軟，實在太大件 兩個人都食唔完 好抵食。傳統阿豬媽炒年糕，年糕口感與平常的有點不同QQ得來又軟熟，醬汁帶點辣，配菜有洋蔥翠玉瓜，泡菜爽脆，鍾意食年糕的必試。最後點了老公最愛吃的草莓雪花冰，草莓鋪滿整個雪花冰，和餐牌的圖一樣，毫不欺場。雪花冰的質地柔滑，同平時的刨冰唔同 ，同埋比較唔易溶，加上草莓醬和忌廉，甜度適中，係夏天甜品的好選擇。地點都算方便，在APM附近，價錢合理 份量又大 絕對是韓食好去處。

地方裝修簡潔，座位舒適，加上有窗口，光線充足，仲有好多個電視播放韓歌，感覺唔錯。下午茶價錢幾平，包飲品，叫咗: (1) 韓式炸雞拼薯條(2) 溫泉蛋海凱薩沙律韓式炸雞拼薯條呢個韓式炸雞並非真正韓式炸雞，只係普通嘅炸雞翼，應該叫炸雞翼薯條，所以要扣分。不過炸雞翼皮脆肉滑，夠熱，薯條質素唔得👎溫泉蛋海凱薩沙律質素麻麻，味道唔夠，材料雖然足，整體上唔好食，唔合格👎。咖啡餐飲咖啡出奇幼滑香濃，還窩心地送上曲奇，扺讚👍🏻👍🏻好多餐廳做下午茶，並無把握機會喺呢個時段以比較優惠嘅價錢，將餐廳特色食物介紹比食客，當做宣傳，其實係好可惜嘅，呢間餐廳都犯咗呢個錯誤，將九唔搭八嘅非韓式食物放喺下午茶時段，當係攝位賺啲下欄，而且餐牌名稱同埋實際出嚟嘅食物完全唔同，我覺得應該唔合格，俾劣評，不過餐飲咖啡幼滑，又送上美味曲奇，要加分，我俾OK。

今日和朋友到APM逛了一個下午，打算到工廈吃個DINNER，因為一直都MARK了許多觀塘的工廈CAFE和餐廳，不過朋友卻突然說想吃韓食，而我也不抗拒，於是就來了這家小火焰試試。一到步時，幾乎已經滿座，我們剛好不用等位拿到2人檯，在我們後面的那對小情侶就不幸地要等位了。看見這裡人氣滿滿的，我已經安心許多，起碼知道應該不會「伏」哈哈一打開餐牌，哇！也太多選擇了吧，容許我PO一小部分的餐牌給大家看看：首先有一系列的主食，做過RESEARCH ，知道這裡的熔岩芝士炸雞麵包很有名，怎可以放過它呢不想太HEAVY的話，可以試試沙律不過我們太餓了，這幾頁好像比較適合我們。有我最愛的麵食、各種飯類都有當然少不了韓國有名的炒年糕啦現在就來揭曉我們點了什麼菜～一、牛肉水冷麵味道跟我在韓國吃的一模一樣！而且裡面的牛肉感覺味道就像是在吃烤肉的味道不過如果能細心點，幫我們剪開、或者給我們剪刀讓我們自己剪會更好，因為冷麵實在太長太難咬了泡菜炒年糕，跟平常吃的不太一樣，這裡的年糕比較幼身，但也因此比較入味，個人覺得如果可以更辣一點會更好^_^重頭戲來了！熔岩芝士炸雞麵包，炸雞本身就已經很入味，配上麵包裡面的芝士一起

