小曼谷泰國美食站

營業中

休息中

呢間餐廳改既名真係冇錯，因為佢既泰國菜好正宗，就好似去到曼谷咁。餐廳既位置好方便，同朋友食完之後仲可以繼續喺銅鑼灣行下街。佢既環境好舒服，店門口仲有架火車仔做裝飾！我地點左個泰式鮮蝦柚子沙律，呢個沙律有好多柚子，好清新，食完就更有胃口食主菜！主食方面，我地叫左海南雞飯，啲雞又嫩又清，而且皮又唔會好油！仲有呢個熱賣推介既泰皇咖喱法包軟殻蟹，軟殻蟹烤到脆一脆，點落惹味既咖哩到，食到停唔到口啊！仲有好多唔同既串燒，我地點左雞腎串燒！食泰國菜點少的得芒果糯米飯呢？

朋友介紹銅鑼灣有一個新既搵食好去處，tower535開左幾間新餐廳，重點係有平時去九龍城先食到既小曼谷泰國美食！-呢間分店感覺好chill，有live music添，好適合放工黎同朋友飲杯野輕鬆一下！-見到佢餐牌第一頁就有好多唔同種類的沙嗲串燒，每樣價錢都好合理，除左海鮮之外，每樣都係十幾蚊，好抵食呀！佐酒之選～配上濃郁的沙嗲醬非常惹味！雞肉沙嗲，雞軟骨沙嗲，粟米沙嗲，雞全翼沙嗲，牛柳粒沙嗲，鮮海蝦球沙嗲，珍寶帶子沙嗲特別推介牛柳粒沙嗲，肉質鮮嫩多汁。-芝士臘腸粒焗扇貝 $108扇貝好juicy，又夠香甜，芝士同臘腸的配搭好新鮮！ -泰皇咖哩炒大蜆 $148每粒蜆肉都好新鮮，爽甜，仲要冇沙！個咖哩汁加左蛋去炒，好適合送飯！不過我就簡左食蒜茸包，蒜茸包即叫即焗，黎到都仲係熱辣辣！-食左咁多海鮮，一人$300都唔洗，價錢合理！下次會再黎！

👫銅鑼灣新開咗間泰國菜🇹🇭，原來係九龍城區好出名，餐廳用火車作主題裝修，令人置身於車廂內享用美食🚇 夜晚8點開始仲有live music聽添，好有feel呀🎤一一一一一一一一一一一一一一🔻#小曼谷泰式沙嗲串燒#豬 <$16>#雞 <$16>#雞腎 <$16>#雞全翼 <$18>#地道燒臘腸 <$18>串燒種類繁多，好想試曬全部🙈用木盤盛上嘅串燒香噴噴，燒到啱啱好，唔會太乾身🤘🏻食落香脆內裡又多汁，而且啖啖肉好滿足😋最驚喜係燒臘腸，味道香口又濃郁，下次BBQ都試下燒臘腸先🤣.#冬蔭公湯 <$128/小>雖然比其他泰國餐廳嘅冬蔭公湯辣，但惹味十足，酸辣比例啱啱好，飲完好開胃☺️湯底香料同配料十足，仲有兩隻虎蝦，飲完湯食埋吸收冬蔭公香辣嘅虎蝦，彈牙又夠香辣💕.#泰式鮮蝦炒金邊粉 <$88>金邊粉比較幼身，炒得乾身，味道中中挺挺，份量好多，夠2-3個人食🤔加埋青檸汁令到碟金邊粉味道更豐富，帶少少酸味更好味🥳同埋兩隻蝦都剝曬蝦殼，好細心呀😝.#牛油蒜蓉燒大蜆 <$112/半打&#

