小曼谷海鮮燒烤屋

營業中

休息中

有一排冇食泰國嘢，剛好經過了九龍城，被搶眼吹氣公仔吸引了。走近一看原來是泰國菜泰式生蝦刺身 有六隻，好肥美，入口好鮮甜，辣得來非常之惹味，必點之選！泰式炒金邊粉 好夠鑊氣，份量大份。海鮮孖寶A+B 先$228 好抵食牛油蒜蓉燒大蟶子牛油蒜蓉香氣洋溢，最讓人驚訝的是有一些，炸魚仔。鮮甜嘅聖子栽培口感脆脆的魚仔，別有一番風味芝士煙肉粒焗美國生蠔好大隻，手掌咁大既焗生蠔，真係第一次食，想不到佢哋嘅芝士焗到脆脆的 中間的芝士拉絲，讓人讚不絕口。鐵板豬頸肉啫椰菜苗（馬拉盞）椰菜苗（馬拉盞辣得來又帶一點甜，椰菜苗炒得爽脆入味，入口仲有少少蝦乾，豬頸肉爽脆可口。牛舌沙嗲醬配厚實肥美的牛舌，值得再叫多串。

冇來呢頭開飯都有一排，難得係附近最啱去食番餐特色美食，話晒有咁多食肆選擇又真係幾傷腦筋，都係聽好友話去食番餐泰國菜話晒呢度都係一個小泰國，而且確係一個唔錯選擇，既然有咁多泰國菜館，梗係要去間人氣推介嘅食肆，就來左小曼谷海鮮燒烤屋品嚐一餐地道美食，係餐牌上已有多款特色菜式，點了幾款人氣美食一同享用，打頭陣有人氣泰式拼盤份量十足，有蝦餅/魚餅/春卷/雞棗，春卷炸得金黃香脆，蝦餅肉質彈牙爽口，魚餅香軟鮮甜，雞棗啖啖肉食落份外滋味，到另一款係泰式燒豬肋骨，先食片卜卜脆蝦片再食件香嫩豬肋骨，入口肉質鮮嫩又食到油脂香甜夠晒惹味，輪到有菠蘿雞肉炒飯，飯粒食落好入味，同時食到雞肉香滑，記得撈埋肉鬆一齊食更加提升口感，唔少得飲個清甜又多汁椰青夠晒解渴，食咗咁耐仲係有D嘢未食，原來係泰式沙爹串燒，點番幾串品嚐下豬、牛當然必吃，燒得特別香濃，又食到啖啖香甜肉汁夠晒地道風味，最後食埋甜品椰汁西米糕拼泰色千層糕，同時食到兩款風味糕點咁先至係一餐泰國美食。

今晚又身痕，好想食泰國嘢，記得之前有個朋友介紹過呢間一定要食，所以一放工即刻拉埋個friend搭車去九龍城搵食😋。呢間嘅位置唔算難搵，搭巴士落車行1至2分鐘就到，喺正大馬路邊，門口有個大大隻嘅吹氣公仔，遠遠已經望到佢啦！我哋揀咗張outdoor 嘅枱，有feel啲😍帶位既侍應姐姐好好禮貌，佢知道坐出邊冇咁容易叫佢哋，特登同我地交代返如果需要叫佢哋，舉手就可以啦，佢哋喺入邊會留意，感覺幾舒服，唔使擔心坐喺出邊會冇人理🙈兩個人食嘢真係唔食得多，結果我哋一條魚，咖喱雞，薄餅同埋甜品（其實都唔少🙈）明爐香檸汁蒸桂花魚：成晚嘅主角，我同朋友都好鍾意食魚，食泰國嘢就一定會叫明爐蒸魚，不過平時食烏頭多，今次想試吓桂花魚。一上菜已經聞到少少香檸汁既酸味，條魚熟咗我哋已經急不及待搶着食。條魚好新鮮，魚肉好滑，點上檸檬汁，好夾。黃咖喱雞肉：由於我唔係好食得辣，所以就叫咗黃咖喱，雞肉好滑，個人覺得唔辣，另外叫咗個烤薄餅，個餅烤得好香脆，再點小小咖喱汁，冇得頂👍椰汁西米糕拼泰式千層糕：好傳統嘅泰式甜品，去泰國嘅時候我好鍾意食，今次叫一份懷緬一下。椰汁西米糕，好滑，椰汁味好濃郁。泰式千層糕，口感煙煙韌韌，味道唔