有朋友介紹我地去呢間食野，咁行開觀塘就去試下，我地6點去到，唔駛等位就可以入座，睇落似coffe shop，如果唔係大大隻韓文係當眼位應該聯想唔到係食韓食😂😂不過好乾淨，好安靜，好適合傾計飲野。食物選擇頗多，我地揀咗好耐😝😝呢樣又想食，嗰野又想試😁😁，不過只是睇戲前諗住食d野 所以無叫好多，小食同野飲就夠。首先黎嘅係飲品，我叫咗杯岩鹽焦糖咖啡沙冰，我朋友飲白桃梳打。我杯咖啡見到都好開心，佢有啲cream係面，cream上面有焦糖醬。唔太甜，好濃嘅焦糖咖啡味，好滑好濃質感好厚，認真唔錯。朋友杯飲品有支梳打倒插，好似唔錯咁，不過我無試😂韓食點可以唔食年糕～叫咗個亞朱媽炒年糕。佢唔係平時超級市場買嗰嘅年糕。佢可能係自家制的。年糕比平時普通嘅長同埋幼，口感煙韌得黎軟軟滑滑，無嗰陣麵粉味。朋友唔多食得辣都食到，呢個年糕有驚喜。仲叫多個小食，椒鹽魷魚鬚。個樣睇落普普通通，不過一黎到就聞到好香。炸粉薄薄一層，脆卜卜嘅，魷魚炸完一啲都唔硬唔韌，幾好。佢已經夠味，唔駛額外點醬食😎總括黎講朋友無介紹錯，我見餐牌有好多芝士食品，可惜朋友唔係芝士控 下次一定要再黎試下😁

今晚放咗工約咗好友喺觀塘食飯敘舊！👭👯‍♂️💃🏻💃🏻就試吓呢一間朋友極力推介嘅小火焰韓式餐廳，由於係公司食得太多零食，加上朋友好細食，所以只係叫咗兩樣主菜試，我哋叫咗：韓醬燴牛肋骨韓式肉醬，一上枱就見到好豐富咁！包括咗韓式泡菜，肉醬，韓式牛肋骨肉，連白飯上邊都有芝麻，好有韓國菜風味特色！🇰🇷🇰🇷而且牛肋肉呢個辣度剛剛好，唔會太辣，牛肋骨入味又夠淋，淋得嚟仲可以保持到咬口感！呢款菜式十分推介！👍🏻😋🤤🤗💯我哋啲兩個牛魔王，第二個菜都係叫咗牛肋骨！呢個叫韓式牛肋骨鍋🥘🥘，裡面包括咗大大舊牛肋骨肉，牛肋骨好多肉，同好有牛味，鍋裡面仲有紅蘿蔔🥕，金菇菜，洋蔥等配菜，韓味十足！🇰🇷🇰🇷💃🏻💃🏻🤗😌最後，我哋分別叫咗一杯比利時朱古力☕️，同埋朱古力咖啡🍫☕️，兩杯飲品上枱時會送贈曲奇一塊！🤤😍🍵🍪🍪意想不到佢嘅曲奇🍪係好好食！落足料！綠茶曲奇的綠茶味重之外，曲奇很香脆，裡面好似有好多粒類似開心果嘅物體！非常有口感豐富！將曲奇餅點落朱古力熱飲後品嚐！簡直係絕配！prefect match!!😋😌😍☺️我同朋友下次決定一定要再嚟試埋佢哋嘅甜品先得！

而家韓風熾熱， 周圍都係韓國食肆， 呢間位於觀塘嘅韓國食店靜靜地幾好， menu上好多樣都想食， 選擇困難症嘅人有難了!最後芝士控嘅我哋， 揀咗最出名嘅芝士炸雞包， 一上到枱個樣就已經好吸引， 啲芝士熱辣辣，再加埋炸雞，簡直係罪惡嘅溫床。 不過兩個人食就有啲飽得滯， 仲一定要趁熱食。另外叫咗個炒年糕， 比較辣少少，不過都好好味。飲品方面就叫咗個海鹽焦糖咖啡， 朋友就飲凍咖啡， 味道都唔錯好香咖啡味又唔會太甜。仲有好多嘢想食，所以呢間可以再encore!

因工作緣故，我的午餐時間，都是採取彈性安排的，為了能避開繁忙的午市時間，及排隊等位的需要，大家的下午荼時間基本上已與我的午膳時間畫上等號，不過這樣也是有好處的，除了能省下一筆午餐費外，還能從中發掘一些值得推介的餐廳。這次便來到了小火焰，午餐餐牌與下午茶餐牌列在同一菜牌上，其實只是時限不同，價錢卻有20元左右的差異，如時間許可，我極力推薦大家於下午茶時段前來，非常有驚喜。下午茶餐大概有7至8款可供選擇，當中包括一抔熱飲，份量我想對於女孩子來説也算足夠，可是對男性朋友們來說，可能還欠一些些。😜