呢間泰國餐廳好特別，用左火車裝修既風格，有打卡位呀！而且佢d燈飾擺設都算有心思，比個like佢。向來食開泰國既我，呢樣野就必點架啦！風味燒豬頸肉$108正！大大份，d醬汁少少辣，肉質就juicy，不能錯過的小食。泰皇咖哩法包軟殼蟹$198賣相一流，味道都唔錯，軟殼蟹份量都幾多下，而且炸得脆脆的，good！要加埋碗白飯食先得呀，唔好嘥左d咖哩，哈哈！豬肉沙嗲串燒、牛肉沙嗲串燒、雞肉沙嗲串燒、雞軟骨沙嗲串燒串燒$16串，加埋d沙嗲醬，完完全全係泰國風味，真．泰國菜泰式炸芝士蝦丸$94 3粒，本身冇諗過佢可以大粒到咁，而且d芝士係爆瀉出來，真係勁飽。建議大家叫左蝦丸就唔好叫蝦餅，味道差唔多。椰青$38椰汗甜，椰肉好易刮出來！珍多冰$36估唔到咁大杯，平時飲既好似冇咁大杯，哈哈，我幾鍾意佢個杯，幾靚。野飲正正常常，同平時去泰國餐廳飲既差唔多。整體來講，呢間係高質既餐廳，值得再光顧

今晩和寶寶來了新開在銅鑼灣的小曼谷泰國菜館。之前去過九龍城的小曼谷也覺得很好吃。這樣有點不一樣，就是有火車裝修設計，很有在泰國舊城的感覺。今晩在餐廳原來有 live 表演的，有位唱歌很動聽的男生在自彈自唱。寶寶點的是小椰青 （$38），我則點了解渴的泰式青檸梳打 （$36）。因為寶寶不吃辣，所以點了原味的明爐蒸桂花魚 （$248）。用了明爐就能保持湯汁熱，店員還很細心，準備了一碗湯汁在旁，讓原湯蒸發後可添加。桂花魚鮮甜彈牙，啖啖肉又無骨，配上酸汁更惹味。蟹肉雞絲魚肚羹 （$112）份量也很大，特別是魚肚的份量，適合四人分享。每啖也吃到蟹肉絲，而雞肉卻是成片舊，真的很足料。最後是每次去吃泰菜也必點的香葉辣椒豬肉碎 （$78）配上煎到脆邊的荷包蛋，蛋汁流到白飯上更美味。因用了辣椒來炒，所以是有點辣的，但我就覺得十分惹味了。

世貿中心隔離既謝斐道535 tower 近排多左唔少新餐廳！早兩日約左男朋友黎食呢間新泰式餐廳，裝修好靚，啲座位都好闊落，係適合談心傾計的好去處～門口仲有個好大又好精美嘅火車頭裝飾，可以打下卡！食物方面選擇好多，我地叫左4道菜一飽口福。泰式咸肉炒芥蘭首先碟菜炒好香，仲好大碟添。咸肉煙靭，配上芥蘭非常入味。牛油蒜蓉燒大蜆啲蜆每隻都好有肉，非常新鮮，裡頭有蒜蓉粒，再伴有牛油味，味道相當滋味。泰式鮮蝦炒金邊粉個金邊粉好幼滑，炒得好入味，最緊要濕炒得黎又可以咁乾身～而味道酸酸甜甜，認真開胃。啲蝦都好大隻好新鮮。明爐蒸桂花魚推介！條桂花魚勁大條，魚肉軟腍白滑，入口鮮甜。裡頭仲有菇同瘦肉，超足料。個湯都好好味。認真正！下次再encore~~

在銅鑼灣Tower 535地庫開咗好多食店意外發現開左小曼谷之前想食都要專登去九龍城 今次仲發現銅鑼灣分店嘅裝修加入了火車裝修風格🚊而且裝修走向復古風 有別於普通泰菜館金碧輝煌嘅感覺 未食期待值已蠻高🤤🔥。🔺牛筋丸牛肉船粉 $68第一次食船粉‼️深啡色湯底好濃郁🌞感覺用上好多香料製成 岩矖重口味嘅我配料亦落得十分慷慨🙈牛肉丶牛柏葉丶牛筋丸特別讚牛肉好嫩滑 整體不錯👌🏻。🔺小曼谷五星燒雞半隻 $148食肉獸favourite 啖啖肉😍份量好多 但略嫌肉醃得不算太入味要點附上的醬汁 係泰菜常有嘅酸辣汁 肉質勝在頗嫩滑🤗。🔺冬陰公湯 $128泰菜入面最鍾意之一就係冬陰公🌶所以每次食泰菜都必叫 這家的冬陰公湯偏酸 不算辣 個人喜歡吃酸所以都幾喜歡 欣賞上枱時附上火爐可以保持熱辣辣❤️。🔺泰式炸蝦餅 $72蝦餅好厚肉裏面是裝滿滿的蝦肉🦐感覺真材實料口感彈牙。🔺小曼谷原隻芒果糯米飯 $78最後來到甜品🍮小編好少機會食芒果糯米飯🍚芒果好甜好新鮮🥭微暖的糯米飯有甜甜的椰子香 兩個一齊食夾💛