今晚想食泰菜就黎左呢到食😋兩條友嗌左好多野先黎兩個椰青，勁鮮甜 重點係入面啲椰肉好鬼嫩呀！加哂分啫啫豬頸肉通菜，好有鑊氣，通菜翠綠又爽甜 豬頸肉份量都好多下！細份炸蝦餅都有三大舊，大大隻脆卜卜 點埋泰式辣醬呢個不得了 超大份 生菜有好多塊，成大兜炒肉碎 包埋食口水都流超大碟呢個烤鱔唔平嫁$120兩條，不過燒得好好味 塊皮脆嫁 一咬落去啲汁流哂出黎 好鮮嫩 點埋佢個酸辣sauce好正主食嗌個飯啦。呢個蝦膏炒飯粒粒分明 上面仲成塊蛋蓋飯 好足料！！完全係食唔哂要打包番去食😋 想飲下冬蔭公又驚太大兜飲唔哂，朋友望到餐牌有呢個冬蔭公雲吞河 就試下啦～ 丫點知啲雲吞都唔錯喎！大大粒入面仲有蝦，真材實料 河粉都好闊身 掛到湯埋單六百幾，樣樣都大份又惹味，

小曼谷海鮮燒烤屋 網址: 地址: 九龍城太子道西398號御太子地下1-3號舖 電話: 27167868 住九龍區，要食泰國菜腦中必然第一閃出九龍城為地點。發了薪水，多預算能點多些菜式，那要一道海鮮$228combo 抵食，比分開點平2成左右。 燒盲鰽魚，好似不論單獨食或蘸醬食都好襯，大大條多肉的，面上沾滿了鹽，中間塞了香料去除腥味，多了芳香齒脥留香，骨邊位都全啜食不浪費搭扇具，汁好甜$148 豬手煲，首先皮都脂肪都煮到好腍身，入口即化，個汁似甜豉油，撈飯一流，豬手肉都吸盡醬汁，皮又qq 軟滑，必點菜$ 72 鹹魚炒芥蘭菜，靚芥蘭唔會苦澀，仲好爽身架，濃郁重口味搭上鹹魚炒，一股強烈魚香隨即飄出！口味略鹹重但好下飯抵食所以在一區有幾間分店就知無去錯啦

小曼谷海鮮燒烤屋最近一直都好想入九龍城食泰菜，諗起泰菜就諗起小曼谷🤣，今日帶爸爸出黎食好西啦😋，爸爸好high呀，一入去就有live band show睇，泰式燒盲曹$168🐟好新鮮，成條魚好厚肉，肉質嫩滑，好juicy呀，魚肚入邊塞咗好多香料，火候啱啱好，醃料調味得啱啱好👍🏻羊架$118🐑楊家燒得啱啱好，7成熟左右，外脆內軟，肉質好嫩滑，保留左少少羊騷味，爸爸好鐘意呀黃咖哩牛腩$88🐂咖喱味好香，有少少微辣，牛腩好淋好嫩，份量都吾小🥘，陣陣椰香味好食呀菠蘿海鮮炒飯🍍$83啲飯炒到一粒粒乾身既，好有火候，有菠蘿、肉鬆、洋蔥等等。成個飯酸酸甜甜好開胃，邊個話我地兩個人食唔晒，我哋每次出去食飯都會清晒，因為唔會浪費。椰青天氣咁熱 當然飲番杯椰青水😋好清甜呀，啲肉好嫩滑。 最高為（5/5）味道⭐⭐⭐⭐⭐️價錢⭐⭐⭐⭐環境⭐⭐⭐⭐服務⭐⭐⭐⭐推薦星數⭐⭐⭐⭐#hkfood#hkfoodie#hkfoodbloggger#hkfoodblog#hkrestaurant#foodpotography#openricehk#foodpic#foodporn#picoftheday#instafood#