九龍城既小曼谷就食過了，知道佢地開左新分店又近左，當然一定要去試下啦。呢到裝修係火車風格為主。去到門口就會見到大大個火車頭都幾特別。而我每次去親泰國餐廳，都會想叫酸酸辣辣既冬陰公湯。今次都唔例外，但就特別小小要左個冬陰雞湯。估唔到有咁多材料，有菇,蕃茄而且雞件特別多，酸酸辣辣都分到4碗多。我們喝完湯之後，牛油蒜蓉燒扇貝就熱辣辣上枱啦。帶子爽彈不老非常新鮮，香牛油同蒜蓉醬互相配合。青咖喱海鮮，椰汁味香濃。裏面仲有魷魚，青口，鮮蝦等其他配料蔬菜唔會over cook ，配飯食一流食到唔停得口。泰式鮮蝦炒金邊粉，估唔到份量都幾足，而且用料豐富用上鮮蝦非急凍貨。不得不提最後仲叫左個飛天抄通菜，蝦咪香口。雖然有小小辣，但抄通菜非常野味我們還點了芒味椰汁沙冰。 呢個勁推薦大家一試覺得真材實料。用左芒果打成沙冰，而且無加水沖淡飲品，真係物超所值，性價比極高之一。最後，呢到既店員好細心。如果隻碟太多骨等等，店員就會幫手換新嫁啦。

岩岩去完馬來西亞都食唔到海南雞嘅米米，番到黎香港決定必需補吃海南雞！呢間小曼谷嘅裝修都令人頗為眼前一光，店舖門口就有一大個蒸汽火車模型，相當吸晴，而內裡餐廳亦佈置成火車車箱，非常有趣🥰最令人意想不到嘅係原來呢間小曼谷每晚8點到11點都會有駐場歌手唱live band，意外地有情調❤️（都真係幾好聽🥰）🐥招牌海南雞(半份) $108估唔到$108半份係有咁多，好彩無叫全隻炸😂仲有成條雞脾係度，堅滑。就算係雞胸部分亦唔會乾、「鞋」，雞皮都好爽嫩🥰🐷蝦膏豬肉碎炒飯 $78呢個炒飯，米米個人認為係咁多樣入面最必點！蝦膏唔會過濃，豬肉碎細滑得黎有咬口，味道好balance，真係食極唔停口！🥘青咖哩豬頸肉$88(薄餅+$30)薄餅雖然寫住係2塊，但原來每一塊都好大塊，所以份量都唔少。不過就唔似印度薄餅果隻咁索汁，反而係烤得好酥脆，單獨食都唔錯。🥬泰式馬拉盞炒通菜$79馬拉盞辣辣地，作為前菜嘅話都幾開胃😛🥬生菜包 $82份量好多😂建議4人以上先好叫🙈肉碎好有口感，而且酸酸辣辣用菜包住，係好開胃，仲好解膩！人多嘅話極度推薦叫生菜包😛🍹珍多冰 $36 🍹芒果椰汁沙冰 $36P.S. 當初叫菜嘅時候係無諗過

我有個火車控朋友,今日帶佢黎,比左個驚喜佢。呢間以火車頭為主題既餐廳除左有個大火車頭可以比我地打卡之外,仲有好多小火車既擺設。見到D行李箱真係以為自己係火車到呀!呢度仲有LIVE BAND SHOW,間中會唱泰文及英文歌。正!我地叫左牛油GARLIC大蝦,開晒邊,好多牛油GARLIC在大蝦上,真係好入味呀!仲叫左鳳爪,佢仲有花做裝飾,紫色既係白色既鳳爪上好SHARP醒,靚呀!呢度好既位係串燒可以只叫1串,我同朋友都叫左SATAY BEEF,個SATAY SAUCE真心冇得輸呀,有花生及SATAY味。牛好快MELT IN MY MOUTH,GOOD!我地仲叫左2個椰青添。椰青肉好易就刮到,真係好多肉,好好食。呢度既侍應好好呀,我有選擇困難症唔知叫咩,佢都比到D意見我。