無聽過朋友講都好，搭車經過都會比佢門口隻吹氣公仔吸引，相當有動感😂 一場黎到，見到呢隻野心情都靚番啲！入到去發現居然連live music performance都有😮 而且都幾好聽，都算係驚喜☺️ 呢一餐既食物真係相當高質素！👍🏻🍽 鐵板馬拉盞炒豬頸肉通菜必點之一🌟 超大份量，濃郁惹味，豬頸肉好軟腍，食完碟菜都飽左一半！🍽 海鮮孖寶海鮮孖寶又係一絕！強烈建議嗌鹽燒盲鰽，真係好大條好厚肉！一揭開焦燶既魚皮，入面係啖啖嫩滑魚肉，真係好滿足😋另外嗌左牛油蒜蓉燒帶子，差啲想加個白飯呀！☺️🍽大蝦炒金邊粉味道都相當唔錯，而且蝦唔似出面又梅又細隻，呢度足足有3大隻爽口既蝦，而且有蝦味！非常推薦🌟總括黎講，呢間既份量同味道都好過水準，黎九龍城食泰菜果然係明智之舉！😎

今晚同寶寶嚟九龍城呢邊買嘢，順便嚟呢邊懷緬下以前讀書嘅日子，畢竟之前喺呢度都讀左兩年書😝一場過到嚟，順便喺呢區食埋飯先返去😎嚟咗呢一間以前成日同同學來嘅餐廳❗️呢度仲有live聽添，有少少泰國海邊酒吧嘅feel😝 唱嘅歌都係英文歌為主～牛油蒜蓉燒聖子王（3隻）$163蟶子皇真係超大隻超多肉❗️食落爽口彈牙好新鮮❣️同時夠濕潤，冇燒到乾晒咁，燒得岩岩好👍🏻鋪喺表面脆卜卜嘅銀魚仔仲增加左脆脆口感☺️.泰皇咖喱炒海鮮 $238好大份，應該係二人分量來～入面嘅海鮮有青口、大蝦、蜆肉、魷魚及帶子❗️好豐富❣️青口及蜆肉同蟶子口感一樣咁彈牙爽口😍大蝦嘅殼幾易剝，咬落感覺實在，冇霉～仲有啲蝦嘅鮮味添☺️咖喱好香，唔會好辣，平時唔太食得辣嘅我一直食落去都唔使點飲水😆 最欣賞佢軟滑綿綿嘅質感☺️泰式原味烤薄餅（2塊）$30一睇就知係點來蘸咖哩食嫁啦🙈熱辣辣♨️香氣四溢❗️上枱即刻聞到好香牛油味🤤入口香軟酥脆，蘸埋咖喱一齊食更加係錦上添花😍.小曼谷原隻芒果糯米飯 $78大大個原隻芒果🥭 切成細細舊，好方便食🥰入口鮮甜軟熟，生熟程度啱啱好❗️配埋芒果糯米飯➕椰漿，口感豐富又甜甜地咁，做飯後甜品一流❣️

雖然開始入秋，但呢排天氣都仲係好熱，今晚想食d酸酸辣辣既野，所以就約frd去食泰國菜，成日都聽九龍城有好多好食既泰國菜，就search完決定呢間。佢一入門口就有好大個充氣公仔做生招牌，唔怕見唔到，我地大約7:30到，已經見到好多人食緊，除左招牌泰國野之外，呢間仲有串燒食，都幾多元化。我地叫左唔同既串燒，睇menu價錢都好平，多數20蚊內一串。我地叫左包括豬牛雞各一串、雞全翼。估唔到性價平都算高，大大份，特別雞全翼好貼心幫我地分開兩截易d食，用黎配啤酒無得輸。蔬菜方面，我地唔想啖啖肉，就叫左翠肉瓜貼冬菇中和下。翠肉瓜就不過不失啦，但冬菇相當唔錯，一咬菇好多汁，有香濃冬菇鮮味，唔會燒到太乾。除左串燒，我地都叫左青咖喱海鮮同芝士namm餅。青咖喱唔會太辣，入面有鮮魷同青口，加埋namm餅食幾好味。另外，我地叫左細既冬蔭公湯，雖然話係細，但每人都有3碗，飲唔曬咁濟。冬蔭公湯正常發揮，傳統酸辣加少量椰奶味，都可以一試。總括黎講，九龍城泰國菜相當唔錯，價錢中等，食到飽一飽，買單兩個人600蚊到，下次可以再黎食多次。

之前有來過同同事食一次午市 ,不過已經係成年前嘅事啦 !今次就嚟試下佢個晚市啦 !明爐香檸汁蒸烏頭 $208大愛佢個汁,好酸好正,烏頭老咗少少 ,但香檸汁闢咗魚腥味!最鍾意佢有個爐 ,熱住啲湯,食完魚都忍唔住加熱佢附送多嘅一碗湯 ,飲埋佢! 泰式馬拉盞炒通菜 $79夠曬鹹香 ,通菜唔老 ,少少辣 ,必食!小曼谷炒米粉炒得好彈牙,一啲都唔辣 ,配料都好多 !烤白鱔 必食,烤得皮脆肉嫩!第一次是點泰式酸辣醬 ,加少少都幾有風味 !就咁食亦都好好味 。送嘅甜品 ,少少甜椰汁味好重 ,唔錯!椰青椰皇 清甜美味

小曼谷可謂是九龍城泰國菜的代表之一，在我中學時已經曾慕名而來，最近再次到訪覺得裝修後環境比較舒適，但朋友卻認為小曼谷海鮮燒烤屋更加出色，極力推薦一試。環境方面顯然與小曼谷的泰式風味截然不同，裝潢比較新派而醬上更有壁畫塗鴉。冬蔭鮮蝦雲吞湯 ($128)冬蔭功湯原鍋端上並以明火保溫，份量比想像中多，可以分為約四碗，酸辣辛香亦不過分嗆辣。附有五粒巨型雲吞，皮滑餡多而且鮮蝦比例頗多，雖鮮味欠奉但口感爽彈。雞腎沙嗲串燒 ($16) 串爆墨魚咀 ($28)墨魚咀和雞腎均質感爽彈而不乾韌，惟沙嗲醬偏甜但香氣與層次感薄弱。蒜香胡椒炸墨魚咀 ($78)炸墨魚咀淹沒於大量炸蒜胡椒當中，比燒墨魚咀更加香口惹味但油膩感重。泰式燒原隻魷魚 ($148)原隻魷魚配上泰式甜辣醬，本身並沒有多加調味，口感軟彈不會過韌，但感覺平平無奇亦沒有技巧可言。極上燒安格斯西冷牛小排 ($228)牛小排外層燒至微微焦香，肉質較韌且肉味薄弱，油香四溢，不過脂肪比例太高充斥不少肥膏。泰皇咖哩炒海鮮 ($238)咖哩當中有炸大蝦、青口、蜆等海鮮，另加一碗白飯($15)拌飯同吃，咖哩辣度適中，混有陣陣椰香。泰式芝士烤酥餅 ($32)酥餅加

請問邊個可以幫下我呀？如果你老婆又要食海鮮，又要食泰國野。結果都係 Open Rice 搵到你。其實咖哩蟹都有好多泰式餐廳都有，但我老婆又唔係好鍾意食蟹。佢最鍾意食魷魚，呢到真係啱晒佢啦！係九龍城，真係大把泰式野食。但開得名有海鮮既，我估應該唔簡單。先黎一份蟶子(牛油蒜蓉燒蟶子)先： 我老婆就讚不絕口，因為隻隻蟶子都大大隻。燒出黎都好野味。但我就先入為主，覺得蒸好食啲。不過…燒既都有另外一番之味，因為佢係用牛油燒既，好重牛油味，成件事係，在不對的地點，遇上對的事物。自己體會啦。泰式燒原隻鮮魷：個經理誠意推介，真係冇介紹錯，超大隻，$150都唔洗，啖啖肉，超大滿足呀。馬拉盞通菜 (鐵板豬頸肉啫通菜)：食泰國菜，我諗唔到有其他選擇，好似泰國就只種通菜一樣，馬拉盞已經好野味架啦，佢仲加埋豬頸肉。真係一試難忘，而且超大碟，鐵板上，食到尾都仲暖既。青咖喱海鮮：用料豐富，有帶子，青口，魷魚，大蝦，豆角，用黎點烤酥餅係一流既。最後都要讚下呢到既服務，我真係好少見會主動添水既服務員架啦⋯⋯，另外，我地唔小心打瀉水，一啲都冇黑面。抵讚。