見到依家泰國餐廳新開，所以就去咗試，其實佢好似有間分店係九龍城，但係就冇去過食，始終九龍城對我來講比較遠，所以今次去銅鑼灣就食到啦，一入到間餐廳覺得裝修環境都不錯，好有泰國feel，另外原來佢哋每晚都有啤奶你適合去欣賞依家泰國餐廳新開，所以就去咗試，其實佢好似有間分店係九龍城，但係就冇去過食，始終九龍城對我來講比較遠，所以今次去銅鑼灣就食到啦，一入到間餐廳覺得裝修環境都不錯，好有泰國feel，另外原來佢哋每晚都有band live俾食客欣賞，輕輕鬆鬆聽下歌仔👍🏻👍🏻👍🏻講返嘢食啦，叫咗一個馬拉盞炒通菜，你都聞到好香好香，通菜都比較嫩口，好翠綠，唔會有渣，唔辣嘅，之後叫咗一串頂級牛柳粒串燒，牛肉燒到剛剛好，入口即溶，沙嗲汁搭配得好好味，然後就係辣椒膏炒海鮮，佢有得俾你配薄餅，或者白飯，我哋就揀咗薄餅，佢話就話係辣椒膏，但其實唔會太辣，海鮮都有好多種類，有青口，帶子，大蝦，魷魚同埋蜆，所有海鮮都好新鮮，亦都炒得好香好惹味，再配埋個薄餅簡直一流，最後叫咗個泰式燒盲鰽，條魚係全條俾你嘅，笑得好香，魚肉好滑，一啲都唔老，佢個整法應該係將條魚嘅裏邊放滿一堆泰式調味材料,之後成條魚就拎去烤， 所以條

*今日eatmug9 #55又一間泰國餐廳進駐銅鑼灣泰仔愛泰菜 好合情合理啫😂小弟即刻試一試將第一手食評獻上小曼谷泰國美食站依一間分店開業冇幾耐望一望門面嘅火車頭如果有去過曼谷嘅朋友絕對會聯想起當地嘅火車夜市店入面嘅裝修將嗰度嘅懷舊工業風完全呈現喺依度絕對增添唔少食慾😛再嚟睇睇啲嘢食：泰式鮮蝦炒金邊粉👍👍👍👍👍份量絕對唔少 可以2至3人share 佢嘅羅望子醬調校得清清甜甜再加埋幾滴青檸汁唔會太濃味 食完都唔會口乾泰式生蝦刺身👍👍👍👍食泰國菜一定唔少得依一味啲虎蝦隻隻都有返咁上下大肉質都尚算新鮮夠彈牙如果個醬再辣返啲就perfect 泰式馬拉盞炒通菜👍👍👍👍份量一般 但係足料成個底都係蝦醬強烈建議撈勻先至好食泰式鐵板蠔餅👍👍👍👍估唔到蠔餅都有得jarjar 聲依一味蠔餅同泰國嘅有啲分別唔係用粉開成漿煎 而係用蛋漿煎嘅蠔餅賣相好睇之餘又足滿蛋香🤤串燒👍👍👍👍👍雞同豬嘅串燒再搭多串燒帶子新鮮滾熱辣 只要你係趁熱食 就無可挑剔青檸菠蘿沙冰👍👍👍本來諗住叫個椰青 但小弟最鍾意試新嘢 跟住就嗌左依一杯沙冰味道幾得意酸酸甜甜質感比沙冰更幼滑如果想解渴嘅都係叫番個椰青好啲p.s 店員有啲都係泰國嘅姨

銅鑼灣真係想食咩都有，經過見到呢間餐廳嘅火車設計真係好難唔入去，仲要有埋live band，簡直視覺味覺都係最高享受。牛油蒜蓉燒蟶子初頭覺得少少貴，但難得朋友少有開口話想食，佢生日一定佢大哂。上菜時發現又真係幾大碟，唔好以為牛油蒜蓉會遮哂d鮮味，食落仍然好鮮甜。芒果糯米飯講到泰國甜品真係唔可以唔點呢個，而且佢嘅芒果都好大份，超級甜，真係無咩原因係唔抵食。飯量ok，作為甜品真係咩都夠。 蒜蓉包泰國嘢食蒜蓉包又係好好味。但佢呢到嘅蒜蓉好夠，好香，加上襯熱食！的確停唔到口，朋友都大讚個調味好好。

今日黎到一間裝修好有心思嘅餐廳，佢嘅門口有一架火車😍有d卡位係火車廂嘅設計嚟㗎，係入邊食嘢別有一番風味😋我地兩個超肚餓，點左勁多嘢食，啲嘢食好食到我哋食清光😍1️⃣串燒 雞肉沙嗲$16 夠厚肉又嫩滑，同沙嗲味好夾❤️牛肉沙嗲$16 一啲都唔鞋，好味道😝😝豬肉沙嗲$16 呢個都唔錯雞軟骨沙嗲$16 😍正，不過六粒加到十粒會更好🤣珍寶帶子沙嗲$43 大大粒，好juicy，我都係第一次配番茄食，幾清新😚2️⃣青咖哩豬頸肉$88 白飯一碗$15 香噴噴😚😚椰奶味好香濃，唔辣，d配料好多，除咗泰國茄子、荷蘭豆、青椒，豬頸肉都唔少🥰🥰最重要係勁好食，啲豬頸肉表面好金黃香脆，食落好鬆軟😍真係值得推薦❤️3️⃣泰式酸辣鳳爪$82 本身點左少辣🤣怕太辣不過就咁食都ok，酸酸甜甜鹹鹹，肉質都好爽彈😝😝不過侍應加咗碟醬俾我地，個醬真係精髓所在😍令味道昇華勁多，有辣度果然惹味d😚4️⃣泰式生蝦刺身$118 一共有六片，隻隻蝦都好厚肉，食落好creamy，蝦嘅膠質口感我中意😚😚5️⃣泰式鹹魚炒芥蘭$72 幾鹹香，芥蘭好爽口又清脆，正！6️⃣椰青$38 哇！不得了！超級清甜！d椰肉全部刮得出黎食，同樣清甜，正！一點要點啊❤️❤️❤️7️⃣泰式冰奶茶（

暫時仍未有空去泰國旅行，不過想在香港吃到特色的泰國菜例是有的，最近老闆推介了銅鑼灣的小曼谷泰國美食站，這裡頗有泰國風情，餐廳都佈置成泰國火車般，齒輪，車輪組成的照明小燈泡，椅背的架上盡是行李箱。今晚應該是星期日的關係，晚上8時至11時有music live show觀看，食客亦可以向駐場歌手點唱心儀歌曲，邊聽歌邊享受晚餐，猶如泰國小夜市。面對三十多度高溫，汗流浹背的我們馬上跟店員來個椰青降溫，椰青自然清甜的椰子水清涼極了，我們一口接一口喝過不停，瞬間暑氣消退不少。泰式馬拉盞炒通菜其鹹鮮的香氣光是聞，已令無鮮不歡的我們興奮不已。馬拉盞辣勁十足，使爽脆的通菜熱炒時倍添惹味，挑動我們的味蕾。黃咖哩雞肉不論主角還是配角同樣出色，洋蔥爽甜，彩椒鮮美，薯仔鬆綿，雞肉嫩滑得很，吸飽咖哩的香料，散發出迷人的風采。咖哩汁帶椰香卻不死辣，沾點酥酥脆脆的泰式原味烤酥餅超對味，令人食指大動。泰式干炒海鮮米粉火侯控制不俗，頗有鑊氣，米粉幼細乾爽，同時融入海鮮的精華，每口都嚐到海鮮的鮮味。米粉用料豐富，蝦仁，魷魚，蛋絲，芥蘭等給得豪邁，吃到我們飽飽的。牛油蒜蓉燒大蜆顆顆飽滿肥美，牛油蒜蓉跟大蜆堪稱絕配，蒜香讓大蜆