來到九龍城, 其中有樣要必做既就係食泰菜,食泰菜就一定諗起小曼谷, 因為小曼谷已經係九龍城屹立多年, 又開分店食左好多次都好對辦, 一於再黎食一次!小曼谷位於既就黎開既宋皇台站附近, 希望開左之後唔會點加價啦有海鮮SET幾抵, 一於叫一SET! $228!牛油蒜蓉燒蟶子蝗蟶子皇真係蟶子皇, 好大隻, 而且食落好彈牙, 食得出好新鮮, 而最特別係有牛油蒜蓉加上銀魚仔, 提升左香味同口感, 好特別又好味!鹽燒鮑魚鮑魚大大隻, 有口感之餘又唔會過韌, 品質同火喉都好好先有D個效果香葉辣椒雞肉炒河-$79炒得好有鑊氣, 少少辣, 再加上香葉獨特的香味, 而且滲落去河粉到, 雞肉D個配角都幾嫩口, 整體唔錯飛天通菜-$79通菜都係揀嫩口既, 炒得香口, 但真係好辣, 唔係好食得辣既朋友記住叫佢少辣雞全翼-$18, 珍寶腸-$18, 豬-$16, 牛-$16沙嗲醬好惹味, 配串燒係超夾, 而肉係嫩口, 燒得好香, 岩岩好, 仲保持好多肉汁榴槤沙冰-$45/杯榴槤好香, 超好飲, 甜度足, 所以我地每人都要叫一杯!總結, 小曼谷係傳統中見創意, 好味得黎又舒服, 咁下次黎九龍城, 梗係都要再黎食過啦

適合一班人黎食既泰國野屋企人食飯，唔想食中菜就改去九龍城食泰國野。好在岩岩好唔駛等位，而且餐廳環境幾好坐得舒服既。今次食左辣汁花螺，蝦餅，馬拉盞通菜，燒豬頸肉，串燒，芒果糯米飯。花螺份量好足，個汁係好正既，可惜略嫌唔多夠入味，要“了”出黎點汁先好食。上網見到D人講呢到燒烤係好食，試完燒豬頸肉同串燒果然冇失望，夠晒香。我地每款串燒都叫晒，呢個價錢覺得幾抵下。燒豬頸肉就一定要叫，必食之選。蝦餅彈力有蝦味，有起膠，唔會有假味或者撈粉味。最後食搵個芒果糯米飯結尾就完滿。

九龍城出名多泰國菜，今日試呢間小曼谷，餐牌選擇幾多，簡左好耐先諗好食咩！叫左個生蝦、香辣豬肉碎炒飯、馬拉盞炒通菜、泰式鳯爪。泰國菜又點少得生蝦，生蝦上面有蒜片同辣椒片，一碟有六隻，蝦幾厚肉，食落好彈牙，好新鮮！而且配上特色醬汁，係開胃菜既好選擇！馬拉盞炒通菜好大碟！而且好惹味！通菜好爽口！同係泰國食到既味道好似啊！平時食馬拉盞好易食到過咸，但呢碟菜剛好。香葉辣椒豬肉碎炒飯都好食，飯炒到乾身，入面有豬肉碎，有豆角粒，有辣椒片，好夠味！如果唔鐘意炒飯都可以叫番白飯底！泰式鳳爪既汁酸酸辣辣，鳯爪爽口，又係好開胃！ 野飲方面叫左泰式凍奶茶，好地道的味道！呢到都幾抵食，份量多而且味道正宗，想念泰國味道可以一試啊！